نعي للحبايب للاخت
مهداة لسيده زينب

هواي عنيتن علينه
والبيوتجن هاليوم اجينه
على افراكجن خيه اشبدينه



عنت عليه خالت ابني
طبيت شو ما تلكتني
اليوم اريد السامرتني



الخالت ابني اليوم حنيت
طبيت بيتج حيل ونيت
يا خالت ابني حيل ناديت



ناديت يا خيه تعالي
اليوم بيتج ما حلالي
جاوينها ذيج الليالي



لبيوتجن جينه وكعدنه
وانصيح وين السامرنه
الكعدن اويانه وناشدنه



سيرنه يا خيه اعلى بيتج
ادور عليج وما لكيتج
يا خالت ابني حشميتج


اليوم دارج تبجيني
اشوفها واتسيل عيني
اكعدي يخيه وتلكيني



نكعد سوه وانخدر الجاي
شحلاتج تكعدين وياي
اتساعديني ابضيم دنياي


💧💧💧💧💧💧💧💧💧💧💧💧💧💧

الناشر // عالي مقامي
غير مبري الذمه يحذف اسم الناشر

"مقدمة نعي "

اللهم صلي على محمد وآل محمد
صلى الله عليك ياسيدي يامولاي يارسول الله صل الله عليك ياباب النجاة الامه ياشفيع المؤمنين
ياليتنا كنا معكم فنفوز والله فوزا عظيما


نعم احبتي عندما دنت المنيه مولاتي زينب (عليها السلام)ياترى
ماذا حال مولاتنا ام كلثوم وهي تنظر الى مولتتي زينب وهي على فراش المنيه
ساعد الله قلبكِ يامولاتي رحم الله من ناده واه زينبااااااه

نعي للخوات للسيده زينب عليها السلام لسان حال اختها ام كلثوم ع

محله سمرهن من يكعدن
وحده على وحده ينشدن
يرف القلب يوم اليدخلن
...................

يحله السمر ويه النحبهن

شحلاتنه من انروح يمهن

يرحبن بينه من نجيهن

.................😭

شفجات يودنه ونودهن

وبنفوسنه لذت حجيهن

بعيد الوكت خلانه عنهن

.................😭

حنينات يامحله حجيهن

كل الهله يكولن من اجيهن

عيوني عمت يمه عليهن

....................😭

خيه تجين لو مابعد جيه

وحشتجن اجبيره عليه

جنها يخيه الوداعيه

..................😭

طشت اللمه وراحت الروح

وخلن وراهن تنزف اجروح

طيفج ابيتي وين ماروح

...................😭

كل الهله بلطبت علينه

تجينه وتنشد اشبينه

فكدناج وسفه ياحنينه

....................😭

ثكيل الهم على اختج بعد روحي

بغيابجن كثرن اجروحي

خيه للموت مابطلن نوحي

...................😭

راحت من ايدي وصارت ابعيد

والروح تبجي وما تهيد

خيه البجي ياشفجه شيفيد

...................😭

ردي يبعد اختج عليه

فركاج نار وتشب بيه

خلافجن شفت المنيه

...................😭

وياي ونن ساعدني

قاسي الزمن منها حرمني

يافوق ظيمي جملني

...................😭

تروح روحي من يجي الليل

اذكر الرفكه ودمعتي اتسيل

يفراكهن هدالي الحيل

....................😭

راحن وسكنن بلنجف

والحيل بعدهن ضعف

وكلبي عليهن ضل يرف

...................😭

طشت اللمه وي اهل المحنه

وخلافهم بلظيم صرنه

راحت الجانت تلمنه

عميه على الشفجات عيني

============
خادمة ال البيت وخادمتكم الحجيه ام علي البصره

🥀🥀🥀🥀🥀🥀🥀🥀🥀🥀🥀🥀🥀🥀
الناشر // عالي مقامي
غير مبري الذمه يحذف اسم الناشر

نعي للاخوات
خالت بزرنه شالت اليوم
وكلبي ياخيه حيل مهموم
عيني عليج محاربه النوم
☀️☀️☀️☀️☀️☀️☀️☀️
تعاي يالحبيبه ليه تعالي
بعدج ياخيتي شلون حالي
غيرج يابت امي ما حلالي
☀️☀️☀️☀️☀️☀️☀️☀️
يابت امي وابويه ليه ردي
خلافج اضل بالدنيا وحدي
غيرج ياخيه وشبقه عندي
☀️☀️☀️☀️☀️☀️☀️☀️
يالتسوين كوم من الحبايب
انتي الحنينه وكلها غرايب
حكي ياخيتي اليوم اعاتب
☀️☀️☀️☀️☀️☀️☀️☀️
عفتيني وسفرتج طويله
وداعتج تراني مانمت ليله
فراكج ياداده مالي حيله
☀️☀️☀️☀️☀️☀️☀️☀️
فراك الحبايب يرد حيل
بفراكهن بيه الدنيا تعيل
صبح ومسه دمعنه يسيل
☀️☀️☀️☀️☀️☀️☀️☀️

فزاعيه للاخت
احا ياخالت البزر
وين البين وداها
☀️☀️☀️☀️☀️
خالت بزرنا غربت
بينه ياويلي مادرت
روحي عليها تمرمرت
(اثاري الموت اخذاها)
☀️☀️☀️☀️☀️
ماخذها مني الموت
عليها عليت الصوت
والنعش من يمي ايفوت
(روحي تريد وياها)
☀️☀️☀️☀️☀️
ياحبيبه وياج اندفن
ولااضلن بهذا الحزن
خليتي روحي هالتون
(أخيتي الروح تهواها)
☀️☀️☀️☀️☀️
ماترجع ويمي تجي
بظيمي عليها ارتجي
محله اسمها بشفتي
(راحت أوين الكاها)
☀️☀️☀️☀️☀️
بت امي وين محلمه
عليها الدمع انهله
يافراكها حط عله
(ماصدك انه انساها)
☀️☀️☀️☀️☀️
خادمة الزهراء عليها السلام ام مصطفى الموسوي ثواب العمل مهداه إلى مقام صاحب الزمان عجل الله فرجه الشريف وروح والديه وروح ابني المرحوم مصطفى كريم الفضلي
بذمته يحذف اسم الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿⚘💔 .........😭.👩‍🚀..............

قصيدة للأخت

ذكرت اختي وبجيت المغربية
والله كعدتج عنت علية

ـــــــــــــــــــــــــــ
ذكرت اختي يعالم وكت الغروب
م‌ـــِْن تشتاك شنهو يصبر الكلوب
الماعنده حبايب كلبه مصيوب
اخيتي انه مشت وكطعت بيه

ياذيني.  فراك الشالن
ـــــــــــــــــــــــــــ
عنت كعدت الشفجات عني
الجانن م‌ـــِْن اريدنهن يجني
عكبهن بس هظايم رافكني
بساع بساع فلتهه الخويه

وياها. الخوه انفلت
ـــــــــــــــــــــــــــ
بساع انفلت الخوه وكطعناها
ووجوه النودهن ضيعيناها
يادفان خل اتعاتب وياها
واكلهه بداعتي عطلي شويه

م‌ـــِْن بالي.  شيشيل عيونج
ـــــــــــــــــــــــــــ
ضلت بس صورهه تهدم الحيل
كل ماصدت غرفتج دمعي يسيل
خيه وداعتج مانايمه اليل
يمته يم هَــْـِْـْْـِلاّ ترجعين ليه

رديلي. محتاجه لطولج
ـــــــــــــــــــــــــــ
ارجعي بعازتج ضلن خواتج
تاخذ روحهن شوفة عباتج
يجنتي الهن مرده ورايداتج
شوفت ضحكتج ماالهه جيه

بطكاته.   البين اذانه
ـــــــــــــــــــــــــــ
ضيعناج يم ملكه الهلاوين
الدارج يلحنينه ماترجعين
م‌ـــِْن ترجعيلي بيه شتشوفين
ضيمج جازي شيبي وعن عليه

مهظومه. تكليني. بدونج
ـــــــــــــــــــــــــــ
*تمت القصيده بقلــــ✍🏻ــم.
الشاعره حوراء بنت الكوت
صاحبة ديوان 📚نحور الشام 📚
الحان 🎤الملا ام اديان الجمالي 🎙️
غير مبري الذمه م‌ـــِْن ينسب القصيده ڵـهٍ 📲 او يتلاعب بلكلمات*❌✋
بذمته يحذف اسم الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿⚘💔 .........😭.👩‍🚀..............

فزاعية لفقد الاخت

دضلي وياي ما ردتچ تشيلين
يخيه شلون عن اختچ تبعدين

يامه بفرد لگمه تگاسمينه
ويامه بيتنه خيه ربينه
وعن ظيم الگلب يامه شگينه
أشكي همومي .. عگبچ چا وين
🧿
بس انتِ الي وسفة ترحلين
يخيه شلون عن بيتچ تشيلين
ظلمة المگبرة وبيها تنامين
تهجرينه .. بيتچ يا حيف
🧿
منهو يضل بعد بالبيت لو شلتي
لونچ ناويه تروحين چا گلتي
ما تبطل عليچن للأبد ونتي
تعوفينه .. مظلم ويون
🧿
لروح وياچ خيه اليوم دفانه
اشبگنچ وون بروح حزنانه
ما صدگ تعود وترجع ويانه
شمحلاها .. الخوه وياچ
🧿
محله لمه الخيات لو گعدن
بالطيبات والزينات بس يحچن
نضل خلافهن بالظيم لو شالن
تدفنوني .. يا ريت وياها


بقلم الشاعرة الحسينية نور الهدى المياح✍️بذمته يحذف اسم الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿⚘💔 .........😭.👩‍🚀..............

اوياذيني ياخيه غيابج)
ـــــــــــــــــــ😔💔
بعدراحت ذيج الايام ومشت
وين التجيني وتنشدالخت
افراكج جبيرياريت اوياج متت


(اوخذيني ياحبيبه اوياج)
ـــــــــــــــــــ😔💔
يلبعدج اصغيره وسعجليتي علئ الموت
واظن حتئ مولايح الج التابوت
اوهاي امعدله وتريدزاتوت

(جاوين اتريد هاي الهيبه)
ـــــــــــــــــــ😔💔

تمت✔️ 🌸💫بقلم الشاعرة ام زهراء الفاطمية💫🌸بذمته يحذف اسم الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿⚘💔 .........😭.👩‍🚀..............

نعي للحسين عليه السلام
طور العاشوري مع مجاريد 
==========

عاشوري👇🏻


يوم  الخذو  اختك  سبيه
اه  ....  اه

صاحولي  هاي  الخارجيه


حسبالي خويه  مو عليه
 اه  ...... اه

ثاري  انه  المقصوده  هيه


طاحت دمعتي علوطيه
    اه  .....  اه

غصبن  عليه  مو بديه

وناديت  والدمعه  جريه
اه  ......  اه

بت  حيدر  تراني  والزچيه

يضربوني  وشگف  بديه
 اه  ......  اه

احاه  ياظيم  العليه

::::::::::::::::::::::::::
نعي مجرد👇


جيتك يخويه ويدري ربي

من الهظم  ماشوف دربي

مشلوع من الزغر گلبي

...............😭

جيتك اشوفنك شلونك

خاف اللحد ذبل عيونك

اگعد ايتامك  يريدونك

............😭

يهلنه بعدنه بعوز والي

وخلافكم ظايع دلالي

لو اموت وياكم اشوالي

.............😭

ديارهم ظلمه ومحزنه

وماكو  حنين  اعاتبنه

 وينه  الينوح  اگابلنه

.............😭

ياگبر فك الباب فكه

وعني  يبابك  لاتصكه

مشتاگه روحي تريد ملگه

............😭

ياگبر جاوبني ارد احاچيك

شلون الاحنان النايمه بيك

ماترحم  الميتين  ندريك

.............😭

محتامه ونتضرك تجيني

تمسح دمعتي وتواسيني

عميه على الخوان عيني



===========
خادمة ال البيت الحجيه ام علي البصره

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

نعي السيدة الحانية فاطم 🥀
لسان حال مولاتي الزهراء وهيه تخاطب تكول .... 😭💔

دمــعي عالوجــنات أسله
يــاهو البضيم الروح اگله
انگسر ضلعي وبيه شخله
❥❥❥ـــ›ــــ❁ــ❁ــ❁ــــ›ــ❥❥❥
انگسر ضلعي الدمع مدرار
عگب والدي هجمو عالدار
فوگ الضلع بيه تشـب نـار
❥❥❥ـــ›ــــ❁ــ❁ــ❁ــــ›ــ❥❥❥
مامش خبر والدي وسألني
مـا ادري ابـوي شكال عني
عــن حال ضيمي ينشدني
❥❥❥ـــ›ــــ❁ــ❁ــ❁ــــ›ــ❥❥❥
حركو بابي وچـني غريبه
والگلـــــب مابطل نحيبه
تمنـــــيتهه البقـيع جريبه
❥❥❥ـــ›ــــ❁ــ❁ــ❁ــــ›ــ❥❥❥
تمنـــيت أنـه للغالي شـوفه
وحجــــيله والدمع مذروفه
سطرني نذل بويه ابچفوفه
❥❥❥ـــ›ــــ❁ــ❁ــ❁ــــ›ــ❥❥❥
اگله رحــــت وشفت الاذيه
ابــــد مـاگال يابويه خطيه
وضــــربني ومارحـــم بيه
❥❥❥ـــ›ــــ❁ــ❁ــ❁ــــ›ــ❥❥❥
تمــت الحمــدلله

بقلم اخادمة اهل البيت عليهم السلام
✍🏻📜 [الشاعرة بـتـول الـكـربـلائـيـة📓]
غير مبرى ذمة أمام الله والزهراء ع
تأخذ كلمات وينسب لـه❌

نعي مجرد الزهراء عليها السلام

احتاريت يمه زهره احتاريت
ياريتني للدار لاجيت
بالكبر وياج ظليت
❥❥❥ـــــــــــــ❁ـ💔ـ❁ـــــــــــ❥❥❥
يالدار ارجع لو اظل بيچ
لو گابلچ كلساع اعازيچ
بلكت ترد اليوم راعيچ
❥❥❥ـــــــــــــ❁ـ💔ـ❁ـــــــــــ❥❥❥
راحت وطالت المده
أو ماكو بعد للدهر رده
وافراكها گلبي يمرده
❥❥❥ـــــــــــــ❁ـ💔ـ❁ـــــــــــ❥❥❥
يل راح امچ وياي الونين
بعد مايجونچ لا تفرحين
لبس السواد أو حزني اسنين
❥❥❥ـــــــــــــ❁ـ💔ـ❁ـــــــــــ❥❥❥
تمــت الحمــدلله

بقلم اخادمة اهل البيت عليهم السلام
✍🏻📜 [الشاعرة بـتـول الـكـربـلائـيـة📓]
غير مبرى ذمة أمام الله والزهراء ع
تأخذ كلمات وينسب لـه❌

نعي الزهراء ع كاني بمولاتي الزهراء تسمع صوت زينب وهيه تبكي على فراقها وهنا الزهراء تخاطب امير المؤمنين ع وتقول ...😭💔

زينــــب فزت مـــن النوم يحيدر لحگلهه
مر الفـــــراكه على زينب صعبه وتحملهه
يتيـمه وتكسر الخاطر هضم الباب كاتلهه
صبره على غيابي ولاتخافين فدوه كللهه
❥❥❥ــــــ❁ـــــــ❁ـ💔ـ❁ــــــ❁ـــــ❥❥❥
خايفه ابظلام اللــــيل لحگ يـاعلي اليـهه
متعلمه بحضني تنام أسليهه من أحاجيهه
سكتها يــــاداحي الباب ماحمل بـواچـيهه
اريــــد بغيبتي زينــــب بعيــونك تخلـيهه
❥❥❥ــــــ❁ـــــــ❁ـ💔ـ❁ــــــ❁ـــــ❥❥❥
أمانه عليك يابو حسين لاتتركهه بمصابي
ومـسح الدمع العين واهونها لوعة غيابي
وابهـيده تسد الباب أخاف وتذكر صوابي
تــذكر اظـلام الليل وتنظر خليه محرابي
❥❥❥ــــــ❁ـــــــ❁ـ💔ـ❁ــــــ❁ـــــ❥❥❥
شوف شبيه تبجي وتنادي انهدم كل حيل
خاف نلچم يدها بلباب لحك يحيدر دخيل
اشوف شبيه مابيه ودموعها تمطر واتهيل
ظن ذكرت ظلعي والبسمار مكدرت تحمل
❥❥❥ــــــ❁ـــــــ❁ـ💔ـ❁ــــــ❁ـــــ❥❥❥
وحده ياحامي الجار ودوم عينك اعليها
تره كلساع ينهضم روحي زينب بواچيها
لاتخليها بالدار يحيدر وحده لالا تخليها
هيه ملچومه ابمصابي ماريد تزيد اليها
❥❥❥ــــــ❁ـــــــ❁ـ💔ـ❁ــــــ❁ـــــ❥❥❥
تمــت الحمــدلله

بقلم اخادمة اهل البيت عليهم السلام
✍🏻📜 [الشاعرة بـتـول الـكـربـلائـيـة📓]
غير مبرى ذمة أمام الله والزهراء ع
تأخذ كلمات وينسب لـه❌

........


(انه الوالده والگلب لهفان .. و ادور عزه ابني وين ما چان)

ابد والله يا زهراء ما ننسه حسيناه
........
دگة صدرنه اتصيح .. ليش الشباب اتطيح .. راح الشباب الزين
واليشبه المختار .. ذاك الجمال شصار .. فطّر دليل حسين
عطشان الاكبر طاح .. واعله الحسين شصاح .. يا بويه مايك وين

(يبويه شربة اميه الجبدي .. اتگوه وارد للگوم وحدي)

ابد والله يا زهراء ما ننسه حسيناه
..........

والحسره الآلام .. لابن الحسن جسام .. ما تم زفافه ومات
يشبه بدر محلاه .. رد للخيم بدماه .. وهنا بدت مأساة
خل نسمع المضمون .. بالمقتل شيقرون .. نستذكر الابيات

(جابه ومدده ما بين اخوته .. بچه عدهم يويلي وهمه موته)

ابد والله يا زهراء ما ننسه حسيناه
.........
لو نحچي عن الجود .. نلگه العطش موجود .. بس ما نشوف الماي
نلگه السهم والعين .. وامگطعه الچفين .. للكافل الوفاي
يم النهر عباس .. وبآخر الانفاس .. ناده الحسين بهاي

(خويه حسين خليني بمچاني .. يگله ليش يا زهرة زماني)

ابد والله يا زهراء ما ننسه حسيناه
........
من كربله لليوم .. لليرضع المظلوم .. بينه الحزن لهاب
وهاي التعذب الروح .. ست اشهر ومذبوح .. نحره بسهم منصاب
وللخيمه ابوه رد بيه .. ومكسوره وتحاچيه .. عمته بدمع سچاب

(يا خويه الطفل عني دغطيه .. انه مالي گلب يحسين اصد ليه)
ابد والله يا زهراء ما ننسه حسيناه
...........
يافاطمه وشصار .. لا أخوه لا انصار .. ظل الحسين اوحيد
حيله انهدم مقهور .. ضامي بظهر مكسور .. ظل يصفگ ايد بإيد
واگباله زينب شاف .. واعليهه ناح وخاف .. گالتله وين تريد


(يخويه حسين لا تخفي عليه .. هاذي روحتك بو بعد جيه )

ابد والله يا زهراء ما ننسه حسيناه
.........




علي عبدالله المفرجي

نعي  لزهراء  ع  عن لسان حال زينب ع

ادور  حنانج   مالكيته
موت الخذه امي عاتبيته
والبيت  عنها    ناشديته
جاوين  وجه  السامريته
استعجل الموت وفاركيته
رحتي  وزمانج  ضيعيته
دمعي عله الوجنه جريته
ضعنج مشه  ومارافكيته
واليفكد امه انهجم بيته
اعتب عله المانشدن عليه
...........
لاوين    وداها  زماني
سدر ضعنها وصحت تاني
ويه  الحبايب  ماخذاني
انه واكفه  وضعنج جزاني
طكني عله عيوني وعماني
يزهره بغيبتج غابت الواني
يالشايله  عله البيت ردي

...........
سدر ضعنها بليل  وعميت
وانه  بعبرتي  لدار   رديت
صبت دمعتي بعتبه البيت
جا ماحملت وياج وامشيت
بدارج  يزهره شلون ضليت
خالي مجانها وبالعين صديت
ييمه شلون  عالفركه  تكويت
امي  بنار  فركاها   تجويت
خايب  يدهري شلون سويت
نارج  سريه   وخمدتني
...........

✍️ ام زينب كربلاء غير مبرئ الذمه من يأخذ الكلام وينسبه له او حذف الاسم  من كتاب المآسي الفاطميه الجزء  الثامن عشر

ترويج( تيك توك)  حقيقي عراقي
1-مشاهدة
2-لايكات
3-متابعين
للتواصل واتساب 👇
07732320742
تلجرام 👇
@ahmed_alziwar0

❉❉❉❉❉❉❉﷽❉❉❉❉❉❉❉
لسـتة #دعم_كربلاء 🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ2  سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 100 عضو فما فوق
━━━━━━━━━━━━━━━
للإشـــتِـراك 👇🏻.
إرفع البوت ادمِن بقناتك : @Faidalzahraa_bot
وإرسل قناتك هُنا 👈 : @sayaddd
للمحظورين 👈 : @Alsayad123_bot
------------------------------------------------------

قناة الدعم 👈👈👈
https://www.tg-me.com/joinchat-AAAAAFLKOx5nRih2adM0UA

ترويج( تيك توك)  حقيقي عراقي
1-مشاهدة
2-لايكات
3-متابعين
للتواصل واتساب 👇
07732320742
تلجرام 👇
@ahmed_alziwar0