وَنُنَزِّلُ مِنَ الْقُرْآنِ مَا هُوَ شِفَاءٌ وَرَحْمَةٌ لِّلْمُؤْمِنِينَ ۙ وَلَا يَزِيدُ الظَّالِمِينَ إِلَّا خَسَارًا (82) الإسراء.

عامل أي يا صديقي أخبارك و أخبار القرءان معاك اي؟
قال رسول الله ﷺ - إِنَّ للهِ أهلِينَ مِنَ الناسِ قالوا : من هُمْ يا رسولَ اللهِ ؟ قال أهلُ القرآنِ هُمْ أهلُ اللهِ وخَاصَّتُهُ.

مش حابب تكون من أهل ربنا و من أحبائه؟
سهلة و بسيطة، القرآن هو الحل، حفظه و العمل به و بأحكامه و ترتيله، هتكون من أهل الله إن شاء الله و دي مكانة خاصة جدا، لأن القرآن فضله عظيم جدا على الإنسان في سماعه في قرأته في حفظه، في العمل بيه، في تدبره في كل حاجة هتكون مصاحب له؛ هيخدك لسكه كلها ورود و طِيب، و قلبك مع كل أيه بتقرأها أو بتسمعها أو تحفظها كأنك بتسقيه طمئنينة و إيمان و راحة و ثبات و ربنا عز وجل قال: ﴿ الَّذِينَ آمَنُوا وَتَطْمَئِنُّ قُلُوبُهُم بِذِكْرِ اللَّهِ ۗ أَلَا بِذِكْرِ اللَّهِ تَطْمَئِنُّ الْقُلُوبُ﴾
[ الرعد: 28]

و من الأحاديث المشهوره في فضل القرآن ، قال رسول الله ﷺ: اقْرَؤُوا القُرآنَ؛ فإنَّه يأتي شافِعًا لأصحابِه.
فعاوز أي أكتر من كده إن يكون ليك شفيع يوم القيامة ينجدك من النار و العذاب، و كمان يُظلل عليك يوم الحساب و يحميك من حر يوم القيامة، يكون ليك جبال حسنات بسببه، و تخيل تنشر فيديو أو مقطع فيه قرآن و أكثر من حد يسمعه شوف عدد الحسنات بقى التي لا تحصى.

و عن عائشة رضي الله عنها عن النبي ﷺ قال: مثل الذي يقرأ القرآن وهو حافظ له مع السفرة الكرام البررة ومثل الذي يقرأ وهو يتعاهده وهو عليه شديد فله أجران رواه البخاري (4653)، ومسلم (798).

و هنا لما تقول إن القرآن صعب في قرأته و صعب في نطقه و في كلمات صعبة؛ سهلة و بسيطة الحل في إنك تسمعه زيه زي أي حاجة عشان تعرف تنطقها لازم تسمعها الأول من شخص "شيخ" متقن و كمان مش كده وبس ده أنت ليك أجر على القراءة و أجر تاني على إنك تتلغبط في قرأته او يكون شاق عليك، يعني انت كسبان كده كده.

و عن أبي هريرة -رضي الله عنه: أنَّ رسول الله ﷺقال: يجيء صاحب القرآن يوم القيامة ، فيقول القرآن : يارب حله ، فيلبس تاج الكرامة ، ثم يقول : يارب زده ، فيلبس حلة الكرامة ، ثم يقول : يارب ارض عنه ، فيرضى عنه ، فيقال له : اقرأ ، وارق ، ويزاد بكل آية حسنة القرآن يوم القيامة فيقولُ: يا ربِّ ارضَ عنهُ، فيقالُ لَهُ: اقرأْ وارْقَ، وتزادُ بِكُلِّ آيةٍ حسنةً. رواه الترمذي

وربنا سبحانه بيقول { لَو أَنزَلنا هذَا القُرآنَ عَلى جَبَلٍ لَرَأَيتَهُ خاشِعًا مُتَصَدِّعًا مِن خَشيَةِ اللَّهِ وَتِلكَ الأَمثالُ نَضرِبُها لِلنّاسِ لَعَلَّهُم يَتَفَكَّرونَ }[ الحشر: ٢١ ]
طيب ازاي وانا مش بحس بيه أو بسمعه مش بحس بحاجة، ما هي دي فكرة الخشوع، إنك تسمعه بقلبك و بعقلك عشان تفهمه و تفهم المراد من الأيات بعد كده هتحس بلذة الخشية أو الفرح سواء كانت أيات عذاب أو رحمة، أيات جنة أو نار، و يمكن ده بيظهر في اخر صفحتين في سورة الزمر، و برضو الأغاني بتعيق جدا من الشعور بلذة القرآن، إنك تسمعها تتأثر بيها و إزاي الفراق صعب و إزاي الحب جميل و إزاي المشاعر لطيفة و حزينة عشان انت فاهم و عارف اللي بيتقال ، و هو نفس اللي مطلوب منك في سماع القرآن جرب تسمعه و تقرأه بقلبك عشان تعرف تتأثر به.

يمكن تجربتي أنا مع القرآن إني مكنتش بصلي أصلا بس كنت بحب أسمع قرآن بصوت المشاري راشد جدا وكنت بحب سورة الكهف و فضلت اسمعها لحد ما حفظتها كمان كنت في تانية اعدادي تقريبا، و كانت هي بداية إني أصلي أصلا، و يمكن ده بيفكرني بحديث الله القدسي اللي بيقول فيه: ومَن تَقَرَّبَ إلَيَّ شِبْرًا، تَقَرَّبْتُ إلَيْهِ ذِراعًا، ومَن تَقَرَّبَ إلَيَّ ذِراعًا، تَقَرَّبْتُ إلَيْهِ باعًا، وإذا أقْبَلَ إلَيَّ يَمْشِي، أقْبَلْتُ إلَيْهِ أُهَرْوِلُ.
فممكن سماعك له بس يكون سبب في إنك تقربله أكتر بس أنوي و تقوله يارب انا عاوز ارجعلك، تسمع، تقراء، تحفظ، تصلي، تتصدق، نوافل، أبدأ بس اسمع قرآن و أستبدله بالأغاني اللي ولا هتشفعلك ولا هتديك حسنات ولا هتكفر عنك سيئات ولا هتفتخر بيها يوم القيامة بعيدا عن قصة هي حرام ولا حلال و اللي أنا متأكد أنك لما تدوق طعمه القرآن و حلاوة الأيات و تدبره هتبطل تسمع أغاني بل و هتشمأذ منها وربنا يثبتنا و يعفينا كلنا يارب.

{ أَفَلا يَتَدَبَّرونَ القُرآنَ أَم عَلى قُلوبٍ أَقفالُها }[ محمد: ٢٤ ]َ

#موضوع_كل_جمعة

مرحبا بك في عالمي، عالم مليء بالسعادة، البهجة، الأمل، التفاؤل، والحب، هنا ستجد ما يجعلك سعيدًا، ستجد الحياة تبتسم لك، ستشعر أنها سهلة، تحبك وللمرة الأولى ستشعر أن البشر جميعهم ملائكة، ستحبهم؛ لتستطيع أخيرًا أن تخرج من عزلتك وتتعامل معهم..
ستفهم أن المجتمع بخير، متكاتف، يشعر بعضه بالبعض الآخر، يواسون الحزين ويسعودن مع السعيد، هنا الجميع يحبون الخير.
كانت هذه أحلامي ومازلت كذلك، لكن للأسف سترى عكس ما سردته، فلا تحزن هذه طبيعة البشر، وهذه هي الحياة الدنيا.
- كريم عبد العزيز

#رواية_لا_علينا_سوى_التأقلم
#رداء_التوجس
#معرض_الساقية_للكتاب_الزمالك

{ قالَ رَبِّ السِّجنُ أَحَبُّ إِلَيَّ مِمّا يَدعونَني إِلَيهِ وَإِلّا تَصرِف عَنّي كَيدَهُنَّ أَصبُ إِلَيهِنَّ وَأَكُن مِنَ الجاهِلينَ }[ يوسف: ٣٣ ]

عامل اي يا صديقي؟
في قصة سيدنا يوسف العظيمة و هي أحسن القصص، في كل شيء، و مع و سيدنا يوسف و إزاي صبر و إزاي رحلته بدأت من فتى منبوذ من أخواته يرموه في البئر و بعد كده يتباع عبد في سوق العبيد و بعد كده ربنا يكرمه و يدخل في قصر عزيز مصر و يتربى في مكان أي حد يحلم يعيش فيه في الوقت ده و بعد ده يجي البلاء الأكبر له في حياته و هو السجن اللي كان ممكن ميدخلهوش عادي ولكن؛
هنا سيدنا يوسف أختار السجن أختار ربنا، أختار الصح، أختار الآخرة، أختار إنه يكون عبد صالح،سيدنا يوسف قال " رَبِّ السِّجنُ أَحَبُّ إِلَيَّ مِمّا يَدعونَني إِلَيهِ"،و كانوا عايزين يراودوه عن نفسه بالفاحشة و دي كانت مرات عزيز مصر و نسونة من احلى نسوات مصر ولكنه رفض و اختار إنه يكون يوسف الصديق.

فأنا هنا جي اقولك و افكرك و افكر نفسي معاك كمان، عملنا أي عشان ربنا و قولنا ربي السجن أحب إلي مما يدعونني إليه؟
أمتى أخترت ربنا و بعدت عن حاجة حرام عشانه هو،
اخترت البعد عن ذنب معين رغم أنه فيه لذة و فيه متعة لكن عشان خاطر ربنا قررت تبطله أو تحاول تبطله،
أخترت الطريق الصعب اللي في شقاء اللي فلوسه حلال و متعب عشان خاطر ربنا رغم أن السهل مفيش اكتر منه حوليك و من غير أي تعب،
أمتى بريت أبوك و أمك و كتمت غيظك عنهما عشان خاطر ربنا و إنه أمرك إنك تصاحبهم وتساعهم و تراعيهم طول حياتك،
أمتى تصدقت عشان خاطر ربنا رغم إن الفلوس معاك على القد و حاسس إنك محتاجهم،
سيدنا يوسف اختار أنه يبقى في السجن عشان خاطر ميعملش حاجة حرام تغضب ربنا فأنت بقى عامل أي في حياتك و ذنوبك و ملذاتك و هواك ؟
خلي عندك أمل في إن أي الطريق صعب اللي هتاخده و هتبتغي بيه وجه الله و عشان خاطر ربنا نهايتك هتكون سعيده و أفتكر أية { وَأَمّا مَن خافَ مَقامَ رَبِّهِ وَنَهَى النَّفسَ عَنِ الهَوى }[ النازعات: ٤٠ ] و أفتكر إن بعد ما سيدنا يوسف كان في السجن بقى هو عزيز مصر و أرجع أقراء سورة يوسف تاني؛ هتلاقي عشان ربنا يخرجه من السجن غير موازين العالم كله عشانه، المجاعة حلت على مصر و العالم تقريبا و بسببه قدر يفسر رؤية الملك و ينقذهم من البلاء اللي حصل، فدايما حط قصة سيدنا يوسف في دماغك مع كل بلاء يحصلك، مع كل طريق سهل شيطاني يتفتحلك، أفتكر أن ربي السجن أحب إلي؛ و يكون لك قدوة .

{ لَقَد كانَ في قَصَصِهِم عِبرَةٌ لِأُولِي الأَلبابِ ما كانَ حَديثًا يُفتَرى وَلكِن تَصديقَ الَّذي بَينَ يَدَيهِ وَتَفصيلَ كُلِّ شَيءٍ وَهُدًى وَرَحمَةً لِقَومٍ يُؤمِنونَ }[ يوسف: ١١١ ]

#موضوع_كل_جمعة

لم يعد هناك شيء بداخلي، فلن تراني بعد الآن الشخص الذي كنت تعرفه، فقد كان بداخلي الكثير من الذكريات الجميلة، الكثير من الأفراح وضجيجها السعيد، الناس هنا كانوا يرقصون و يهللون وكانت السعادة هي السمة السائدة في كل أركان قلبي
ولكن لا أدري ماحدث، فقد كان معهم شخص منذ أن تركني؛ انطفأت الأضواء، البشر اختفوا، زال الفرح، وباتت الذكريات السعيدة حزينة، أصبح المكان عبارة عن فضاء، الفراغ هنا هو ما يعم في المكان، لا أعلم ماذا كان يعني لي هذا الشخص! لا أعلم لماذا عندما تركني حدث كل ذلك؟!

- كريم عبدالعزيز

"قابلت الكثير من الأعداء، أسوأهم الذين يدعون أنهم أصدقائي."

- باولو كويلو

‏لم أرَ نظرات الحُب الحقيقية إلا على عتبات المقابر ، والمستشفيات ، نحن أُناسٌ لا نتذكر من نحبهم إلا في النهاية.

― دوستويفسكي.

{ إِنَّ الَّذينَ يُحِبّونَ أَن تَشيعَ الفاحِشَةُ فِي الَّذينَ آمَنوا لَهُم عَذابٌ أَليمٌ فِي الدُّنيا وَالآخِرَةِ وَاللَّهُ يَعلَمُ وَأَنتُم لا تَعلَمونَ }[ النور: ١٩ ]

عامل أي يا صديقي؟
حابب أفكرك إن التيلفون اللي أنت ماسكه و بتقرأ منه و الفيسبوك اللي أنت فاتحه أو اي تطبيق تواصل أجتماعي و الكلام اللي انت بتكتبه عليه، الصور اللي انت بتنشرها و الفيديوهات و اللايك و الشير اللي أنت بتعمله كل ده هتتحاسب عليه، فخلي بالك من أنك تكون من الناس اللي بتنشر أي حاجة فيها عري، موسيقى، تنمر، عورات الناس، خلي بالك تعمل شير أو تتفاعل مع بوست فيه الكلام ده خصوصا أنه أتشهر جدا فكرة الوتيوبر أو الناس اللي بتعمل ريأكتات على الناس و عوراتهم و تجيب فدييوهات بنات و رقص وعري و يتريقوا على أهل بيتهم أو عليهم و هما كده فكرين أنهم صح لكن هم للأسف بينشروا الفاحشه و بيشهروهم أكتر و بيخلوهم يوصلوا للي هم عاوزينه الفلوس و الشهره و تلاقي منهم كمان بيطلع على قنوات و يعملوا معاهم لقائات بفلوس و أنت قاعد مش فاهم بيحصل اي بتشتغل شهرين عشان تجيب ربع اللي بقى بيخدوه بسبب لايك أو شير أنت عملته و دعمته به، فلو فعلا عاوز تنصح أو تتكلم على حد يبقى نفسك أولا بعد كده ممكن تعمل بلور أو مش لازم تظهر كل حاجة في الفيديوهات و أتكلم برحتك لكن للاسف بيكون كله في سبيل الرتش و الفلوس.

و يمكن النقطة التانيه و هي لسانك و الغيبه و النميمه أنك تغلط في حد بغير حق عشان انت مش بتحبه و تطلع فيه صفات هي مش عنده عشان تبان أنك كسبان نقاش أو أنك صح و كويس و هو الوحش، كمان عدم تجريح الناس.. قال ﷺ "إن شر الناس منزلة عند الله يوم القيامة من تركه الناس اتقاء فحشه"… و دي من الكبائر و يمكن ده اللي حصل من أمنا عائشة رضي الله عنها في حادثة الإفك و اللي أتقال عنها و الظلم اللي هي تعرضت له و ربنا نزل فيها سورة كامله و أيات تعلم الناس أمور دينهم و حياتهم و كمان فيها أيات الحجاب.

و افتكر آيات سورة الحجرات { يا أَيُّهَا الَّذينَ آمَنوا لا يَسخَر قَومٌ مِن قَومٍ عَسى أَن يَكونوا خَيرًا مِنهُم وَلا نِساءٌ مِن نِساءٍ عَسى أَن يَكُنَّ خَيرًا مِنهُنَّ وَلا تَلمِزوا أَنفُسَكُم وَلا تَنابَزوا بِالأَلقابِ بِئسَ الِاسمُ الفُسوقُ بَعدَ الإيمانِ وَمَن لَم يَتُب فَأُولئِكَ هُمُ الظّالِمونَ }[ الحجرات: ١١ ]. { يا أَيُّهَا الَّذينَ آمَنُوا اجتَنِبوا كَثيرًا مِنَ الظَّنِّ إِنَّ بَعضَ الظَّنِّ إِثمٌ وَلا تَجَسَّسوا وَلا يَغتَب بَعضُكُم بَعضًا أَيُحِبُّ أَحَدُكُم أَن يَأكُلَ لَحمَ أَخيهِ مَيتًا فَكَرِهتُموهُ وَاتَّقُوا اللَّهَ إِنَّ اللَّهَ تَوّابٌ رَحيمٌ }[ الحجرات: ١٢ ].

و عن النبي صلى الله عليه وسلم قال : " لا تؤذوا عباد الله ولا تعيروهم ، ولا تطلبوا عوراتهم ، فإنه من طلب عورة أخيه المسلم ، طلب الله عورته ، حتى يفضحه في بيته ".

و كان سيدنا عمر إبن الخطاب له مقولة مشهوره كلنا عارفنها تقريبا إِنَّ لِلَّهِ عِبَادًا يُمِيتُونَ الْبَاطِلَ بِهَجْرِهِ، وَيُحْيُونَ الْحَقَّ بِذِكْرِهِ".
فتخيل أحنا دلوقتي بنحيي الباطل و بنميت الحق عشان الحق مش بيجيب فلوس ولا رتش بس والله بيجيب جنة الخلد.

و أخير حديث سيدنا معاذ بن الجبل مع رسول الله صلى الله عليه و سلم بيقول فيه:
يا رسول الله، أخبرني بعمل يدخلني الجنة، ويباعدني من النار، قال: لقد سألت عن عظيم، وإنه ليسير على من يسره الله عليه، تعبد الله ولا تشرك به شيئا، وتقيم الصلاة، وتؤتي الزكاة، وتصوم رمضان، وتحج البيت، ثم قال: ألا أدلك على أبواب الخير؟ الصوم جنة، والصدقة تطفئ الخطيئة، كما يطفئ الماء النار،وصلاة الرجل في جوف الليل، ثم تلا: تتجافى جنوبهم عن المضاجع) حتى بلغ: يعملون) ثم قال: ألا أخبرك برأس الأمر ، وعموده، وذروة سنامه؟ قلت: بلى، يا رسول الله، قال: رأس الأمر الإسلام، وعموده الصلاة، وذروة سنامه الجهاد، ثم قال: ألا أخبرك بملاك ذلك كله؟ قلت: بلى، يا نبي الله، فأخذ بلسانه، وقال: كف عليك هذا، فقلت: يا نبي الله، إنا لمؤاخذون بما نتكلم به؟ قال: ثكلتك أمك يا معاذ، وهل يكب الناس في النارعلى وجوههم، أوعلى مناخرهم، إلا حصائد ألسنتهم.

#موضوع_كل_جمعة

هٰهنا، بين شظايا الشيء
واللاشيء، نحيا
في ضواحي الأبديةْ.
https://www.tg-me.com/qablelnehaya

ترهقنا الحياة، وتجبرنا أن نسير طريقنا منزوعين المشاعر، الطاقة، نسير بلا شغف، بلا قلب، حتى أرواحنا لا تكون حاضرة، ولكن في طريق الحياة لا سبيل للوقوف، لا سبيل للخروج منها؛ هنا إما السير أو السير، لا خيار ثاني.

- كريم عبدالعزيز

هٰهنا، بين شظايا الشيء
واللاشيء، نحيا
في ضواحي الأبديةْ.

https://chat.whatsapp.com/ChL26nhg1a3CHxWa1ZJhpp

الخيبات تتلاحق، أصبح الكل في حياتي عابرًا في نظري لا دوام، لا تعلق، لا حب، الكل يكذب، ينافق و يتظاهر؛ حتى لم أعد أذكُر كيف كان شعور الطمأنينة بالنسبة لي.

كريم عبد العزيز

وَأَن لَّيۡسَ لِلۡإِنسَٰنِ إِلَّا مَا سَعَىٰ (39) وَأَنَّ سَعۡيَهُۥ سَوۡفَ يُرَىٰ (40) ثُمَّ يُجۡزَىٰهُ ٱلۡجَزَآءَ ٱلۡأَوۡفَىٰ (41) وَأَنَّ إِلَىٰ رَبِّكَ ٱلۡمُنتَهَىٰ (42) سورة النجم

عامل أي يا صديقي؟
عارف أنك بتحاول و بتسعى و عارف إنك حاولت و فشلت و عارف أنك لسه بتحاول عشان توصل؛ بس مش ظابطه معاك و عارف إنك هتحاول تاني و بتسعى إنك توصل للهدف بتاعك بس حابب أفكرك إن سواء وصلت الحمدلله و ربنا كتبلك الخير في الحاجة اللي أنت بتسعى ليها أو ربنا قدر إنك متوصلش و قفل في وشك كل أبواب الهدف ده فخليك فاكر أن ليس للإنسان إلا ما سعى و خليك فاكر إن النقطة اللي انت وصلتلها هو ده الجزاء الأوفى هو ده الخير ليك و هو ده اللي ربنا عايزه ليك مش أنت اللي هتختار ومش أنت اللي بتحدد نهايتك و نهاية هدفك.
{ وَرَبُّكَ يَخلُقُ ما يَشاءُ وَيَختارُ ما كانَ لَهُمُ الخِيَرَةُ سُبحانَ اللَّهِ وَتَعالى عَمّا يُشرِكونَ }[ القصص: ٦٨ ]

و خليك فاكر إن مجهودك كله اللي سعيت بيه و متحققش مُرادك؛ مرحش هدر بالعكس مجهودك بيتحوشلك في حاجة تاني، سواء في الدنيا أنك هتلاقي حاجة جيالك لحد عندك من غير أي مجهود منك، و كمان ربنا هيحطلك فيها القبول و كأنها الحاجة اللي أنت بتحلم بيها طول عمرك من غير ما تاخد بالك بس أرضى باللي كتبهولك، أو في الاخرة إن ربنا يجزيك خير على كل أفعالك دي.

{ وَقُلِ اعمَلوا فَسَيَرَى اللَّهُ عَمَلَكُم وَرَسولُهُ وَالمُؤمِنونَ وَسَتُرَدّونَ إِلى عالِمِ الغَيبِ وَالشَّهادَةِ فَيُنَبِّئُكُم بِما كُنتُم تَعمَلونَ }[ التوبه: ١٠٥ ]

و حاجة كمان عاوز افكرك بيها، إن السعي كله خلي نيتك لله فيه، فكل حاجة نيتك فيها هتكون لله و إنه يارب انا عاوز اشتغل الشغل ده عشانك و عشان أبقى معايا فلوس و اتصدق و أرضيك، عشان يبقى معايا فلوس و اتعفف و اتجوز و ما أعصيك، و إنه يارب أنا عاوز ادخل الكلية دي عشان أنفع بيك الأمة و أعلم غيري و افيد البشرية في حاجة تنفعهم، و هكذا كل نية هتحطها في إنه يارب انا عاوز ده عشانك؛ ربنا هييسرلك الأمور أكتر و هيكون لك الخير فيه إن شاء الله و هو ده احلى سعي إنك تسعى عشان ربنا عشان ترضيه عشان تدخل الجنة إن شاء الله، و دي حاجة إحنا كتير بنغفل عنها و هي النية لله عشان ندخل الجنة و دي الحاجة اللي احنا جايين الدنيا عشانها فلما تسعى في طريق غلط و تزعل إنه اتقفلك فأحمد ربنا ممكن يكون طريقك فيه كان هيبعدك عن الجنة.

مَّن كَانَ يُرِيدُ ٱلۡعَاجِلَةَ عَجَّلۡنَا لَهُۥ فِيهَا مَا نَشَآءُ لِمَن نُّرِيدُ ثُمَّ جَعَلۡنَا لَهُۥ جَهَنَّمَ يَصۡلَىٰهَا مَذۡمُومٗا مَّدۡحُورٗا (18) وَمَنۡ أَرَادَ ٱلۡأٓخِرَةَ وَسَعَىٰ لَهَا سَعۡيَهَا وَهُوَ مُؤۡمِنٞ فَأُوْلَٰٓئِكَ كَانَ سَعۡيُهُم مَّشۡكُورٗا (19) سورة الإسراء

#موضوع_كل_جمعة

"إذا كنت لا ترى أي عيوب في شخصٍ ما فقد وقعت في الحُب أيُّها المغفل."

- تشيخوف

"تبدأ حياتك مُحاولًا فهم كلّ شيء، وتنهيها مُحاولًا النّجاة من كلّ ما فهمت."

- فرانز كافكا

"إن المرء يُمكنه أن يُنقذ الآخر فقط بمجرد تواجده ولا شيء آخر سوى ذلك."

- كافكا إلى ميلينا

في طريق رحلتك هناك لافتات ترشدك للمسار الصحيح..
وفي طريقي اتّبعتهم جميعًا حتى وصل بي الحال لعينيكِ.

- كريم عبد العزيز