سوپای ئیسرائیل: ژێرخانی ئەتۆمی، مووشەکی و فەرماندەیی کۆماری ئیسلامیمان بەشێوەیەكی بررفراوان لەناوبردووە

لە ڕاپۆرتێکی نوێی سوپای ئیسڕائیلدا، وردەکاریی هێرشی بێوێنەی ئەو وڵاتەی بۆ سەر پێگەکانی کۆماری ئیسلامی ئاشکرا کرد؛ هێرشێک کە بەگوێرەی سەرچاوە سەربازییەکانی ئیسرائیل زیانی بەرفراوانی بە ئامانجە سەرەکییە ئەتۆمییەکان، مووشەکییەکان و سەربازییەکانی کۆماری ئیسلامی گەیاندووە.

سوپای ئیسڕائیل ڕایگەیاند کە ئەم ئۆپەراسیۆنە بۆ پێشگرتن لە جێبەجێ کردنی پلانێکی فرە قۆناغی لەلایەن کۆماری ئیسلامی بە ئامانجی "لەناوبردنی ئیسرائیل" داڕێژراوە و ئەنجام دراوە.

بە پێی ئەم ڕاپۆرتە، بڕیار بوو کۆماری ئیسلامی سەرەتا بە تەقاندنی مووشەک لە خاکی خۆی و هێزەکانی بە وەکالەت لە چەند بەرەیەکەوە بچێتە ناو شەڕ لەگەڵ ئیسرائیل و پاشان بە هێرشی زەمینی لە ڕێگەی گرووپە بە وەکالەتەکانەوە هێرشەکە تەواو بکات.

بەڵام سوپای ئیسرائیل باس لەوە دەکات کە لە ئۆپەراسیۆنێکی لەناکاودا لە دووری ١٥٠٠ کیلۆمەترەوە دەستیان بە هێرشەکە کردووە و بەم دەسپێشخەرییە توانیویەتی لە ماوەی ئۆپەراسیۆنی ١٢ ڕۆژەدا کۆنترۆڵی تەواوەتی ئاسمانی ئێران بكات.

لەم ئۆپەراسیۆنەدا:
سێ پێگەی گرنگی ئەتۆمیی ئێران لە فۆردۆ، نەتەنز و ئیسفەهان کرانە ئامانج.
هەزاران سانتریفیوژ و ناوەندی توێژینەوە و پەرەپێدان لەناوچوون.
٩ زانای ناوكی و ٣٠ فەرماندەی باڵای کۆماری ئیسلامی کوژران.
هەروەها هێرش کرایە سەر ڕاكتوری ئەراك.

هەروەها زیاتر لە ٣٥ سایتی مووشەکی و ٢٠٠ ئامێری هەڵگر (یەکسانە بە نیوەی کۆی توانای ئێران) لەناوچوون.
هەروەها ١٥ فڕۆکەی جەنگی و ٩٠ شوێنی بەرگری و ٦ فڕۆکەخانە کرانە ئامانج.
سەدان مووشەکی کروز و ٩٩% ئەو فڕۆکە بێفڕۆکەوانانەی کە لەلایەن ئێرانەوە هەڵدرابوون، ڕێگرییان لێکرا و لەناوبران.

سوپای ئیسرائیل ئەم ئۆپەراسیۆنە بە یەکێک لە گەورەترین ئۆپەراسیۆنە هەواڵگری و سەربازی و ستراتژیکەکانی مێژووی خۆی ناوبرد و ڕایگەیاند کە لە قۆناغی "بەرگری" چووەتە قۆناغی “هێرشبەرانە" لە دژی کۆماری ئیسلامی.

ئەمە لە کاتێکدایە کە دەسەڵاتدارانی ڕێژیمی کۆماری ئیسلامی تا ئێستا لە ئاست فراوانی و زیانەكانی ئەو هێرشانە بێدەنگ بوون یان ئەو ڕاپۆرتانەیان بە " زیادەڕەویی میدیایی" لە قەڵەم داوە.

https://www.tg-me.com/avatodaykurdi/136791

💥ئاکسیۆس: ئیسرائیل دەزانێت یۆرانیۆمی ئێران لە کوێیە

ئاکسیۆس، بە پشتبەستن بە سێ بەرپرسی باڵای ئیسرائیلی ئاشکرای کرد، کۆگای یۆرانیۆمی زۆر پیتێنراوی ئێران بۆ تونێلەکانی ژێر زەوی لە دامەزراوەکانی فۆردۆ و ئەسفەهان گواستراوەتەوە، ئەمەش لە پێناو پاراستنی لە هەر هێرشێکی دەرەکی.

بە گوتەی ئەم بەرپرسانە، ئەم دامەزراوە ژێرزەمینیانە لە دوای هێرشەکانی ئەم دواییەی ئەمەریکا و ئیسرائیل بە شێوەیەک لە جیهانی دەرەوە دابڕاون، ئەمەش وایکردووە ئێران بە خێرایی ئەم یۆرانیۆمە هەڵبگرێت یان لە هەر پەرەسەندنێکی ئەتۆمیدا بەکاری بهێنێت. 

ئاکسیۆس ڕاشیگەیاند، سێ بەرپرسی باڵای ئیسرائیل کە زانیاریی ڕاستەوخۆیان لەسەر هەواڵگریی پەیوەندیدار بە بەرنامەی ئەتۆمیی ئێرانەوە هەیە، ڕایانگەیاندووە، کۆگای یۆرانیۆمی زۆر پیتێنراو لە تونێلەکانی ژێر زەوی لە فۆردۆ و ئیسفەهان هەڵکەوتووە، بەهۆی بۆردومانکردنی دامەزراوە ئەتۆمییەکانەوە لە جیهانی دەرەوە دابڕاوە. بەرپرسانی ئیسرائیل پێیان وایە هەر هەوڵێکی ئێران بۆ هەڵگرتنەوەی ئەو یۆرانیۆمە لەو دامەزراوە ئەتۆمییانەی کە زۆر پیتێنراون ئاشكرا دەكەن.




🌐 ئاڤاتوودەی
هەینی، ٦ی پووشپەڕی ١٤٠٤
‏@avatodaykurdi

💥ئیدارەی ترەمپ بیر لە پلانی ئازادکردنی ٣٠ ملیار دۆلار بۆ کۆماری ئیسلامی لە بەرامبەر گەڕانەوە بۆ سەر مێزی دانوستان دەکات

"سی‌ئێن‌ئێن" ڕایگەیاندووە کە دەوڵەتی دۆناڵد ترامپ بۆ دەسپێکردنی دانوستان و هەروەها دروستکردنی بەرنامەیەکی ناوکی غەیرە نیزامی بە مەبەستی بەرهەمهێنانی وزە پێشنیاری پەکەیجێکی ٣٠ میلیارد دۆلاریی بە ڕێژیمی ئێران داوە.

وێڕای ئەمە ئامریکا چەندین سزاش لەسەر ڕێژیمی تاران ناهێڵێت کە ئامانج لەو ئیمتیازانە، گەڕاندنەوەی ڕێژیمی ئێران بۆ سەر مێزی وتووێژە.

هەواڵدەریی "سی‌ئێن‌ئێن" باسی لەوە کردووە کە زۆربەی دەسەڵاتدارانی ئامریکا و ڕۆژهەڵاتی نێوەڕاست، لە کاتی شەڕیشدا خەریکی دانوستان لەگەڵ ڕێژیمی ئێران بوون.
دەسەڵاتدارانی ئامریکایی باس لەوە دەکەن کە لەسەر زۆربەی پرسەکان لەگەڵ ڕێژیمی ئێران وتووێژ دەکەن بەڵام بابەتی "بەرهەمهێنانی چەکی ناوکی" بۆ ئەوان هێڵی سوورە و وتووێژی لەسەر ناکەن.



🌐 ئاڤاتوودەی
هەینی، ٦ی پووشپەڕی ١٤٠٤
‏@avatodaykurdi

💥وەزیری بەرگریی ئیسرائیل: ئەگەر ئێران لە پیتاندنی یۆرانیۆم بەردەوام بێت هێرشی دەکەینەوە سەر

وەزیری بەرگریی ئیسرائیل ڕایگەیاند، هەر کاتێک پێویست بکات بۆ لەنێوبردنی بنکە ئەتۆمی و پڕۆگرامی مووشەکی ئێران، هێرش دەکەنەوە سەر ئەو وڵاتە.

یسرائیل کاتز، وەزیری بەرگریی ئیسرائیل لە لێدوانێکدا ڕاشیگەیاند "نابێت ئێران لە پیتاندنی یۆرانیۆم بەردەوام بێت و ببێتە خاوەن چەکی ئەتۆمی، ئەگەر بزانن مەترسیی پیتاندنی یۆرانیۆم هێشتا لەو وڵاتە هەیە، ئیسرائیل ئامادەیە جارێکی دیکە هێرش بکاتەوە سەری."

ئاشکراشیکرد؛ لەسەرەتای هێرشکەوە نەیاندەزانی ئەمەریکاش بەشداریی ئۆپراسیۆنەکانیان بۆسەر ئێران دەکات.





🌐 ئاڤاتوودەی
هەینی، ٦ی پووشپەڕی ١٤٠٤
‏@avatodaykurdi

💥بڵاوبوونەوەی ڤیدیۆیەك لە ئۆپەراسیۆنی کۆماندۆكانی ئیسرائیل لە سایتی فۆردۆ دوای کاردانەوەی ترەمپ

دوای چەند کاتژمێرێک لە لێدوانەکەی دۆناڵد ترەمپ سەبارەت بە چوونی کۆماندۆكانی ئیسرائیل بۆ ناو سایتی ئەتۆمیی فۆردۆ، گرتەیەکی ڤیدیۆیی ئەم ئۆپەراسیۆنە لە سۆشیال میدیا بڵاوکرایەوە. لەم دیمەنانەدا کۆمەڵێک هێزی چەکدار بە کەرەستەی پێشکەوتوو و لە بێدەنگییەکی تەواودا دەچنە ناو کۆمەڵگەیەکی ژێرزەمینییەوە کە دەوترێت شوێنی ئەتۆمی فۆردۆیە لە نزیک شاری قوم.

هەندێک لە میدیاکانی ئیسرائیل ئەم ئۆپەراسیۆنەیان بە بەشێک لە ئۆپەراسیۆنێکی هاوبەش لەگەڵ ئەمریکا وەسف کردووە کە لە کاتی هێرشەکانی ئەم دواییەی بۆ سەر دامەزراوەکانی فۆردۆ كراوە..





🌐 ئاڤاتوودەی
هەینی، ٦ی پووشپەڕی ١٤٠٤
‏@avatodaykurdi

💥دەستبەسەر كردنی هاووڵاتییەکی خەڵکی نەغەدە لە لایەن بەكرێگیراوانی خامنەییەوە

ڕۆژی پێنجشەممە ٥ی پووشپەڕی ١٤٠٤، هاووڵاتییەکی خەڵکی نەغەدە بە ناوی “سامان (سەلام) سەید مەحموودیان”، تەمەن ٣٠ ساڵ، لەلایەن هێزە ئەمنییەکانەوە لە شوێنی كارەكەیدا و بەبێ فەرمانی دادگا دەستبەسەر کرا.

تا ئێستا هیچ زانیارییەک سەبارەت بە شوێنی ڕاگیرانی، هۆكاری دەستبەسەر كردن و ئەو تۆمەتانەی کە ئاراستەی کراوە، لەبەردەستدا نییە.





🌐 ئاڤاتوودەی
هەینی، ٦ی پووشپەڕی ١٤٠٤
‏@avatodaykurdi

💥جەلال خودامورادی لە چالاکی مەدەنیی خەڵکی شاری سنە لەلایەن هێزە ئەمنییەکانەوە دەستبەسەر کرا

ئەمڕۆ هەینی ٦ی پووشپەڕ هێزە تیرۆریستەكانی ئیتلاعات هەڵیانکوتایە سەر ماڵی جەلال خودامورادی چالاکی مەدەنیی خەڵکی شاری سنە و بە توندوتیژی دەستبەسەریان کرد.

شایانی باسە کە چوار ئۆتۆمبێل لە هێزەکانی جلوبەرگ شەخسیی ڕێژیم لە کاتژمێرەکانی سەرلەبەیانیدا هەڵیانکوتاوەتە سەر ماڵەکەی و دەستبەسەریان كردووە و بۆ شوێنێكی نادیار گواستوویانەتەوە.

تا کاتی نووسینی ئەم هەواڵە هیچ زانیارییەک لەبارەی دۆخی تەندروستی و شوێنی ڕاگرتنی ناوبراو لە بەردەستدا نییە.





🌐 ئاڤاتوودەی
هەینی، ٦ی پووشپەڕی ١٤٠٤
‏@avatodaykurdi

💥بەردەوامیی ڕاپۆرتی ئۆپەراسیۆنی سوپای ئیسرائیل | هێرشی ڕاستەوخۆ بۆ سەر دڵی کۆماری ئیسلامی؛ ڤیدیۆی هێرشەکانی سوپای ئیسرائیل بۆ سەر ئامانجە ستراتیژییەکان لە تاران

لە قۆناغێکی گرینگی ئۆپراسیۆنی سەربازی "سەرهەڵدانی شێرەکان"، سوپای ئیسرائیل بە ئەنجا دانی هێرشی ورد، ئامانجە ستراتیژییەکانی لە پایتەختی کۆماری ئیسلامی کردە ئامانج.





🌐 ئاڤاتوودەی
هەینی، ٦ی پووشپەڕی ١٤٠٤
‏@avatodaykurdi