يعباس الخيم دونك عدم ....خوية
طايح عالثره وحيلي نهدم.....خوية
يخوية .......يخوية
.........................................
اتعثر بضلي وطحت
عباس وينك ما گمت يتمت اخيتك
مابيه ارد عله الزلم
وعدكم عليل وبلخيم وانه بثنيتك

صحتك يبعد آنه گوم امشي وياي
تدريني تعبانه وامشي بلا رااي

گوم رجعهه الزلم وارفع لوانه....خوية
بكل حيلهم خوية أركضوا ورانه.... خوية

يخوية .....يخوية
............................................
يالكافل النار اوجرت
سبعين ألف يمي لفت وينك يعباس
يم النهر چفك وگع
وهندامك بدمك نگع ويلاه ينوماس

رد خل اشوفنك ماريدن الماي
نروة بضحك سنك ياخويه لوجاي

تعال وطيب خاطر اختك ....خوية
صعبه السبي خلاني عفتك....خوية

يخوية .....يخوية
.......................................
اتوسلك فدوة تگوم
ضلينه بس يمك نحوم ياهو اليلمنه
مشونه بسياط وشتم
والنار تاكل بالخيم فدوة افزع النه

انهض يبعد اختك شتمونه الانذال
ادري الحجي يتعبك جرونه بحبال

اخ شكثرهم من اجونه .....خوية
طول الدرب شتمو ابونه .....خوية

يخوية ......يخوية
....................................
بچفك ردت توميلي كون
وتگلي خوية ما يجوون امني يزينب
لن طولك أموذر يخوي
شيلمك احاه يبن ابوي وحالتنه تصعب

كسرة ضهر فگدك خوية انولينه
سولف يفي اختك داروا علينه

شيل العلم انهض لعد خيماتك....خوية
شافوا حرمنه وطگوا بنياتك. ....خوية

يخوية ......يخوية
........................................
چف النذل سطرة طفل
وحسين نايم والكفل وسفه ومصيبة
خدري انسلب بالطف امس
شافوني كل اهل الرجس جرحي شيطيبه

صحت بعلو صوتي وين النشامة
وراحوا بگيت انه بطرگ اليتامه

ادريك تسمعني وابد مالومك...خوية
تعبتني وشيبتني بذاكه يومك...خوية
يخوية .......يخوية
..................................
علي رسول ✍️

(ام البنين ع )

وحدي ضليت.... وتاني جيت الاحباب
وحدي ضليت ...أغفه عله عتبت الباب
يولادي ابد ماصايره
ابقه وحيده وحايره
وحدي ضليت....وحدي ضليت
......................................
أشوكت افرح وگولن طاب الم گلبي
ومن مشيتو بلا مرد تيهت انه دربي
حت الضعن لمن طلع زود علي تعبي
وحدي بقيت ادعي يرجعكم الي ربي

آنه بالبيت ....وزينب عله بالي
آنه بالبيت ...وترجعلي عبالي
مات الامل من طلعوا
اسجد شكر لو رجعوا
وحدي ضليت....وحدي ضليت
................................
المدينه ضلمه صارت وانتو غياب
وأنه أبطرگ النشد بلكت خبر هاب
ياذيني گلبي الما برد چن عطاب
وكل فجر اوگف گمت يم الباب

حيل تعبانه .... ومحد درة بحالي
حيل تعبانه ....وبس دمعي يبرالي
ضعنكم هدم الحيل
وتدرون السهر ويل
وحدي ضليت.....وحدي ضليت
.....................................
ابچي إنه أعله حسين لمن ودعاني
ردت اروح وي الضعن بس رجعاني
چنه يعرف ماكو راحه وما خذاني
وگمنه نبچي اثنينه واحد عله الثاني

فدوه ياهلي.... بس ردوا الي فدوة
فدوه ياهلي..... گمت امشي بلگوة
ضيم وحرب غاد
وعني انتم ابعاد
وحدي ضليت.......وحدي ضليت
........................................
هنا وبن حذلم اجاني عنده اخبار
نشدته أعله الحنين شصار ما صار
وگلي أبكربله ضل الوحده محتار
وعينه أعله الخيم من شبت النار

هنا يهالناس...متانيه ابني ونوحن
هنا يهالناس...عگبه بيمن الوذن
ونيت أوخفت صوتي
اخلافك ياهلا بموتي
وحدي ضليت......وحدي ضليت
.................................
يگلي ابنج من وگع وحده وضامي
وخنصره الي نگطع شفته گدامي
وگلي شفته أبلا ثياب مسلب ودامي
وحچالي ومن حچه هيجهن آلامي

وتاليهه ....راسه برمح أنشال
وتاليهه ....دمه بطوله سال
يردلي أشگد تمنيت
بعد يا وحشة البيت
وحدي ضليت......وحدي ضليت
........................................
علي رسول ✍️

ثكيل ...
السيدة زينب عليها السلام تخاطب ابا الفضل العباس عليه السلام حين وقع على رمضاء كربلاء


يا سيد الماي
سير عله عيوني نضر يالوفاي
يا حامل الجود
ارجعلي وعوف النهر يالوفاي

يالوفاي .....يالوفاي
..............................
دير أعيونك وصد غاد خويه عله الخيم نضره
وشوف أبخيمة اختك نار كلش عاليه موجره
مذهوله وبقيت أهناك وحدي وبانت الكسره
طحت وفرحوا الشمات ولوني وزادت العبره


ابلا ماي نريدك
ونروه بجيتك سالم يغالي
اوميلي بچفك
خل اترد هاي العالم يغالي

يالوفاي ...يالوفاي
..................................
عزبتلهم أبصدرك خويه وما رجعت النه
نومت السهم بالعين ولشامت ضحك سنه
وين أنروح محتارين ينشمي ما تجاوبنه
تيهنه الخيم عباس شتم واحجارهم حنه

ركضو هدوا
داروا كلهم خوية اعلينه بالهيمه
مارحمونه
وبحبال انشدت أيدينه بالهيمه

يالوفاي .....يالوفاي
..............................
اجاك حسين گوم وياه محد ضال وينصره
حدب خويه والشمات ماترحم كسر ضهره
اخوك هناك مارحمو عطش وبعازت الگطره
آخر چلمه من حاجاك چان ايريدك اتعذره

طحت ليش
عوف الماي ورد لسكينه يكافل
اننام شلون
جا ياهو الي يفيي علينه يكافل

يالوفاي ......يالوفاي
.................................
أوميت شكثر لحسين ردنا للخيم يرجع
باوعلي أووگع يمك يمكن تعبه المصرع
نام بصفك أو حاجاك وعيونه بدت تدمع
شم انفاسك أو ضماك يدريبك ولا ترجع

اعتنيت بشوگ
ارجعلي وما عطشانه يعباس
بس لا مذبوح
شد حيلك گوم ويانه يعباس

يالوفاي ........يالوفاي
...................................................
علي رسول ✍️

كونك تجي عليك انتجي....ياخوية
ياخيمة وعلي يا كافلي.... ياخوية
من ضيم السبي ردني لهلي....ياخوية
ياكافلي يعباس .... ياكافلي يعباس
....................................
خوية وينك مالگيتك من اجيتك للنهر
احجي فدوة امشي گوة وضهري نكسر

يعباس..
هاي ما صارت يبعد أعيوني
لمن طحت همه اجو ضربوني
حته مشي اعله الجمر مشوني

ولله وكت لمن طحت ولونه
كلهه اجت لينه اركضت سبونه
إنه صحت وحيل اتعبت.... ياخوية

ياكافلي يعباس ...ياكافلي يعباس
.................................
اوميلي بيدك انه اختك ماعرفتك يالگمر
ضلمه خويه وماكو نورك وأنه أدورك ياقهر

يعباس
تاه الدرب وانه عتنيتك هايمه
اعثر وگوم انه وأبد ما سالمه
وبهذا الوضع إنه ابد ما عالمه

ضليت اون چني بسجن يغالي
بيك الطعن وأنه الحزن چتالي
محد يحن لا ضل ابن......... ياخوية

ياكافلي يعباس .....ياكافلي يعباس
..................................
الحزن من الرمح من الجرح لعد ذاك الماي
وترس حته النهر لمن كثر دمعي أهواااي

يعباس
فدوه انتفض چفك الي رفعه
وني كبر ياهو اليجي يسمعه
محد الي ضليت انه والدمعه

سوو سره يم منحره وچفوفه
ودمعي جره ومحيره ومچتوفه
وآنه مره أعليه الجره.....ياخوية

ياكافلي يعباس......ياكافلي يعباس
...................................
ياهو اليلم ذيج الحرم يم الخيم مرعوبه
وذاك الشهم لا ماسلم عينه بسهم مصيوبه

يعباس
اختك انه وي العدو مشوني
من الشمس خوية تغير لوني
بديرة غرب منكم بعد حرموني

خوية النذل جاب الحبل شدانه
وأعله الهزل ذني النحل خلانه
كونك عدل محد يصل..... ياخوية

ياكافلي يعباس .....ياكافلي يعباس
........................................
وحدي انه يا كافلي وشتموا هلي بالسوگ
يمي طفل طف كربله ماخذ هله ومحروگ

يعباس
الحگ عليه بلا ولي ضليت
طگني النذل لمن أنه ونيت
ردتك تجي وشكد انه تانيت

طلع السهم شيل العلم يكافل
يم الخيم خيل وزلم تحاول
ترهب حرم زاد الم ....ياخوية

ياكافلي يعباس... ياكافلي يعباس
.......................................................
علي رسول ✍️

(العليله)

انت تروح ...وبيه جروح ..تترك ليش
زاد النوح ...وهاي الروح ..ترضه ابيش
يعافيتي ويخيمتنه الجبيره
يمته تخلصهه هاذي المسيره
يبويه....يبويه
...................................
بده الشوگ يجبرني اسأل ليش انته رايح
خليني بويه لعطرك اشتم وهالدمعي سايح
بويه الظعن لمن طلع زود ونيني
گلبي انعصر جنه دره محد يجيني
عطشانه عيني لوجهك يابعد عيني

كلش صعبه .. انه بغربه .. وانتم بعيدين
المحد گربه..يوگف گلبه .. ويغمض العين
ضليت وحيده غريبه واسيره
يمته تخلصهه هاذي المسيره
يبويه.....يبويه
......................................
بويه السهر ذبل العين ودور وصالك
گلبي يلچمني ويريد اليگلي شجرالك
اخر مره شفتك عرفتك ماتردلي
تودعني وادري بعيونك تصدلي
وياهو اليباريج نظرتك تكلي

ردتك تجي ..عليك انتجي..وغفه بحنانك
گمت ارتجي..كون اليجي..يگلي بمكانك
ابنيتك عليله نحيله وزغيره
يمته تخلصهه هاذي المسيره
يبويه....يبويه
......................................
بديره غريبه انوحن وتاني أريدك تمرني
ردوا عليه لو بس ثواني شوگي حرگني
بويه الجرح يكبر اذا تبعدون
إنه اضلن ياهلي ونتم تروحون
والفراگ صعب يعميلي العيون

رحت عني ..وفقط وني ..بقه وياي
كبر حزني..ياهو ينشدني..عله بلواي
أخلافك اعيشن يتيمه كسيره
يمته تخلصهه هاذي المسيره
يبويه......يبويه
.....................................
من مشيتوا الهم سباني وعليه الغربه بانت
بالمغربيه كبر جرحي وعليه روحي هانت
ياچبير الحگ عليه احتاجك
تضحك تردلي وجميله ثيابك
وماكو اثر حافر وصلك جاسك

ريت عيوني..ومتوني ..فدوه الك
لاتنسوني..وتعبوني .. عود بهلك
ماريد اشوفك يبويه بحصيره
يمته تخلصهه هاذي المسيره
يبويه......يبويه
................................
علي رسول ✍️

يا أبا عبدالله
يا أبا عبدالله
ياحبيبي يا حُسين
..............................................
شيب الشوگ لضريحك ولعطر ذاك الصحن
والزيارة تريد واحد يبچي أعليك ويحن
يا عشگ ذيج المنارة همومي يمهه ينمحن

يالساتر عليه
بكل مسية اشتاگ الك
رافعلك ايديه
بكل حياتي احتاج الك

يا أبا عبد الله
يا أبا عبد الله
ياحبيبي يا حسين
..........................................
أعتنيك بگلبي عالم كله غربة وملامه
وحته اسمك لو ذكرته وبچيت بهيامه
يضحكون علي لو گلت حرگوا خيامه

تشمتوا بيه
من جبت طاري الخيام
صاحو عليه
راسه برمح خلوا ينام

يا أبا عبدالله
يا أبا عبد الله
ياحبيبي يا حُسين
.......................................
هاك صدري والحوافر خلهه تسحگني
وذيجه نيران الخيم خليهه تحرگني
وخادم زغير بمجلسك مولاي ارزقني

ارزقني دمعه
بچيني فدوة أعليكم
وهذا طبعه
اليحب يبقه بين اديكم

يا أبا عبدالله
يا أبا عبدالله
يا حبيبي يا حسين
...................................
ارد اجيلك سيدي عن گلبي اسولفلك
ضامي وبعيد الدرب رايد أنه أوصلك
سير علي مثل النده مولاي انه بضلك

فدوة أگلك
خلني أعله بالك فدوة
دمعي ينزلك
خل خدي بي يتچوة

يا أبا عبد الله
يا أبا عبدالله
يا حبيبي يا حُسين
....................................
السلام أعله العقيله التعبت هوااي
أعله اليتامه الصيحتلك ماي ياماي
وعله المخيم لو اذكرة يزود مبچاي

جيت اگلكم
عليكم اون وانعه
وگلبي الكم
تارك هله وربعه

يا أبا عبد الله
يا أبا عبد الله
يا حبيبي يا حُسين
...................................
علي رسول ✍️

سبع طوفات اعله جدرك طايف
وساعي بين الجمر مثل الخايف
جيتك وعندي عقيده بروحي
كربلاء تسوه منه والطايف

صخام جدرك من مقاماته دواء
وكلشي بي انته والك طبعا شفاء
المايعرف السالفه يحچي ويلوم
الله سواها اعله مودك كربلاء

حته الزاد وبعاشور بي نكهه وطعم ثاني
كلها اتموت اله انت يمشي اسمك بشرياني
وبيك هواي ومتميز حبك طبع رباني
لكلشي ينكتب اسمك ويعبر عله الوجداني

حبيب الله ويعزك حيل
نگول اسمك يفوح الهيل
يا اطيب واحد بجيلك
بعزائك ردت منك حيل

…………………………………………

هيبه طين التعزيه المالي الثياب
وتارس اوجوه التحب ومحني باب
الحچه علطين واستشكل تعال
كل مطهر اصله للماي و تراب


كل عقيده التنولد فطره وعشگ
والف هنياله اليموت من السحگ
كون للطف ينطلب واحد يروح
بهايه يلا ينعرف ياهو الصدگ

بكل مشوار مر وياك عرفتك باب للتوبه
يالتنشاف بس بگلوب بيها الدمعه مكتوبه
رحله الشوگ لليهواك صرت بكلشي محبوبه
ماتنعاف وانته الكون شاريك ابچي غروبه


شنهي البيك ما محبوب
ياغبشة ومسيت غروب
ينادر بين ناس هواي
يا اول تعب مرغوب

…………………………………………

واصل بحبك اسولف بالدلال
عندي اعز من روحي عابر علخيال
اطلع من البيت وانويها عليك
وين مثلك الگه يارب الجمال


ماشفت واحد يلفي الكله سو
الا انته اتحسسه بمعنى العفو
المجالس مالتك يحسين هاي
واحنه من تالي اجينالك لفو

ريت اهواك حب صدگي حاسد بالعشگ جونك
انته حسين وانه منين العندي بزود ماعونك
شگد فنان المسويك واختارهن اعيونك
يالواحد مامخلوق غيرك شابهه الونك

بس انته الشبهت انته
يا اجمل بشر شفته
صوره انرسمت ابالي
اموت ابيوم اذا عفته

……………………………………………

من بداياتي وعرفت المو سهل
لغز هاي الخدمه جيب الي يحل
تقرا بين اسطورها تشوف العجيب
غيرها تفرق وهي اتلم شمل


بكل طقوس التعزيه جرحك شعور
واشم عطاب المخيم بالبخور
ذكرياتك صارت اجروح وكلام
وماعرفت الدمعه الا بعزه الشور

بكل احساس تلگه اعيون عرفت روحهه بخدمه
الماباجيك اه يحسين بالعباس مو زلمه
هي العين مخلوقه حته بمجلسك تعمه
ضريبه الحب هيج يريد ماينقاسله بچلمه


شما اقدملك اتحسر
انته الجازي بالاكثر
لان حبك بده بمقياس
وضريبة عشگك الاكبر

……………………………………………….

ياسوالف حزن مرجعها السهام
والسواد اللابسينه من الخيام
ستار اعلينه وبقيت ابلا ثياب
هو هذا الحب صدگ مو حب كلام


من حسرتي اعليك ما ظلالي راي
ماعرفك من زمان اشلون هاي
سوء توفيق وتاخرت بهواك
املكني عبدك هاي امنيت هواي


غريبه الروح من تشتاگ والشافاك هنياله
صفنت راگ حن للماي عيشنه اعله هل الحاله
وبين افراگ ودمعت شوگ ذني الحبك اباله
حلات الموت من يشوف اليهواهه جتاله

يجروح وهوه العدلين
شنهي مسوي بالميتين
فوگ اگبورهم اسمك
بكلشي تنكتب يحسين



الأقل شرفاً
كرار اللامي
#محرم الحرام

ضاقت فلما استحكمت حلقاتها
قلت …. حسين
واذا بها وقد انجلت نكباتها
صحت …. حسين

چم شده واگلك هاك وانته اتگلي مگضيه
عله ياهيه اسولف بيك يبو حجايات عربيه
يمنسيني بالحضره كل همومي والبيه
وتتلاگني من بعيد شگد شايل عزوبيه

يمن فدوات لعيونك
اضل كل عمري مديونك
شماسويت ماسدك
واحسدها اليعشگونك

…………………………..

ولرب نازلة يضيق لها الفتى
فندب …. حسين
عجبا تقول لمثله كيف اتى
قلب ….. حسين


حاضرني گبل كلها وگبل لا اصيحله بعونه
ماشايف ابد مثله شگد حب اليكرهونه
لونه حسين مادري بس ماله شبه لونه
يعوضني ويگلي اتهون وباقي اكل بماعونه


كبرت بزوده وبصيته
وحيل افتخر تربيته
انه مو بشر كامل
بس حسين حبيته

…………………………

ولقد خلقنا من ترابٍ اصلهُ
منهُ …… حسين
في كلِ خلقٍ لا وجودٍ مثلهُ
كنهُ …… حسين

من فاضل اتراب حسين الله اختار خدامه
وخلقنه انسوي اله مجلس وبيهه نصير لطامه
فضله اعلينه جازي اهواي كون انطيح گدامه
قليله بحق ابو الاكبر نطبر الروس بالقامه

كون انموتله ونعدل
ونرد بشوگ مثل اول
احنه بكيفه شيسوي
دوم حسينه معدل

……………………………

واذا مرضت او اصبت بكربةٍ
يشفي ….. حسين
فهو المشافي والمعافي لعلةٍ
يكفي ….. حسين

حسين منين ما التاف اشوفله وجه طالع
نخله بكل وكت موجود ومشبع اشكم جايع
ضوه بنص هيمه للحبوه ويدلي شكو ظايع
مرجع والتقلده هواي حكمه اعله البشر شايع

اليقلده يعيش مستانس
هذا العشگ لبواهس
الجنون بحبه اله ميزه
مثل ماصار وي عابس

………………………………………

عند السؤال اجابت الروح بكاء
جرحي ….. حسين
والعين لاتقبل الا كربلاء
نوحي ….. حسين

سمه بعيون ليعشگوه وكلها اتفكر اتلوحه
حسين بلا طعم عمره الما خادملك بروحه
وماحس لذة الچمات الماناذرهن اجروحه
هو العمر بس حسين وكل احلام مطروحه


اليعيش حسين بعيونه
يصير بكل وكت جونه
هذا احساس اليحبون
شما تنطيه مديونه

………………………………

الأقل شرفاً
كرار اللامي
#محرم الحرام

جبت الخنصر المگطوع
خويه حسين وين الجف
ابالي وجيت ارجعنه
الجفك بس بقيت التف
غير الگه عظم صاحي
بجسمك ها يالمكلف
مطشريك اعله كبر الكاع
يالمكتول ومچتف

من الحر الرمل يبس لهات الماي
وانت اعليهه نايم صار مده هواي

خويه ……. لصفاحك المچويه
خويه ……. اشلون امد ايديه
خويه …… وانه هم محترگه
خويه …… وطگگت رجليه

………………………………

من جيتك وادور اعليك
بليل وفازع الدخان
ها يحسين يبن امي
اصيح بلكي الگه امجان
البي طايح يبعد اختك
وسمعت مسلب وعريان
ردت اتاكد وارجع
محد يمهن النسوان


ماصدگت كلشي من سمعت صياح
مت عيني يالمذريك چم مرواح

خويه ….. موذر وهم عاري
خويه ….. ويلوح بيك الذاري
خويه ….. وانه اشگف وانسب
خويه ….. والهظم مگداري

…………………………

تركض خيلهم وافتر
واخاف تباوع اعليه
مامش شي واشاگف بي
البيرغ مات راعيه
يصيحوني واشوف الصاح
ماعنده عرف بيه
مايعرفني اخت عباس
بس يعرفني مسبيه

صاحو باسمي لاچن منتبه چني
ياهو الشايف اختك حته يعرفني


خويه …… كلها گالوا هايه
خويه …… الزينب مسمايه
خويه …… ياشرون واركض صوبك
خويه ….. عرفوني من القرايه

…………………………………

وصلت ومالگيتك غاد
ليش حسين عايفني
يلچمني الحرگ واتعب
واصيحن اخ من متني
رايح وين وبهل الليل
مو طبعك تتعبني
ادورك وبخفيف الصوت
چا وينك يخال ابني

عليك ابروح امي دلني بمچانك
يكونك عدل الحگ شوف نسوانك


خويه ……. تاهت العلويه
خويه …… وباگو الترچيه
خويه ….. عتها وبكل قوته
خويه ….. من اذنها ارقيه

………………………………………

ليش الموت اذا دگ باب
مايمهل ولا يصبر
طشوك اعله كبر الطف
اشلون ازگيك واتخضر
شصاير بيك يبن امي
من كل كتر متفطر
الله وياك راح امشي
الصايم بيك مايفطر

يبعد اختك بقت العيون مشبوحه
وراسك صار يمي وعالي مالوحه

خويه …… ما الوحك تالي
خويه …… يالچنتلي خيالي
خويه …… هاي مو تاليه
خويه…… مگيده بلا والي


……………………………………………

الأقل شرفاً
كرار اللامي

لمولاي ابا الفضل العباس عليه السلام


اذاير العباس وشد اعنانها
وعيونه شاطت واشتعل بركانها
خلي تلحگ تلبد الجانت تصيح
والگبل ساعة سرفنت ذرعانها

طباها والعباس صم چفوفه
من الخوف وادم شردت اعله الكوفه
وفرغت كربله
حل المرادم والحسين اتنوع
وصاحتله اخيته كافي خلي يرجع
راعي المرجله

خل يرجع مو طب للكوفه

………………………………………..

حاد الزلم عباس من اذانها
وتيهه طريق الشرده عن فرسانها
اتخلبصو رد يفتل بسيفه الروس
واكبر زلمهم بيده گص السانها


كف الردان ولمع بيده الباشط
وبينت ملامح عرجه ذاك الشايط
ظل ينخل زلم

من طبها مفتول الزنود السمره
مشدود بذراعه علگ للزهره
ويامحله الردم

واليشرد مارايد روحه

……………………….

عگد اعگول اشيوخهم غاد الحيد
ورنت الهاون وصلت الاذن ايزيد
عباس مادگ گهوه دگ روس اسباع
محسوبه عدهم وضل يكرر ويعيد


شاهين الحسين وغضنفر حيدر
عباس واحد مثله مايتكرر
ولا جابت مره

صرجت اسنون العسكر المسموعه
يشبع ضحك الحگ اعله الحومه
لزمهم سره

واليشهد للكافل سيفه

…………………………………

اطول العسكر من وصله اشزغره
من اعگاله شاله وضل يفر ويشمره
عباس موبس گص لسن شگ احلوگ
يتفاجئ اليوصله شافه شكبره


فوگ الخيم تلگه الجثث مشموره
سد راد من الشمس للمستوره
ومايعبر ضوه

وبالباب تلگاها الجثث مرميه
سد راد من الهوه الروحه رقيه
لو طلعوا سوه

وشحده اليوصل للخيمه

…………………………………………

كل ال هاشم وگفت اتباوعله
وعبد الله بگماطه فزع هوسله
من الشوارب عمي جر الفرسان
وحسين صاح عباس مامش مثله


عباس يستنگي بكبار القاده
ويگص رگبهم حدر رجل الساده
وماردهم مرد

سودن اليشرد بكل مجان يلاگيه
منين مادار الوجه يطلع ليه
رجعهم لحد

ورد حيدر وعباس مرايه

…………………………………..


الأقل شرفاً
كرار اللامي
#محرم الحرام

بالطف محد ضاگ فراگه
ولا جرب طبات السوگ
ولا صبح مگيود وينجر
ولا شم عطاب المحروگ
ولا شاف اگماط ابدم ناگع
ولا بيرغ مليان شگوگ
ولا محتار بصعدت ناگه
حرمه وماتعرف للنوگ

صلفه عين الطف خذت كل ذكره
والنياشين اعله متن الحره
مادروا الفرگه تاخذ كلشي
وتكسر بخاطر عزيز الزهره

سبيه …. وهضيمه…. تمشي وي چتال
الاذيه ….. الاجتها …. مامرت ابال


………………………………………..

مناوش صار السب وتكلف
ليل الوحشه شفنه اشكال
محد بيكم سامع صرخه
من الفشله اتهد اجبال
ياهوه الي يرضاها الاخته
مجتوفه وتنجر بحبال
وتاشر شمات وتضحك
ومحتاره اتلم الاطفال


اثنين وثمانين طفل وطفله
والجمر مامچوي بيهم خله
كلها من تمشي تبين اثارها
وشلون صعدتهم بظهر الهزله


مصيبه ….. السوالف ….. ماينحچي الشوگ
غريبه …. اصعدتها ….. ومكشفه النوگ

………………………………………..

كل عشر اطفال اعله الهزله
وبيهم يرظع ومره ارياگه
شتصير الحرمه المچتوفه
وحسين امذيها افراگه
اذن والحادي يعت بيهن
شلون يصلن فوگ الناگه
والتتيمم دم تارسها
وشنهي اتسويهه المشتاگه


الشوگ مايدري بجروح الفاگده
وياگلب يحمل ونين الوالده
الناگه تبچي من تون يمها الرباب
وعلرمح عبد الله شنهي الفايده

حبلهم …. خشن حيل …. مو مال اوادم
ويعتون …. ويعيرون ……. بروس الهواشم

…………………………

بت الحاكم جان الكوفه
هسه اطبلها مجتفيها
هاي الفشله ومعنى الذله
تنطگ احجار بتاليها
شتشگف واحبال برگبتها
ومهضومه وتدري الياذيها
طبت السوگ التهظم كلش
واثار احروگ بايديها


مرت اچم ليله ابد ما غامضه
وچم اثر خله الجمر بالراكضه
السوگ موش ولام علوية علي
وهاي الطلابه الابد ما فاضه

الهضيمه ….. الچبيره …. شافوها زينب
الاميره …… خدرها …….. راح وتسلب

………………………………….

ياهو السامعله بعلويه
امدنگه اطب الديوان
والتهظم التباوع كلها
واخ الشام شبيهه احزان
يهل الفزعة اعتازت زينب
فزعت زلمه من الخوان
ويشوف شحال المهيوبه
وشنهي الصاير بالنسوان


الشام من طبوله عيد وفرحه
ومحد اباله الحسين وجرحه
والخرابه اتراب تنكث علبنات
والعبي مو سود صارت ملحه


بخرابه ….. وشتايم …… ماترحم الشام
ودلالچ …… يزينب …… راح وي الايام

……………………………………..


الاقل شرفاً
كرار اللامي

جروحك والنهايات
ويرتل نحرك ايات
سوه الممشه وحچي الموت
انهتك خدر السبيات

واقع حالي بحبال
واتماشه وي چتال
اخوتي گبالي بس روس
ويزمخ بينه جمال

نسوان تشمت اجت لا صايره ولا دايره
وياطبت الكوفه الصبح وبالسوگ وادم ناطره
بت حيدر انجر ابحبل وعباس ضل بخاطره
المحد عرف اسمي گبل يصحوني هيه العاثره

اي عاثره من كثر مادورت
وبخاطره عباس ضل لمن صحت
يعيوني اخت انشافت تره
وضربوني ومن عله الناگه طحت

خويه حسين خويه حسين …….

…………………………………

طريقي اشگد صعب جان
واشوف فلان وفلان
الاله وياك ممشاي
اطبن تالي ديوان

التهظم لال اميه
ومكيوده وسبيه
وعلي ضحكوا عله الصوت
وخذو صوغة رقيه

ماردت اسولفك جنت وبالي اسكت خايفه
بس وعلي هظمه السبي وكلساعه اطب بطايفه
يحسين اكشف ياجرح تشوفه واگلك نازفه
مزورگه من كل كتر من حجارهم ومگاطفه

ها خويه اتشوف اثر لحجارهم
وبگصتي هاك شوف اثارهم
يضربوني واشگف بطرف العبا
وسبوني اصغارهم واكبارهم

خويه حسين خويه حسين ……..

……………………………………….

صعدت النوگ فشله
واگول اتهون سهله
اذا مالت اكض بيش
التكتلك خويه هزله

ابمشيها الناگه تگزل
ويبعد اختك تعلعل
واسكت واسمع اشكال
الشتايم صعبه تكتل

انسبيت واشتم الهوه وياريته ماطال العمر
وعباس راسه اعله الرمح يفتر لون صاح الشمر
فوگ الاذيه من الذبح يغثونه بسوالف خدر
من غبشه علناگه اكعدت شيوصل غروب العصر

علناگه كاعده من الصبح
تاذيني وجرح ضل يلچم جرح
مو گدري وانت تدري بهايه
بالكوفه الوادم اطش الملح

خويه حسين خويه حسين

………………………….

تحيرني السؤالات
وتجرحني المسافات
طويله الرحله يحسين
وشرف هاشم غريبات

اقيم اقرايه الك وين
وانه الملايه يحسين
بخرابة الناس شدگول
شني هاي النسواين


يحسين من كد اللطم فوگ الزراگ اتزورگن
اتمنيت حاضر بالعزه اتشوف البنات اتهدلن
واسكينه تشهگ بالبچي وليله ورباب اتگابلن
المفاگده بالطف اخو فگدت ابن فگدت وطن

والفاگده تنقري بعيونها
ومسبيه اختك يسمونها
ماقصرت هاك شوف امتوني
ورقيتك لا تشوف امتونها

خويه حسين خويه حسين

…………………………………………….

الامس ممشاي اميره
وهسه بلا عشيره
جنت وين وصرت وين
يصيحوني الاسيره

وحگ شوغات السهام
تحدي بروحي الالام
اذا بالكوفه بحجار
شني المضموم بالشام

اباب ساعات الهضم يحسين شفت المايصح
صوت الهلاهل ينسمع وبالشام عيد ومفترح
مدنگه من المستحه وطبت الخرابه اكبر جرح
تنام البنات من التعب وانه ابقه اناطر للصبح

ماتنحجي الخرابه اسرارها
ومكشفه خويه كل اكتارها
تمر الخلگ واسمع اشكال الحجي
ولامتنام التطلب برد ثارها

خويه حسين خويه حسين

………………………………………


الأقل شرفاً
كرار اللامي
#محرم الحرام

يامهيج روحي واحزان الطفوف
….. ارزقني دوس الحافر
يالرضا گلبي انعمه خلي يشوف
….. شصار يوم العاشر


خليني …. حدر ذاك الحافر
وازگيني …. بعطش يوم العاشر
وعلمني …. شلون اصير بنادم
وادبني …. بحيرة الظل حاير

كون المحب مثل اليحب يموت اله
وبلاوعي لمن يطب الكربله
هو العشگ يراد اله مرسل نبي
ويفسره مشيت النوگ بعايله

مدد مدد مولاي الرضا

………………………………………..

يلضمنت ادموعي عيشني غريب
…….. وكون اعيش الحاله
امنيتي نفس الحر يمرني وهم سليب
…….. وادوسني الخياله


وامنيتي …… غصب تطلع روحي
وتعزيتي ….. تصير همي ونوحي
وتاليتي ….. مثل اول عشره
انسانيتي … تبين من اجروحي



الساتر علينه بخدمته المعدله
واعمالي گدام الزچيه امبهذله
ارزقني يالضامن دمع يكفي الجره
وبكل جزء من ثانيه اشتاگ اله


مدد مدد مولاي الرضا

…………………………………

بالنيابه عن هلي وامي وابوي
….. يالرضا ارزقنه يسر
ونمشي مجتوفين بحبال واخوي
… باقي جثه بلا نحر


وينطگن …. وينهتك ذاك الستر
وينجرن …. ويضحك اعليهن شمر
واتوهدن …. وانه بجفوفي حبل
ياهو احسن …. امي لو ام الخدر


اه يالرضا خلني بخيالي ومحترگ
طالبها منك من گلب يحجي صدگ
ماريد ادگن باب غيرك للهظم
انته الوحيد التقرا بعيون العشگ

مدد مدد مولاي الرضا

…………………………………

ما اريدن انحرم منكم واموت
…… وبالمجالس نوحي
يالرضا والنيه يعرفها السكوت
…… والطين هيبت روحي


من طينكم ….. خلي فوگ اهدومي
وبدينكم …….. خلص ليلي ويومي
ماذيكم ….. وادري سود اعمالي
وهل يمكم ….. مكشفات اعلومي


اعليك بالظل وحده بعازت اخو
شديت اديه ابيرغك وارجو العفو
يالماترد واحد گصد محتام الك
يالضامن احسبني عبد رايد لفو

مدد مدد مولاي الرضا

………………………………………

اتلاثه يتحققن لليطلب وجاك
…… وانه عندي هوايه
احترگ گبل الخيم وانطر رضاك
…… واخدم المشايه



وايماني …. علجمر امشيله
اوجداني …. وكل وجودي بحيله
وقراني ….. من ارتل اسمه
وعنواني ….. انه عبده دخيله


ادخيلك يوارث كل الم بعياله
ورثني حرگه اعله الحرم چتاله
مارايد اصبح جون لو عابس اله
يحسبني اكون اتراب دوس انعاله


مدد مدد مولاي الرضا


…………………………………………


الأقل شرفاً
كرار اللامي
#محرم الحرام

محـرم

( نزله للاكبر ع )

هـذا الاكبر علي او علي ويــاه
هـذا الاكبر علي او علي ويــاه

……………………...
الحومه من طباها .. چـنه داخل طه
وكالسعـف تـتناكث .. الـزلـم خـلاهـا

الجـيش لمن شافه .. هـذا طـه اوصافه
هد عليهم صايل .. ورمحه فوگ اچتافه

بالحـومه مـن نـزل .. خـلاها هالبطـل
تـتراجف منه كـلها
هد بيهم چن عصف .. زلزلهم بالقصف
وراواها الزلم ذلـها

هـذا الاكبر علي او علي ويــاه
هـذا الاكبر علي او علي ويــاه

……………………...
صال صولة حيدر .. وحاس بيها الاكبر
والـزلـم خــلاهـا .. مـن الرعـب تـطـشر

الرمح بـيـهم هـزه .. چنه جـده الحمزه
والگـرب من عنده .. بسيفه راسه يحزه

طب بيهم او رعد .. چن حمزه الاسد
خـلاها كـلها ترجـف
اخو خيته بالفـعل .. من حيدر هالشبل
بالحومه گام يعصف

هـذا الاكبر علي او علي ويــاه
هـذا الاكبر علي او علي ويــاه

……………………...

طبـها رافـع راسه .. الهـيبه من عباسه
من ابوفاضل ماخذ .. غيرته ونوماسه

هـيه نفـس الثـايه .. بالهـدف والغايه
يموت ماينـطيـها .. وما يطيح الرايه

بالغايـه والـهدف .. ماينـذل هالشـرف
بقاموسه الموت عزه
بناموسه والاصل .. صاحب حق مايذل
والكـثـره مــا تـهـزه

هـذا الاكبر علي او علي ويــاه
هـذا الاكبر علي او علي ويــاه

……………………...

الزلـم من يخفگـها .. الروس گام ايطگـها
الشـارده جــدامـه .. بـالسـهـم يـلـحگـهـا

اليلـوحه يشرگـه .. وعالتراب ايطـرگـه
والشمر ضل دايـخ .. عليه فاتـح حلگـه

من شافه الشمر .. ضل لا ما مستقر
ومن خوفه مات حيله
يلطم ضل گـصته ..فشل كـل خطته
ورجليه ضل ماتشيله

هـذا الاكبر علي او علي ويــاه
هـذا الاكبر علي او علي ويــاه

……………………...

الحرب عنده ونسه .. وچن تزفـه العرسه
وهـيبه ينطي لشكله .. الدرع من ايلبـسه

من علي هالهـيبه .. وحگـه بيده يجيبه
من يطب عالعسكر .. تحس كلها بخيبه

بساعات الموزمه .. يسويها ملحمه
والغيره يطگ عرجها
يكـر وما ينـهزم .. يگـلبها عالخصم
ويتعـاله منـها عجـها

هـذا الاكبر علي او علي ويــاه
هـذا الاكبر علي او علي ويــاه

……………………...

حسين من يدعيله .. يهـد عليها بحيله
الكون فوگ اچـتافه .. مستـعد ايشيله

عفيه من ايگـله .. يضوي وجهه ويحله
هـذا قــرة عـينه .. او حـبـيـبه وخـلـه

للاكبر لو دعـه .. هالدعوه تشجـعـه
ويطـبـهـا علي بـهـمـه
ليلى من ربـتـه .. لحـسينـه طاعـتـه
ويرخصله برضه دمه

هـذا الاكبر علي او علي ويــاه
هـذا الاكبر علي او علي ويــاه


#الشاعر عقيل الحسناوي..

قصيدة اهلال الحزن لاستقبال شهر محرم الحرام

هلال الحزن ...لو مر علي ....اتالم ابمصابي
لو مر سنه .... ما ينسي ....وي هظمتي وعذابي

حسين.غريب ......حسين.سليب

يبقى الجرح .للمنذبح... ما ينكطع... نزيفه
مثل الشجر .لو مر هوى.. .يتناغه وي حفيفه
يومك صعب يا بو علي .. واني صبحت ضعيفه
ريت الزمن يرجع عكس ..ويرجع وكت شبابي
*
لا ونتي ..ولا دمعتي .....ماتنفع وعتابي
كل لوعتي..وي حسرتي.. وي هظمتي وعذابي

حسين قتيل ... حيسن . خليل
__

فراك الاخو كلش صعب. ما ينحمل مصابه
سيد شباب اعله الارض. يتلطخ بترابه
وعبد الله تنزف ركبته. متخضب بخضابه
وانه اطلعت من الخيم. وتستر بحجابي

نار الخيم . ويه الحرم. مكتوبه في كتابي
اشبع بواجي .من القهر .وي هظمتي وعذابي

حسين كسير ......حسين اسير .

شفت الشمر فوك الصدر.كاعد يحز ركبته
جافي الحسين اعله الوجه وتذبح ذبح شفرته
ضمآن مات من العطش محد رحم غربته
بالشمس عريان الجسد ودم النحر ترابي

لا صايته ..لاعمامته .....شفت الوجه خظابي
من طيحته ...وي اخوته....وي هظمتي وعذابي

_حسين طريح ....حسين ذبيح ...
_
مات الأمل ويا الاهل. بيهم جنت اميره
يل هظمتي ما تنوصف .من صدمتي الجبيره
جنت اني تربات الخدر.تالي بغرب اسيره
كفالي طاح اعلى النهر ولا واحد من احبابي

لا رايته ..ولا جربته.. ضل حاير بجوابي
زاد الأم..عن فركته ...وي هظمتي وعذابي

حسين وحيد ...حسين شهيد

بقلم خادم الثقلين صادق الخفاجي

مـابـيـن الـحـابـل والـنـابـل ------ تـيـهـنـه الـفـرهـدنـه مـنـيـن
وادم تركض صوب اخيامي ------ وادم تركض صوب حسين

ارهاب ونار ودخان -------- مابيهن حيل النسوان
تيهنه الفرهدنه منين ♪♪♪♪ تيهنه الفرهدنه منين
_

هدو هدت ماي السيل من سمعو طاح المهيوب
صاحو فرهود وماشفنه بس ثوب وخنصر مسلوب
لاغيرة ولاعـدهـم ذمـة ذبـحـوك وداسـوك أنـوب

لاحرمة خلو للعدل لاحرمة للميت بقت
المن يدوسونك بعد ياخوية غير انته متت
بـضـلـوعـك متربع حافر -------- ومـتـونـك صـارن نـصـيـن
وادم تركض صوب اخيامي -------- وادم تركض صوب حسين
اصعب يوم الزينب چان ♪♪♪♪ مابيهن حيل النسوان
تيهنه الفرهدنه منين •••••• تيهنه الفرهدنه منين
_

بسيوف الحاقد مـتـوذر واثـار الـحافر مـطـبـوعـة
وبن امي استشهد گالولي وابصفه الوادم مجموعة
ما شوفنه ابعيد اهوايه اسمع بس كسرات اضلوعه

كـلـش بـعـيـده امـسـافـتـه ماشـوفـه لكني اسمعّت
ترس اذني احس كسر الضلع بس لا صدگ خوية رحت
ماشوفن بس اسـمـع صـوت -------- ملعب بضلوعه امسوين
وادم تركض صوب اخيامي -------- وادم تركض صوب حسين
دمك طابع بل تربان ♪♪♪♪ مابيهن حيل النسوان
تيهنه الفرهدنه منين •••••• تيهنه الفرهدنه منين
_

عبدالله اشسوه ايذبحونه بمثلث ليش ايصيبونه
والقاسم ريحانة گلبي چا ليش ابدمه ايحنونه
والاكبر جسمه اموذرينه چا جدكم وين اتشوفنه

راح اليشيم بل حرب واليشبهك يل مصطفى
راحو فرد ساعة اومشو كلهم انذبحو بل سرى
حـتـى الـيـرضع مـارحـمـوه -------- مـن يـامـلـه ومـن يـاديـن
وادم تركض صوب اخيامي -------- وادم تركض صوب حسين
لا اولاد ولا خوان ♪♪♪♪ مابيهن حيل النسوان
تيهنه الفرهدنه منين •••••• تيهنه الفرهدنه منين
_

عباس الماقصر وفـه يـسـتـاهـل اسـم الـوفاي
من جابتله الجود اسكينة ذل الماي وجاب الماي
غدراً گطعوهن چفينه ضربوه ابنشاب اهواي

لو ماغدر چفه انگطع چـا هسه طافيهم طـفـي
الأذاني ضربت هامته والـحـاقـد الـبـي يشتفي
عين ابـنـشـاب امـصـوبـيـهـا --------- والدم حـاجـب هـاي الـعـيـن
وادم تركض صوب اخيامي ---------- وادم تركض صوب حسين
كلش خواني انه احنان ♪♪♪♪ مابيهن حيل النسوان
تيهنه الفرهدنه منين •••••• تيهنه الفرهدنه منين
__

اصعب ساعة بيوم العاشر من چلچل فوگانه اليل
حرگو خيمتنه وطشينه مامش والي وكلها اتعيل
مذعوره اطفالك ياخوية والعكسر راواها الويل

من خولي تشرد والشمر خلاها ركضت عل خيم
يرعبها شكله المنمسخ فوگاها طگهه ابـلا رحـم
يـاريـت اكـبـار اوتـتـحـمـل --------- كلهم جوى العشر اسنين
وادم تركض صوب اخيامي --------- وادم تركض صوب حسين
كلش اذونه العدوان ♪♪♪♪ مابيهن حيل النسوان
تيهنه الفرهدنه منين •••••• تيهنه الفرهدنه منين
____

مدوهن بالي ومـشـدوه مـحـتـاره اجـمـع بـل أيـتـام
جاي امشي ولن واحد شفته خارج عن دين الاسلام
مـتـرهـي وگـاعـد متربع يـذبـح بـحـسـين وجـسـام

هسه انه هم اتحيرت المن اصدّن ياكتر
اجمع يتامة العايلة لو تاني من يمشي الشمر

لاضـلـت طـاقـة ولاحـيـل ----------- گـدامـي انـذبـحـو سبعين
وادم تركض صوب اخيامي ---------- وادم تركض صوب حسين
راح الحيل اوي الوليان ♪♪♪♪ مابيهن حيل النسوان
تيهنه الفرهدنه منين •••••• تيهنه الفرهدنه منين
____
فرضو راي الشام اعلينه حزمو اله انروح اليله
وآنه بگلبي اتمنى الكافل سالم حتى الضيم اشكيله
گلتلهم بس عطوة اطوني للضيغم خلوني امشيله

اتوادع اوياكم ردت لاچـن غـصـب سـار الـضـعـن
امشي واحسب يل گمر وبروحي گمت اطحن طحن

زحمة امشي وماهمه اخواني ----------- ولوادم تـنـظـر صـوبـيـن
وادم تركض صوب اخيامي ---------- وادم تركض صوب حسين
تتفرج كلها العربان ♪♪♪♪ مابيهن حيل النسوان
تيهنه الفرهدنه منين •••••• تيهنه الفرهدنه منين
___
#صادق_البطاط

قصيده لأستقبال فاجعة أرض البقيع وهدمهم من قبل الارهاب السعودي .....
اللهم عجل لوليك الفرج

بارض البقيع الطاهرة__ اعظم واطهر مقبرة
ارض الرسالة

لاحرمة خلو للنبي __ هدموها بغضاً بل ولي
هاي السلالة
____
نفس الشرذمة القذرة فقط تاريخها اتغير
حياية مسممة ولليوم تخلق بل فتن والشر
عن أهل السقيفة احچي المارحمو گلب حيدر
عله راس الهرم عائش الگالو عنها خط احمر

للهل السقيفة انطت خبر -------عل زهرة ودولي عمر
وبكل عجاله
يحرگلي دار المرتضى ------- يفجعلي گلب المصطفى
هوه وعياله
______
من يوم الحرگ لليوم نفس الخطط مرسومة
گدام النبي المختار قبور اولاده مـهـدومـة
الصادق والحسن ياحيف هظيمة وباقر اعلومة
مـن عـبـد الـوهـاب الناس صارت كلها مسمومه

للناصبيه اصبح نبي ------- جهرن يجوز سب علي
ابن الحثالة
باچر المهدي لوضهر ------- للناصبي يكسر ضهر
لوهل هلاله
_____
بيده ايشيد البنيان در او ذهـب يبنيهن
وگبور البقيع اهناك من يضهر ايسويهن
مثل گبة علي الكرار الگبب زوار يمليهن
وگبور الرذيل اسعود من الگاع يسحيهن

بچفوفه هـوه المنتظر ------- للزهرة يبني اعظم قبر
ابماله وحلاله
ماينسى ذني لـو طـلـع -------- ثـار الـعـقـيـلـة والضلع
كلشي بعداله
______
اسامي مسجلة من الله الياخذ ثاره من عدهم
مـايـستـثـنـي مـنـهـم دوم اكـبـرهـم اوصغرهم
عمر وام الفتن عائش هذولي الشرذمة اولهم
عله جذع انخلة الـمـوعـود ينبشهم ويصلبهم

ذولي العصابة الاربعة --------- شلة الشر الطامعة
اهل الرذالة
كلهم بساميهم غداً ----------- يصلبهم ابنك يل حسن
عده الوكالة
______
انتم يل عبدتو الات تبعتو ناس مدري منين
اعبدو دينكم هذا وخلونه احـنـه نعبد دين
احنه ويه النبي المختار كلش حيل مرتاحين
وذا حجّتكم التطبير بـاچـر ننتحر لحسين

دينك اعبده وانلصم --------- لاتفتي عني ابلا علم
ونطي الدلالة
آنه بمحبتهم هـمـت ---------- وانته ابمسبتهم متت
شوف الجلالة
______
#صادق_البطاط

نزلة موشح

امشونه ياشيعة انتلگه اضعونها
الـيـوم هـاشـم كـربـلـه ايطبونها
___
اليلة ابو الـسـجـاد يوصل نينوى
امشونه نرخي اركابنه برض الوغى
انـلاگـي خـيـر الـنـاسِ أمـاً وابـى
گبل لا خـيـمـتـهـم ايـحـرگونـهـا
______
اليوم بل طف اعلن حسين الجهاد
أمـر واجـب لازم اتطيعه العباد
يحي دين الله وأجه الـهـذا الـمـراد
همه هاي المعضلة ايزيحونها
______
مايهمه اشما كثر عسكر يزيد
ولا كثر نشاب ورماح وحديد
همه بس الدين يرجع من جديد
همهم اصنام البشر يسحونها
______
لجل هذا الدين دمهم خصصوه
حتى ازغر طفل عدهم رخصوه
تضحيات العمر كله خلصوه
والحياة بتضحية ايخلصونها
______
اهل بيت المصطفى وخير البشر
ارجال يوم الموزمة تگسم ضهر
مـا أطـول وخـتـصـر بـس الگمر
من نزل مغضب تغير لونها
___
من نزل عباس وج حتى التراب
سيفه سله وگام يحصد بل رگاب
جيش كامل حطمه وسوى انقلاب
والجيم داسها واطفه اعيونها
___
آل هـاشـم ونـعـم هـذا الاسـم
الدنيه منهم خذت كل هذا العلم
لچن محد وسفة من عدهم سلم
الحاربتهم ريت عميه اعيونها
____
#صادق_البطاط

قصيدة ملمع
خُلِقا الانسان من وحلاً وطين
ومن درٌ خـلـق اللهُ الـحـسـيـن

فاطمٌ والمرتضى _ خيرُ اماً وأبى
خيرت الخلق ونعم الوالدين

____
الله طـهـرهـم الله فضلهم .... اهـل بـيـتـه
رحمه خلاهم ولي والاهم .... رفـع صيته
ضحو ابدمهم كلش ماهمهم…. بس وصيته
حـيـدر الزاهد والنبي العابد .... ويـه ذريـتـه

ان آل المصطفى _ خيرُ أماً وأبى
امرغو في الارضِ انف الكافرين
___
حسين بل عاشر طشره الحافر .…. اتسهم امسهمه
زيـنـب الكـبـرى مالگت نـحـرى ..… رادت اتـشـمـه
حـتـى عبدالله ابياذنب بالله ….. امـوذر انـلـمـه
عمره ست اشهر صايم ويفطر ….. يـرتـوي بـدمـه

صائماً دم ارتوى ___ خير أماً وابى
هوى كل طير ذبيحاً في اليدين
____
حرگو الخيمة طـشـت بـهـيـمـه…… هـدو اعـلـيـهـا
حشمت زينب خـدرك اتـسلـب …… مـايـحـا چيـهـا
هشمو راسي حرگه بـنـفـاسـي …… گمت احس بيها
حيل تاذيـنـي مـن تناديـنـي …… گـلــهــا والـيـهـا

اُتركي هذا الندى __ خير اماً وأبى
هُشم الرئس بعمداً والجبين
____
حايرة اتنادي ضاعو اولادي …… كون تنضرها
لا أبـو يـمـها والحچي ايهمها ……. كلش ايضرها
راح كـافـلـها ياهو ضل الـهـا ….... حتى ينصرها
مارحم بيها سوطه ياذيها ……. شـمـر ذاعرها

جدنا كف الاذى _ خير اماً وابى
ابرح الايتام ضرباً ذا العين
____

مـاأســولـفـلـك من خـذو بـنـتـك…… لـبـن مـرجـانـة
الكارثة التهظم متـنـي ينگط دم …… حـيـل حزنـانـه
موعله امتوني يبچن اعـيـونـي …… عل شتمني آنه
للخرابة امشو داعي گلي اهدو …… بـيـهـا خـلانـه

اين مصباح الهدى ____ خير اماً وأبى
اين انته يبن خير الخيرتين
_____
بل طشت راسه بس بقى احساسه .….. شافته اطفالة
ما تحاچينه صاحـت اسـكـيـنـة …… والـدمـع سـالـة
وسفة يرقيه شـــافـتـه اوهــيــه …… تهظم الـحـالـة
عل ولي طاحت بـاسـتـه وماتت ……. فـرح چـتـالـه

دمعُنا دماً جرى __ خير اماً وأبى
انتي للمذبوحِ كُنتِ نور عين
______
#صادق_البطاط

قصيدة في الأمام القاسم ع وزن حدي

يوليدي ياريع العمر •••• لشده ضميتك ذخر
عمك يجاسم وحده •••• محد الضل ايساعده

للشده ضميتك ذخر•••• للشده ضميتك ذخر
==================================
انـزل يـيـمـه للـحـرب تگضيها اريدك من تطب
وصـاك ابـوك مـن الزغـر لازم تنفذ هل طلب
لمن سمعها ابن الحسن بين عله اعيونه الغضب
حضريلي سيفي ولامتي خل انزل احسمها الحرب

وصلت الخيمتنه العده •••• عمك وحيد انشاهده
انهض يبن اكرم بشر •••• للشده ضميتك ذخر
==================================
من لكّد ميمونة ونزل راواهم انجوم الضهر
موتها رجلين الخصم و وجوهم صارت صفر
ماعنده صفحة محدده نازل مثل ماي المطر
عل ميمنة وعل ميسرة كل ساعة ينشاف بكتر

ماعنده صفحة محدده •••• سجيل سيفة بساعده
راواهم انجوم الضهر •••• للشده ضميتك ذخر
==================================
حيل الحسن وبقوته متحزم احزام ابعلي
صاح ورجف حتى النهر گلهم اسمعو مايلي
الزلمة بيكم والتجف خل يدنه ويگرّب الي
ما ارد اطول بل حرب اگضيها ورجع للولي

يابا الحسن صاح وبده •••• ارعبهم ابهذا النده
ضهر وخشم منهم كسر •••• لشده ضميتك ذخر
================================
غرگت الحومة بل جثث بتاره ينگط كله دم
بل صدفه لن شسعه انگطع دنگ وصابوه ابسهم
لن غفلة كلها اتعنته حاطته ياوسفة الجيم
لو ماغدر راسه انطبر بل طف ولا كافر سلم

حاطته وسفة الحاقده •••• خيل وعساكر حاشده
متعيني جـسـام انغدر •••• لـشـده ضميتك ذخـر
================================
من لمح جسام انضرب اسرع من الصوت اعتنه
قبل اعيونه وجبهته يم راسه ابوسكينة انحنه
شاله وتوجه للخيم والرملة جـابـلـهـا الضنه
گـلـتـلـه الك فـدوى الـبـزر ونـدارِلك فـدوى آنـه

نفذ وصيت والده •••• للكلفة جاسم رايده
ماقصر ابني وانتصر •••• لشده ضميتك ذخر
==========================
#صادق_البطاط