قلت باكر تبقي عيدي
وتحيا اشواقي العنيدة
انبسط وكتين اسالمك
وبي ايديا انا احتويك
وادعي ربي اكون معاااك
وفي منامي اهاتي بيك
وعيدي اني اشوف بسيمك
حن عيونك واشقي بيك
وتملا كل دنياي مسرة
يوم اشووفك وابقي ليك.........




#ايات #احمد 💫

لا يهم ما سأواجهه من عقبات في دروب السعاده فكل مااعرفه انها #هنا❤ تحوم وتجول بيننا وتحط رحالها علي من #عشق #التفاؤل...
فمن احب الحياة وآمن بالمكتوب واغلق #نوافذ #الياس وركب #قارب #الاصرار والعزيمه #وآمن #بنفسه ووثق بها واعطاها حقها واقتنع بما يملك و#علم بان الله واهب كل شي وهو علي كل شئ قدير تلك هي قمة السعاده فمن ملكها طابت له الحياة
#فكن عزيز النفس #حلو #الحديث #باسط اليد #بشوش الوجه #برغم م تعانيه من احزان فالحياة لاتحتاج لتعقيد فالبساطه تشعرك بلذة الحياه...



#ايات #احمد 💫

روحي دي مرهقة شديد والله من كمية الوجع💔 العشتو طاقة عشان اقدر ابكي بيها 😢بقت ما عندي 😔#نفسي #ابكي 😭زي م الناس #بتبكي و تخفف عن روحها شوية #نفسي #اكون #مطمنة وما #خايفة نفسي #اكون #تمام وبس ما عايزة شي تاني😓....


#ايات #احمد// مجرد #وجع

آسفة جدا وندمانة علي اي #وقت واي #ثواني قضيتها مع #ناس ما #بتستاهل وآسفة #علي اي #وقت كانوا #فيه بحوجتي #وضيعتوا معاهم وآسفة علي اي #كلمة وكل #حرف كنت #بحكي معاهم #اسفة علي #المحبة الوهبتها #ليهم والطيبة #الكانت نقطة #ضعفي اللي استغلوها واسفة #علي الثقة #المنحتها ليهم واسفة علي اي شي #سمح قدمتوا ليهم #ولسه بحصد ف الاسف #لناس طلعوا #عديمين اصل #وعديمين كل شي #حلو ما لقيت منهم الا #الحسرة والندامة و#وجع القلب هم ديل #النقطة #السودة الفي حياتي🙂 الخلتني #اعرف كتيير #واتعلم كتيير بس وجعتها #باقية لاني كنت طيبة شديد وزيادة عن اللزوم وفي الاخر دة #اللقيتوا من معاشرتي ليهم #نكران للعشرة وانانيية جد ... فعلا انتو ناقصين شديد .. وانا كارهة نفسي جدا علي معرفتها بيكم #وتعاملها معاكم بالجد ما #تستاهلوا اي شي #جميل بس خليكم #عارفين ومتاكدين #حتحتاجوا لي وتفتشوا لي #بين الناس #لمن تفتروا وما #حاعيركم اهتمام لانكم #تستحقوا العذاب #والوجع البتأذوا بيه #الحولكم فعلا تستحقوا وبجدارة كمان😐




#ايات #احمد 💫

صدقوني انه حوجتنا للزول #البفهمنا اكتر بكتير من الزول #البهتم بينا💔


#ايات #احمد💫

في عذ الملل والكآبة وعدم الموضوع الانحنا فيه .. بنتزكرهم وبدون ما نشعر بنلقي اننا حكينا
معاهم لانهم #هم عدال المزاج والكيف وهم البنسونا الجوطة الكانت حاصلة وقت كنا #بعيدين منهم .. ديل هم البنقدر نحكي ليهم ونشاطرهم اي شي وبنكون مرتاحين للاخر😊 ديل البنقول عليهم #رفقاء الدرب الما معروف نهايتو وين بس هم ماسكين ايديك ومواصلين معاك المسير ديل ابقي عليهم عشرة ودسهم جوة عينيك لانهم يستاهلوا ❤❤


#ايات #احمد

الحياة دي صعبة جدا دون دعوات امي الكانت بترافقني دايما وبتختصر لي شوارع كتيرة عشان اصل😢 الدعوات النابعة من جوة وبكل حب دي فقدتها خلاص ... ربنا يتولاها بالرحمة والمغفرة ويجعلها من اهل الجنة ان شاء الله 💔😢

بكرة كورونا تفوت وتروح
ونبقي في صحة وكلنا عافية
ونرجع لي لماتنا سلامنا
حس ضحكات اطفالنا الفرحة
ونمشي نشارك ونوصل اهلنا
وننسي هموما بيها فترنا
ونسمع صوت الجرس الضارب
ولعب اطفال والسوق الزحمة
وست البيت النورها يضوي
تاخد ضمة بشوق ومحنة
وست الشاي المارقة صباحي
وصوت جيراني احبابي ويمة
وترجع لينا حياتنا السمحة
وتبقي بلادي بعافية في لمحة
ولازم نلزم ليها ديارنا شان
ما نصح ونبقي في صحة
ونغسل لي ايدينا ضروري نعقم
وللكمامة ما ننسي
شان نحفظ اسرتنا الغالية
ونسلم كلنا من البالية
ولازم ياخ نتساند
ونعبر من كورونا ونشفى ....



#ايات #احمد💫

قمة الانتصار الوصول الي مبتغاك بمفردك دون الحوجة لاحد👌


#ايات #احمد

ما تستهونوا بالسلبيين الفي حياتكم هم ديل البطفوا الحماس والامل الجواكم اعتزلوهم وخليكم مع ناس ايجابيين صدقوني حتحسوا بتغيير كبير في نفسكم و روووقة روح واستكانة بمزاج تساوي الدنيا ومافيها 🤚


#ايات #احمد 💫

وصلنا لمرحلة ما بفرق معانا اي شي تسال تطنش تقعد تسقط ترقص كلووو ما بهمنا اكتفينا من كل التصرفات وبقينا ما عندنا ليها شي المهم اننا مبسوطين مع نفسنا وامورنا فل لوحدنا دة المهم الباقي عليه السلام وكفي 🤚



#ايات #احمد

نحكي شنو #ونخلي شنو هو #انتو خليتو فيها حكي 🤔 #تطلعوا من حياتنا #بمزاجكم وتجونا #بكل برود زي #الكأنكم ما عملتوا شي 🤔😒 #لا دقيقة #انتو مفتكرننا #هاملين لدرجة الفهم الغبي العندكم دة #لا يا حبايبنا نحنا اكبر من كدة #بكتيير ودي مجرد #مساحة بنديها #لامثالكم عشان نقفل علي #الحكي الكتييير الحتسمعونا ليه #فعشان كدة خليناكم تعملوا الفي بالكم #وتمرقوا من حياتنا بس اعرفوا انه #باب #للرجعة ماااافي 🤚😌

#ايات #احمد

هم صنف واحد بصور مختلفة بس نلف ونرجع بنلقي الاصل ثابت مهما اتغيرت ظروفهم ..


#ايات #احمد

الناس دي اغلبها في سباق
وكرعينها آظن لي حفن
للجرية في درب النفاق..
والعترة من دقر الصدق
والهوشة دافراهم لي ضياع..
والناس بقت كل الصنوف
تلقاها كل ما احلي والذ واطاب ..
وطرف الدريب....
يقعد مضيريب زي كتاب
زاقلنو في نص الزقاق..
والحالة ون
والندرة اصلوا وصولها
ياهو مساسقة وكترة صعاب..
والناس بقت....
بصراحة افعال ما بتطاق
و الحالة زي سجم الرماد
والناس بقت..........




#ايات #احمد

قل للشهيد سلاما .. فوحدك حي وكلنا اموات💔
الرحمة والمغفرة للشهداء في عليائهم..

#زكري #مجزرة #القيادة #العامة..

نضم القلب بآكل روحك كفاك سكات قول الفيه عشان ما تتعب 💔


#ايات #احمد

نكون #صريحيين يا جماعة الحياة دي صعبة جدا محتاجة ليها #رفق وربي😐 عشان نجازفها مع بعض ....فاللهم رفيقا بجانبنا حتي نصل سويا حواف الانتهاء ....


#ايات #احمد

كن وحيدا منعزلا صامتا كئيبا وخبئ نفسك من شر هؤلاء فوحدتك ابعدت عنك كثيرا من السوء كان سيصيبك بجانبهم....

#ايات #احمد