🐺«Қайсар» футбол клубы жекеменшікке өтті

Қызылордалық «Қайсар» футбол клубының басқаруы жекеменшікке берілді. Клубтың жаңа иесі — «Tau Group LTD» және бірқатар өзге компаниялардың басшысы Исламғали Қозбақов.

Жаңа қожайын алдағы уақытта жеке қаражаты есебінен құны 12 миллиард теңге болатын заманауи футбол академиясын салуды жоспарлап отыр.

Жергілікті спорт басқармасы жақын уақытта Мемлекет басшысының тапсырмасының орындалуы жөнінде ресми мәлімдеме жасайды деп күтілуде. Сондай-ақ клубтың жаңа иесіне қатысты қосымша мәліметтер де жарияланбақ.

Айта кетейік, биылғы маусымда «Қайсар» 22 ұпай жинап, турнир кестесінде 11-орынға ие болды. Шектеулі бюджетке қарамастан, команда Қазақстан Премьер-лигасындағы орнын сақтап қалды.

✍️https://www.tg-me.com/atamekenbusiness_sport

🎾Александр Бублик Париждегі «Мастерс» турнирінің ширек финалына шықты

Қазақстанның бірінші ракеткасы 1/8 финалда америкалық Тейлор Фритцті (ATP №4) 7:6, 6:2 есебімен жеңді.

Келесі қарсыласы Карен Хачанов пен Алекс Де Минаур жұбының жеңімпазы болмақ.

https://www.tg-me.com/atamekenbusiness_sport

♦️«Қайрат» «Спортингке» ірі есеппен ұтылды

Алматылық «Қайрат» футзалдан Чемпиондар лигасының негізгі кезеңіндегі екінші кездесуін өткізді.

Қазақстанның қазіргі чемпионы бұл турда турнирдің екі дүркін жеңімпазы — португалиялық «Спортингке» қарсы ойнады.

Алғашқы таймда алматылықтар қарсыластың бес голына Кевин Аррьета мен Даурен Тұрсағұловтың соққыларымен жауап берді. Екінші таймда «Қайрат» қақпасына тағы екі доп енді. Қорытынды есеп - 2:7.

Осылайша, хорватиялық «Ново Вриеме» клубын (3:2) жеңгеннен кейін, қазақстандық команда екінші матчында ұтылып, әзірге үш ұпай ғана жинады.

1 қараша күні «Қайрат» Косовоның «Приштина» клубымен кездеседі.

🌉Ал «Семей» 3:0 есебімен алда тұрып, француздың «Этуаль» клубына 3:4 есебімен жол берді. Ерте плей-оффқа шығуға мүмкіндік болған. Бірақ, енді соңғы турда қазіргі Чемпиондар лигасының жеңімпазымен ойнайды.

https://www.tg-me.com/atamekenbusiness_sport

🥋🥇Дзюдошы Айша Алтай Бахрейннің Манама қаласында өтіп жатқан жасөспірімдер Азиадасында алтын медаль жеңіп алды.

Ол 70 келіге дейінгі салмақта 🇺🇿өзбекстандық Шохиста Тураеваны финалда жеңіп, жеңіс тұғырының ең биік сатысына көтерілді.

✍️https://www.tg-me.com/atamekenbusiness_sport

Бүгін, 31 қазан Челябинскіде 🏒Құрлықтық хоккей лигасының тұрақты чемпионаты аясында өтетін матчта «Трактор» командасы астаналық «Барысты» қабылдайды.

Ойынның тікелей көрсетілімі Қазақстан уақытымен 19:00-де басталады.

🖥Кездесуді «Qazsport» телеарнасынан тамашалауға болады.

https://www.tg-me.com/atamekenbusiness_sport

WTA Finals турнирінің жеңімпазы рекордық сыйақы алады

2025 жылғы WTA Finals әйелдер теннисінен қорытынды турнирі екінші жыл қатарынан Эр-Риядта (Сауд Арабиясы) өтеді.

📆1–8 қараша аралығында әлемнің үздік сегіз теннисшісі мен сегіз жұбы сынға түседі.

🇧🇾Арина Соболенко маусым нәтижесіне қарамастан, биылғы жылды әлемнің бірінші ракеткасы ретінде аяқтайды.

Штеффи Граф тобы: Арина Соболенко, Кори Гауфф, Джессика Пегула, Жасмин Паолини

Серена Уильямс тобы: Ига Швёнтек, Аманда Анисимова, Елена Рыбакина, Мэдисон Киз

Жұптық сайыста Мирра Андреева – Диана Шнайдер дуэті дебют жасайды.
Басты фавориттер қатарында Кудерметова – Мертенс, Синякова – Таунсенд және Олимпиада чемпиондары Эррани – Паолини бар.

💰2025 жылғы WTA Finals қорытынды турнирінің жалпы жүлде қоры жаңа рекорд орнатты. Сыйақы мөлшері 15,5 миллион АҚШ долларын құрайды. Егер жеңімпаз турнирді жеңіліссіз аяқтаса, ол 5,07 миллион доллар табысқа ие болады. Қатысушыларға тек қатысқаны үшін 331 000 доллар төленеді.

Ал топтық кезеңде жеңіске жеткен теннисші 396 500 доллар, жартылай финалда жеңіс 1,183 миллион доллар, финалдағы жеңіс үшін қосымша 2,367 миллион доллар сыйақы алады.

Бұл өткен жылмен салыстырғанда көбірек. 2024 жылы Коко Гауфф турнирді жеңіп 2,5 миллион доллар, ал Чжэн Циньвэнь финалда жеңіліп 1,27 миллион доллар алған. Сол жылы топтық кезеңде жеңген ойыншылар 350 000 доллар, ал тек қатысқаны үшін 335 000 доллар алған.

Әр топтық ойындағы жеңіс спортшыларға 200 рейтингтік ұпай әкеледі. Финалға шығу – қосымша 400 ұпай, ал финалдағы жеңіс – 900 ұпай. Жалпы бұл турнирде барлығы 1 500 ұпайға дейін жинауға болады. Бұл теннисшілер үшін әлемдік рейтингтегі орнын жақсарту үшін тамаша мүмкіндік болмақ.

🌍Жер шарының үздік сегіз теннисшінің бірі саналатын қазақстандық 🇰🇿Елена Рыбакинаға 1 қараша күні басталатын турнирде сәттілік тілейміз✊.

https://www.tg-me.com/atamekenbusiness_sport

Өскеменде 🇪🇺УЕФА-ның үшінші санатына сай келетін заманауи жабық футбол стадионы салу жоспарлануда.

Бұған дейін қала футболшылары «Алтай» және «Шығыс» атты ашық стадиондарда ойнап келген. Бұл ареналар аймақтық турнирлерге жарамды болғанымен, халықаралық стандарттарға сай келмейді.

Жаңа нысан өңірдегі футбол инфрақұрылымын дамытуда маңызды қадам болмақ.

Стадион кемінде 4 500 көрерменге арналған болады және заманауи жарықтандыру жүйесімен, алаңды жылыту немесе сертификатталған жасанды жамылғымен, жайлы киім ауыстыру бөлмелерімен, электронды турникеттермен, сондай-ақ баспасөз, VIP-қонақтар мен телетрансляциялар аймақтарымен қамтамасыз етіледі.

Стадион салу бастамасын Шығыс Қазақстан облысының әкімі Нұрымбет Сақтағанов 13 жылдан кейін өңірге Премьер-лигадағы орнын қайтарған «Алтай» клубының футболшыларын құттықтау барысында жария етті.

https://www.tg-me.com/atamekenbusiness_sport

🇪🇺УЕФА 2027/28 және 2028/29 маусымдарындағы еурокубок финалдарын өткізуге ниет білдірген елдердің тізімін ұсынды. Олардың қатарында 🇰🇿Қазақстан да бар.

Қазіргі уақытта бұл тек бастапқы – қызығушылық білдіру кезеңі. Үміткер елдер 2026 жылдың 10 маусымына дейін өздерінің ресми өтінімдерін тапсыруы қажет. Финал өтетін елдер туралы шешім сол жылдың қыркүйегінде белгілі болады.

Қазақстан әзірге нақты стадионды таңдаған жоқ. Соңғы шешім ресми өтінім барысында қабылданады. Негізгі екі нұсқа қарастырылып отыр: Астанадағы “Астана Арена” және Алматыда бой көтеретін жаңа “Алматы Арена”.

📱https://www.tg-me.com/atamekenbusiness_sport

Александр Бублик Париждегі “Мастерс” турнирінің жартылай финалына шықты

Қазақстандық теннисші Алекс Де Минорды үш сетке созылған тартысты матчта 6:7, 6:4, 7:5 есебімен жеңді.

Финалға шығу үшін Бублик Феликс Оже-Альяссиммен кездеседі.

Дүйсенбі күні жаңартылған ATP рейтингінде Александр Бублик кем дегенде әлемнің 13-ракеткасы атанады. Бұл қазақстандық теннисшінің мансабындағы ең жоғары көрсеткіш болмақ.

📱https://www.tg-me.com/atamekenbusiness_sport

🇰🇿Қазақстандық ММА шебері Нұрхан Жұмағазы жапониялық танымал Rizin промоушеніндегі алғашқы жекпе-жегін өткізді.

Нұрхан жеңіл салмақта өткен Rizin Landmark 12 турнирінде өнер көрсетті. Оның қарсыласы жергілікті спортшы Тацуя Сайка болды.

71 келі салмақ дәрежесіндегі кездесу алғашқы раундта аяқталды. Нұрхан алдымен қарсыласын хай-кикпен нокдаунға жіберіп кейін тұншықтыру әдісін сәтті орындап, Тацуды тізе бүктірді.

✍️https://www.tg-me.com/atamekenbusiness_sport

🏆“Астана” ФК жеке меншікке өтпек

Болжам бойынша, команданың жаңа иесі белгілі кәсіпкер Айдын Рахымбаев болмақ.
Құрылыс саласындағы алып компания BI Group қазіргі таңда "Астана” футбол клубына арналған жаттығу базасы мен академия салу жобасын жүзеге асырып жатыр.

Offside kz мәліметінше "Астана" клубын басқару құқығы белгілі кәсіпкер Айдын Рахымбаевқа берілуі мүмкін. Ол дәл осы жаңа академия мен базаның құрылысына бастамашы болған тұлға.

✍️https://www.tg-me.com/atamekenbusiness_sport

⚫️«Интер» – 🏆«Қайрат» матчында қызмет ететін төрешілер тобы анықталды

🇵🇹Португалиялық төреші Луиш Годинью алдағы «Интер» – «Қайрат» кездесуінің бас төрешісі болып тағайындалды.

Көмекшілері:
🧍‍♂️ Руй Тейшейра
🧍‍♂️ Педру Алмейда

💻 VAR жүйесіне жауаптылар:
🎥 Андре Нарсишу
🎥 Тьягу Мартинш

Матч Италияда өтеді.

https://www.tg-me.com/atamekenbusiness_sport

Елена Рыбакина WTA Finals турнирінде екінші жеңісіне қол жеткізді

Топтық кезеңнің екінші матчында қазақстандық теннисші әлемнің екінші ракеткасы Ига Швёнтекті 3:6, 6:1, 6:0 есебімен тізе бүктірді.

👉Рыбакинаның топтағы соңғы матчы 5 қарашада Мэдисон Кизке қарсы өтеді.

Алғашқы кездесуде Рыбакина Аманда Анисимованы екі сетте жеңіп, енді топта екі жеңіспен көш бастап тұр.

Естеріңізге сала кетейік, турнир 🇸🇦Сауд Арабиясының Эр-Рияд қаласында өтіп жатыр. Жарыста әлемнің ең үздік 8 теннисшісі сынға түсуде.

https://www.tg-me.com/atamekenbusiness_sport