💥چەند خولەکێک پێش ئێستا فڕۆکەی بێفڕۆکەوان لە نزیك فڕۆکەخانەی هەولێر کەوتە خوارەوە. بەشێک لە فڕۆکەخانەی هەولێر ئەو شوێنەیە کە هێزەکانی هاوپەیمانی نێودەوڵەتیی لێی جێگیرن.
بەپێی سەرچاوەكانی هەواڵ ئەم تەقینەوەیە هیچ زیانێكی نەبووە.




🌐 ئاڤاتوودەی
پێنج شەممە، ١٢ی پووشپەڕی ١٤٠٤
‏@avatodaykurdip

💥ڕۆژتان باش


▪️سروشتی جوانی كێوی هۆینەماڵ _ سەردەشت




🌐 ئاڤاتوودەی
هەینی، ١٣ی پووشپەڕی ١٤٠٤
‏@avatodaykurdi

💥چارەنووسی ناڕوونی وەهاب عەلیزادە دوای چوار ڕۆژ لە دەستبەسەر كرانی

وەهاب عەلیزادە، هاووڵاتیی گوندی «دووکانا» لە ناوچەی مەرگەوەڕی شاری ورمێ، ڕۆژی دووشەممە ٩ی پووشپەڕی ١٤٠٤، لەلایەن هێزەکانی ئیدارەی ئیتلاعاتی ڕێژیم بەبێ بڕیاری دادوەر لە ماڵەکەیدا دەستبەسەرکرا و بۆ شوێنێکی نادیار گواسترایەوە.

دوای تێپەڕینی چوار ڕۆژ لە دەستبەسەركرانی ناوبراو، تەنیا پەیوەندییەکی تەلەفۆنیی لەگەڵ بنەماڵەکەی هەبووە و تا ئێستا لە شوێنی مانەوە، دۆخی تەندروستی و تۆمەتەکانی زانیارییەك لەبەردەستدا نییە.





🌐 ئاڤاتوودەی
هەینی، ١٣ی پووشپەڕی ١٤٠٤
‏@avatodaykurdi

💥ئەمریكا داوا لە هاووڵاتییانی دەكات گەشت بۆ ئێران نەكەن

تمی بروس، وتەبێژی وەزارەتی دەرەوەی ئەمریکا هۆشداریی دایە هاووڵاتیانی ئەمریکا کە گەشت بۆ ئێران نەکەن و وتی هەرکەسێکی پەیوەندیدار بە ئەمریکا لە ئێران، لەنێویاندا هاووڵاتییانی ئێرانی ئەمریكی، مەترسییەکی جددیی دەستبەسەرکردنی ئارەزوومەندانەیان لەسەرە.
بروس وتی: ئێمە لە مێژە هاووڵاتیانی ئەمریکیمان ئاگادار کردوەتەوە کە گەشت بۆ ئێران نەکەن و ئەو هۆشدارییە ئێستا لە هەموو کاتێک زیاتر ڕاستە. ئاماژەی بەوەشکردووە، "هەر کەسێکی پەیوەندیدار بە ئەمریکا لە ئێران، لەنێویاندا هاووڵاتیی ئەمریکی ئێرانی، ڕووبەڕووی مەترسیی جددیی دەستبەسەر كردنی ناڕەوا لەلایەن ڕێژیمەوە دەبنەوە."
هەروەها گوتی: ئەگەر لە ئێستادا لە ئێران نین، مەچن بۆ ئەوێ و گەشتەكانتان هەڵبوەشێننەوە.





🌐 ئاڤاتوودەی
هەینی، ١٣ی پووشپەڕی ١٤٠٤
‏@avatodaykurdi

💥ترەمپ: کۆماری ئیسلامی چیتر بوێریی "مەرگ بۆ ئەمریکا"ی نییە و بە توندی بە شوێن دانووستان لەگەڵ ئێمە دایە

دۆناڵد ترەمپ، سەرۆکی ئەمریکا ڕایگەیاند، دوای هێرشە یەكلاكەرەوەكانی ئەمریكا بۆ سەر کۆماری ئیسلامی، لەحنی حکوومەتی ئێران گۆڕانکارییەکی بەرچاوی بەسەردا هاتووە و چیتر هیچ دروشمێکی دژە ئەمریکایی نییە.

ترامپ بە ئاماژەدان بە گۆڕانی ڕەفتاری کۆماری ئیسلامی گوتی: ئێران شوێنێکە کە پێشتر بە خراپترین شێوە لەوێدا باسی ئەمریکایان دەکرد، وەک "مەرگ بۆ ئەمریکا" و "مەرگ بۆ ئیسرائیل"، ئەوان بەڕاستی قسەی زۆر خراپیان دەكرد. بەڵام ئێستا ئیتر خراپ قسە ناکەن.

ناوبراو هەروەها باسی لە خواستی توندی کاربەدەستانی کۆماری ئیسلامی بۆ دیدار لەگەڵ ئەمریکا کرد و گوتی: "ڕەنگە تەنانەت لەگەڵیان کۆببینەوە. ئەوان دەیانەوێت کۆببنەوە، و دەبینین کە ئایا دەتوانین شتێک بکەین یان نا. پێموایە ئەوان زۆر حەزیان لە کۆبوونەوەیە".





🌐 ئاڤاتوودەی
هەینی، ١٣ی پووشپەڕی ١٤٠٤
‏@avatodaykurdi

💥ترەمپ: چوار سەربازی ئامریكایی ١٤ مووشەکی کۆماری ئیسلامییان خستە خوارەوە؛ ئاهەنگ بۆ هێرشی سەرکەوتووانە بۆ سەر دامەزراوە ئەتۆمییەکان دەگێڕین





🌐 ئاڤاتوودەی
هەینی، ١٣ی پووشپەڕی ١٤٠٤
‏@avatodaykurdi

ترەمپ: چوار سەربازی ئامریكایی ١٤ مووشەکی کۆماری ئیسلامییان خستە خوارەوە؛ ئاهەنگ بۆ هێرشی سەرکەوتووانە بۆ سەر دامەزراوە ئەتۆمییەکان دەگێڕین

دۆناڵد ترەمپ، سەرۆکی ئەمریکا، وردەکاریی ئۆپەراسیۆنە سەربازییە سەرکەوتووەکەی دژ بە کۆماری ئیسلامی ئاشکرا کرد؛ ئۆپەراسیۆنێک کە بە گوتەی ئەو، بە لەناوبردنی تەواوەتی ١٤ مووشەک کە لەلایەن ئێرانەوە ئاراستە کرابوون و هەروەها هێرشی سەرکەوتووانەی ئەمریکا بۆ سەر دامەزراوە ئەتۆمییەکانی ڕێژیم بووە.

ترەمپ لە وتارەکەیدا، بە تۆنێكی گاڵتەجاڕانە و پێكەنیناویی هەمیشەیی، گوتی کە کۆماری ئیسلامی تەنانەت بە "ئەدەبەوە" پێش هێرشکردنە سەر هێزەکانی ئەمریکا، لە ڕێگەی پەیامێکی ناڕاستەوخۆوە، ڕایگەیاندبوو کە لە هەوڵی ئامادەكاری بۆ هەڵدانی مووشەكە. ئەو لە وەڵامدا گوتویەتی: لێی بدەن.

بەڵام دەرئەنجامی ئەو هێرشە جگە لە شکستێکی زەلیلانە بۆ ڕێژێمی تاران هیچی تر نەبوو. چوار تۆپچی ئەرتەشی ئەمریکا بە سیستەمی بەرگرییەوە توانیان هەر ١٤ مووشەکەکە لە ئاسماندا بخەنە خوارەوە بەبێ ئەوەی هیچ زیانێكی هەبێت.

ترەمپ بە شانازییەوە زیادی کرد: "ئەوان کاری خۆیان کرد. وە ئەوە بەوە کۆتایی نەهات... هەروەها هێرش کرایە سەر دامەزراوە ئەتۆمییەکانیان، و ئەوەی ئەو هێزانە کردیان سەرسووڕهێنەر بوو."

هەروەها ڕایگەیاند کە هێزەکانی ئەم ئۆپەراسیۆنە بە مەبەستی ڕێزلێنان بۆ ڕێوڕەسمێكی فەرمی بانگهێشتی کۆشکی سپی کراون؛ مەراسیمێک کە بە گوتەی ترەمپ ئاهەنگێک دەبێت بۆ سەرکەوتن لە بەرامبەر یەکێک لە هەڕەشە گەورەکانی ناوچەکە.

ئەم قسانە لە هەلومەرجێکدا بڵاودەکرێنەوە کە ڕێژیمی کۆماری ئیسلامی لە نکۆڵیکردن لە توانا سەربازییەکانی ڕۆژئاوا و پڕوپاگەندەی پووچ و دروشمی پووچ دژ بە ئەمریکا و ئیسرائیل بەردەوامە. بەڵام ئەوەی ترەمپ باسی کرد، واقیعێکی تاڵ و زەلیلکەرە بۆ حکوومەتێک کە ڕۆژی بە “مەرگ بۆ ئەمریکا” دەستپێدەکات، بەڵام لە مەیداندا، لە هەمان واتە ئەمریكا بۆ دانانی بەرنامەی هێرشەکەی داوای مۆڵەت دەكات.

https://www.tg-me.com/avatodaykurdi/137061

💥گفتوگۆی وەزیری بەرگریی عەرەبستان لەگەڵ ترەمپ و فەرماندەی سەربازی کۆماری ئیسلامی

کاناڵی فۆکس نیوز بڵاویکردەوە، خالید بن سەلمان، وەزیری بەرگریی عەرەبستانی سعودی، ڕۆژی پێنجشەممە لە کۆشکی سپی لەگەڵ دۆناڵد ترەمپ، سەرۆکی ئەمریکا و ژمارەیەک بەرپرسی باڵای ئەمەریکا کۆبووەوە و سەرنجی سەرەکیی وتووێژەکان لەسەر هەوڵەکان بۆ کەمکردنەوەی گرژییەکان لەگەڵ کۆماری ئیسلامی بووە.

هاوكات ماڵپەڕی ئاکسیۆس لە ڕاپۆرتێکی جیادا بە پشت بەستن بە سەرچاوەیەکی ئاگادار ئاشکرای کرد کە دوای ئەم دیدارە لە واشنتۆن، خالید بن سەلمان لەگەڵ عەبدولڕەحیم مووسەوی، سەرۆکی ئەرکانی هێزە چەکدارەکانی کۆماری ئیسلامی کەوتۆتە گفتوگۆوە.





🌐 ئاڤاتوودەی
هەینی، ١٣ی پووشپەڕی ١٤٠٤
‏@avatodaykurdi

💥ڕازیبوونی حیزبوڵڵا بە ڕادەستكردنی چەکە قورسەكان لە بەرامبەر گەرەنتیی ئیسرائیلدا

كاناڵی ئەلحەدەس لە ڕاپۆرتێکدا ڕایگەیاند کە گرووپی تیرۆریستی حیزبوڵڵا لە بەرامبەر گەرەنتی باوەڕپێکراو لە لایەن ئیسرائیلەوە کە خۆیان لە هێرشکردنە سەر لوبنان بەدوور بگرن، ڕەزامەندیی بە ڕادەستکردنی چەکە قورسەكانی خۆی دەربڕیوە.

هەرچەندە هێشتا وردەکاریی ئەم ڕێککەوتنە ئەگەرییە بە فەرمی بڵاو نەکراوەتەوە، بەڵام پێشهاتێکی لەو شێوەیە ئەگەر پشتڕاست بکرێتەوە، وەک پاشەکشەیەکی بێ وێنەی قۆڵی سەربازیی کۆماری ئیسلامی لە لوبنان سەیر دەکرێت؛ گرووپێك کە ساڵانێکە بە پشتیوانیی دارایی، سەربازی و هەواڵگریی تاران، جبەخانەیەکی قورسیان لە باشووری لوبنان جێگیر کردووە و هەڕەشەیەکی بەردەوام بۆ سەر ئاسایشی ناوچەکە و سەقامگیریی ناوخۆیی لوبنان بوون

لە ئەگەری ئەم ڕێككەوتنە، یەکێک لە گرنگترین ئامرازەکانی فشاری ئێران لە ناوچەکەدا بە شێوەیەکی کاریگەر پووچەڵ دەبێتەوە؛ ڕووداوێک کە هەم لێکەوتەی سیاسیی جددیی بۆ میحوەری خراپەی ڕێژیم دەبێت و هەم هاوسەنگیی هێز لە سنوورەکانی باکووری ئیسرائیل دەگۆڕێت.




🌐 ئاڤاتوودەی
هەینی، ١٣ی پووشپەڕی ١٤٠٤
‏@avatodaykurdi

💥پەردەلادان لەسەر هێمای نوێی سووریە

ڕۆژی پێنجشەممە لە مەراسیمێکدا بە ئامادەبوونی سیما سیاسی و سەربازییەکانی حکوومەتی نوێی سووریە، ئەحمەد شەرع، سەرۆککۆماری سووریە پەردەی لەسەر ناسنامەی نوێی سووریە لادا؛ ناسنامەیەک کە بە هێمای هەڵۆ و سێ ئەستێرە لە سەروویەوە، پەیامێکی ڕوون بۆ ناوەوە و دەرەوە دەنێرێت: "سووریە دابەشكراو نییە".

ئەو ڕێوڕەسمە دوای حەوت مانگ لە ڕووخانی تەواوەتیی ڕێژێمی بنەماڵەی ئەسەد بەڕێوەچوو؛ ڕێژێمێک کە زیاتر لە نیو سەدە بە سانسۆر، ئەشکەنجە و گەندەڵی خەڵكی دەچەوساندەوە.

ئەحمەد شەرع لە مەراسیمەکەدا گوتی: “سووریە ماڵی هەموو نەتەوە و ئایین و مەزهەبەکانە، ئێمە سەردەمی تایفەگەری و شەڕی بە وەکالەت و ستەمکاریمان بەجێهێشت، ئەم هێما نوێیە، هێمای گەڕانەوەی سووریە بۆ خۆیەتی”.





🌐 ئاڤاتوودەی
هەینی، ١٣ی پووشپەڕی ١٤٠٤
‏@avatodaykurdi

💥وەزیری بەرگریی ئیسرائیل: تاران ئیتر بۆ ڕێژیم سەلامەت نییە؛ ڕێگە بە گەڕاندنەوەی دەسەڵاتی سەربازی نادەین

ییسرائیل کاتز، وەزیری بەرگریی ئیسرائیل ڕایگەیاند، ئەرتەشی ئەو وڵاتە، لە ئۆپەراسیۆنی ئەم دواییەیدا بە ناوی "سەرهەڵدانی شێرەکان"، سەرکەوتوو بووە لەوەی بەشە گرنگەکانی بەرنامەی ئەتۆمی و سیستەمی مووشەکیی کۆماری ئیسلامی بكاتە ئامانج و لەنێویان ببات.

ئاماژەی بەوەشکرد، ئەو دوو بەشە گەورەترین هەڕەشە بوون بۆ سەر ئاسایشی ئیسرائیل و ئێستا تاڕادەیەکی لەنێوچوون.

کاتز هەروەها لە دیدارێکدا لەگەڵ فەرماندەکانی ئەرتەش و هەواڵگریی نیزامیی ئیسرائیل جەختی لەوە کردەوە کە ئەرکی داهاتووی ئەرتەش پێشگرتن لە دووبارە گەڕانەوە و دروستبوونەوەی دەسەڵاتی نیزامیی ڕژیمی ئێرانە.

بە وتەی ناوبراو، ئیسرائیل ڕاستەوخۆ هێرشی لە تاران ئەنجامداوە و زیانی بە ژێرخانی چەک و ئامانجە حکوومەتییەكان گەیاندووە.

هەروەها گوتی: ئەرتەش دەبێت ئامادە بێت لە ئەگەری پێویستدا لە ئاسمانی تاراندا سەروەختی سەربازیی خۆی بپارێزێت و ڕێگە نەدات ڕێژیم جارێکی دیكە ببێتەوە هەڕەشە بۆ سەر ناوچەکە.





🌐 ئاڤاتوودەی
هەینی، ١٣ی پووشپەڕی ١٤٠٤
‏@avatodaykurdi

💥ژینا مودەرس گورجی، دوای هەشت مانگ لە بەندی ژنانی سنە، لە سەرەتاییترین مافەكانی بێبەشە

ژینا مودەرس گورجی، ڕۆژنامەنووس و چالاکی مافی ژنانی کورد، دوای تێپەڕینی هەشت مانگ لە حوكمی ١٦ مانگ زیندانییەكەی تا ئێستا لە بەندی ژنانی چاکسازیی سنە زیندانی کراوە و تەنیا یەک جار مۆڵەتی موڕەخەسیی پێدراوە.

ئەم زیندانییە سیاسییە کە پێشتریش لە کاتی دەستبەسەرکردانیدا لە خەرمانانی ١٤٠١ و خاكەلێوەی ١٤٠٢ چوار مانگ لە زینداندا بوو، ئێستا لە بەندیخانەی ژنانی سنە لە بارودۆخێکی سەخت دایە؛ شوێنێك کە هیچ پێداویستییەكی سەرەتاییی وەک بەشی تایبەت بۆ زیندانییانی سیاسی، كارگە، هۆڵی وەرزشی و بەرنامەکانی چاکسازیی نییە.

پەیوەندیی تەلەفۆنی و کاتەکانی دەرەوە بۆ زیندانییە ژنەکان سنووردار بووە و زیندانییانی سیاسی لەگەڵ چاودێرییەکی توند، لەوانە گوێگرتن لە تەلەفۆن و قەدەغەکردنی چوونە ژوورەوەی کتێبە سیاسییەکان ڕووبەڕوو بوونەتەوە.





🌐 ئاڤاتوودەی
هەینی، ١٣ی پووشپەڕی ١٤٠٤
‏@avatodaykurdi

💥کوشتنی ئامانجداری ژنانی بەلووچ؛ "لالی بامری"یش لە ژێر ئاگری کۆماری ئیسلامیدا گیانی لەدەستدا





🌐 ئاڤاتوودەی
هەینی، ١٣ی پووشپەڕی ١٤٠٤
‏@avatodaykurdi

کوشتنی ئامانجداری ژنانی بەلووچ؛ "لالی بامری"یش لە ژێر ئاگری کۆماری ئیسلامیدا گیانی لەدەستدا

سەرلەبەیانی ئەمڕۆ هەینی ١٣ی پووشپەڕی ١٤٠٤، قوربانییەکی دیکەی هێرشی خوێناویی بەکرێگیراوانی کۆماری ئیسلامی بۆ سەر ژنانی بێ دیفاعی بەلووچ لە نەخۆشخانەی خومەینی لە خاش گیانی لەدەست دا.

بەگوێرەی ڕاپۆرتی حال وەش، "لالی بامری"، ژنێکی تەمەن٤٠ ساڵ و دایکی بنەماڵەیەك، دوای سێ ڕۆژ لە ئازاركێشان، برینداربوون و لەکارکەوتنی گورچیلەکانی بەهۆی تەقەی گوللەوە، لە بەشی چاودێریی چڕدا گیانی لەدەستدا.

لالی کە تەنها بە یارمەتی ئامێری دیالیز بە زیندووی ڕاگیرابوو، قوربانیی ڕاستەوخۆی سیاسەتی تەقەکردن لە ژنانە؛ سیاسەتێک کە بە بێدەنگی کوشندەی میدیای دەوڵەتی و پشتیوانی تەواوی حکوومەت لە بەکرێگیراوانی ستەمکار بەردەوامە.

سێشەممەی ڕابردوو لە هێرشێكی ڕێکخراو و توندوتیژانە بۆ سەر گوندی گونێچ لە خاش، ژنانی بەلووچ بوونە ئامانجی ڕاستەوخۆی گوللەی سەربازانی حكوومەت..

ژنێکی دیکەی تەمەن ٤٠ ساڵ بەناوی خان بیبی بامری، هەمان ڕۆژ بەهۆی بەركەوتنی گوللەیەك بە گورچیلەی گیانی لەدەستدا و ١١ ژنی دیکەش بە سەختی برینداربوون، لەنێویاندا ژنێکی دووگیان کە کۆرپەكەی لەدەستدا.

ڕاپۆرتەکان ئاماژە بەوە دەکەن کە هێرشەکە بە بەکارهێنانی فڕۆکەی بێفڕۆکەوان و ئۆتۆمبێلی پلاك شەخسی و چەکی سەربازی ئەنجامدراوە و هێزەکانی کۆماری ئیسلامی بەبێ ئاگادارکردنەوە هێرشیان کردووەتە سەر ماڵی خەڵک و ژنانیان کردووەتە ئامانج.

https://www.tg-me.com/avatodaykurdi/137068

💥 ئازاد کردن و گەڕاندنەوەی واشەیەک بۆ ناو سروشت

ئەم بێچووە واشەیە کە توانای هەڵفڕین و خۆژیاندنی نەمابوو لەلایەن هاووڵاتییەکی ژینگەپارێز، ڕادەستی کۆمیتەی پاراستنی مافی ئاژەڵانی پاژین لە بانە کرابوو.

ماوەی ٢٠ ڕۆژ لەلایەن ئەندامێکی ڕێکخراوی پاژینەوە خزمەت کرا و گەڕێندرایەوە ناو باوەشی سروشت.





🌐 ئاڤاتوودەی
هەینی، ١٣ی پووشپەڕی ١٤٠٤
‏@avatodaykurdi

💥وۆڵ ستریت جۆرناڵ: ئاژانسی نێودەوڵەتیی وزەی ئەتۆمی ئێرانیان بەجێ هێشت

ڕۆژنامەی وۆڵ ستریت جۆرناڵ بڵاوی کردەوە، تیمی ئاژانسی نێودەوڵەتیی وزەی ئەتۆمی لەڕێگەی وشکانییەوە ئێرانیان بەجێ هێشت و گەڕانەوە بێ ئەوەی بتوانن بچنە نێو وێستگە ئەتۆمییەکانی ئەو وڵاتە.

ڕۆژی هەینی ١٣ی پووشپەڕی ١٤٠٤، ڕۆژنامەی وۆڵ ستریت جۆرناڵ بڵاوی کردەوە، بەهۆکاری ئەمنی، تیمی ئاژانسی نێودەوڵەتیی وزەی ئەتۆمی ئێرانیان بەجێهێشت و گەڕانەوە، بەمەش کۆتاییان بە پەیوەندییەکانی نێوان ئاژانسەکە و ئێران هێنا.

وۆڵ ستریت جۆرناڵ ئاماژەی بەوە کردووە، تیمی ئاژانسی نێودەوڵەتیی ئەتۆمی لە ترسی سەلامەتیی گیانی خۆیان ئێرانیان بەجێهێشت، ڕۆژنامەکە دەشڵێت: تیمەکە لەڕێگەی وشکانییەوە ئێرانیان جێهێشتووە لەگەڵ ئەوەی ئەمڕۆ گەشتە ئاسمانییەکان لە فڕۆکەخانەی ئیمام خومەینی دەستی پێکردەوە پاش ئەوەی لەگەڵ هێرشەکانی ئیسرائیل بۆ سەر ئەو وڵاتە وەستابوو، ئاماژە بەوەش دەکات، تیمەکە نەیانتوانیووە بگەنە وێستگە ئەتۆمییەکانی ئێران، بەڵام توانییان چاودێرانی خۆیان بپارێزن.





🌐 ئاڤاتوودەی
هەینی، ١٣ی پووشپەڕی ١٤٠٤
‏@avatodaykurdi