🇰🇿Қазақстан құрамасы суда жүзуден Азия чемпионатында жалпыкомандалық есепте бірінші орынға ие болды

Қазақстандық спортшылар Үндістандағы Азия чемпионатында суда жүзуден 11 медаль жеңіп алды. Соңғы жарыс күні командалық акробатикада біздің құрама қарсылас шақ келтірмей, алтынға қол жеткізді.

Жалпы есепте:
🇰🇿 Қазақстан – 7🥇, 2🥈, 2🥉
🇹🇭 Таиланд – 2🥇, 3🥈, 2🥉
🇺🇿 Өзбекстан – 2🥇, 1🥈, 5🥉

📱https://www.tg-me.com/atamekenbusiness_sport

🇰🇿Елена Рыбакина Ухань турнирін екінші айналымнан бастайды

Бүгін, 8 қазанда Қазақстанның бірінші ракеткасы, әлемдік рейтингте 9-орында тұрған Елена Рыбакина Қытайдың Ухань қаласында өтіп жатқан ірі турнирдегі алғашқы матчын өткізеді.

Рыбакина екінші айналымда әлемнің 48-ракеткасы румыниялық Жаклин Кристианмен кездеседі.

Ойынның тікелей трансляциясы Қазақстан уақытымен 17:10-да басталады.

Турнирдің жүлде қоры – 3,65 млн долларды құрайды. 💰Жекелей сында жеңімпазға 596 мың доллар және 1000 рейтингтік ұпай беріледі.

📱https://www.tg-me.com/atamekenbusiness_sport

🤖Криштиану Роналду әлемдегі тұңғыш миллиардер-футболшы атанды

💰Роналдудың байлығы бүгінде 1,4 миллиард долларды құрайды.

Bloomberg агенттігі португалиялық форвардтың байлығын бағалап, оны өзінің "Миллиардерлер индексіне" (Bloomberg Billionaires Index) енгізді. Басылымның хабарлауынша, Криштиану Роналду ұзақ уақыт бойы басты қарсыласы – аргентиналық 🐐Лионель Мессимен шамалас табыс тауып келген.

Алайда 2023 жылдан бастап жағдай күрт өзгерді. Сол жылы португалиялық жұлдыз Сауд Арабиясының🇸🇦"Аль-Наср" клубына рекордтық 200 миллион долларлық келісімшартпен ауысты. Кейін бұл келісім ұзартылып, қазіргі таңда оның құны 400 миллион доллардан асады.

Ал Лионель Месси 2023 жылдан бері америкалық "Интер Майами" сапында ойнап жүр және табысы Роналдудан төмен.

Дегенмен, мансабын аяқтаған соң аргентиналық футболшы клубтың үлесіне ие болуы мүмкін. Бұл оған Роналдумен қаржылық тұрғыда теңесуге мүмкіндік береді.

📱https://www.tg-me.com/atamekenbusiness_sport

“Қайраттың” Чемпиондар Лигасындағы табысы белгілі болды

Алматылық клуб тарихындағы рекордтық табыс тапты – 20,25 млн еуро. Оның ішінде шамамен 17 млн еуро топтық кезең басталар алдында 🇪🇺УЕФА-дан базалық төлем ретінде түскен.

Топтық кезеңдегі әрбір жеңіс – 2,1 млн еуро, тең ойын – 700 мың еуро қосымша табыс әкеледі. Әзірге “Қайрат” жеңіске жеткен жоқ. Бірақ, алдағы матчтардағы нәтиже клуб кірісін арттыра түспек.

💰 Чемпиондар Лигасы-2025/26 маусымындағы жалпы сыйақы қоры – 2,4 млрд еуро. Бұл рекордтық сома.

📱https://www.tg-me.com/atamekenbusiness_sport

Бүгін, 9 қазан күні Андорра-ла-Велье қаласында футболдан 2027 жылғы жастар арасындағы Еуропа чемпионатының іріктеу кезеңі аясында кездесу өтеді. Бұл ойында Андорра жастар құрамасы өз алаңында 🇰🇿Қазақстан құрамасын қабылдайды.

Екі матчтан кейін Қазақстан жастар құрамасының еншісінде үш ұпай бар. Команда іріктеудің алғашқы матчында Андорраны өз алаңында 1:0 есебімен жеңген еді. Алайда кейін Англия құрамасынан 0:2 есебімен ұтылып қалды.

Ал Андорра құрамасы төрт ойын өткізіп, барлығында да жеңіліс тапты.

🖥Матчты 22:30-да тікелей эфирде Qazsport арнасынан тамашалауға болады.

✍️https://www.tg-me.com/atamekenbusiness_sport

Бүгін, 9 қазан күні 13:00-де қазақстандық теннисші 🇰🇿Елена Рыбакина (WTA рейтингінде 9-орын) 🇨🇳Қытайдың Ухань қаласында өтіп жатқан турнирдің 1/8 финалында чехиялық Линда Носковамен (17-орын) кездеседі.

Айта кетейік, Елена Рыбакина Ухань турнирін сәтті бастап, алғашқы айналымда румыниялық Жаклин Кристианды (48-орын) 6:3, 6:4 есебімен жеңді.

📱https://www.tg-me.com/atamekenbusiness_sport

Астанада ерекше қажеттіліктері бар адамдарға арналған ІІ Шахмат олимпиадасы өтеді

2025 жылдың 20–25 қазаны аралығында Астанада ерекше қажеттіліктері бар адамдарға арналған ІІ Шахмат олимпиадасы (2nd Chess Olympiad for People with Disabilities) ұйымдастырылады. Жарысқа әлемнің 32 елінен келген 35 команда қатысады.

Командалар үш санаттағы ойыншылардан құралады: есту, көру қабілеті бұзылған және тірек-қимыл аппараты зақымданған спортшылар.

Қатысушылар арасында Польша, Германия, Үндістан, АҚШ, Мысыр, Өзбекстан және басқа елдердің командалары бар. Қазақстан жарыс иесі ретінде екі командамен өнер көрсетеді.

📱https://www.tg-me.com/atamekenbusiness_sport

FIFA 2034 жылғы Әлем чемпионатын 2035 жылдың қаңтарына ауыстыруы мүмкін

Сауд Арабиясында 2034 жылдың қараша-желтоқсан айларына сәйкес келетін Рамазан айы жарысты дәстүрлі маусымда өткізуге кедергі келтіреді.
Осыған байланысты FIFA әлем чемпионатының мерзімін қайта қарастыруда.

✍️https://www.tg-me.com/atamekenbusiness_sport

Елена Рыбакина Уханьдағы WTA 1000 турнирінің ширек финалына шықты

1/8 финалда Елена Чехия өкілі, әлемнің 17-ракеткасы Линда Носкованы 6:3, 6:4 есебімен жеңді.

Еленаның келесі қарсыласы әлемнің бірінші ракеткасы Арина Соболенко.


📱https://www.tg-me.com/atamekenbusiness_sport

Футболдан Қазақстан құрамасы әлем чемпионатына іріктеу аясында «Астана Аренада» Лихтенштейнді 4:0 есебімен ойсырата жеңді.

🇰🇿 Қазақстан 4:0 Лихтенштейн🇱🇮
26’ Кенжебек (1:0)
28’ Зайнутдинов (2:0)
59’ Кенжебек (3:0)
81’ Қасым (4:0)

Жеңіс құтты болсын, қазақ елі!👏👏👏

📱https://www.tg-me.com/atamekenbusiness_sport

Алматылық «Қайрат» клубының шабуылшысы 🇰🇿Дастан Сәтпаев бүгін түнде Дохаға (Катар) 🛫ұшады. Ол жерде футболшы қосымша медициналық тексеруден өтеді.

Клубтың баспасөз қызметінің мәліметінше, футболшыны Катарға жіберу туралы шешім дәрігерлердің ұсынысы бойынша, диагнозды нақтылау және денсаулық жағдайын тереңірек талдау мақсатында қабылданған.

Медициналық тексеру Катардың жетекші клиникаларының бірінде өтеді. Оның қорытындысынан кейін ойыншының қалпына келу жоспары анықталмақ.

📱https://www.tg-me.com/atamekenbusiness_sport

Оңтүстік астанада ATP 250 Almaty Open турнирінің іріктеу кезеңіндегі алғашқы матч өтті.

Қазақстандық теннистің аңыз ойыншысы Михаил Кукушкин (ATP рейтингінде – 295-орын) іріктеудің бірінші айналымында әлемнің 164-ракеткасы, жапониялық Таро Даниэлді 7:6 (7:3), 6:1 есебімен жеңді.

Іріктеудің финалында Кукушкин 2021 жылғы ATP 250 Astana Open турнирінің финалисі, аустралиялық Джеймс Даквортпен кездеседі.

✍️https://www.tg-me.com/atamekenbusiness_sport

Танымал кәсіпкер Тұрсынғали Алагөзов ❄️«Қайрат» футбол клубына автобус сыйға тартты.

https://www.tg-me.com/atamekenbusiness_sport

Орта салмақта IBF және WBO нұсқалары бойынша әлем чемпионы 🇰🇿Жәнібек Әлімханұлы (17-0, 12 KO) WBA белбеуінің иегері, кубалық Эрисланди Ларамен (31-3-3, 19 KO) жекпе-жек өткізуге біртабан жақын.

Қазақстандық боксшының өкілі Берік Сұлтанның айтуынша, Әлімханұлы жекпе-жек өткізуге келісімшартқа ✍️қол қойды. Енді кезек 42 жастағы Ларада.

"Тарихи жекпе-жек, орта салмақтың додасын қайнататын жекпе-жек, күллі қазақ жұрты асыға күткен жекпе-жектің келісімшартына қол қойдық. Жақында промоутерлік компаниялар ресми жариялайтын болады. Алдымызда үлкен шоу күтіп тұр. Біздің төрт титулды жинаймыз деген мақсатымыздың бел ортасынан астық. Тарих жасаймыз. Осы жолда еңбек етіп жатырмыз. Еңбектің де жемісін көретін күн алыс емес. Осы қуанышты жаңалықпен сіздермен алдын ала бөлісуді жөн көрдім!", — деді Берік Сұлтан әлеуметтік желіде.

https://www.tg-me.com/atamekenbusiness_sport

Қазақстан құрамасы Скопьеге аман-есен жетті

🇰🇿Ұлттық құраманың жоспарына сәйкес бүгін ойын алдындағы баспасөз мәслихаты мен ресми жаттығу өтеді.

📅 Матч күні: 13 қазан
⏰ Басталуы: 23:45 (Қазақстан уақытымен)
🏟Қарсылас: Солтүстік Македония

Естеріңізге сала кетейік, 10 қазан күні құрамамыз әлем чемпионатына іріктеу аясында Лихтенштейнды 4:0 есебімен жеңген болатын.

✍️https://www.tg-me.com/atamekenbusiness_sport

«Астана» командасының 🚴‍♂️велошабандозы Маттео Малучелли 🇨🇳Қытайда өткен «Тайху көлі турының» соңғы кезеңінде және көпкүндік жарыстың жалпы есебінде жеңіске жетті.

📱https://www.tg-me.com/atamekenbusiness_sport