فزاعيه للقاسم

اويلاه يافاطمة اويلاه يافاطمة

عريس متخضب دما اويلاه يافاطمة
اويلاه يافاطمة

لاتعجنوها حنته اويلاه يافاطمة
طفي يازينب شمعته اويلاه يافاطمة
لزمي قلبها امميته اويلاه يافاطمة
فرق الولد مااعظمه اويلاه يافاطمة
اويلاه يافاطمة

حسين راح المصرعه اويلاه يافاطمة
عاين اوصاله مقطعه اويلاه يافاطمة
جابه لامه تودعه اويلاه يافاطمه
عريس غارق بالدما اويلاه يافاطمة
اويلاه يافاطمة

صارت الضجه بالخيم اويلاه يافاطمة
على الشباب صار اللطم اويلاه يافاطمة
وحسين من بين الحرم اويلاه يافاطمة
وقلبه توجر بالظما اويلاه يافاطمة
اويلاه يافاطمة

يازهرة يامحزونة اويلاه يافاطمه
عريس ويذبحونه اويلاه يافاطمة
وعمه يون لونينه اويلاه يافاطمة
ورملة صدرها تلطمه اويلاه يافاطمة
اويلاه يافاطمة

الشاعرة كفايه الشيخ

الناشر//مصطفى فؤاد
للتواصل//@wowo48

🚩🚩🚩

فزاعيه لفقد الشباب
للقاسم ولأكبر( ع)



*شحال التفگد الويلاد*
*دوم تعيش مالومه*


صعبه فكدت الشبان
حلوين البزر وحنان
وسفه تطمهم التربان
وين الحلوه ارسومه


اسم الله عالولد واسمه
حيف المگبره تطمه
الله يعين گلب أمه
لمنومس صعب يومه


تسع اشهور شالته
بدمع العين ربته
ذاك الليل سهرته
نحرمت لذة النومه


تسهرله وعليه تعبت
يامه لولت وربت
بروحه روحها تعلگت
صار وشالت همومه


كل طلگه الي تطلگهه
شهگت موت تشهگهه
حگهه الوالده حگهه
من الفرگه ملچومه




✍🏻 رقيه أم أباذر السكيني

الناشر//مصطفى فؤاد
للتواصل//@wowo48

فزاعيه. قصيده.للقاسم. ابن.الحسن.عليه.السلام

جاسم طاح يارمله
اشموع العرس طفيها
___
تهل ادموع سجابه

طاح اليوم.بحرابه

اوحزنيها الحبابه

راح اومارجع ليها
___
يارمله فلشي.الكله

اتگلها والدمع.يهله


اتصوب. جاسم. بنبله

واسكينه اليوم حزنيها
______
حزني اليوم.اسكينه

القاسم.طاح يلحزينه

بلحومه.يجهر اونينه
والونه.يجربيها
__
تكتل.ونت. الشبان

اويلي نومه عالتربان

متصوب.بنبل والزان
يل جثتك.اموذريها

___

يمه.وجهك اگبالي

كل ساعه يتراوالي

اصيح بصوت يلغالي

اهدومك.وين اوديها




تمت.بحمد الله
بقلمي.خادمه.القاسم ابن الحسن
ع

زهره شريف.الكناني

الناشر//مصطفى فؤاد
للتواصل//@wowo48

هوسات جنوبيه
لقاسم.ابن الحسن. عليه السلام

اليوم ام ولد تبجي حالها اشلونه

من جاه علم جاسم طايح بكونه

واتصيح بصوت امه. اليوم محزونه

خل امه تشوف لاتشيلونه
من فدوه اروح الخزت اعيونه
____

تصيح بصوت يبني. يلولد.يبني
خل. امه تشوفه. لاتشيلونه

يبني ارباك. جاسم حيل تعبني
خل امه تشوفه لاتشيلونه

ماحسبت. يبني تالي تتركني
خل امه. تشوفه. لاتشيلونه

ارجع.ليها/ جسام امك

__________

صاحت يم الولد طفي.اشموعه

ترى جاسم مااله. بعد مرجوعه

صاحت بصوت يمه. رمله مفجوعه

يمه. شمعتك___. هليوم اطفيها
اوطايح بالحرب.اوليدي راعيها

ياشيب ييمه ياغصن البان
يمه شمعتك. هاليوم اطفيها

موحلوييمه نومة التربان
يمه شمعتك هاليوم اطفيها

وسفه زفتك صار. نبل او زان
يمه شمعتك. .هاليوم اطفيها

يشبيب امك / مهضومه
_______
گلت جسام.بيده.هو ايدفني.

ماحسبت.يبني. تركتني بوني

اوساعات الحزن.يبني لفني

امك يالولد ياهو يباريها
ماترجع.ياوالي اوتحاجيها
__
من بعدك. ييمه.اروح ايسيره
امك يلولد. ياهو.يباريها

ييمه امحيره اوحيرتي حيرة
امك.يلولد. ياهو يباريها

ياجسام. يبني اهمومي احبيره
امك يلولد ياهويباريها


اكعد ليها /ياسور احماها

تمت.بحمد.الله

بقلم. خادمة.القاسم.ابن.الحسين عليه.السلام

زهره.شريف.الكناني

الناشر//مصطفى فؤاد
للتواصل//@wowo48

قصيده للقاسم


ويلي عالعريس طفو شمعته

---------------------------____________

وامه الحنينه اليوم عجنت حنته

اصيح عازيني وينج عمته

شلون بيدي اليوم اجهز خيمته

ويلي عالعريس كربت ساعته

امخضب ابدمه الولد من شافته

كامت تنادي بصوت حلوه شوفته

من شافته مصيوب كامت شمته

وسفه الاعادي شلون ابني غدرته

امسبح ابدمه الولد ما عرفته

ناحت ابعالي الصوت ابنها حظنته

ابطيحتك جسام حيلي هدمته

استعجلت عالموت يمه نادته

هد هدت المختار لمن نضرته

ماخذ شجاعه وزود من اعمامته

يالبعده اصغيرون شبت غيرته

ابن الحسن ياحيف طبرو هامته

➖➖➖➖➖➖➖➖

تمت بقلم خادمه اهل البيت ع

الناشر//مصطفى فؤاد
للتواصل//@wowo48

فزاعيه للقاسم



عريس الولد ياناس
هله وربعه يزفونه
➖➖➖➖➖➖➖

امه تعلك الشمعه
تهل عيونها الدمعه
حظرو كل هله وربعه
اوبالحنه يحنونه

➖➖➖➖➖➖➖
يحنونك ييمه اليوم
كلبي اعله الولد مفطوم
كوم اوليدي ياجسوم
والخيمته يمشونه

➖➖➖➖➖➖➖
خيمه عرسه فرشوها
والهلهوله علوها
وشموعه اعلكوها
وخل ربعه يهنونه
➖➖➖➖➖➖➖➖
هنو الؤلد ياربعه
للمعركه امن انودعه
يموت وتنطفي الشمعه
حضر للموت تدرؤنه
➖➖➖➖➖➖➖➖
كصد للمعركه بهمه
فده عمره لجل عمه
رفع راس الحنينه امه
صبي والكل يخافؤنه
➖➖➖➖➖➖➖➖
القاسم خوف العدوان
يؤم البرز للميدان
جندل بيهم الشجعان
ماكدرؤ يرهبؤنه

➖➖➖➖➖➖➖➖

تمت بقلم خادمه اهل البيت. ع

الناشر//مصطفى فؤاد
للتواصل//@wowo48

((نزله للاكبر ع))
__________
خبر عاجل من سقر
ها هنا صار المفر ....هذا الاكبر بالحرب جن علي صولاته
*****************
دكت الحومه بيان اركانها
والعده صار المفر عنوانها
كربله نادت وعز طوفانها
راد يكلبهه وعلي ابميزانها

هذا الأكبر متعلي
امحزم بغيرة علي.......هذا الاكبر بالحرب جن علي صولاته
****************
ماجت اخيول العده وفرسانها
هذا الأكبر بيها كص لسانها
انذار دخلت كربله وميدانها
شبل حيدر بالمعارك شانها

محكمه خله الطفوف
السبع بيهم يرؤف.......هذا الاكبر بالحرب جن علي صولاته
*****************
ايست منه وعددهم بانها
يكلب الدنيا بفحيح اسنانها
باعو الدين برخيص اثمانها
كلها يمك صرفنتهه اردانها

والشمر خايف وفد
دور الختله ولبد .......هذا الاكبر بالحرب جن علي صولاته
*****************
جنه عزريل اعتنه وحاديها
حتى كاع الطف صبح يطويها
مثل حيدر بالحرب يفنيها
دخنت سوح الوغى براعيها

يخطف بكيفه الرؤؤس
يمشي عالجيش ويدوس...هذا الاكبر
بالحرب جن علي صولاته
*****************
موت الطف لو شعل دخانها
مشرع بسيفه المنايا اسفانها
كلها تشرد من يطك بركانها
علي الأكبر بيها شد اعنانها

جنه حملت حيدره
يفوت يوم الزنجره.......هذا الأكبر
بالحرب جن علي صولاته
*****************
تووب الجيش وكطع ذرعانها
والمهر كامت تذل عدوانها
حارت الطف جهزتهه اجفانها
العرب سواها حيره اوطانها

بكر ابن غانم شرد
ما كدر يصمد ابد.......هذا الاكبر
بالحرب جن علي صولاته
*****************
تمت بعون الله
خادمكم...... يوسف الفتلاوي


الناشر //مصطفى فؤاد
للتواقل//@wowo48

نزلة_للاكبر_ع

نزله علي الاكبر
ياعلي اعله كيفك لاتجرده سيفك
انته بس صوتك عليهم زايد
*
ياعلي ماداعي سيفك للحرب
انته روح ابلايه لامه وهيجي طب
انته ابن من حتى اكولن تنغلب؟
بوكفتك حتى الهوه ماله درب
هذا زودك انته والهوه خنكته
تحكم بكيفك اكيد اشرايد
انته بس صوتك عليهم زايد
*
انته جفك جف علي فارس بدر
من تمدها النسمه ماتكدر تمر!
جا عليمن سيف حاربهم سطر!!
بيك طبع الحمزه واضح هل الامر
ومن علي وطباعه وارث الشجاعه
علي جدك والحسين الوالد
انته بس صوتك عليهم زايد
*
الشجاعه البيك مو صدفه اجت
مثل طفله هيه بحظانك ربت!!
من مشيت الكاع جنها تحركت
والشمش خجلانه منك دكنت
حارت ابجمالك سجدت لخيالك
والضوه يقبل اجدامك رايد
انته بس صوتك عليهم زايد
*
لون نفرض شلت سيفك ياشهم
غير كون تحاربك تلكه زلم!!
ياعلي الاكبر اضن عندك علم
همه بيهم خوفه من طاري الاسم!!
بسمك العجايب يرهب الكتايب
هل الاسم لاتظن ينساه واحد
انته بس صوتك عليهم زايد
*
جيشهم من خوفه بيناته احتدم
هاي وانته واكف اباب الخيم!
شلون لو طبيت وبجفك علم
وهوست باالمعركه يابو الشيم
كلها تلتجيلك ياعلي دخيلك
بين يتوسل وبين الشارد
انته بس سيفك عليهم زايد
*
شكد قليله لو كلت عنك كلف
من كلت هل الجيش بس 70 الف؟؟
الشجاعه البيك كلش تختلف
الكاع من تسحكها تتحول خسف
لو شلت حسامك تنحني امامك
كلها تهوه الجندي وي القائد
انته بس صوتك عليهم زايد
***
سعد العبودي


الناشر//مصطفى فؤاد
للتواصل//@wowo48

نزله في شجاعة علي الاكبر عليه السلام
⚔️⚔️⚔️⚔️
لكبر شبل الاطياب
باسل بالطگ ميهاب
چن حيدر داحي الباب بالحرب
چن حيدر داحي الباب بالحرب
⚔️⚔️⚔️⚔️
لَكبر واشحلاته/چن جده بصفاته/حاوي كل مزاياه/ وارث منه ذاته

كل من شاف لكبر/ اتيقّن هذا حيدر/ هد هدات ابواحسين/ بسيفه الموت لوكر

ميشد بس اعلى الشوس
وينثرها اجساد و روس
چن حيدر داحي الباب بالحرب
چن حيدر داحي الباب بالحرب
⚔️⚔️⚔️⚔️
لاح اعلى الاصيله/ والصارم خليله/ غيور ومن دِماها/ حب يشفي قليله

بيها المهر هده/ ودرب الشرده سده/ اعليهم غبّر الكون/ ياهو اللي يصده

احتارت ياصوب اتميل
مرعوبه ارجال وخيل
چن حيدر داحي الباب بالحرب
چن حيدر داحي الباب بالحرب
⚔️⚔️⚔️⚔️
طشها ابكل نويه/ اجثثها اعلى الوطيه/ واحمرت منِ الدم / گاع الغاضريه

رك ابحافر الغوج/ بيها وسار چالموج/ ميبالي بالِجموع/حتى لوالف فوج

طوعها ابحد السيف
ومن عدها نال الحيف
چن حيدر داحي الباب بالحرب
چن حيدر داحي الباب بالحرب
⚔️⚔️⚔️⚔️
وحده بالوغى ايحوم/ يسحگ فوگ الٍجسوم / هد سيفه ايتروّه / بكيفه منّ الِدموم

ضاگو لوعة الموت/ منهم ما يجي صوت/ هذا إبن الِحسين/ اليشرد منه مبخوت


ليفر من عنده ابخيت
ينفاخر چاسب صيت
چن حيدر داحي الباب بالحرب
چن حيدر داحي الباب بالحرب
⚔️⚔️⚔️⚔️
منه اصفت حيارىٰ/سَلمت ماكو چاره / امقرر يفني هالجيش/ ميبدّل قراره

شد گلبه اعلى درعه/ واشحده اليمنعه/ بدرب الله الشهاده/ عنده احلا جرعه

يستشهد دون احسين
وابعزمه ايشيد الدين
چن حيدر داحي الباب... بالحرب

⚔️⚔️⚔️⚔️
(سيدناصر الموسوي)

######


الناشر//مصطفى فؤاد
للتواصل//@wowo48

قصيدة نزله للأكبر ع 2020

يوليدي يالأكبر. ذكّرهم بحيدر

.........................

طبق الاصل من حيدره زي الحرب لابس
من مدرســــة جـدك علي متعلم ودارس
ذكّرهم بحامي الحمه من يضرب الفارس
ابني واعرفك بالحرب للسيف الك واهس

ويهابك العسكر. ذكرهم بحيدر
....................

آنه الحُسين بكل فخر اتفاخر بزودك
حيدر زمانك ياعلي من يوصل حدودك
من تغضب بسوح الوغه ماتنلوي زنودك
سيفك دليلك والرمح بالمعركه شهودك

سل سيفك واثئر ذكّرهم بحيدر
...................

جيش آل اميه ينهزم لمن تسل سيفك
يالأكبر وحان الوعد اهجم وخذ حيفك
تهزمهم اشباه الزلم تذبحهم بكيفك
من سيفك تخاف العده لا والله متخيفك

تفني الزلم تگدر ذكّرهم بحيدر
.....................

ياوالدي الاكبر هتف امرك يبواليمه
ثارك اجيبه من العده والمرتضه واسمه
عسكر يزيد بصارمي ما ينگطع دمه
نازل احز روس الزلم واليبقه يازلمه

يحلالك المنظر ذكّرهم بحيدر
....................

فرسان امية بالحرب لمن هجم ذلهه
والغاضريه من غضب بيمينه زلزلهه
ضنو علي حامي الحمه وتشاردت كلهه
شي تنسحگ من هيبته وشي هوّه يقتلهه

عالمعركه سيطر ذكُرهم بحيدر
.....................

صولة علي بوقعة اُحد كررها بالحومه
الاكبر علي هذا ونِعم من زوده وعلومه
خلّاها بس روس وجثث عالغبره مهزومه
وحسين ابوه من خيمته مستبشر بيومه

چن واقعة خيبر ذكّرهم بحيدر

#سيد زيد الفحام


الناشر//مصطفى فؤاد
للتواصل//@wowo48

•••••••••••••••••••••••••••••••••
نزله لمولاي علي الاكبر سلام الله عليه
••••••••••••••••••••••••••••••••


كبر الاكبر
ناده ياحيدر
طبهه يتبختر .......غاضب ويزئر


حارت اطفوفه
ناده معروفه
حيدر سيوفه ..... شرد العسكر


ضاكت البيده
طافح اوريده
الحرب عيده .... شلازم وزمجر


لازم اجهنم
والقرب يندم
واليضن يسلم .... جسمه يتوذر


يقترب وتفر
بالزلم يشطر
يذبح وينثر .....أقترب اكثر


توسط الحومه
بانت آرسومه
شافو آنجومه .... الضهر الأحمر


نازل اعليهم
كالأجل بيهم
كسر ايدهم ..... كلهه تتعذر


منهو يبرزله
منهو يوصله
تنكسر رجله ..... وراسه يتكسر


بكر ابن غانم
من برز نادم
مارجع سالم .... عالثره آطشر


انگطع راسه
بالجدم داسه
حيه عفراسه ....الگمر أشر



حير الوادم
يبتسم جاسم
بالأثر عازم ..... عالحرب والكر


طافح بعزمه
هلهلت امه
هي بس كلمه.... شافو المحشر




••••••••••••••••••••••
قصائد محرم
الشاعر :
حيدر العمار الخزعلي
••••••••••••••••••••••

الناشر//مصطفى فؤاد
للتواصل//@wowo48

#قصائد_استشهاد_علي_الاكبر_ع


    دوخ  الگوم  الاكبر دوخ  الگوم
بلوجه طه النبي
    بصولته حيدر علي
    دوخ  الگوم  الاكبر  دوخ  الگوم


دوخ اجيوش آل اميه ابئمره ظلت حايره
بلوجه طه تشوفه ابسيفه مرحب شاطره
گالو  المختار    هذا   هذا   قالع  خيبره
گامت لهادي تگول
لو علي فحل الفحول
    دوخ  الگوم  الاكبر   دوخ  الگوم


شافو الاكبر اهمه   النور من عنده سطع
كل بدر  ليلة تمامه  يشع  وجهه  من طلع
وبلشجاعه تگول حيدر جيش ماهه ورجع
بيهه يذبح الاسد
    دمه حامي ومابرد
    دوخ  الگوم  الاكبر دوخ  الگوم

صال صولات الصميده وذبح ابطال الرجال
واليشوفه يگول طه وغيرطه لا محال
وارث اجداده الاكبر بل شجاعه وبل جمال
صيحو هاديهه
       لو علي  الرد ليهه
    دوخ  الگوم  الاكبر   دوخ  الگوم

وابن غانم خاف منه بيوم الاكبر كابله
أنه شبل حسين گله   والو گفلي  شاطره
راسك بئيدي اشيله وجسمك يظل ع الثره
ومثلك   الاگوني
        لاولا    هموني
    دوخ  الگوم  الاكبر   دوخ  الگوم


#الشكرلله خادم الزهراء ع ملا علي



الناشر//مصطفى فؤاد
للتواصل//@wowo48

هوسات لعلي الاكبر
(1)
الجيش صاح جفوف اديك ادخيلها
خاف تلزم كربله وتشيلها
امهلنا لمّا الدنيه يكَرب ليلها
ياسبع الحومه ... منك عطوه انطينه
ــــــــــــــ
(2)
حين شافت غار مهرك ياشهم
بخوفه ضلت زلم وتلوذ بزلم
كبرت اعله ضهورهم ذيج الحزم
ابسلّت سيفك .. حار الجيش ايروح امنين
ــــــــــ
(3)
صيف لاجن جيشهم ضل برجيف
وطاحت اوراق العمر جن بالخريف
باب سيفه امشرّع ابشكل المضيف
ميرد خطار .. السيف شما يدنونه
ــــــــــــ
(4)
اتحنحن وصوته وصل شوف الجره
الحك الحك كلها رجعت ليوره
جف الاكبر هذا لو جف حيدره
ياهوا اتعهنّاهه ... احتاروا بيه احتاروا
(5)
ـــــــــــــ
وكف شد اعمامته وكلها برعب
واحد وللثاني كَله كَبلي طب
ها يلاكبر احنه مو مالت حرب
فدوه اعفوا علينه .... الجيش ايصيح ادخيله
ـــــــــــــ
(6)
علي الاكبر بس ركب فوك الفرس
الجيش خلّه اذنه علهاي الكَاع حس
الشرده اولى واحد الواحد همس
بخته برجلينه ... الرايد يشرد منّه

ــــــــــــــ

(7)

صاح بيهم شخص بس آنه فزت
الشردتي شيلة امريتي جهّزت
امن البدايه للهروب آنه اوعزت
جيف اعرف بيهه ...جبت وياي الشيله
ــــــــــــــــ
الشاعر محمد حسن ضيغم

الناشر//مصطفى فؤاد
للتواصل//@wowo48

هوسات لعلي الاكبر
(1)
الجيش صاح جفوف اديك ادخيلها
خاف تلزم كربله وتشيلها
امهلنا لمّا الدنيه يكَرب ليلها
ياسبع الحومه ... منك عطوه انطينه
ــــــــــــــ
(2)
حين شافت غار مهرك ياشهم
بخوفه ضلت زلم وتلوذ بزلم
كبرت اعله ضهورهم ذيج الحزم
ابسلّت سيفك .. حار الجيش ايروح امنين
ــــــــــ
(3)
صيف لاجن جيشهم ضل برجيف
وطاحت اوراق العمر جن بالخريف
باب سيفه امشرّع ابشكل المضيف
ميرد خطار .. السيف شما يدنونه
ــــــــــــ
(4)
اتحنحن وصوته وصل شوف الجره
الحك الحك كلها رجعت ليوره
جف الاكبر هذا لو جف حيدره
ياهوا اتعهنّاهه ... احتاروا بيه احتاروا
(5)
ـــــــــــــ
وكف شد اعمامته وكلها برعب
واحد وللثاني كَله كَبلي طب
ها يلاكبر احنه مو مالت حرب
فدوه اعفوا علينه .... الجيش ايصيح ادخيله
ـــــــــــــ
(6)
علي الاكبر بس ركب فوك الفرس
الجيش خلّه اذنه علهاي الكَاع حس
الشرده اولى واحد الواحد همس
بخته برجلينه ... الرايد يشرد منّه

ــــــــــــــ

(7)

صاح بيهم شخص بس آنه فزت
الشردتي شيلة امريتي جهّزت
امن البدايه للهروب آنه اوعزت
جيف اعرف بيهه ...جبت وياي الشيله
ــــــــــــــــ
الشاعر محمد حسن ضيغم

الناشر//مصطفى فؤاد
للتواصل//@wowo48

هوسات لعلي الاكبر ع
***
شوصف حال ليله بطلعت الاكبر
مابين الخيم يحسين طلعت تفتر وتشغر
يلردتك ذخر دنياي ردتك عود من اكبر
*تزيح الهظموني ردتك يلوالي *
------------------------
طب شبه النبي المختار للحومه
ذكرها بعلي الكرار وبيومه
فرت منه كل هلجيش مهزومه
*زلزل واديها بيوم الطب الوالي*
------------------------
لمن طاح شبل حسين گامت تصرخ النسوان
تعنن ليه للحومه لگنه موسد التربان
هاي تشمه من نحره وذيج الشبگت الذرعان
*انهض حامينه اگعد يلجدك حيدر*
----------------------------
سكنه نادته ياخوي ترضه للعده نسدر
مخلينه يتاج الراس وانت عالثرئ مطبر
اندب من بعد عگبك خويه ياعلي الاكبر
*اختك هظموها اگعد يانور عيوني*
-------------------------
بقلم خادمة الزهراء

الناشر //مصطفى فؤاد
للتواصل//@wowo48

هوسات بحق علي الاكبر عليه السلام

###############

علي الاكبر برز وتشعشع انواره
طب ضامي وبعد هم ضامي بتاره
عالعسكر حمل حملات كراره
يحيها الحيدر حملاته

################

علي الاكبر برز والساحه طبلها
شال السيف بيده الحومه زلزلها
مثل خيبر كلب عاليها اسفلها
من حيدر ماخذ ضرباته

############

علي الاكبر برز والسيف بيمينه
ابن إثمنطعش ما زادت اسنينه
شارد ما يدور عينه عالعينه
بالحومه يدور عالقاده

##############

علي الاكبر برز ماهابه عسكرها
عليه إعلوم طه وزود حيدرها
يلمها بكيفه مره ومره طشرها
وابكيفه الحومه يمشيها

############

علي الاكبر برز حيرها عدوانه
انبعث كالو محمد للحرب جانه
لو حيدر دخل هاليوم ميدانه
حيرها الاكبر عدوانه

############



ابو سجاد التميمي


الناشر//مصطفى فؤاد
للتواصل//@wowo48

فزاعيه ل علي الاكبر عليه السلام
.==========

علي الاكبر تكنطر

من على حصانه

ياوسفه بغدر ولته عدوانه

===========

شجاع وبلشجاعه محد يكحمه

ماخذها الشجاعه من الكمر عمه

شماتكثر عليه ازلام متهمه

اشهد بيها : عمه العباس

🐎🐎🐎🐎🐎

شبيه المصطفى بلمرجله عونه

من يغضب شرر تجادح عيونه

لو صار المصادم تضحك سنونه

افرح بيها : لو صار زماط

🐎🐎🐎🐎🐎

شحد اليوصله لوطب علي ميدان

لو ضهضب عليهم طشر الشجعان

اله صولت مراجل تشهد العدوان

يفر بيها : ابن الكرار

🐎🐎🐎🐎🐎

علي الاكبر شهم ياهيبة اخوانه

لو طب معركه ميريد عوانه

شجاعه ومرجله والكرم عنوانه

ابشر بيها : اطحنه اليوم

🐎🐎🐎🐎🐎

امه تنومست من شافت افعاله

ابني علي الاكبر هيبة رجاله

تعرفونه الشهم من صيته وفعاله

من افعاله : يردونه الزين

🐎🐎🐎🐎🐎

كص راس ابن غانم جابه للخيمه

نكطت ماي كلهم ورد للجيمه

لساني يابس من العطش والهيمه

لو اشرب ماي : انه افنيها

🐎🐎🐎🐎🐎

طب ميدانهم والله ولعب جوله

لاكن يا اسف بلغدر كدروله

جابه حسين ابوه يكول تجوله

وتجوله : الاكبر طايح

===========

الى شرف النبي واله الطاهرين . النيه تعجيل الفرج والى ارواح خدام الحسين وشهداء المذهب نسألكم الدعاء خادمة ال البيت وخادمتكم الحجيه ام علي البصره


الناشر//مصطفى فؤاد
للتواصل//@wowo48

فزاعيه مشتركه حول علي الاكبر والقاسم



*يا لطم الشباب ايلوك عل هامه*

*اتون ام الولد يل فاكده ايامه*



يانوح الشباب ايريد تعزيه
نامو عل تراب ابوكت ظهريه
ياجرح الولد اثر جرح بيه
*خلاني ابحزن واليل مانامه*



اليوم الفاكده خل نبجي وياهه
رمله عله الولد من راح ماجاهه
اتون ام الشباب اشلون عافاهه
*ما ماتت تريد الموت جدامه*



ليله عله الولد ما بطلت ونهه
مفكود الشباب اوحيد اذكرنهه
يستاهل عزاء وامه تعازنهه
*شجاع وبل حرب ما هاب عدونه*



مثل عمه سبع يرهب الخياله
شالت راسهه وتتنومس ابجاله
امك يالولد يا حالهه اشحاله
*من راح وبعد شافته الميدانه*



اليوم عله الشباب الونه عليهه
ليله ام علي هليوم واسيهه
نايم عل تراب وما دره بيهه
*امه من مشت وي ناس ظلامه*



*لخادمة الزهراء العلويه ام جعفر*

الناشر//مصطفى فؤاد
للتواصل//@wowo48

نزله : محرم 1442
لشجاعة وأستشهاد الأمام علي الأكبر عليه السلام
.....................
هذا الأكبر هذا .. لو جده علي
الخله ميدان الحرب .. يغلي غلي
..................
من صلب فارس مضر يشبه نبي
مفعم أبروح الشباب الطالبي
ناوي عالعدوان يسبيهم سبي
فدوه أروح المقدمه .. أنه أو هلي
...................
دلهمت سوح الحرب لمن نزل
وب سجال الموت معشرهم جتل
هالفحل جنا علي جده الفحل
والثلث تنعام .. من ذكر الولي
..................
هذا ميدان الحرب وين الزلم
ناده والشفه على الشفه يزم
لا سلم للما مشى أبدرب السلم
يا شمر أعربلي .. معنى ما يلي
.....................
كرت الكرار كر أعله المله
راس أبوه حسين شاله أبكربله
عاد أمجاد الوصي عقد الوله
هلهلي ياليلى .. لبنج هلهلي
...................
حمله بعد الحمله شن ليث الحرب
بيك ما تخطيك حاذر لا تطب
جيش أبن سفيان ناده أمنالرعب
يا شمس غيبي .. أو يدنيا ل يلي
..................
ساكهم سوك الغنم للمحتضر
بين راسه الطار والراسه أنطبر
الحاطمه المغوار وداهم شجر
أوحاطمه بشجارهم .. تصلي صلي
...................
شل يمين الجيش ويه الميسره
ياهو بيهم حيد راسه أيكتره
الخاف منه والشرد صد ناظره
عنه والمغزى الشرد .. مو ند ألي
...................
كود فوك الكود كودها الجثث
لا تعب سيفه ولا عهده حنث
سوه بيهم نايره حد ما لبث
السيف بعد السيف .. جسمه يعتلي
....................
خادم أهل البيت
الشاعر : أسماعيل الجوراني



الناشر //مصطفى فؤاد
للتواصل//@wowo48

(هوسات للاكبر)

يالتنشد علي ابن حسين معروفه عناوينه
بالطف زلزل الميدان كفو منعده اخو سكينه
ترجف منه العدوان من يخزرهم بعينه
حسين اتباهه/ بصولاته


طب يرتجز بالميدان ياكفار سمعوني
يگلهم أنه شبل حسين منه دارس فنون
براسي غيرة العباس وشحدكم تلاگوني
ابسيفي اليوم/ انه افنيكم


صولة جده الكرار ورسوم النبي ارسومه
حسين عاين ليه وضل يتباهى بعلومه
شجاع ومايهاب الموت سيفه زلزل الحومه
والگوم تفر/ من جدامه


يابويه اريدن ماي چبدي من الضمه اتفطر
ارويني وارجع الميدان بروس الكفر اطبر
يگله منين اجيب الماي يبني ياعلي الاكبر
يوليدي اشرب// ماي عيوني


يگله امك اخير وداع يبني روح ودعهه
تدعيلك عليها تعود ومنها يسيل مدمعهه
حملت بيك تسع شهور وافراگك يروعهه
رادت برباها/ اتجازيها


✍ رقيه أم أباذر السكيني

الناشر//مصطفى فؤاد
للتواصل//@wowo48