Жакъа 12 абилеб маялъ Хасавюрт шагьарулъул к1удияб масжидалде зияарат гьабуна, Сириялъул Димашкъ шагьаралдаса к1удияв г1алим, Къуръаналъул ва къираатазул хаслъи жиндие бугев, имам Шафиг1ил мазгьабалъул г1алим, Ях1я ибну Г1абдуразакъ аль-Гъавсанияс. Гьеб мажлисалда гьес гьабуна киназего г1аммал насих1атал, гьединго ц1алана имам Нававиясул 40 х1адис абураб т1ехьалдасан х1адисал, гьел х1адисазе ижазаги кьуна киналниги г1ахьаллъи гьабурал г1алимзабигун мутаг1илзабазе, ва гьединго гьениб г1ахьаллъи гьабуна къват1и-къват1иса рач1аралгун шагьаралъул г1адамазги. Гьединго мажлисалда г1ахьаллъи гьабуна руччабазги.
Мажлисалдаса хадуб шейх Ях1я ва гьалбалгун г1алимзаби рачана кваназе Стамбул абураб рестораналде масжидалда данд бит1ун бугеб.
Гьелдаса хадуб шейхас зиярат гьабуна Ашг1ари мадрасаялде, гьебги бихьизе ва гьелъул Ректор Мух1аммад-дибиргун муг1алимзабазда данд ч1вай гьабизе. Гьениса хадуб шейхас зиярат гьабуна гьединго Даитова мадрасаялдеги ва гьелъул Ректор Ах1мадгун муг1алимзабазда данд ч1вай гьабуна.

Аллагьас гьадинал мажлисал г1емер гьаризе нилъее тавфикъ кьеги, гьадинал мажлисал сабаблъун бусурбабазда гьоркьоб рокьа хинлъи ва цолъи ц1ик1к1айги, Аллагьас гьадинал г1алимзабазул баракатги щвайги нилъее, Амин амин амин.

#хасавюрт #авармедиа