💥خێزانی زیندانیانی سیاسی داوای ئازادکردنی ڕۆڵەكانیان دەکەن

دوابەدوای ناڕەزایەتییە مەدەنییەکان دژ بە حوکمی لەسێدارەدان و دۆخی زیندانیانی سیاسی، ڕۆژی سێشەممە ٣ی پووشپەڕی ١٤٠٤، هاوکات لەگەڵ ٧٤ەمین هەفتەی هەڵمەتی "نا بۆ سێشەممەكانی لە سێدارەدان"، بنەماڵەی زیندانیی سیاسی وەحید بەنی عامریان گرتەیەکی ڤیدیۆیییان بڵاوکردەوە و داوای ئازادکردنی کوڕەکەیان و زیندانیانی سیاسیی دیکەیان کرد.

لە ڤیدیۆکەدا ئەندامانی خێزانەکەی بە هەڵگرتنی چەند نووسراوێك دەڵێن؛
"ڕۆڵەكانمان ئازاد بکەن. منداڵەکانمان ئازاد بکەن. زیندانییەکان ئازاد بکەن. نا بۆ لەسێدارەدان."





🌐 ئاڤاتوودەی
سێشەممە، ٣ی پووشپەڕی ١٤٠٤
‏@avatodaykurdi

💥سپای پاسداران بڵاوی كرده‌وه‌ كه‌ فەرماندەی پاراستنی ئیتلاعاتی بەسیج، پاسدار "محەمممەد تەقی یووسفوەند"، دوێنی لە هێرشێکدا لە تاران کوژراوە.





🌐 ئاڤاتوودەی
سێشەممە، ٣ی پووشپەڕی ١٤٠٤
‏@avatodaykurdi

💥عەلی رەزا لوتفی، جێگری سەرۆکی دەزگای ئیتلاعاتی فەرماندەیی پۆلیسی ئێران لە هێرشی شەوی ڕابردووی ئیسرائیلدا کوژرا.





🌐 ئاڤاتوودەی
سێشەممە، ٣ی پووشپەڕی ١٤٠٤
‏@avatodaykurdi

💥مووساد: چەند فەرماندەیەکی سوپای پاسداران لە ئێران هەڵاتوون

مووساد: چەند فەرماندەی سوپای پاسدارانی ئێران کە لە کاتی هێرشە ئاسمانییەکانی ئیسرائیلدا لە ڕێگەی ئازەربایجانەوە لە ئێرانەوە هەڵاتبوون، ئێستا لەگەڵ خێزانەکانیان بە سەلامەتی گەیشتوونەتە وڵاتێکی نادیار.

بریکارەکانی مووساد پەیوەندییان بە فەرماندەکانی دیكەی سوپای پاسدارانەوە کردووە و ١٢ کاتژمێر مۆڵەتیان پێداوە لە ئێران هەڵبێن ئەگەرنا دەکوژرێن.





🌐 ئاڤاتوودەی
سێشەممە، ٣ی پووشپەڕی ١٤٠٤
‏@avatodaykurdi

💥دەستبەسەركرانی دوو هاووڵاتیی خەڵكی پیرانشار

یووسف بازەرگان و ناسح ئەیزەن، دوو هاووڵاتیی کورد و خەڵکی شاری پیرانشار لە لایەن هێزە ئەمنییەکانی کۆماری ئیسلامیی ئێرانەوە دەستبەسەر کران و بۆ شوێنێکی نادیار گواسترانەوە.
ڕۆژی شەممە ۳۱ی جۆزەردان، ناسح ئەیزەن، هاووڵاتیی خەڵکی پیرانشار و یووسف بازەرگان، تەمەن ۴۰ ساڵ و خەڵکی گوندی "پەسوێ" سەر بە هەمان شار دەستبەسەر کران.

هەتا کاتی داڕشتنی ئەم هەواڵە، زانیارییەکی ورد لەسەر هۆکارەکانی دەستبەسەرکران، ئەو تۆمەتانەی دراونەتە پاڵ ئەو دوو هاووڵاتییە و شوێنی ڕاگرتنیان لەبەر دەستدا نییە





🌐 ئاڤاتوودەی
سێشەممە، ٣ی پووشپەڕی ١٤٠٤
‏@avatodaykurdi

💥کۆماری ئیسلامی هەزاران سانتریفیووژی شاردووەتەوە

ڕۆژنامەی تلگرافی بریتانیا لە زاری کارناسانی بەرنامەی ناوکیی کۆماری ئیسلامییەوە باسی لەوە کرد کە ئەم ڕێژیمە سەدان یان هەزاران سانتریفیووژی پێشکەوتووی لە سایتە نهێنییەکانی خۆیدا ڕاگرتووە.

بە وتەی ئەم کارناسانە، سانتریفیووژەکان توانای پیتاندنی ئۆرانیۆمیان لە ئاستی سەرەوەدا هەیە.
ئەم ڕۆژنامەیە نووسیویەتی: بەشێکی زۆری ئۆرانیۆمی پیتێندراوی ئێران پێش هێرشەکانی ئەمریکا بۆ سەر دامەزاروەکانی فۆردۆ، نەتەنز و ئیسفەهان لە شوێنی زۆر نهێنیدا حەشار دراون.

ئەم کارناسە ڕایگەیاند کە ئاژانسی وزەی ناوکی لە چوار ساڵی ڕابردوودا سەردانی دامەزراوە گرینگەکانی نەکردووە و ئەگەری هەیە کە کۆماری ئیسلامی دامەزراوی نهێنیی زۆری هەبێ.

تلگراف لەم ڕاپۆرتەدا دەڵێت: ئێران لانیکەم ٤٠٠ کیلۆ ئۆرانیۆمی پیتێندراوی ٦٠ لەسەدی هەیە کە ئەگەر بگاتە ٩٠ لەسەد، ٩ هەتا ١٠ بۆمبی ئەتۆمی پێ دروست دەکرێت.





🌐 ئاڤاتوودەی
سێشەممە، ٣ی پووشپەڕی ١٤٠٤
‏@avatodaykurdi

💥كوژرانی ئیتان زاكس، سەربازی تەمەن ١٨ ساڵی ئیسڕائیلی لە هێرشی مووشەکیی کۆماری ئیسلامیدا

ئیتان زاکس، سەربازێکی تەمەن ١٨ ساڵەی ئیسرائیلی کە لە سوپادا مەشقی سەربازیی ئەنجام دەدا، سەرلەبەیانیی ئەمڕۆ لە هێرشێکی مووشەکیی کۆماری ئیسلامیدا کوژرا.





🌐 ئاڤاتوودەی
سێشەممە، ٣ی پووشپەڕی ١٤٠٤
‏@avatodaykurdi

💥فریاگوزاریی ئیسرائیل دەڵێت، لە ١٢ ڕۆژی جەنگدا بەهۆی هێرشە مووشەکییەکانی ئێرانەوە ٢٨ کەس کوژران و ١٣٠٠ کەسیش بریندار بوون





🌐 ئاڤاتوودەی
سێشەممە، ٣ی پووشپەڕی ١٤٠٤
‏@avatodaykurdi

💥ئەندامێکی کۆنگرێسی ئەمریکا ترەمپ بۆ خەڵاتی نۆبڵی ئاشتی ساڵی ٢٠٢٦ کاندید دەکات

فۆکس نیوز وێنەی نامەیەکی بادی کارتەر ئەندامی کۆنگرێسی ئەمریکای بڵاوکردەوە، کە تیایدا دۆناڵد ترەمپ سەرۆکی ئەمریکا بۆ خەڵاتی نۆبڵی ئاشتی ساڵی ٢٠٢٦ کاندید کراوە بەهۆی ڕۆڵی لە نێوەندگیریکردنی ئاگربەستی نێوان کۆماری ئیسلامی و ئیسرائیل.

نامەکە بۆ لیژنەی ئاشتیی نۆبڵی نەرویج نێردراوە و کارتەر جەختی لەوە کردووەتەوە کە هەوڵەکانی ترەمپ بۆ نێوەندگیری و کۆتاییهێنان بە گرژییەکانی ئەم دواییە شایەنی ستایشن.

ئەمە لە کاتێکدایە کە ئاگربەستی ڕاگەیەندراو بە لاواز ماوەتەوە و ڕاپۆرتی پێشێلکارییەکان لەلایەن هەردوولاوە بڵاوبووەتەوە.





🌐 ئاڤاتوودەی
سێشەممە، ٣ی پووشپەڕی ١٤٠٤
‏@avatodaykurdi

💥کوژرانی سەردار مەیسەم ڕزوانپوور جێگری کاروباری کۆمەڵایەتیی سازمانی بەسیج لە هێرشەکانی ئیسرائیلدا

سەردار مەیسەم ڕزوانپوور، جێگری کاروباری کۆمەڵایەتیی سازمانی بەسیج، ڕۆژی دووشەممە ٢ی پووشپەڕی ساڵی ١٤٠٤، دوای هێرشە ئامانجدارەکانی ئیسرائیل بۆ سەر بارەگا سەربازی و ئەمنییەکان لە ئێران، کوژرا.

ئەم هێرشانە کە بەشێک بوون لە ئۆپەراسیۆنێکی بەرفراوانی ئیسرائیل بۆ سەر دامەزراوە سەربازییەکان، لەوانە بارەگاکانی بەسیج و سوپای پاسداران لە ناوچە جۆربەجۆرەکانی وڵات، لە ئەنجامدا چەندین بەرپرسی باڵای سەربازی كوژران..





🌐 ئاڤاتوودەی
سێشەممە، ٣ی پووشپەڕی ١٤٠٤
‏@avatodaykurdi

💥لەسێدارەدانی ٦٠٠ زیندانی لە ئێران لە ماوەی کەمتر لە ٦ مانگ لە ساڵی ٢٠٢٥

بە پێی ڕاپۆرتی هەنگاو، بە جێبەجێكردنی لەسێدارەدانی محەممەدئەمین مەهدەوی شایستە بە تۆمەتی "سیخوڕیکردن بۆ ئیسرائیل" لە زیندانی ڕەجایی شەهر لە شاری کەرەج، ژمارەی ئێعدامەکانی تۆمارکراو لە ئێران لە سەرەتای ساڵی ٢٠٢٥ (تا ٤ی پووشپەڕی ١٤٠٤) گەیشتووەتە ٦٠٠ کەس.

ئەم ئامارە نیشان دەدات کە بە تێکڕا مانگانە ١٠٠ زیندانی لە ئێران لە سێدارە دراون.





🌐 ئاڤاتوودەی
سێشەممە، ٣ی پووشپەڕی ١٤٠٤
‏@avatodaykurdi

💥وەزیرێكی بەریتانیایی: هێرشی ئەمریکا بۆسەر کۆماری ئیسلامی شکستێکی گەورە بوو بۆ تاران

پێت مەکفادن، وەزیری کابینەی نووسینگەی سەرۆکوەزیرانی بەریتانیا، ڕایگەیاند کە بەریتانیا "بێ هیوا نەبووە" لە هێرشەکانی ئەمریکا بۆ سەر کۆماری ئیسلامی و ئەو هێرشانەی بە "شکستێکی گەورە" بۆ تاران وەسف کرد.

ناوبراو بە ئاماژەدان بە پشتیوانیی داراییی کۆماری ئیسلامی لە هێزەکانی بە وەکالەت لە ناوچەکەدا، زیادی کرد: ڕێژیم لەم بەرەیەشدا شکستی هێناوە. بەراوردکردنی دەسەڵات و پێگەی کۆماری ئیسلامی ئێستا لەگەڵ ساڵێک لەمەوبەر جیاوازییەکی بەرچاو نیشان دەدات.

مەکفادن جەختی لەوە کردەوە کە ئێران تاکە وڵاتە کە لەم ململانێیانەدا "سەرکەوتوو" نەبووە.





🌐 ئاڤاتوودەی
سێشەممە، ٣ی پووشپەڕی ١٤٠٤
‏@avatodaykurdi