هوسات لعلي الاكبر

علي يامسچ اهلنه وعنبر اخوانه
مشه وفارغ يزينب ضال امچانه
اشملذهه وهسه گاعد كون ويانه
علي نشوفه سوالف تارس الخيمه
@@@@@@@@@@@
يعينه الله يخيتي الفاگد اوليده
كون احمر گلب من اللطم جيده
محد يمه يگعد محد ايريده
على اوليدي يزينب كون اطم روحي
@@@@@@@@@@@@
بس الله يزينب يعلم بحالي
وين امشي وصورهم ضاله ابالي
فگدهم خاف اموتن هو چتالي
خذو عمري يزينب ضلت اوشاله
@@@@@@@@@@@@
چفن عيني تخوصر زاعل النومه
وفرض صار السهر يختي وعلي صومه
تگضني الخنگه واشتم يختي بهدومه
ا شمن ريحته وتتونس الريه
@@@@@@@@@@@
#واثق التميمي

حي ألله أبو فاضل
....................................
نزل للحومة عباس تجدح غضب عينه
هوس وارتجل صــاح وينه الشمر وينه
أنــــــــــــه أبن القلع باب خيبركم يمينه
أشحده اليوصل أحـدود زينب والضعينه
جبل بركان يلهب سوه الحومه ملعب
غيرة علي شايل
حي الله أبو فاضل
..................................................
يتبختر مشى أبزود والعسكر نوى أيهد
وسرفن زنـــده عباس مثل الغيمة يرعِد
الزلمه البيهم الحــــــوك حاير وين يلبد
واحد واحد أيكول أجــــه العباس أشرد
صال وجال بيهم غضب يمطر عليهم
مقياس المراجل
حي الله أبو فاضل
.......................................................
أعتنه للشاطي والماي شافه اووكف سيله
للملم روحـــــه بالجـــود وشد النهر حيله
ألتفت عايـــن للخيام وسمع صوت العقيله
حيهم خويه عــــــــــــباس ما عدنه وسيله
جيب الماي جيبه العطش وجر لهيبه
كلب الضعن ذابل
حي الله أبو فاضل
.....................................................
شد الرايه والجود ورجـــع لخيامه كاصد
وشاف أخيال الحسين أباب ألخيمة كاعــد
العطش هد حيل عباس وفوك أنفاسه راكد
شافه العسكر وكــــــــال نهجم رجل واحد
وبدت لسهام مطره عشره فوك عشره
طوله أهلال مايل
حي الله أبو فاضل
.....................................................
طاح وكام عباس يمشـــــي بروحه كـوه
كطعوه يمنته وكــــــال المهم الماي فدوه
كطعوا يسرته وطاح وسوه السيف تجوه
صابوا عينه والماي وكـــال حسين يسوه
هتف وبكل أراده حي أعله الشهاده
لجل حسين أقاتل
حي الله أبو فاضل
................................................
خادم خدمة الحسين
الشاعر
محمد الموالي

ماعندي بس سؤال - من اشوف عيونك
ياســـيد الـجمــال - گلي فدوه شلونك

شلونه وضعك بالغياب - شايل بگلبــك عتاب

*

بدربك عيوني ازرعـتـها وانـتـظر يمته ترد
وارجف الملگاك بالحر چني كاتـلـني الـبرد

ارد اشوفك خاف تكضي اسنيني
يالي جيتك هيه حــد اونــيــني

ظلمه بعــيــوني ولا شــوفــن تعااال
ماكو واحد غيرك ايـسد عـيـني

من ترجع بضوااك - تضوي كلشي انوارك
نــتـنـفس بهـوااك - ولو عـرفـــنا اخبارك

ننتظر منك كتــاب - شايل بگلبك عتاب

*

أأه الايام بـــغــيـابك تـكـسر اضـلوعــي كسـر
وحته ماكو اصور اشوفك بيش اصبرنه العمر

بالــصور يـصبر العايـف غـالـي
يالصــورك عــندي بــس ابالي

أتوسـلـك يالمهدي لا تبـعد بعـيد
اشما بطيت اعليه يتعب حالي


يالمهدي بس تعاال - وارحم بمــجـــنونــك
صارت ثگل جــــبال - دنيـــا هاي بدونـــك

ااه وفراگك عذاب - شايل ابگلبك عتاب

****

اتخيلت صورة جمالك والخيال ايحطني وين
سيدي تشبه احـسك لمــت اعـيال الحســـيـن


تشبه العــبــاس چــن وگـفـاتـه
وچنــك الـقاسم وكت ظحكـاته

چنك حسين بوكت لـمـت العـيال
من يــرد تــعـــبان لبــنـياتــه

يالتــشـــبه الرســـول - والجمال ابـعـيـنــك
من غيـبــتك نگوول - كلمة وحده الويـنك

بدونك العالم سراب - شايل بگلبك عتاب
****

چم ثواب العـيـنك اهدي يالي ملگـاك الثـواب
جيتك رحــمه الـيه وغـيـبـــت عيونك عذاب

ياغيـابك أخــذ دمـعـي وحـيلي
وي خيالك تكضي صفنـت ليلـي

يمته اشوفك حتى اگــلــك عالعذاب
أنه المتــعـبك يــمــن تدعــيـلي

تدعـــيـلي كل مساء - ودمعك عله چفوفك
يــــال انــته كربلاء - وبحزنــه انطوفـــك

ونبچي وياك بمصاب - شايل بگلبك عتاب

****

اصفن وأيـدي عله خـــدي وسيدي بالي عليك
اتمنه كون اندل مكانك لو مشي متعني اجيك

مـمـشه كون اسنين امشي اجدامي
اطيوفك بصــبح ومــسه گـــدامي

صاحي وافكــاري الك يمتـه تعووود
ومن انامن هــم الك بااحــــلامي

من اتعــب وأنــام - راحه يحــضر طيـفك
عايـشلــك الغراام - بــيــدك انه بكيـــفك

حبـك أفكار الصواب - شايل بگلبك عتاب



لـ #حيدر العماري

... السلام على أنصار أبا عبد الله الحسين...

بس وكت الكـلافه اتعـد الاحباب
وكـــفـو بالــسـره للـمـوت بالبـاب
انصارك يبو اليمه .... صارو للوفه قمه
.............................
هــوه اليـحـبك مـن صدك ...
يـوكـف درع مـايـفـتـــرك ... وكـت الـشايـد
لـجـلـك يضـحي بالـعـمـــر ...
مـايـعـرف اطـبـاع الـغــدر ... بالعـشره قـائـد
عدنه رجل مايـنوصف تسعين عـمـره وأكـثر
اسـمه حبـيب بكـربـله لـحسيـن قـدم مـنحـر
شد عصابه بيده اوخاطر ايشوف
مثل ملگه المعزب لاكــه السيوف
تخضب شيبه من دمه ... صـارو للـوفه قـمه
............................
الشـايلــك بـگـلـبـه عـشــك ...
لـجلـك يـمـوت اويـحـتـرك ... بس مايعوفك
يـعـبر نـهــر يـعـبـر جـبــل ...
يوصل الًـه اشـمهـما حصل ... لازم يشوفــك
هوه اليحب يطوي الأرض يوصل لعد محبوبه
يحـسين الك كلهم اجــو هاي الزلـم مـطـلوبه
حـضروا بالطفوف بـساعة الموت
ماقصرو من سمـعوا تـره الصـوت
واحدهم مثل نچمه .... صـارو للـوفه قـمـه
......................
مـاشــايـف بــعـمــري أبــد ...
ولاصــار هــذا ولا نــوجــــد ... ولا مره سامع
اصـحـاب گبـلك تنذبح ...
وتـفـرح اذا بـيـها جـرح ... وبـلا مطـامع
هـاي الـزلم ما تـنـوجـد بالـكـون بـس انصارك
يحـسين حـيـرت الـعـقـل واتـمنـه أخـذ ثـارك
طاحوا بالمعارك طيحت اخوان
دمـهـم مانـشـف للاعمه نيـشان
الك يحسين متحزمه ...صـارو للـوفه قـمـه
.....................
والـــلـيـل اتــخـــذو جـــمـل ...
كــتلـهــم اونــافـــع زعـــــل ... ودموعـه سالـت
لـو ألــف مــره نــنــكــــتــل ...
ولاتــمشي زيــنـب عالــهـزل ... غيـرتنـه صاحت
ما جينه خـاطر ننسحب ونعوف احنه اخيامك
هـذا العـمـره فـدوه الك وحسبــنه من خدامك
خلي الجـيش يكـثر نـفرح اهواي
عـطاشه اسيوفـنه ورگبـهـم الماي
ميـثاق البشر كـلمـه ... صـارو للـوفه قـمـه
........................
دلالـــي غـــيــرك مـــا هـــوه ...
يحسيـن صرت انت الـضــوه ... يـالبـيه نـورك
انـــي وهــب خــادم الــك ...
مـولاي بـس ارد اسـئـلـك ... اشـرح شـعـورك
اشرحلي حــال لبي تمر باجــر تودع احـبابـك
تبـقه وحـيـد بـكـربـلـه ياهـوه اليـشد اصــوابك
مـقصرين بـنصـرتك انـي والناس
كـون الـي يظـحي مـثـل عبــاس
عطـر الغـيره نشـتمه.... صـارو للـوفه قـمـه
.................
الشاعر خالد جودي العارضي

بالــدرب وتــذكـرت يــمه حـنـانـج
كَـلت كـون ويانه مافـارغ مكـانـج

أسم الله لو طـــاح الـكَـمر
ويـــبـتـدي يشـيـخ الـنهـر
تــبـدي ساعـــات الـنحـر

يـــــمه حــنـانـــج


اتـــذكــرت يــمه حنـانـج وكـت الـغــروب
الـدرب ساكــت ودگـــت حـيـل الــكَـلوب
نمشي والـحسـبات تسبـكَـنه عـله الدروب
يمه مانـدري اشورانه وشنهي مكتوب

يمكن هـناكه عـطـش يمكن الصحره نعـش
لو طفل نحره رعش يـــــمه حــنـانـــج

انطيح لاكن مو مطر تبدي ساعات النحر
يـــــمه حــنـانـــج


هـــوه اليــفاركَ مــحــنـة أمه ساعـاات
هـذا مامــحــسـوب عايــش يعتـبر ماات
يمه هاي الدنـيه صعبه وبـيهـه شماات
التـبتـعــد أمـه علــيه ابدمـعـته ايــباات

تعـب يشمرنه التعب دنيه ماتسوه العـتـب
سوت الرمله ذهب يـــــمه حــنـانـــج

خاطر الزين انكسر تـبـدي ساعات النحـر
يـــــمه حــنـانـــج..


اتذكـرت يــمه الـسوالف واحنه عالـزاد
من يجي الطير الظحـكـتج يطلب امراد
ياوكـت والله مصيــبه ونـصـبح ابــعاد
الوالده ابــيوم الـتـضيــكَ الدنـيه تـراد

لمن ياايضيكَ الهــوه ولمـــن ايضـيع الدوه
لمن ايموت الضوه يـــــمه حــنـانـــج

عمر يخلص بالقهر تـبـدي ساعات النحر
يـــــمه حــنـانـــج..


اتــذكـرت يــمه الـيـالـي وذيـج الايــام
لو مريـض حسين عيـنـج والله مـتـنام
شـمعه اذا تشـتعل كَـلبج يـبقه محـتـام
يمه جم يوم وعليـنه اتـشب الاخــيـام


تركض ابنـيـتـج ركض وتسمع انـواع اللـفـض
كَاع الله من طول وعرض يـــــمه حــنـانـــج

غير حظــنـج لا مـــفر تــبدي ساعات الكَمر
يـــــمه حــنـانـــج


يمه احس بـهـذا عمري وحسرتي اتكول
كـــــون ارد لــيام زغــــري ولـــدلـلــول
اي يـبعـد اضـلـوعي يمه الصار معقـول
مثل مــا كَــلــتي عدوي ساكــن الجـول


هناك كَاعد مستـعـد صحره جـيـناهه ورد
خطوه خطوه اقره الحمد يـــــمه حــنـانـــج

تركض ابراسي الصور تـبـدي ساعات النحر
يـــــمه حــنـانـــج


لـ حيدر العماري

العليلة💔
طايح دليلي امن الالم .. طيحة ابوي اعلى العلم
جرح الگلب مثل الكمر .. تسحب سهم يطلع سهم

__

طفله وزغيره اعله الجرح ..ماتحمل جروح البعد
حته الجرح ناعم مثل .. طيحة ندى فوك الورد
ياكسري ماهمه العظم .. كلبي انكسر غاب الضمد
يا سالفة روح الشمع .. يطفه الضوه العود انفكد

يرجع ابوي المارجع .. يمكن ندبته وماسمع
لمن طحت ظني فزع .. يحظر دواي امن السگم

طايح دليلي امن الالم ..
__

رايح ابوي الما مشه .. كل عمره عني ولا رحل
صوتي عله،حسين اليرد .. ومارد صدى اكطعت الامل
ارسم جسد فوك الثرى .. نايم كلت ثاري انكتل
طايح يبوي ابلا سند .. يمكن وكع عمي الجبل


عايفني كلت اعلى الدوه شو ماخذ وياك الهوه
يخنكني شو طاري اللوه .. يمكن وكع ذاك الشهم

طايح دليلي امن الالم ...

__

هاي انه فوك العاينت .. شفت النجم فارگ سمه
غيم المطر يحجب نجم .. شو حاجب النجمه دمه
كالولي ماجاك النهر .. من تيهك كون انعمه
لتكلي مرك جم عطش .. لا يمي والزملك ضمه

ضاعن سواليف المضن ..و كتلي يفاركنه الزمن
انت بوطن وانه بوطن .. هو الزمن مابيه رحم

طايح دليلي امن الالم ..

__

هالليلة مر بيه الخبر .. مو ميت اقنع منذبح
كالو يصعدونك كلت باسم النحر يصعد رمح
عالليل اذا مريت اظن .. تطلع شمس بس مو صبح
جرحوك اظن يلي جنت .. لو بستك يطيب الجرح

وكت العطش بيك ارتوي .. ياوالدي الجنك خوّي
كالولي رمحك ملتوي .. كلت التوى لصوب الخيم

طايح دليلي امن الالم ..

__

جنت اعْرفك لمن رحت .. بس من تجي ما تنعرف
يسحك ضلوعك جم نذل.. لا تمشي ي الكلك ترف
ياعيني ماخلت دمع .. بس كلبي جن راية ويرف
مو كتلي ميت بيج انه .. شو هسه ميت ع الجرف

ثگلني دمعي امن البجي .. راح انتظر منك حجي ..
حدما عل اجفون انتجي .. والضم صور شوفك لضم

طايح دليلي امن الالم.
__

يا #عليلة_الحسين ع 💔
#ضياء_ستار_الفرطوسي

#يا_زين_العابدين💔

{ الامام السجاد [ع] يكلّم اخيه
علي الاكبر [ع] في يوم الطف💔}
••••••••••••••••••••••••••••••••••••
يا علي يا خويه ٠٠٠ يا علي يا خويه


من گلت عطشان خويه
انه بفراشـي وسـمعــتك
گمت اصيح الماي وينه
فطّــرت گـلبي بچلمتــك
وشفتك اتـودع اهـــلنه
ريت خويه ماني شفتـك
حيلي متعلـعل ترانـــي
واعتــذر جي ما لـحگتك


اجدامي ما يمشن واگومن مستحيل
بيه مـا يمشــي بقى الريــج الثجــيل
خويه تدري بشيمتي ما انسه اخـوي
وانه تـــدري بحـــالتـي كلش علـــيل

يا علي يا خويه ٠٠٠ يا علي يا خويه

________

انه بين امسح ادموعي
ومهــرتـك جابـوها يمــك
مـن بعيد اتــرّف اديـــه
امنيتي اوصلّك واضمـك
وهاي اديه الفوگ عيني
خاف اشوف يطيح دمك
خويه يا محلاها خـويه
ترهم اولام اعلى اسمـك


يــا عــلي انه عــلي الــما بیــه انـــوح
امن التعب راس الطفل ماصرت الوح
فوك علتي وضيمي وعـيونك تغـــيب
صرت اوادع حيلي من ثخن الجروح

يا علي يا خويه ٠٠٠ يا علي يا خويه

________

واللـه هظـــمه وانــه اعايـــن
خويه والوادم ولـــوك
ما عرفـــت اشلــون اجيـــلك
واوصلك من حاوطوك
عوفو الاكــبر صــرت اصيحن
خويه ماسمعو واجوك
صرت أحط ايدي اعلى راسي
والطـم شـــما عذبــوك


عوفو اخوي وصوتي ما يطلع حرام
هذا جيثوم الحــصل لــو مــو منــام
اشلون حاله وصوتي ما ينفع اخوي
حگه ابوي ايگول عــالدنيا الســـلام

يا علي يا خويه ٠٠٠ يا علي يا خويه

________

مثل ابـــوي حســين انـــه
من لزم ظهره اعلى اخيـه
انـــه لا اگـــدر اجــیـــلـك
ومثــلـه احـــضر بالــمـنيه
بس وحگ (خويه) الگلتها
اوصـــلك صـــعبه عـــلــيه
جان اجيتك بـس يعـلـتي
المنعت اجدامي اعلى جيه


بس وحگك هم ترس راسـي المشــيب
وعكبك شما عيشن انعد جــن غريــب
هو ال يفــگدك شني بحيــله يصـــيــر
علتي كول اتطيب بس ظهري شيطيب

يا علي يا خويه ٠٠٠ يا علي يا خويه

________

انه يا خويه يالاكبـــر
انهـــدم حيـــلي بغـــيابـك
وانه هم انكسر ظهري
من شفــت ذابـــل شبــابك
لاگدرت انـــه اكومـــن
حتى اجي بلحظة مصابك
اني هم حاجيت ابونه
مـن وصلّــك ريـــت جـابك


اغفه واحلامي شفت بيها انت جاي
وابجي شايلك دمع كل ظني ماي
واگعد والگه البجي وصـايح ابـــوي
واصفگ بچفيني يا كســـرة گفـــاي

يا علي يا خويه ٠٠٠ يا علي يا خويه

________
#يا_زين_العابدين💔
#ضياء_ستار_الفرطوسي

ثار الضلع والمنحر شاهد يضل وحيدر
يالمهدي با جمعه ويوم
ينتضرك أعله الكوثر
..............................................
عالم أحلامي بدى وردة واتنفس ندى
وحيل يجرحنـي الهوه عجيب
بسملة وسورة حمد جنت ما بين الولد
والدي يقراني والزهرة تطيب
جنت مثل الهوه أنشم ضوه واحساسي ديرة
تحت ضل الولي حيدر علـــي مثل ألأميرة
حجابي فاطمة واهل السمه وأسوه العشيرة
ما ينوصف دلالي....مهيوبة من خيالي
واتفاخر أبين الناس
يالمهدي واشجرالي
............................................
موسم أحزاني قرب وخيمة يم بابي نصب
وحرك باب الزهرة يالمهدي دريت
ونفخ بـــوق القارعة حآن يــــــــوم الواقعة
ومو دمع لادم علــى الزهرة بجيت
شفت أمي الزجيه اتكلي اديه ويجري دمها
رحت اركض عليها ألــزم أديها وابقه يمها
واذا واحـد دفعها وطك ضلعها وهم شتمها
من العصر طفلها طاح او وأن يكلها
ماهمه وابسد الباب
ضلت تناطر خلها
..................................................
عشت واتنفس هجر ما شفت خيط الفجر
خآيفه وبروحي أحس كولشي يموت
والدي وجه الصبح يمشي وبضله جرح
خطوة خطوة جــــن يودعني سكوت
لًمٌن شاع الخبر طولي عثــــــر وبروحي كوه
رحت أركض دمع مثل الشمع وانفاسي خطوه
وصلت وعاينت هوه علـــــــــــي اي جنه هوه
بذنــــي همس سمعته عين ألابو اعله بنته
بآخر نفس شفته ايلوج
حيدر علي وحضنته
...........................................
عمه يالمهدي عشت وابجال أخوتي أدللت
وجان أخوي الحسن بعيوني مضيف
الدله مضياف البــدو وجان الــي أب اوأخو
ولحضة حسيت العمر باكه الخريف
شفت ضهري انكسر كلب انعصروابصدري حسره
شفت عباس أجـــه حسين اتجه وايده اعله ضهره
الحسن شفته ذبـــــــل جسمه نحل واشفافه صفره
عني الطشت يضمه خايف أشوفن دمه
بالسم تكطع جبده
يالمهدي شفته عمه
....................................................
جرحــــــي ويايه كبر ودمعي بخدودي حفر
وكربله جانت ألــي آخر مسير
لكن أبجــــــــال الكمر أمــشي مهيوبه وفخر
وكل جرح بيه مشى ابهيئة أمير
أجيت أمدلله ابملكه وهله وامشي ابرهاتـــي
الهوه أشحده أذا فكر يمس طارف عباتـــــي
على اعيوني حرز طلسم كمر دعوه صلاتي
وآخر حلم مشيته بعيني ذبح كضيته
واقع حلم بعيوني
يالمهدي سولفيته
.......................................................
خادم خدمة الحسين
الشاعر
محمد الموالي

أنـــــــه أفتخر...وادعـي اشكثر
خـــــــادم ألك...أكضي العمــر
وخادم خدامك يحسين تقبلني و اترجيتك
......................................
يحسين مادام النفس بيــــــه ايدور
خادم اضل ياسيدي وهـــــم منذور
عمري خلص عاشور يتبع عاشور
وكلبي أرتوه.....وخضَرضـوه
وأتنــــــفًسك.....مثـــــل الهوه
أتفاخر ابين الناس صيتي ارتفع من صيتك
...........................................
تاج الخدامه أبــــخدمتك يتعرف
يامن دمعتي اعليــــك لاماتنشف
خادم صرت يحسين آنه اتشرف
تــاج الشرف.....بسمك هتـــف
وبخدمتــــك .....أسمي أنعرف
وابخيرك عايش يحسين وعافيتي من صينيتك
..........................................
حكها الشمس لو غابت الضهريه
نور العرش نـــــورك يبو الحنيه
كل عاشر بعاشور تطلع هيــــــه
الزينب تمر.....وكت الضهر
ومن الخجل.....اتقـــــدم عذر
وتقسم عليها بعباس تخدم تضل ابيتك
..........................................
يحسين عذال شكثر عادونــــــي
عن خدمتك رادوا فقط يمحموني
أقسم قسم يحسين لـــــو ذبحوني
ما أبتعد....مثل الورد
من انذبح....أحيا وأرد
وغصبن عليهم يحسين أتنومس بحنيتك
..................................................
يحسين لو باقي نفس اتنــــــفسك
واوكف ذليل بحضرتك والتمسك
ماخاب يحسين اللي بيـــك اتمسك
أنته الفرج...يابــــو الجج
والخدمتـك...ننطي المهج
وما نتراجع طرفة عين بدمنه جرت ثوريتك
.............................................
خادم خدمة الحسين
الشاعر
محمد الموالي

حــال المهد حالي حضني بقى خالي
عبدالله يبني
.....................................
يا حلم عمري البـــــدى لحضاته معدودة
صوت البجي غصن الورد وانكسر عودة
يمة العطش جلمة سفر بــــشفاك موجودة
أم او ولــــــد عشرة عمر يا يمه محسودة
تونـــــــــي يمه ناغيتك
وبين أضلوعي ضميتك
عبدالله هـــــــــلا بجيتك
يكحلة عينــــي يا غالي
يا بلسم أجروحي ما ينكطع نوحي
عبدالله يبني
......................................
يمه من ريجك يبس والدمعة مذبوحة
عاينت شفتك بــــــدت تتفطر أملوحة
أول اصيار الكلب يهجر نبض روحة
دمعي وي دمعك مثل وحشة جفن نوحة
شفتك وانـهدم حيلي
وذبلت كل تفاصيلي
يا نجمة سحَــر ليلي
غالي يالـــولد غالي
ما أحمل الفركة كلب أمك أتحركة
عبدالله يبني
.............................................
ألوالدك رحــت أشتكي حالك يعافيته
كتله عبدالله العطش ضل ياكل بريته
طفلي وبعمر الورد خيمه ومهد بيته
كلي ليش أمـــن العذب ينحرم تاليته
يبني او والدك شالك
ومن أدموعه ناغالك
شربته وماي حسبالك
تناغي أكباله واكبالي
لحضه ودرت عينك وضل حاير حسينك
عبدالله يبني
........................................
بيده ودعتك أمـــــــــانة وبالكلب حسرة
حسين كتله فدوة كلهم حته لـــــو كطرة
أبني ست أشهور عمره ومـا بدى عمره
ألمثله كونه أبمهده نايم وآنه اشم عطره
رفع أيــــده وعلن حربه
كلهم طفلي مـــــــا ذنبه
جمرة أمن العطش كلبه
كاسر خــــاطر أطفالي
يبني او ولا همهم كل رحمة ما عدهم
عبدالله يبني
.............................................
والدك بيمينه نـــــحرك ضل يشع نوره
والشمر شفته يوصف الحرملة الصورة
أنخمش ساعتها كلب وانــــــه مكسوره
يمه سولفلي أعلــه نحرك جاسته احروره
ألله أيساعـــــــــــدك يبني
ريـــــت أصوابه صوبني
بعدك خالي ضل حضني
صورة ذبحك أبالــــــــي
كون وعسن ميته ما عندي بس أنته
عبدالله يبني
.................................................
خادم خدمة الحسين
الشاعر
محمد الموالي

حلـــم طفلة يوادم أبوها اتشوفه سالم
تشم عطره تظم صدره
حلم طفلة يوادم
.........................................
حلم عمري يرجعون المشوا عني يرجعون
ولــو أدري جفوني ومــــــا بعد بيه يمرون
أباب البيت أناطر والدمـــع منهل
ياهو الجان أنشده وعن هلي أسأل
عليلة ومالي حيل ولا بقالي حـــل
ليل انهار أدعــــي الباري واتوسل
يــــــرد شمعة حياتي واشوف اهلي وخواتي
واشم عطره واضم صدره
حلم طفلة يوادم
...........................................
مشوا عني وجنت أركض واكلهم لا تعوفوني
ولا جــنهم يسمعوني ومشوا والوحدي خلوني
ورحت أركض على العباس أحشمنه
كعدت بحضنه كمت بجفه أبـــــوسنه
كلتله فــــــــــدوه عمي الوالدي أتعنه
كله لـــــــــــــــــو بجه عبدالله أشيلنه
طفل واشلون يغفه يشم حضني ويعرفه
واشم عطره واضم صدره
حلم طفلة يوادم
.................................................
أنـــــه ودمعي حلم طفلــــه وسوالف حلم مذبوح
خلص صبري مثل طبع الحمامه أمعاشره النوح
وين أنطي الوجه والمن ادير العين
خالي الدار واهلي عنـــــي أبعيدين
بكل حجره اطب اشتم ابوي حسين
واتأمل خيالـــــــه بس أجيبة أمنين
صبح خالي مكانه وانه بحاجة حنانه
أشم عطره واضم صدره
حلم طفلة يوادم
...................................................
عشت ليلي ونهاري من مشوا مامر علي يوم
هدم حيلي واخـذ كُل ذكرياتي وطيفي والنوم
ولا مكتوب أجاني ولا خبر عنهم
جن آنـــــي غريبه ولا جنت بتهم
ياهو اليمشي ليهم عنـــي ينشدهم
يــــــــكللهم عليــــلتكم تتانيــــكم
ألأجل لو لحضة مرها منو اليحفر كبرها
وتشم عطره وتضم صدره
حلم طفلة يوادم
................................................
صحت وينك يبويه أرجع ولو بالطيف مر بيه
نبض كلبـــي ذبح كُـــــــــل ذكرياتي ألمغُربيه
جنت لو حل ضلام الليل أجي بحضنك
تناغيني واحيـــــــــــــــر أمنين أشمنك
ما صدك تروح ولا خبـــــــــــــر عنك
أمشي ألوين بويــــــــة او وين أدورنك
حلم أتمنه أشوفك أموت وما أعوفك
واشم عطرك واضم صدرك
حلم طفلة يوادم
...........................................
خادم خدمة الحسين
الشاعر
محمد الموالي

بيرغ علي طب للحرب..عباس
كمر كسر وجه الشمس..عباس
نزل حمل
حي ألله عباس
.............................................
كمرة وبدر..وكـــت الفجر..كالت اريــــد الماي
غيره أنتفض.. كام وعرض..صدرة ومشى بهداي
كلها الحرب..لهفـــة محب..وآنــه الملك والراي
مــــن النهر ..جايب نـــهر..عباس أخـوج وجاي
(وهوس يم زينب كافلها)
كفل حمل
حي الله عباس
...................................................
شد العزم..أي والنعم..واعله الصدر شد جود
غيرة علي..شمرة علي..حيدر علــــي موجود
بزوده وكف..كال وهتف..وبسيفه خــط حدود
خله الزلم..تردم ردم..ركضة كطـــه وصايود
(ويتبختر عباس بكيفه)
نزل حمل
حي الله عباس
.............................................
صوت أعتله..من كربله..العسكر تدور أنفاس
شنهو الجره ..واللي جره..كالــوا أجه العباس
فارس مضر..عزه وفخر..يمطر وفه واحساس
كلمن وصل.. حده وحمل..يــــرجع بلايا راس
(واليوصل حده ايكص راسه)
نزل حمل
حي الله عباس
...............................................
شرق وغرب... نار الحرب... تلهب بدت والكوم
تركض بدت... واطشرت... ظلت تفر واتحوم
فارس مضر... ناده بفخر... فارس مضر جيدوم
حتى الهوه... ايدور هوه... صفوة علي معلوم
(وعباس اليحكم ميدانة)
نزل. حمل
حي الله عباس
.........................................
بزوده اعتنه.... وجيش الشمر... من كل كتر ناطور
مره بسهم....جود وعلم.... مقتل قرت عاشور
كص يمنته..... وكص يسرته... الزينب يوفي انذور
يسمع صده..... صوت ابتده.... يبني كفوا ومأجور
(شد حيله وشَمََر جفينه)
نزل. حمل
حي الله عباس
..........................................
خادم خدمة الحسين
الشاعر
محمد الموالي

#محرم_الحرام_١٤٤٤هـ
#الليلة_الثانية
لمولانا كريم اهل البيت الحسن المجتبى
(صلوات الله عليه)
————————————————-

بسم الحسن—يبدي الكلام
بغيرا الحجي—كفر وحرام—مولاي الحسن
باب الكرم—ماسد مضيف
وي الگصد—يگسم رغيف—مولاي الحسن

باب العطايا—الما—ردله—بشر
فارس سفرته—للجاي—و عبر
حاتم يسولف—بأطباع—الحسن
بس حاول—شكد يوصل—ماكدر

الحسن يشعل ثيابه بخفتت النار
حاتم ذره وي الحسن ما صار
ماتطفى المواگد عامره ادلال
الكرم عد الهواشم ماله مگدار

خال حته اثيابه___للگصد لأعتابه
غيرته بأصياره ___علي معزب جابه

————————————————-

باب العطف—باب الفضل
شيخ الزلم—واهل العگل—مولاي الحسن
مفتوحه ايده—تنطي دوم
مسمعت سائل—رده يوم—مولاي الحسن

متفضل وبيده—شكد—وزّع—رزق
ايد الابو—حيدر—عالوادم—فرق
من حلكه—يكطع—ويوكل—الخلگ
الوادم حدر—ايده—ترفض—تنعتق

الحسن خله الخلگ حبته بجنون
دخيله غير اخو العلويه ام عون
منو مثله بزمانه معزب الناس
نطا حته الحصيره و جان ممنون

شفايتلهم هاشم___جان عدهم حاكم
مثل بعزوبيته___شبخ فوك الوادم

————————————————-

مضرب مثل—ملگه الهله
غيره و كرم—كلهن اله—مولاي الحسن
حلم الگلب—خادم اصير
عبد الحسن—واهوا الامير—مولاي الحسن

اعشكته گلب—والساني—بلهجه—هام
هنيالي عاشكلي—كريم—اهله—كرام
عبد بمضيفه—كل—حلمي—اصير
يقبلني—ريته—و بالعتبه—انااااام

الحسن يمشي بوريدي مشيت الدم
صرت بسمه عبد مجنون و امتيم
فخر وجهي اصبغه بگمگمه الاسود
ابيض وجهي عنده لخدمته امحزم

خادمه بكل حاله___فعلي من اقواله
مرجعيتي الگمگم___وفتوتي أمن ادلاله

————————————————-

تكصد ل اديه—كل البشر
بصدر المضيف—عنده گمر—مولاي الحسن
عباس اخو—رب الحجي
غيره ووفه—يعزب اليجي—مولاي الحسن

عنده گمر—يسگي—للـيگصد—وفه
ادخيل—الهواشم—حكمة—و معرفه
جان الحسن—يگعد—ويگله—يخوي
اسگي الگصد—يمنه—حُب—وعاطفه

الحسن يملك اخو معروف سگاي
(شهم)(كافل)عله الديوان حجاي
بفصليت العشاير ينحلف بي
كلهه تكول ظل يم شاربه الراي

والفصل بالراية___يصير موش اهواية
و اليجيبه بطاري___ايطيّح البي جاية

————————————————-
خادم الحسين محمد منير المياحي

قصيدة بحق السيدة رقية عزيزة الحسين عليهما السلام

فوگ الهزل تسافر
رقيقة المشاعر

ترفات اديها والحبل مو مال اديها
متربيه عالعز والضرب ما مر عليها

وتشاهد المخاطر
فوگ الهزل تسافر

°°°°°°°°°°°

ما مر عليها تنضرب
لا تمشي بديار الغرب
اصغيره وابعيد الدرب

آه يا رقية

تمشي وتطيح من التعب
وينسب أبوها بلا سبب
بنت الأصل وأشرف نسب

آه يا رقية

چانت تنام مأمنه بأحضان ابوهه
حارسها. جسام وعلي شو سلبوهه
وين النشامه بكربله خل يحضروهه
ما شافت الراحه أبد من فارگوها



من راحو الأكابر
فوگ الهزل تسافر


****


محتاجه حضنك يالابو
حته أشعر بذاك الدفو
لا عم بقالي ولا أخو

آه يا رقية

يابو الحنان بعازتك
انا العزيزة ابنيتك
ماعندي طاقة لفرگتك

آه يا رقية

عيوني ماتغفه چنت إلا اعله إيدك
محتاجه عطفك والدي هالساعة أريدك
چنت انا أعيش بداخلك عشت بوريدك
چنك بعدت وماترد يمي شيعيدك

جفني بقه يساهر
فوگ الهزل تسافر

°°°°°°°°°°

من حرگو بنار الخيم
وبزينب تلوذ الحرم
برويحتي يسعر ألم

آه يا رقية

اجدامي يچويها الجمر
وانا ارتجيتك بس تمر
يابويه طولت السفر

آه يا رقية

بين العليل وعمتي أركض دخيله
بيهم الوذن واحتمي مثل الغفيلة
يا بويه مو كافي البعد ماعندي حيله
انطتني صبر وعايشه عمتي العقيلة

ولجيتك تناطر
فوگ الهزل تسافر

°°°°°°°°°°

يا بويه آذاني الضمه
يالچفك اغيوم السمه
وبكترك الكون احتمه

آه يا رقية

يا بويه آيس لو ترد
لو كاتبنا نبتعد
يادوحة العز والمجد

آه يا رقية

كل ساعه تنشد والدي شو ما اجاني
شفت المصايب والمحن من فارگاني
تجمعني بيه أبيا وكت آه يا زماني
مايطفه داخل مهجتي شوگي وحناني

وبلهفتي أكابر
فوگ الهزل تسافر

°°°°°°°°°°°
شفتك يبويه بالحلم
تمسحني وبجفك اشم
ترجعلي يمته ياشهم

آه يا رقية

عني يغالي شأخرك
عن همي ردت انا أخبرك
لحضة ويلحضة اتنطرك

آه يا رقية

يابويه بعدك نسكن بديرة خرابه
لا عدنه والي يدافع النه ولا گرابه
جابولي رأسك بالطشت بالدم خضابه
بسته وحضنته وبالحزن أصرخ ييبابه

ما شاهدت مناحر
رقيقة المشاعر

°°°°°°°°°°
ياسر الساعدي

لسان حال السيدة أم البنين عليها السلام وهي تخاطب الإمام الحسين عليه السلام

يبني مو هين علي من تبتعد
گلبي يذبل لورحت نفس الورد

لا تجافيني. . ياضوه سنيني

**

عذاب. مصاب

ياابو الأكبر يغالي الدنيا دونك مظلمه

ونين حنين

مثل گلبك ياعزيزي لشوفتك كلي ضمه

تهون ويجون

چنت اسلي بروحي بعدك واستغيث بفاطمة

اقرأ يس بأسمها والحمد
گلبي يذبل لورحت نفس الورد

ما هده اونيني
ياضوه سنيني

=========
مشيت. دعيت

يحفظك رب البرية بس ترد سالم إلي

بچيت. . نخيت

يومي كونه گبل يومك امنيه يابن علي

يريت. اجيت

بشوفتك يابن نبينا كل همومي تنجلي

تعوض أيامي انتظاري من ترد
گلبي يذبل لورحت نفس الورد

الفرگة تاذيني
ياضوه سنيني

========
يدار. إنتظار
يخلص الليل واكولن باچر يردلي الصبح
بسكوت يفوت
الوقت يمشي بهدوء وجرح يتغطه بجرح
هموم. تحوم
كلها هم الدنيا بعدك ونسه بأيامي الفرح

وشيب اگليبي انتظارك والنشد
گلبي يذبل لورحت نفس الورد

يمته تلفيني
ياضوه سنيني

=========
نعاك. رثاك
فطرت گلبي يناعي وشفته سايل مدمعه
حزين ونين
عظم الله اجرچ يحره بالبنين الأربعة
بحنين. حسين
گتله بس أخبرني عنه گلبي كافي تفجعه

مية أولادي أضحي لو يرد
گلبي يذبل لورحت نفس الورد

فدوه إله ابنيني
ياضوه سنيني

========
جريح ذبيح
داست الخيل اعله صدره ابنچ بطف كربله
غريب تريب
اتچفن برمل الصحاري ودم وريده غسله
خضيب غريب
ضامي محد روه گلبه ولا شخص نگط اله

ضل ثلاثة إبلا دفن وابلا لحد
گلبي يذبل لورحت نفس الورد

يبني حاجيني
ياضوه سنيني

========
ياسر الساعدي

#محرم_الحرام_١٤٤٤هـ
#الليلة_الثانية
((رهينة الحب))
_____

روحـي رهـيـنه__روحي أسيرة بـيـهه شـايـل خيام
جروحي ضعينه__كلي حيرة تحدي بيه اعله شام

جنت احس روحي صنم
عايش بدنيه الوهم
مرت اعليه الخيم__وصحتّني الخيل
اتراكض بروحي الضعن
صرخة بالنار انجون
يـم زلـم يـتـراجـفـن__واهنا بعد ويل

الـ اعله جبينه يشوفه ونصيبه
وأنه نصيبي اعشك مصيبه
طالب سبيل اعبرت اعله حزنه
وجاست ضميري صرخة غريبه
_____

گلت اعاشر __حزنه اشوفن شنهي يضم محتواه
شفت الخواطر__مكسوره تبجي وكلهه تصرخله اه

جولة اخذت بهالحزن
واطلعت كلي اون
اتصورت نار و متن__وحرگـتّه هواي
وببالي طفله امحرگه
تركض لصوب السگه
تگله شفته امشگگه__وبابا إبلا ماي

گـلـبـي لـعـذابه وقّـع مصيره
هـزنـي كياني وهالصرت اسيره
الشفته وجرحني اهواي بعذابه
الاكثر هضمني ابنيته الزغيره

_____

حُـبـه خضّر __وي دمعتي وماعندي ويا شريك
كلشي اگدر __وكلشي اتيه بس گتله اندل اجيك

روحي معگوده اله
وحزني كله لكربله
انـه اسـير بسنسله__بس إبلا صوط
مرتبط ويه الدمع
الحسرة تاكل بالضلع
واليحب عنده طبع__مَتهمه اشروط

عين البصيرة الخلتني اجيله
عدلتني حيل دموعي الثگيله
مااسوه جنت وخلاني اسوه
طباني بـيـتـه انـعـى العقيله

_____

انـوي دمـعـي__كـلـه قُـربـة وديـن اسده العلي
عندي ضـلـعي__وخل الحّگ حيل الطمه بـدي

خايف يروح الوكت
وانا مو هلگد نحت
ما نطيته بس ردت__من عنده حسين
طبعه لا ما يعتذر
لله ثـوبـلـه خـدر
وخيمته أثواب الجمر__شيسد هالدين

شخصه سحرني الرخصلي نفسه
تبحر جروحي و بيبانه مرسه
النطاني كلشي خاضع اجيته
يروض دمعتي وروحي الشرسه

_____
خادم الحسين محمد منير المياحي

علي الاكبر ياهله. كله زود ومرجله
بعمر الاشبال علم اجيال

علي الاكبر نوره ساطع. مثل جده المصطفى
ومن برز گالوله حيدر. علي هذ المرتظى
مايهاب الموت الاكبر. حظر يوم المتقى
يالثارات الحسين. وثار عمي المجتبى

يمه ارجعي الخيمتچ. علي انه بخدمتچ
لهسه لوظال. علم اجيال

زوده من زود ابو فاظل. نعم ونعوم الرجال
حسين واگف ونطه خطه لعلي وعباس النزال
معلن حسين انتصاره. ثنين قدم للقتال
الگمر ظوه المعاره وعلي ساطع بالجمال

خويه فدوه انه وعلي. الك يحسين الولي
علي رجال علم اجيال

طب علي الاكبر يحارب. يحصد ابيده الرگاب
وبالعرش ناده المنادي. هذا حل يوم الحساب
وابصليل السيف الاكبر. رجع الربه الجواب
الخنگ من ايد الاكبر بعد عند الله العقاب

عفيه تسلم يمنتك. انه زينب عمتك
فدوه خيال. علم اجيال

عين ابو اليمه تلحگه. وين مصار الولد
ظلم ولونه تغير من كثر يمه العدد
زينب وليله ينشدن علي مايرجع بعد
من سمع بيه يشكي ظامي شفت الحسين ارتعد

من احصل ماي ارد. اشرب ورجع بعد
حامي العيال علم اجيال

بالوصف ماخذ مكانه خلق وخلاق النبي
النبي يملك كياني ونته تملك مذهبي
والمطالب عندي كثرن. يلتحقق مطلبي
بسجل سجلني خادم. هذا يمك منصبي

گلب الحسين انشلع. وحنه صايبنه الهلع
دمعي همال. علم اجيال

خادم الحسين
ماجد عويد الاعاجيبي

#محرم_الحرام_١٤٤٤هـ
#الليلة_الثانية

الى كل عاشق هام في الطف
____
العاشگ حلاته يون وينوح
تگضي حياته كلهه جروح
الدمعه قدرها تصب لحسين
مثله منو ضامي ومذبوح

والغربه الما ترحم__بيهه احتار
من مهره للهيمه__و رمل الحار
متفرهد صيوانه__وطاح بناس
ما رحمت بعياله__بنص النار

ماينلام اليعشك من يبجي...اهواي
لا خير أمن الدنيه الما تنطي...ماي
محتار ابن الزهره إبلا ستر...اخيام
وياهو الگبله بغربة وماصحله...فياي

مولاي ياحسين مولاي ياحسين
____
اليعشگ مصيبة يتعبه الليل
يكضيهه آه وحسـره و ويل
هيه المصيبه اتريد اگلوب
تهم بالغريبه و ذيج الخيل

واليتعب يستاهل__جرح حسين
والمجوي أمن الخيمه__يشوف اثنين
المحدبه عالتله__و صدر انداس
ومالومه لو يهمل__دمـع العـيـن

الگلبه يون للطايح مسحوك...اجتاف
للوكفت عـالتله و مـن ظلهه...تخاف
شكد عايش باللوعه من گلب...وروح
الشال الطف بگلبه و بالدنيه...عاف

مولاي ياحسين مولاي ياحسين
____
التاكل بـگـلبه تطيح اخيام
جاشنهي حاله بطاري الشام
اليسمع ضعن ويطب عالسوك
يهجر ادياره و عيب اينـام

واحجيله عالمسبي__شگد سهران
أمن الخيمه للناگه__يون تعبان
هسه شگد متغير__كد ما طاح
البين أهله وبفيهم__امدلل جان

الجرحه يهزه و دمعه ينزل...مخنوگ
ما ظن لحظه يشرد من باله...السوگ
البي دخلن يا حيف بنيات...حسين
وگوه الحادي إيعثّر بأجدام...النوگ

مولاي ياحسين مولاي ياحسين
____
المرتاح يـفرق عــن مـتعوب
العاشك الطف تحسه منهوب
ما عنده راحة و يدوم يلوج
المسلوب عشگه بدمعه يذوب

و اليبجي للضامي__ايمل شلون
للضحه ابما يملك__يظل مديون
مايسكت من نوحه__وحجة يريد
عالسلبوله اثيابه__ولأخته ام عون


كلمن حصته وضيمه والطف...احساس
بس محد يعرف بي بس...الينجاس
ليش الـنار الـبردت يــم ...ابراهيم
مابردت يـم رجـلين اخت... العباس

مولاي ياحسين مولاي ياحسين
____
خادم الحسين محمد منير المياحي

بينَ ليلى وعلي الأكبر
____

       وَلدِي قُرّةَ عَينِي      يَا عَلِيُ
ذَابَ في الصَّحرَا حَنِينِي   يَا عَلِيُ

هَا أَنَا أشكُو العَنَا  لَمْ أذُقْ طَعمَ الهَنَا
                يَا عَلِيُ
____
شَوقُكَ المَنثُورُ فِيّا * لَمْ يَزلْ حَيّاً لَدِيا
كُلََ حِينٍ ذِكرِيَاتِي تَتَقلّبْ

مَهدُكَ الحَاضِنُ قَلبِي * حِينَما كُنتَ بِقُربِي
وَ تُنَاجِينِي بِيا أمّي و تَلعَبْ

غَاردَتنَا الضِحَكاتُ * أَوجعَتْنَا الذِّكرِياتُ
مُذْ نَزلْنَا كَربَلا وَالحَالُ أصعَبْ

لمْ تُلامِسْني يَدَاكا   يَا عَلِيُ
خَيمةٌ مِنها أرَاكا   يَا عَلِيُ

حانَ بُعدٌ بَينَنًا  لَمْ أذُقْ طَعمَ الهَنَا
            يَا عَلِيُ
__
كُنتَ لِي خِيرَ خَلِيلِ  شَمعَةٌ خُطّتْ بِلَيلِي
أمَلِي أَنتَ وَأهلِي وَبَقَائِي

تَذكُرُ الأيّامَ أبنِي  كَمْ وَكمْ نِمتَ بِحِضنِي
هَانِئاً نَومُكَ يَا وَجهَ الضِّيَاءِ

كُنتَ تَشتَاقُ إليَا  فَرِحاً تِهوِي عَلِيَا
أفتَرقْنَا فَجأةً يَا للبَلاءِ
 
مَن يُنَاغِينِي كأمِّ      يَا عَلِيُ
أَنتَ مَن يَرفَعُ هَمّي  يَا عَلِيُ

سَوفَ أدعُو رَبَّنَا  لَمْ أذُقْ طَعمَ الهَنَا
                  يَا عَلِيُ
__
كَربَلا جُرحٌ وَحَسرَهْ  لم تَطِقْ عَينَايَ نَظرَهْ
شَاهَدتْهُ وهْوَ للحَربِ تَرَجَّلْ

إِيهِ يَا رُوحُ انظرِيهِ  قَبلَما أنْ تَفقدِيهِ
قِلتُ فَي قَلبِي أيَا مَوتاً تَمهَّلْ

خَرجَتْ رُوحِي وَرَاهُ  يَبصُرُ القَلبُ خُطَاهُ
وحُسِينٌ خَلفَهُ فِيهِ تَأمّلْ

أصفِرٌ وَجهاً مَشَاعِرْ   يَا عَلِيُ
لابنهِ الغِالي يُنَاظِرْ    يَا عَلِيُ

لِيتَ يَأتينِي الفَنَا  لَمْ أذُقْ طَعمَ الهَنَا
                 يَا عَلِيُ
_____
طَاسَةَ المَاءِ رَمِيتُ  دَعوَةَ الأمِّ دَعوْتُ
خَرجَ الأكبَرُ يِسعَى لابنِ غَانِمْ

قَلِقٌ قَلبُ الحُسِينِ  رَاحَ يَدعُو كُلَّ حِينِ
أحرسُوهُ حَيدَرٌ طَه وَفَاطِمْ

مِثلَهُ زَينبُ نَاحَتْ  آهِ ليلَى ثُمَّ صَاحَتْ
يَا إلهِي عُدْ عَلِياً وَهْوَ سَالِمْ

ذا جَمالُ اللهِ يَمشِي   يَا عَلِيُ
مَلَكٌ او سُرُّ عَرشِ    يَا عَلِيُ

شَعَّ إيمَانُ السّنَا  لَمْ أذُقْ طَعمَ الهَنَا
                 يَا عَلِيُ
____
مِن وَرا سِترٍ بِخَيمهْ * مُلئْتْ ليلَى بِهَضمهْ
أبنُها يَضرِبُهُ العَبديْ ابْنُ مُرَهْ

أُمّهُ قَد عَاينتُهُ * فَرَسٌ قد حَملَتْهُ
نَحوَ أعداءٍ له زَادُوهُ طَبرَهْ

ضَربُوهُ قَطّعُوهُ  سَلبُوهُ رَضرضُوهُ
وَحُسِينٌ جَاءَهُ يَمسِكُ ظَهرَهْ

قَالَ يا أُمّي سَلامٌ    يَا عَلِيُ
لأبي مِنّي احتِرامُ    يَا عَلِيُ

أَجَلِي هَا قَدْ دَنَا  لَمْ أذُقْ طَعمَ الهَنَا
                 يَا عَلِيُ
__
آهِ لَيلَى مَاتَ أبنُكْ  هَلّتِ الدَمْعاتِ عَينُكْ
قَالَها السِّبطُ حُسِينٌ فِي انحنَاءِ

مَدّدَ الطُّولَ بِجَنبِهْ * نَازِعاً سَهماً بِقَلبِهْ
وَلدِي تَهوِي عَلَى حَرِّ العَرَاءِ

مَاتَ مَهمُوماً ظَمِيا  سَوفَ يَسقِيهِ جَلِيا
لَبَناً جَديَّ مِن نُورِ السَّماءِ

دَمَهُ يَرسِمُ لَوحَهْ     يَا عَلِيُ
جَنةٌ تَحضِنُ رُوحَهْ   يَا عَلِيُ
فَقدُهُ ظَهرِي حَنَا  لَمْ أذُقْ طَعمَ الهَنَا
                   يَا عَلِيُ
_____
آخِرُ الأحزانِ لَيلَى  مُلِئتْ آهٍ وَوَيلا
عَاتبتَهُ يَا عَلِيٌ لَيتَ تَعلّمْ

بِالخُيُولِ الأعَوجِيّهْ * والطّوالِ السّمهرِيٍهْ
سَحَقُوا صَدرَ حُسِينٍ لَيتَ تَعلّمْ

فِي غَدِ تُسبَى خَوَاتُكْ * يَنتهِي ليتَ مَمَاتُكْ
زِينبٌ فِي الشّامِ حَيرَى ليتَ تَعلّمْ

قِصّتي هذا الخِتامُ    يَا عَلِيُ
     أَنَا أُمٌّ لا أُلامُ     يَا عَلِيُ

جُرحُ عَاشُورا بِنَا ** لَمْ أذُقْ طَعمَ الهَنَا
                     يَا عَلِيُ
__
علي حبيب الشابي
محرم 1443

احنه الخدم  نشد الهمم
نطلب مدد  راعي العلم
بلطم الصدر والزنجيل  لينه الفخر والعزوه
ـــــــــــــــــــــــــــــــــــــــــــــــــــــــ
نمر اليعادي يخسه ابد # ميمرنه
لغيرك حزن ندعي ابد# ميمرنه
نشد الحزم من ينقره # ميمرنه

الصف نرص   كلنه انحرص
نلطم شرط    حدما نغص
اليطبع أصابع مبروك  الزهره تگله تگوه
ـــــــــــــــــــــــــــــــــــــــــــــــــــــــ
حبك شعيره والعلي # رواها
وشكد كرامات الخدم # راواها
ماي اللطم وصدورنه # رواها

كل الخدم  تعطش لطم
بدمع الجفن تطفي الخيم
سر الحياه مو بالماي  حسين سرها هوه
ـــــــــــــــــــــــــــــــــــــــــــــــــــــــ
اللطم لنواصبنا شكثر # علاها
وعليك هنياله الذي # علا آها
انجوم السمه والله الخدم# علاها

بصدر السمه  واهل السمه
تحجي الهم   عنه فاطمه
تگلهم هذوله الخدام  بالجنه الهم مأوه
ـــــــــــــــــــــــــــــــــــــــــــــــــــــــ
الراي النه والخصم # وش رايه
ورايتنا تخفگ والعدو# شر رايه
المجلس ملح واحنه اله# شرايه

بدم النحر  طول الدهر
نشري رضا  القدم نحر
شرايه والمال ارواح  وحسين كلش يسوه
ـــــــــــــــــــــــــــــــــــــــــــــــــــــــ
تگول الزجيه التلطمك # شع ليها
نور وعلى طول الدهر# شعليها
المويمها جاغير افتهم # شعليها

بس تنتقد  تشكل ترد
وعن القضيه  شكد بعد
الجاهل المجلس ماطاب  مايدري نعمه وسلوه
ـــــــــــــــــــــــــــــــــــــــــــــــــــــــ
تهوه المشاعر واللسن # شاعرها
حسين الشعيره واللطم# شاعرها
اليكتب قصيده يبتشر # شاعرها

بجنة الخلد  بمال وولد
وبالحشر  باجر ينسعد
امن الكوثر نشربه الماي  وبكل حرف يتروه
ـــــــــــــــــــــــــــــــــــــــــــــــــــــــ
كون اللطم فديوم اجه # رايه النه
عذراً نگله بهل امر # راي النه
عد ابو صالح ننتضر # رايه النه

رايه ولوه   لطف نينوه
كسر الضلع  طفل الهوه
ثارات ناخذ ثارات  وبدم يفور الگهوه

مصطفى الحمداوي