Tadbirkorlik subyektlarining murojaatlarini tizimli ravishda qabul qilish va ularning muammolarini tezkorlik bilan hal etish maqsadida doimiy ravishda tadbirkorlar bilan onlayn muloqotlar tashkil etib borilmoqda.

Bugun viloyat hokimi Ulug‘bek Qosimov Uzun tumani hokimligi studiyasidan videokonferensaloqa orqali onlayn shaklda navbatdagi tadbirkorlar qabulini o‘tkazdi. Qabul Savdo-sanoat palatasi viloyat boshqarmasi hamkorligida tashkil etildi.

Hududiy studiyalar orqali 55 nafar tadbirkorning turli masalalardagi 60 dan ortiq murojaati tinglandi. Ulardan 13 tasi qabul davomida ijobiy hal etildi. Ijrosi qo‘shimcha muddat va o‘rganish talab qiladigan murojaatlar mas’ullarga yo‘naltirildi hamda nazoratga olindi.

Eslatma: Tadbirkorlar o‘z murojaatlarini quyidagi aloqa kanallari orqali yuborishlari mumkin:
Telefon raqami: (376) 228-69-74
Qisqa raqam: 1055
Telegram guruhi: @surxondaryo_qabul

Surxondaryo.uz | Telegram | Facebook | Instagram | YouTube | X

Surxondaryo viloyatida amalga oshirilayotgan keng ko‘lamli bunyodkorlik ishlarini o‘rganish hamda jamoatchilikka xolis va to‘liq axborot yetkazish maqsadida vohamizga tashrif buyurgan xorijiy va mahalliy ommaviy axborot vositalari vakillari uchun Termiz shahrida press-tur tashkil etildi.

Surxondaryo viloyati hokimligi va "O‘zbekgidroenergo" aksiyadorlik jamiyati axborot xizmatlari hamkorligida uyushtirilgan ushbu media-tur davomida OAV vakillari "Boqiy shahar" turistik majmuasi, musiqali favvora va atrofidagi hududda amalga oshirilayotgan qurilish-bunyodkorlik ishlari, zamonaviy turistik va gastronomik ko‘chalar hamda boshqa yirik loyihalar bilan yaqindan tanishdilar.

Press-tur ishtirokchilari Termiz shahrining jadal rivojlanayotgan infratuzilmasi, tarixiy meros bilan uyg‘un tarzda tashkil etilayotgan yangi majmualar, sayyohlar uchun yaratilayotgan zamonaviy sharoitlar haqida ma’lumotlarga ega bo‘lishdi.

Surxondaryo.uz | Telegram | Facebook | Instagram | YouTube | X