የሶሻል ሚዲያ ግብር‼️
መንግስት ሶሻል ሚዲያ ላይ ግብር ሊጥል ነው‼️

ዩቲዩብ ፣ ቲክቶክና ከሌሎች የዲጂታል ይዘት ፈጠራ የሚገኝ ገቢ ላይ 15 በመቶ ግብር ሊጣል ነው

በኢትዮጵያ ለዘጠኝ ዓመታት ስራ ላይ የቆየውን የገቢ ግብር አዋጅ ለማሻሻል በቀረበው ረቂቅ አዋጅ፣ ከዲጂታል ይዘት ፈጠራ በሚገኝ ገቢ ላይ 15 በመቶ ግብር ለመጣል የሚያስችል ንዑስ አንቀጽ መካተቱ ታውቋል።

በታቀደው የአዋጅ ማሻሻያ ረቂቅ መሰረት፣ ከማህበራዊ ሚዲያ የሚገኝ ገቢ (ለምሳሌ ከዩቲዩብ፣ ፌስቡክ፣ ኢንስታግራም፣ ቲክቶክ እና ሌሎችም መድረኮች) ፣ በኢንተርኔት ከሚሰራጩ መረጃዎች እንደሚሁም ከሚፈፀሙ ግብይቶች፣ ከስፖንሰርሺፕ እና ከመሳሰሉት የዲጂታል ይዘት ፈጠራ የሚገኝ ገቢ ላይ ግብር እንደሚጣልባቸው በዝርዝር ያስቀምጣል።

በህዝብ ተወካዮች ምክርቤት ዉይይት እየተደረገበት የሚገኘዉ ይህ ረቂቅ አዋጅ ፤ እነዚህ የኢኮኖሚ እንቅስቃሴዎች በመደበኛነት የሚከናወኑ ከሆነ፣ የሚገኘው ገቢ በንግድ ስራ ገቢ ስር የሚመደብ ሲሆን፣ የንግድ ስራ ገቢ ግብርም የሚከፈልበት መሆኑን ይገልጻል።

ሆኖም፣ በአዋጁ የተቀመጡትን መስፈርቶች የማያሟላ ከሆነ፣ ገቢው “ሌሎች ገቢዎች” በሚለው ስር ተመድቦ ከጠቅላላ ገቢው ላይ 15% (አስራ አምስት በመቶ) ግብር እንዲከፈልበት ይደረጋል ይላል።

ከዚህ በተጨማሪም፣ ለዲጂታል ይዘት ፈጣሪዎች ክፍያ የሚያመቻቹ መድረኮች ለእያንዳንዱ የዲጂታል ይዘት ፈጣሪ የተከፈለውን ገንዘብ የሚያሳይ ሪፖርት ለታክስ ባለስልጣኑ የመላክ ግዴታ እንደሚኖርባቸው ያስቀምጣል።

ይህን ተከትሎም፣ የዲጂታል ይዘት ፈጣሪዎች የታክስ ከፋይ መለያ ቁጥር (TIN) የማውጣት፣ ገቢያቸውን የማስታወቅ እና ሌሎች የታክስ ከፋይ ግዴታዎችን የመወጣት ሃላፊነት እንደሚጠበቅባቸው ያስገድዳል።

ለጥቆማ 👉 @atc_newsbot
➡️ https://www.tg-me.com/atc_news

#EthiopianDefenceUniversity

የኢትዮጵያ መከላከያ ዩኒቨርሲቲ በተለያዩ የትምህርት መስኮች ያሰለጠናቸውን ተማሪዎች በቢሾፍቱ እያስመረቀ ነው።

ዩኒቨርሲቲው በምህንድስና፣ በጤና ሳይንስ እና በማኅበረሰብ ሳይንስ የትምህርት መስኮች ትምህርታቸውን ተከታትለው ያጠናቀቁ ተማሪዎችን በማስመረቅ ላይ ይገኛል፡፡

የኢትዮጵያ መከላከያ ዩኒቨርሲቲ ከ2018 የትምህርት ዘመን ጀምሮ የተማሪዎች የከፍተኛ ትምህርት ዩኒቨርሲቲ ምርጫ ውስጥ እንደሚገባ በትምህርት ሚኒስቴር መገለፁ ይታወቃል፡፡

ለጥቆማ 👉 @atc_newsbot
➡️ https://www.tg-me.com/atc_news

በ2018 የትምህርት ዘመን ከ100 እስከ 260 በመቶ ጭማሪ የጠየቁ ትምህርት ቤቶች መኖራቸውን ተነገረ

የአዲስ አበባ ትምህርት ጥራት ባለስልጣኑ በ2018 የትምህርት ዘመን የአገልግሎት ክፍያ ጭማሪ ላይ ከተማሪ ወላጆች ጋር ባልተስማሙና በልዩነት ባጠናቀቁ ት/ቤቶች ላይ በአገልግሎት ክፍያ አሰራር ስርዓት ደንብ ቁጥር 194/2017 መሰረት ውሳኔ አስተላልፏል ።

ጉዳዩን አስመልክቶ በተደረገ ውይይት  የአዲስ አበባ ትምህርት ቢሮ ሃላፊ የሆኑት ዶክተር ዘላላም ሙላቱ እንደገለጹት  እንደየ አካባቢውና እንደየ ማህበረሰቡ ሁኔታ በርካታ ት/ቤቶችና ወላጆች በጋራ በመወያየት የክፍያ ጭማሪውን አጽድቀው በጋራ በመግባባት ተለያይተዋል፡፡ ባልተስማሙ ት/ቤቶችና ወላጆች ላይ ደግሞ  ባለስልጣኑ የውሳኔ አካል በመሆን በጋራ በመምከር ውሳኔውን አስቀምጧል፡፡

በትምህርት አገልግሎት ክፍያ አሰራር ስርዓት ደንብ መሰረት ከ80 በመቶ በላይ የሚሆኑ ት/ቤቶች ከወላጆች ጋር በመግባባት የተስማሙ ሲሆን  ቀሪዎቹ ደግሞ ባለመስማማታቸው አቤቱታቸውን ለባለስልጣኑ ማቀረባቸውን ብስራት ሬዲዮ ሰምቷል።   በዚህ መሰረት ባለስልጣኑ የወላጆችንም የመክፈል አቅም የትምህርት ተቋማቱንም ስራቸውን በአግባቡ የማስቀጠል አቅም ሚዛናዊ በማረድግ ውሳኔውን እንደሚያሳልፍ ገልጸዋል፡፡

ተቋማቱ ያቀረቡትን የጣራ ክፍያ፣በውይይቱ ወቅት ወላጅ ያቀረበውን ዋጋ፣እንዲሁም ባለስልጣኑ ያስተላለፈውን እያንዳንዱን የክፍያ ውሳኔ በዝርዝር አቅርበዋል፡፡ ውሳኔውንም ለት/ቤቶቹ በደብዳቤ እንደሚሠጥ ተገልጿል ፡፡     

በተጨማሪም ምክንያታዊ የሆኑ ጭማሪዎች አስፈላጊ መሆናቸውን የገለጸው የአዲስ አበባ ከተማ የትምህርትና ስልጠና ጥራት ቁጥጥር ባለስልጣን በሌላ በኩል ከ100 እስከ 260 በመቶ ጭማሪ የጠየቁ ትምህርት ቤቶች መኖራቸውን መግለጹን ብስራት ሬዲዮ ሰምቷል።


ለጥቆማ 👉 @atc_newsbot
➡️ https://www.tg-me.com/atc_news

#UniversityOfGondar

ጎንደር ዩኒቨርሲቲ ከምሥረታው ጀምሮ ላለፉት 66 ዓመታት ያስመረቃቸው ከአንድ መቶ ሺህ በላይ የቀድሞ ተማሪዎች እንዲሰባሰቡ ጥሪ አቀረበ።

የቀድሞው የጎንደር ሕዝብ ጤና አጠባበቅ ኮሌጅና ማሠልጠኛ፣ የአሁኑ ጎንደር ዩኒቨርሲቲ የመጀመሪያ ተማሪዎችን ካስመረቀበት 195ዐ ዓ.ም እስከ 2016 ዓ.ም 107,860 ተማሪዎችን በተለያዩ መርሐግብሮች ማስመረቁን የተቋሙ ፕሬዝዳንት አሥራት አፀደወይን (ዶ/ር) ለሪፖርተር ተናግረዋል፡፡

ዩኒቨርሲቲው ባለፉት ዓመታት በሰርተፊኬት፣ በዲፕሎማ፣ በመጀመሪያ ዲግሪ፣ በሁለተኛ ዲግሪ፣ በዶክትሬት ዲግሪ፣ በስፔሻሊቲና ሰብስፔሻሊቲ፣ እንዲሁም በፖስት ዶክትሬት ዲግሪ በማስመረቅ ትልቅ አስተዋፅኦ ማበርከቱን ገልፀዋል፡፡

ዩኒቨርሲቲው ከ3ዐዐ በላይ በሆኑ መርሐግብሮች በኢኮኖሚ፣ በፖለቲካ፣ በማኅበራዊና በጤናው ዘርፍ ብቁ ባለሙያዎችን በማፍራት ላይ እንደሚገኝ ፕሬዝዳንቱ አክለዋል፡፡

የዩኒቨርሲቲውን 7ዐኛ ዓመትና የማስተማሪያ ሆስፒታሉ 1ዐዐኛ ዓመት በማስመልከት ከጥር ወር ጀምሮ በተለያዩ መርሐግብሮች ሲያከብር የቆየ ሲሆን፤ ዩኒቨርሲቲው ሐምሌ 12 ቀን 2017 ዓ.ም በተለያዩ ዘርፎች ያስተማሯቸውን ተማሪዎች ያስመርቃል፡፡

የምርቃት መርሐግብሩን ምክንያት በማድረግ በዩኒቨርሲቲው በተለያዩ ዘርፎች የተማሩና ለዩኒቨርሲቲው ጉልህ አስተዋፅኦ ያበረከቱ አካላት በ11 ዘርፎች የዕውቅናና ሽልማት እንደሚበረከትላቸው ፕሬዝዳንቱ ገልፀዋል፡፡ #ሪፖርተር

ለጥቆማ 👉 @atc_newsbot
➡️ https://www.tg-me.com/atc_news