በአክሱም ዩኒቨርሲቲ ጤና ሳይንስ ኮሌጅና አጠቃላይ ስፔሻላይዝድ ሆስፒታል ውስጥ ባልታወቀ ምክንያት ድንገተኛ የእሳት ቃጠሎ መከሰቱን የአካባቢው ምንጮች አስታወቁ።

የጉዳቱ ክብደት:

እሳቱ በተለይ ሆስፒታሉ የሚጠቀምበትን ዋና የመድሃኒት መጋዘን (Main Pharmacy Store) ያወደመ ሲሆን፣ በውስጡ የነበሩት በሚሊዮኖች የሚቆጠሩ የህክምና መገልገያ መሳሪያዎችና ቁሳቁሶች ሙሉ በሙሉ በእሳት ወድመዋል።

ይህ በሆስፒታሉ አገልግሎት ላይ ከባድ ጉዳት ሊያስከትል እንደሚችል ይጠበቃል።

ቃጠሎው ከተነሳ በኋላ፣ በርካታ አካላት በአፋጣኝ ተረባርበው አደጋውን በቁጥጥር ስር ማዋል ችለዋል። ከተሳተፉት መካከል፡-

* የዩኒቨርሲቲው ሰራተኞች እና የጤና ሳይንስ ተማሪዎች

* የአክሱም ከተማ ፀጥታ አባላትና ማዘጋጃ ቤት ሰራተኞች

* የከተማዋ ወጣቶች

* ፌደራል ፖሊስ አባላት

* ከኢትዮጵያ አየር መንገድ የተውጣጡ የእሳት አደጋ ሰራተኞች በሁሉም አካላት ትብብር አደጋው ተረጋግቷል።

የእሳት ቃጠሎው መንስኤ ምን እንደሆነ እስካሁን በይፋ ያልተገለጸ ሲሆን፣ የአደጋው መንስኤ ምን እንደሆነ ለማጣራት ምርመራ እየተካሄደ መሆኑ ተገልጿል።

Via መናኸሪያ ሬዲዮ



ለጥቆማ 👉 @atc_newsbot
➡️ https://www.tg-me.com/atc_news

#EPSU

የኢትዮጵያ ፐብሊክ ሰርቪስ ዩኒቨርሲቲ በ2018 ዓ.ም በትምህርት ሚኒስቴር የተመደቡለትን የአንደኛ ዓመት የቅድመ ምረቃ መደበኛ መርሐግብር ተማሪዎች በዛሬው ዕለት መቀበል ጀምሯል።

ዩኒቨርሲቲው ለአዲስ ገቢ ፍሬሽማን ተማሪዎች ጥቅምት 06 እና 07/2018 ዓ.ም ጥሪ ማድረጉ ይታወሳል።

ዩኒቨርሲቲው በአዲስ አበባ አራቱም መናኸሪያዎች ማለትም መርካቶ አውቶቡስ ተራ፣ ቃሊቲ፣ አየር ጤና እና ላምበረት መናኸሪያዎች የትራንስፖርት አገልገልሎት በማቅረብ ተማሪዎቹን በነገው ዕለትም ይቀበላል።

የኢትዮጵያ ፐብሊክ ሰርቪስ ዩኒቨርሲቲ የ12ኛ ክፍል ማጠናቀቂያ ፈተና ወስደው የማለፊያ ነጥብ ያስመዘገቡ ተማሪዎችን በምደባ ሲቀበል ዘንድሮ ለመጀመሪያ ጊዜ እንደሆነ ይታወቃል።

ለጥቆማ 👉 @atc_newsbot
➡️ https://www.tg-me.com/atc_news