نـقـســم بـعـگــد الــولــــه
نــمـلـي بـالـدم كـربـلــــــه

لــبـيــك لــبـيــك أبــا عـبـــدالله
لــبـيــك لــبـيــك أبــا عـبـــدالله

ـــــــــــــــــــــــــــــــــــــــــــ

أحـنـه أنـصـار الـحُسيـن أبـن الـطـهـر
بـالــدمــه نـكـتـب عـهـدنـه ونـعـتـذر
مـا وفـيـنــه شـمـا نـقــدم وشـكـثـر
فــدوه لـجـل حـسيـن نـفـديـه الـعمـر

بــدمـنــه عـهـد أنــسـجـلـه
نــمـلـي بـالـدم كـربـلــــــه

لــبـيــك لــبـيــك أبــا عـبـــدالله
لــبـيــك لــبـيــك أبــا عـبـــدالله

ــــــــــــــــــــــــــــــــــــــــــ

عـدنــه حـب حـسيـن سـاكـن بالـگلـب
وأبـتــدت قـصـة عـشگنـه من الـصلـب
جـينـه للطف نـعتنـي الـحومـه ونـطـب
والـرجــال أتـبــيــن بـيــوم الـصـعـب

جـيـش أمــيّــه أنـــزلـزلـــه
نــمـلـي بـالـدم كـربـلــــــه

لــبـيــك لــبـيــك أبــا عـبـــدالله
لــبـيــك لــبـيــك أبــا عـبـــدالله
ــــــــــــــــــــــــــــــــــــــــ

شمـا كثر جـيش الـضـلالـه ويـحـتشـد
بـالـنـحـور أنـگـابـل أربــاب الـحـقــد
نـگلـب الـجـيـمــان كـلـهـه ونـرتـعــد
دمــنــه بـالـتـاريــخ يـتـخـلــد مـجــد

لا شـــمـــر لا حــرمــلــــه
نــمـلـي بـالـدم كـربـلــــــه

لــبـيــك لــبـيــك أبــا عـبـــدالله
لــبـيــك لــبـيــك أبــا عـبـــدالله
ــــــــــــــــــــــــــــــــــــــــــــ

شحدهـه أمـيـّه وتـوصلك يـبن الأمـيـر
وأحنـه عابـس بـيـنـه والـحـر وزهـيـر
خل حـبيـب لـوحـده ما حـاجـه لـبـريـر
يـگلـب الـحــومـه عـليـهـم لـو يـغـيـر

ومـو چـبــيـره الـمسـألـــــه
نــمـلـي بـالـدم كـربـلــــــه

لــبـيــك لــبـيــك أبــا عـبـــدالله
لــبـيــك لــبـيــك أبــا عـبـــدالله
ــــــــــــــــــــــــــــــــــــــــــ

أحـنـه جـينـه لكربـلـه لـوادي الطفـوف
نـوگع أويـه حسيـن بـأشـفار الـسيـوف
وگـبـل أبو الـيـمـه نـجـابـل هـالألـوف
حـسـيـن كـعبـة مـجـد وعليهـه نـطـوف

لــجـل أبـن سـيـد الـمـلــــه
نــمـلـي بـالـدم كـربـلــــــه

لــبـيــك لــبـيــك أبــا عـبـــدالله
لــبـيــك لــبـيــك أبــا عـبـــدالله

ـــــــــــــــــــــــــــــــــــــــــــ

بـالـظلـع نـقـسـم يـبـو الـيمـه وعلـي
هالـعسـاكـر من جـمـرنــه تـصـطلــي
الـحومـه من دم جـيش أمـيّـه تـمـتلـي
بـيـنــه هـمــك خـل يــزول ويـنـجلـي

بــحـبــك أنـّـول الــعـُـلـــه
نـمـلـــي بـالـدم كــربـلـــه

لــبـيــك لــبـيــك أبــا عـبـــدالله
لــبـيــك لــبـيــك أبــا عـبـــدالله
ـــــــــــــــــــــــــــــــــــــــــــ
الـخـادم
سـيـد عــلاء الـحـيّـدري

الشاعر سيدناصرالموسوي:
في شجاعة مسلم ابن عقيل عليه السلام
—----------------
طوعه صاحت ياهله ومية هله
يبن اخو الكرار راعي المرجله
—---------------
يبن اخو الكرار راعي المفخره
گوم هاي الگوم اجتك غايره
اليوم اريد اتصول صولة حيدره
وصارمك بيهه ابعزيمه اتنزله
—---------------
گلهه عد عيناچ يا بنت الاصول
آنه عمي حيدره فحل الفحول
اليوم اذكرهم ابحيدر من اصول
اليوم انزل برض كوفه زلزله
—------------—
اليوم يومي وآنه فنان الضرب
آنه تلميذ الصميده بلحرب
طلع للجيمان واگلبهه گلب
وبيهه قانون الحرايب بدله
—------------—
بدل القانون و اهوه منفرد
والفرد لازم يحارب وي فرد
لچن مسلم الف ياخذهم طرد
شبه ليث الغاص بخشوف الفله
—------------—
غاص ابو طاهر ابعرصات الوغه
وضيگ اعله الگوم ساحات الفضه
الهرب منه ابراس رمحه علگه
والوگف عل گاع سيفه ايجندله
—------------—
ايجندل الابطال واغليهه يدوس
چنه غزرائيل يحصد بلنفوس
مسلم العريس والحومه العروس
انزف عليهه وهلهلت لمهلهله
—---------—
هلهلت لمهلهله والطرب طاب
وهوه يحصد روس بيهه ومايهاب
لچن گلبه ايفكر ابسيد الشباب
ولجل حال احسين دمعه يهمله
—---------------
لجل ابو اليمه دمع عينه همل
اشلون يگصد هلديار اويه الاهل
شنهو يجري اعليه لوبيهه نزل
من تحيطه الخاينه ابطف كربله
—---------------
ايريد يرسل خبر لحسين الشهيد
ايگله خانت بيك كوفه ياعميد
لچن مسلم ما اله امعين او وحيد
كلهه ضده صايره ومحد اله
—------------—
كلهه ضده وحاطته من كل كتر
كوفه معروفه ابمكرهه والغدر
ريت ابوفاضل ابهل ساعه ايحظر
ايعين ابن عمه ويكف عنه البله
—------------—
لچن وسفه مسلم ابعيده اخوته
لايجيبو و لا يسمعو النخوته
ياهظيمه طاح مرمي ابغربته
ولا اكو واحد حظرله من هله
—------------------------------------------------
سيد ناصرالموسوي

مسلم ( نزله)2
………..
صگرهه .. الكوفه من طب بيهه
صگرهه .. ﭼن علي ورد ليهه
***
هذا مسلم من وصلهه الكوفه طب بطوله
صاحو الكرار هذا ياعلي معقوله
شافو الفقار بيده غصباً يدنگوله
صاح مو رابع سرانه احنه النه الاوله
.................
علنهه .. ثورته ويبديهه
صگرهه .. ﭼن علي ورد ليهه
***
حسين يابن عمي اسمع غايتي ومگصودي
آني تربات الهواشم من وصلهه حدودي
عهد عندي وي الزچيهّ بروحي افدي عهودي
والوعد بالدم كتبته وانطي كل مجهودي
...............
وعدهه .. جلمته يوافيهه
صگرهه .. ﭼن علي ورد ليهه
***
نده ياحيدر يعمي من رفع بتّاره
نبقه وي ابن الزچيّه احنه كلنه انصاره
مثل حيدر يوم خيبر شن عليهم غاره
اليوم اخلي الكوفه تنشد هذا شنهي اسراره
................
گلبهه .. گال كون افنيهه
صگرهه .. ﭼن علي ورد ليهه
***
صار لابن الزهره داعي وشال بيده الرايه
للشهاده انطاهه روحه وللنصر دگ ثايه
گال عن حسين ادافع دين الله الغايه
ما اهاب جيوش اميه خل تجيني هوايه
................
سمعهه .. گام رد عليهه
صگرهه .. ﭼن علي ورد ليهه
***
ﭼنّه حيدر من دخلهه دنگتله الكوفه
واحد يحذر بالآخر ذاك حيدر شوفه
الهيبه هيبة عمه حيدر والجفوف ﭼفوفه
مسلم الماهاب موته وقصته معروفه
.................
رفعهه .. رايته ويحميهه
صگرهه .. ﭼن علي ورد ليهه
***
سيد علي المدني

نزلة الليله الاولى

هل محرم بالدمع نستقبله
بصوت نصرخ اوف منج كربله
******
هل محرم والحزن بينه بده
وكل كلب من الفراح انجرده
حب ابو السجاد بدمانه سده
يبقى هذا الصوت دوم نردده

الكون كله بصوتنه احنه انزلزله
بصوت نصرخ اوف منج كربله
******
يا شهر عاشور يا شهر الحزن
شما لطمنه بيك احنه شما نحن
شما تطيح دموعنه وشما نون
ما يوفي بحق ابو اليمه الجِفِن

الدمعه عالمظلوم تبقى سايله
بصوت نصرخ اوف منج كربله
******
كربله يم الحزن يم الالم
يا جرح صابانه بارضج يا سهم
جرح بيه عبد الله بالنبله انفطم
وسهم طاح بعين شيال العلم

بجسم الحسين السهام مشكله
بصوت نصرخ اوف منج كربله
******
بيج يا كربله تتسايل دموم
والاحزان تزيد وتزيد الهموم
بيج من الماي ابو اليمه يصوم
وبحوافر خيلهم تسحكه الكوم

خيام محتركه وتفر العايله
بصوت نصرخ اوف منج كربله
******
اعظم مصيبه بمحرم من يمر
نذكر بهالشهر حال ام الخدر
بالحبال مجتفه ويه الشمر
بيا وكت بت علي تمشي لليسر

اصبحت للحرم هيه الكافله
بصوت نصرخ اوف منج كربله
******
جعفر عطيه البزوني

نزله للقاسم ع


هاشمي وبالحومه مثل حيدر يومه

شوف راسك شوف جسمك شوف أديك
لو وصلها ابن الحسن ضاعت عليك
هاشمي وبالحومه مثل حيدر يومه
ـــــــــــــــــــــــــــــــــــــــــــــــــــــــــــــــ

طبها والسيف بيمينه ونشر بالناس الرعب
والارض كلها أمتلكها وصار سلطان الحرب
جندل الـفرسان بيده ومـاشـعر جفه بتعب
هذا تربات الـهواشم غيرة ينضح لو غضب

شدعلى الملثومه
وسابگاته اعلومه

شوف وجهك شوف ظهرك شوف اديك
لو وصلها ابن الحسن ضاعت عليك
هاشمي وبالحومه مثل حيدر يومه

ـــــــــــــــــــــــــــــــــــــــــــــــــــــــــــــــ
هذا جـسام اعله أبوه و اخـذ شمـرت حـيدرة
وكلها خافت من يمينه الموت وي سيفه جـرة
فصل الحومه اعله كيفه تگول سبع الـگنـطـرة
ورخص الفرسان بـيده وصارت ابـسعـر الـثـرة

الجيش والخياله
ماتساوي انعاله

شوف نبضك شوف دمك شوف أديك
لو وصلها ابن الحسن ضاعت عليك
هاشمي وبالحومه مثل حيدر يومه
ـــــــــــــــــــــــــــــــــــــــــــــــــــــــــــــــ

نزل ومذهبه بيده يصيح وين أهل السبي
ويـنهه الگالت تجيها وتسبي اعـيال الـنبي
والله ياغلمان آميه الـيوم الـــبسكم عبي
وهيجي اطباع الهواشم عـالمخاطر تعتني
غاره تتبع غارة
وهزهم ابتاره
شوف دربك شوف ربعك شوف أديك
لو وصلها ابن الحسن ضاعت عليك
هاشمي وبالحومه مثل حيدر يومه
ـــــــــــــــــــــــــــــــــــــــــــــــــــــــــــــــ
كوم الناس اعله ناس وصعد فوگ الگـومه
وگلب يمنتها اعله يسره والـتفر ملزومه
الريح مهرة وشدعليها وكسر ظهر الـحومه
وحارت الـچيمان بيه وفرت من اعـلومـه

هزهم ابصولاته
وحيدريه أرباته

شوف صدرك شوف رجلك. شوف اديك
لو وصلها ابن الحسن ضاعت عليك
هاشمي وبالحومه مثل حيدر يومه

ـــــــــــــــــــــــــــــــــــــــــــــــــــــــــــــــ
وگله الحسين اعله هونك لاتخـلص الوادم
ويبني اتريض عليها وبلـكي بـيهم نـادم
فدوه اروحلك يعمي هالـخـنگ مـو لازم
خلي بس صيتك يروحي يذبح و يالصارم

يخنگ ابنفاسهم
منه شيب راسهم

شوف روحك شوف نفسك شوف اديك
لو وصلها ابن الحسن ضاعت عليك
هاشمي وبالحومه مثل حيدر يومه
ـــــــــــــــــــــــــــــــــــــــــــــــــــــــــــــــ

خادم الزهراء //ع //ابو احمد الطائي

*قصيدة لرجوع السيدة زينب(ع) الى كربلاء*
*((لحن قصيدة سيد فاقد صاحو وينك)*
❥━──➸➽❥❂❥━──➸➽❥❂

يا زينب يا زينب يا زينب
واويلاه واويلاه واويلاه

❥━──➸➽❥❂❥━──➸➽❥❂
زينب ... زينب اجت يم گبر الحسين
زينب ... بيوم اربعينه وتهمل العين
زينب ... وتنادي انهض يالولي وگوم
زينب ... گلبي تراه مترس هموم

وعيوني/ من البواچي عليك راحن
بنياتك/ بين الخرايب خويه تاهن

آه يالولي ... جيتلك تعبانه
بدرب السبي ... ما انامن انه

يا خويه يا خويه انهض وحاچيني ٢
❥━──➸➽❥❂❥━──➸➽❥❂
انهض ... عوف التراب وگوم وياي
انهض ... فراگك يخويه مرد احشاي
انهض ... يالبيك انه أرفع الراس
انهض ... بعدك تره ضربوني الإرجاس

ضربوني / شلون تقبلها يوالي
تدريني / بالضيم بعدك بگه حالي

تبچي الصخر ... حالتي تدريني
أصرخ واصيح ... اگعد وحاچيني

يا خويه يا خويه انهض وحاچيني ٢
❥━──➸➽❥❂❥━──➸➽❥❂
خويه ... يحسين حيل اذاني فرگاك
خويه ... ريت اندفن بالگبر وياك
خويه ... ولا اگعد اعله الگبر وانحب
خويه... وبغيبتك گلبي تعذب

ملهوفه / روحي عليك وجيت اشوفك
مشتاگه / راح ابقه يمك ما اعوفك

مشتاگه الك ... يا اخوي الغالي
طيفك ابد ... ما يفارگ بالي

يا خويه يا خويه انهض وحاچيني ٢
❥━──➸➽❥❂❥━──➸➽❥❂
احچيلك ... ضيم الجره والصار بيه
احچيلك ... بالشام عفناها رقيه
احچيلك ... بتك تره ماتت عله الراس
احچيلك ... اذوها خويه گوم الإرجاس

واذوني/ يضبروني خويه فوگ المتون
ما ظلي / بس العليل وحيل محزون

واليوم اجه ... يدلني اعله گبوركم
جبته واجيت ... يحدي الي بضعونكم

يا خويه يا خويه انهض وحاچيني ٢
❥━──➸➽❥❂❥━──➸➽❥❂
اگعد ... اگعد يخويه وتلگاني
اگعد ... عگب زماني عذباني
اگعد ... واتغيرت من البچي عيوني
اگعد ... الكفار عگبك عذبوني

الحگلي / خويه اگعدت ما بين الگبور
الحگلي / ولاطفالك انه صرت ناطور

وسكينه ... يم الگبر گعدت وتنحب
وتگلك ... بغيبتك گلبي تعذب

يا خويه يا خويه انهض وحاچيني
❥━──➸➽❥❂❥━──➸➽❥❂
*بقلم📝 شاعرة اهل البيت*
*العلوية مريم النور نسألكم الدعاء

الأكبر وعباس من اتگابلو
غضب الله بيوم عاشر نزلو
##################$$#$$

بيوم صالوا علعدئ وكلهم غضب
الأكبر وعباس عيدوا بلحرب
اثنينهم من شدوا وصار الضرب
چن علي الكرار منه اتورثو
######################
الميمنه بزود أبو فاضل ثابته
اليسرئ كضهه الأكبر ودگ ثايته
گام كلمن يعبر ايگص هامته
صور بلتاريخ بلدم سجلو
#########$###########$$
فرشوا الميدان برگاب الزلم
والسيوف بجثث لازم تنعزم
سحگوا برجلينهم اكبر خشم
أمخاد روس الگوم وعليهه أنتچو
##############!$$$#####
غضب الله بيوم عاشر من نزل
بيد أبو فاضل والأكبر من حمل
حين ملچ الموت من يمه اعتزل
الموت خاف ايموت لمن صولو
###########$$$######$$
اثنينهم من هجموا وصار الدهس
گام وجه الگاع ميشوف الشمس
واهليه الروس طشوا چن عرس
أسباع بلميدان بيه اتفننوو
###########$$$$$##$$$$##
تدري بلعباس من طب كربلا
على أجيوش ايزيد طاحت زلزله
علي الأكبر صاح ياعمي هلا
مشو واعله الموت والله اتحزموا



بقلم ملا مهدي الكليباوي

⬛️◾️▪️⚫️﷽⚫️▪️◾️⬛️
ليلة العاشر
بطور الفزاعية وتقرأ بأطوار النزلة و الشور و... غيره


▼△▼△▼
زينب ودعي اعزازچ ... هالليله الوداعيه


گومي ودِعي أحبابچ ... هالليله الوداعيه
هذا الحزن طگ بابچ ... هالليله الوداعيه
و الدم يوصل أعتابچ ... هالليله الوداعيه
تخلص هالأهل ، ذبحه جماعيه


گومي ودِعي الأكبر ... هالليله الوداعيه
باچر راسه يتطبر ... هالليله الوداعيه
تالي جسمه يتوذر ... هالليله الوداعيه
من وسط الحرب ، يعله نواعيه


گومي ودِعي القاسم ... هالليله الوداعيه
ابدمعه و ابگلب هائم ... هالليله الوداعيه
باچر ما يظل سالم ... هالليله الوداعيه
يبرز للعده ابصوله شجاعيه


گومي ودِعي الكافل ... هالليله الوداعيه
ما يسلم ، أبوفاضل ... هالليله الوداعيه
دمعچ يبقى دم هامل ... هالليله الوداعيه
و اشحال الگلب ، لو راح راعيه


گومي ودِعي احسينچ ... هالليله الوداعيه
زيدي لجله اونينچ ... هالليله الوداعيه
باچر تفگده عينچ ... هالليله الوداعيه
كلها تقتله ابهجمه اندفاعيه
===
📝 #الشاعرة_الملاية_زينب_المؤيد

نزلة عزاء

يا هلا بشهر الالم
مستعده هالخدم
اي وحگ راعي العلم

للخدامه محزمين
يا هلا بشهر الحسين
***
بالدمه انقيم العزاء
وبحضور أهل الكساء
كلبي ينبض كربلاء

وكل سنه متعودين
يا هلا بشهر الحسين
**
يلي تفتي بالمنع
مني اخذهه واستمع
ضلوع اكسر مو ضلع

بالمجالس من تحين
يا هلا بشهر الحسين
*


اي وحگ درب اليسر
القامه بيدي وانتظر
يمته راسي ينطبر

وارسم بدمي الونين
يا هلا بشهر الحسين
*

ياحسين اعله العهد
ما نعوفك للأبد
لا وحگ رب الصمد

عالخدامه معلمين
ياهلا بشهر الحسين
**
يلي تمنعنه تريد
شوف عاقبته اليزيد
كيد كيدك ما يفيد

گول عنه امسودنين
يا هلا بشهر الحسين
**

يلي تمنع مأتمه
شتعتذر من فاطمه
المهدي يبجيله دمه

انتبه وافهمني زين
يا هلا بشهر الحسين
**
هذا عاشور الحزن
شلون ما ابجي وأون
حسين عاري بلا دفن

نبقه بي متمسكين
يا هلا بشهر الحسين
**
هذا شهر الفاجعه
لسه تبچي المشرعه
و ألي بيهه مگطعه

ابن سيد المرسلين
ياهلا بشهر الحسين
**
بيه زينب تنظرب
وتنسبي لرض الغرب
هالشهر كلش صعب

عالنبي وآل الحسين
يا هلا بشهر الحسين
**
تمت بعون الله تعالى
كلمات خادمكم الصغير

يوسف هاني الأسدي

#قصيده_لشهر_محرم

#قصائد_العباس_ع

نزله
*لحن هنيالها زينب بيك هنيالها*

ـــــــــــــــــ ❁ ❁ ❁ ــــــــــــــــــ

من شالها .. الرايه وراح .. من شالها

ـــــــــــــــــ ❁ ❁ ❁ ــــــــــــــــــ

لمـن تطب الميدان .. بچفــك الرايــه تـرف
الزلـم تشرد لاويـن .. الجيش كدامك رجف
عالنهر ماظل خيال .. طب النهر منه وغرف
عطشان ذبيت الماي.. يالخوتـك مـا تنوصف

شال النهر بالجربه خله ارجاله
خاطر يروي حسين ويه عياله

من شالها ..
من شالها ..الرايه وراح..من شالها

ـــــــــــــــــ ❁ ❁ ❁ ــــــــــــــــــ

الجيش وياك حتـار .. محد بقـه گلـه شـرد
الشمر گلهـم عبـاس .. اليوگـف گبـاله اسـد
محد وگف كلها تخاف.من نظرته لمن يصد
بـس الغدر حل وياه ..ماگدرو يصدونه ابد

بالغدر گطعـوا يسرته ويمينه
والسهم صوب جربته وبعينه

من شالها..
من شالها ..الرايه وراح..من شالها

ـــــــــــــــــ ❁ ❁ ❁ ــــــــــــــــــ

دارو عليك الفرسان .. بس فنهـم يصدونك
لمن شلت بيدك ماي .. چنك علي يشوفونك
رجفت بديهم لسيوف.. مـن باوعو بعيونك
يتشاور عليك الجيش.. واتـفقـو يغـدرونك

انضرب جودك وانسفح كل مايه
من رايتك اخذت فخـر كل رايـه

من شالها ..
من شالها ..الرايه وراح..من شالها

ـــــــــــــــــ ❁ ❁ ❁ ــــــــــــــــــ

رايتك صارت عنوان .. مــن رفرفت فوگ النهر
كل رايه من عدها تغار .. چي لامست چف الگمر
لمـن تــرف چـن زلـزال .. هــز الارض لمـن عبـر
وحدك چنت بالميدان .. بــس ماتهم همــه شكثر

لمن تطب بالروس بس تتخير
يـا رگبه تكطـع يـاراس تتحير

من شالها ..
من شالها ..الرايه وراح..من شالها

ـــــــــــــــــ ❁ ❁ ❁ ــــــــــــــــــ

سيفـه نـزل عزرائيـل .. وينفـذ عليهـم حكم
گللهم اليـوم المــوت .. منه فـلا واحد سلم
بالمعركه وباله يروح .. فكره يظل يـم الخيم
لمن وگع فوگ الگاع .. گالو وگع راعي الشيم

ماتلگـه مثـلــه خيـال وتـريده
ما رادت الرايه تطيح من أيده

من شالها ..
من شالها ..الرايه وراح..من شالها

ـــــــــــــــــ ❁ ❁ ❁ ــــــــــــــــــ

من سولفو عنه هواي..ماينوصف فعله بوصف
من انذكر اسمه الجيش .. كله فرد رجفه رجف
من ينحسب ويه رجال.. مـن ينحسب وحده بألف
سيف ورمح شايل جود .. والرايه بچفوفه تـرف

لمن هجم گالـو جيش طبلنه
من يرفع بچفه السيف ماثنه

من شالها ..
من شالها ..الرايه وراح..من شالها

ـــــــــــــــــ ❁ ❁ ❁ ــــــــــــــــــ

كلمات

خادم خدام الحسين ع
عباس فاضل الشمري

حي الله ابو فاظل نزل بالحومه:
..........................
بتــاره بيــده ويــرتجز وينادي:
ابــنا عــلي الــمرتضى والـهادي:
انــه الكفيل وانــه بــيها الحادي:
سوح الوغه كل منيتي ومرادي:
وكلمن يموت بساعته وبيــومه:
........1..........
الجيش ثلثينه ارتعب من شافه:
حيدر ابوفاضل تكــول اوصافه:
منه الزلم كامت تمــوت اخيافه:
سالم كسر الــي شــرد والعــافه:
والـي برزلــه يــندفــن بهــدومه:
..........2...........
زاح الجيوش ودكله رايه ابراگه:
طب النهر بس مــاشرب لا ظاگه:
يدري الحسين منـشفات ارياگه:
طگ الفــرات وهــزه من اطراگه:
حته النهر من خؤفه طم ارسومه:
..........3........
باليسره يــرثم فارس الــي يگربه:
وبـاليمنه رواها اعله كيفه الجربه:
مـن انتهض كله اشردت من دربه:
شكد هيــبه منطيه ابوفاظل ربه:
ماكــو بشربالدنيه مثل اعلــومه:
..........4...........
روس الكتايب بيــده كام يــذلها:
نـاخيته زيــنب وسمــع شكاللها:
لعيــونچ اگلــــبها وارد اعــدلــها:
وبســيفي يــالحره فـتــل افتلها:
شفتچ ياخيتي مكدره ومهظومه:
:::::::::5:::::::::::::
مجيد گيطان الصالحي

#برنامج_محرم_1440هـ
نزال للامام #العباس عليه السلام

_______
طباهه. طباهه. لاواهه. لاواهه

جنه زلازل ونزل بالحومه
ابو فاضل سابگات اعلومه
كلهه تشهد للكمر بأفعاله
سحگ روس الزلم والخياله
گام يطبگ بيهم
نزل غاره اعليهم
ويلّي من طب ليهم
طباهه. طباهه.
—————————-
سيفه يحصد بيهم وماجامل
كافل الحره ونعم هل كافل
الارض خسفت والزلم بجاهه
رايته يم النــــــــهر دگاهه
زعل شال احساسه
غيرته ونبراسه
جيش يعرف باسه
طباهه. طباهه
_______
صاح يا زينب بعد لو كافي
نبع فوگ اجفوفه شفنه غافي
ابو فاضل صار درع احسينه
ويلّي تجدح نار من هد عينه
كام يحصد سيفه
اخذ منهم حيفه
ذبح بيهه بكيفه
طباهه. طباهه
___
خويه ابشري وصاح لتوصـيني
راح اجيٰــــــب الماي وبجفيني
خويه بس كولي وانه كفالج
اليوم اجيب الماي واروي اعيالج
النهر لمن شافه
بلع ماي اضفافه
علي فوگ اشفافه
طباهه. طباهه.
_____
افااا لتهمــٰـــُــين خويه بزودي
الج فـٰـــدوه اتروح كل ازنودي
وسفه يا زينب تضلي ابـُـــــــحيره
وانه عباس الكفيل الغيره
الج ناذر روحي
ما تهمني اجروحي
من يهدم اسفوحي
طباهه. طباهه.
————————————
#المقصر_ناجي_ابو_كيان_الصالحي

نزله_ عهد الخدام للحسين ع

نقسم بدم الولي....... حسين منعوفه وعلي
ءءءءءءءءءءءء

اخذ ا لعهد ...با لدم وعد .... مانسيناه
من الزغر...نفدي العمر ..والله وفديناه
نقسم قسم...ولكل فهم .....انا هويناه
هذا الكلب..عاش بعذب..بلي عشكناه
هذا العشك من اولي
حسين منعوفه وعلي
ءءءءءءءءءءءءءءءء


كاتب عهد ...ماابتعد .....ولكل يعرفون
وبجيله دم..وي الخدم .. رغم اليضدون
كاصد اله .....وتوسله... خلهم يشوفون
والصحبته...والشيبته... افديها العيون
وشما يضدني عاذلي
حسين منعوفه وعلي
ءءءءءءءءءءءءءءءءء

هذا الحشد....هالمستعد...وينادي لبيك
سل البواتر ...عاسواتر ...عشكه يفديك
نفدي الولد ...هذا الوعد...والله نشريك
يبقى الولي...سيد علي...نهجه يرضيك
بالحق صوته يعتلي
حسين منعوفه وعلي
ءءءءءءءءءءءءءءءء




جاب النصر.....كله فخر ...خادم حسين
عازم بعد.... هالمستعد..... ينطي جفين
هذا الحشد.. يعلن مدد..ويضحي للدين
ولدك علي ..بطال وعلي.. ومعروفه زين
وليكابلهم يبتلي
حسين منعوفه وعلي
ءءءءءءءءءءءءءءءء
هالمجالس ..بينه واهس..بينه هالنار
نندب علي ....هولولي... حامي الجار
هذا دمنه ...ما يهمنه ...دمنه للثار
والهديه ...للزجيه.....كلنه انصار

هاي المجالس منزلي
حسين منعوفه وعلي
كلمات
الملا احمد السالمي١٤٤٢ هجريه
****ء

•انا الزجيه
(ثوبها لبطلة كربلاء السيده زينب ع)

انه الزجيه والهاشميه
منو وينه...اليكدر عليه
.........................


عزيز الله الحسين ومارعوشانه
من الحرو العطش متفطر لسانه
ذبحو كل بنينه ويه خوانه
وبعد يالزهره سلبو حتى نسوانه
وعلى الرضعان حركو يمه صيوانه
..
حزوله نحره بثنعش طبره
وكالوله نعرف خير البريه

..........................
ييمه شلون حالي من وكع عباس
بس جني الكفيل ورافعه ألراس
خدري الليل صار وصد عيون الناس
اشوف حسين والكافل الي حراس
ومنج يالزجيه بيه هم احساس

وينه الي كال ...و عليه من عال
وانا ياناس..لا مو سبيه
...........................
حتى من خذونه مو سبايه نروح
خبر عدنه ننشره للسبط مذبوح
هيجي إينكتب هذا النصر بالوح
نصر راده الا ألاه بهالدمه المسفوح
والف وتسع ميت جرح مجروح

وعله الامام حتى الحمام
ينعاله بحزان بالغاضريه
........................


كاع الله بجت والدنيا حزنانه
وصلنه الشام لكينه الشام فرحانه
وحنه بس عليل اليمشي ويانه
بس جنه الصميده وينطق السانه
وكل الناس صيحتهم علي جانه

وجنك علي ..وانته الولي
وانه عمتك...وزودك أليه

........................



علي السجاد عليل وقوته ايمانه
وعلمهم معاني الدين وركانه
كال ابن الرسول المصطفى انه
واني الدين واني أولى باذانه
ولن الناس منه كلها خجلانه

ابن البتول...بزوده يكول
انا الوصي....والدين اليه
.......................
وبتج يالزجيه زينب الحره
رحت للطاغي ذليته بوصط قصره
حاصرته بكلام الحق عجز امره
كتله ابن الطليق انته وهنت قدره
تخورس من سمعني وما ذكر عذره
....
حسين وعلي .... افخر هلي
وأله أذله ......ابن الدعيه
كلمات الملا احمد السالمي
تمت ولله الحمد ٥/٤/٢٠٢/

♧♧♧♧♧♧♧♧♧

نزلة الليله السادسه ... الانصار


صولاتهم صولة اسد .... وفو للحسين العهد
حي الله الانصار ........ حي الله الانصار
_____

أليوث المسنايه
رفّت الهم رايه
صافيه امصفّايه ... بيها ريحة عنبر

بالحرب راحتهم
والدرع كشختهم
يا هلا ابهيبتهم .... بيها ريحة عنبر

چلماتهم مثل الشهد ... وفو للحسين العهد
حي الله الانصار ....... حي الله الانصار
_____

بالحروب القاده
للشدد ردّاده
صارو امن الساده ...... ما مثلهم واحد

أعقولهم مفتونه
بالعشگ مجنونه
كلش ايحبونه ...... ما مثلهم واحد

ايعشگونه حيل امن المهد ... وفو للحسين العهد
حي الله الانصار .... حي الله الانصار
_____

جلّ من سواهم
بس عشگ تلگاهم
للابد ذكراهم ......... مدرسة كل عاشگ

القارعه ابصولتهم
الزلزله ابفزعتهم
الواقعه ابيمنتهم .... مدرسة كل عاشگ

واسيوفهم نِعم السند ... وفو للحسين العهد
حي الله الانصار ..... حي الله الانصار
_____

للوغى عُشّاگه
تنتظر لملاگه
اسيوفهم براگه .... تنتظر هالساعه

العاشر ومصباحه
نزلو اعله الساحه
بالحرب مرتاحه .... .. تنتظر هالساعه

والشافهم خاف او شرد ... وفو للحسين العهد
حي الله الانصار ....... حي الله الانصار
_____

چن صگور او لاحو
للعساكر راحو
ياعلي من صاحو ......... بچو اچم شارب

سيل چنهم هدّو
بالمناحر حصدو
للرسن من شدّو ......... بچو اچم شارب

ألآف واحدهم حصد ..... وفو للحسين العهد
حي الله الانصار ...... حي الله الانصار
_____

عابس اوبن ضاهر
طاهر ابسد طاهر
بالمعاره اتفاخر ........ كلمن ايگول آني

آنه بيدي الصارم
بالمعارك فاهم
وين هاي الوادم ......... كلمن ايگول آني

والي سمعهم رد گعد ... وفو للحسين العهد
حي الله الانصار .....حي الله الانصار
_____

ع المنايه اتغالب
للشهاده اتطالب
واليموت الغالب .... للاجل تتسابق

سبعين چنهم آيه
والحسين الغايه
وفازو الوفايه ..... للاجل تتسابق

ابكربلا چانو مدد ....... وفو للحسين العهد
حي الله الانصار ...... حي الله الانصار
_____


ابو فاطمة الطائي

نزله /او مقدمه
عهدوالله ما نسينه. .يا فاطمه الحزينه


لحسين هذ بجينه.
مثل الدينه علينه
آه يمصابه حجينه
بالمجلس هم سجلينه. .يا فاطمه الحزينه



هذا الموالي يصيح.
على حسين الذبيح
عالغبره دمه يسيح
بالحجرضربو جبينه. .يا فاطمه الحزينه




عالخيم مشبوحه عينه
بالخيمه شاف سكينه
تنادي يا بويه انولينه
عكبك يغالي انسبينه .يا فاطمه الحزينه



زينبج اليله وحيده
لا كافل ولا عضيده
انسبي للغرب البعيده
وبالاحبال مكيدينه. .يا فاطمه الحزينه



آه من ناده. .المنادي
وين زينب بت الهادي
جتال اخوي الحادي
ولغرب تتفرج علينه . . يا فا طمه الحزينه


نادت املاك السمه
على حسين ولاطمه
وحيد مسه الضمه
لا ناصر اليحضر يعينه. .يا فاطمه الحزينه


ملا احمد السالمي

نزله من وزن العكيلي المولاتي زينب ع

يا طف اشهد زينب نصرك
يا طف اشهد زينب نصرك

يا طف اشهد انته وشانك
بيا صبر اتحير عنوانك
اكتب وعلن حق ميزانك
عليك الشاهد يا طف دهرك



شكتب عن زينب يا أحرف
واني العنها أعجز ما اعرف
كون الها من دموم انااذرف
حتى أبصر والحق اناادرك



ملحد كل من شاتم زينب
بت الكوثر هيه إلااعذب
يعني بنار الخالف ينذب
حق الحاكم هوه المدرك



صح بالطف نادت يا ويلاه
بس موقف زينب ماننساه
ذلت كل طا غي و تتحداه
نار اصبح يا طاقي كبرك


نلطم ونعزي المضلومه
بت النعرف كلها اعلومه
وخت حسين اليوجع يومه
يا شيعي افديها كل عمرك



تكرم زينب الوا لاها
ترعه البالمجلس واساها
بت حيدر هوه الرباها
من خدمته ينور كبرك



نقسم زينب ما ننساها
ونحس احنه انعيش وياها
والخالق هوى العلاها
يالتكرب والله احنه انحذرك


ملا احمد السالمي /٣/٢٨/٢٠١٨/

(نزله للعقيله زينب ع )

زينب نادت يا بوفاضل
زينب نادت يا بوفاضل
....................................
هاي أخت الي ما يتوصف
بت باب الله أ عرف ونصف
ثوره على العدوان العا صف
فاز الي يندبها وماضل
.......................................
زينب نادت عباس حضر
شلون الزينب شِمر ينضر
صعب ِ يأ لم هذا المنضر

عالغبره عباس. الباسل
.....................................
يا لما واحد شاف خيا لي
مسبيه و من عكبك تا لي
حال المذبوح صبح حالي

عكبك يا عباس الكافل
.....................................
هاي اختك بالغربه وحيده
ويا لعيله ولسفره بعيده
لا عباس. ولا. أعضيده

ابحيره ولدمع الهامل
...................................
زينت للطف هيه لمتحف
زينب يعني هيه المصحف
يم كبرج نوصل لونز حف

وبراية عباس الكا فل
...................................
اليحضر مجلس يوم العشره
ويجري دموعه البن الزهره
وي زينب يا رب تحشره

شيعة حيدر حيدر كافل
......................................
ملا احمد السالمي
10/4/2017/الإثنين

نزله
حسيناً واحسيناً واحسيناه
،،،،،،،،،،،،،،،،،،،،
يحسين بحزن مجلسكم نحضره
وماننسى الذبيح من الكفه نحره
ما ننساه وما ننسى سلب خدره
من مثلك وامك فاطمه الضعه
،،،،،،،،،،،،،،،،،،،،،
يحسين انته حبل الله الأمر امرك
عجيبه شلون مخلوق اليحز نحرك
عجيبه انته يحسين شكبر قدرك
صبر ايوب ولا نوح اليهل دمعه
،،،،،،،،،،،،،،،،،،،،،،
ياهو بالخلك هز مهده جبرائيل
محمد انته يعني هذا بالتأويل
ومذكور انته عنوانك بالانجيل
يحسين النكر خاين كل وضعه
،،،،،،،،،،،،،،،،،،،،،،،
يضل محفوض بسمك سيدي القران
يعني الدين كله أنت ورضا الرحمن
دليل انت تضل الكل شخص حيران
يحسين العدل بيك نعرف صنعه
،،،،،،،،،،،،،،،،،،،،،،
مني كال محمد عالحسن وحسين
فرض انتم على آلامه مثل الدين
بأمر الله على الاسلام ميتعينين
لا بد من امر يحسين الك رجعه
،،،،،،،،،،،،،،،،،،،،،،،،،،،،،،
ملا احمد السالمي

نزلة عزاء ليلة الإمام القاسم عليه السلام

ياجسام. يبني صول عليهم
ياجسام. كوم يبني افنيهم
****
ياعَرِيسْ الحومه. كوم واشهر سيفك
ذود عن احسينك. وإعمل بتكليفك
يبني هاي اعدائك اخذ منهم حيفك
عزمك من الكافل. خل تصد تخويفك
ياجسام. الموت شو راويهم
ياجسام كوم يبني افنيهم
****
ياخضار وكمره. صحره هاي الحومه
تلگط انت الفارس. يبني ضَيّع اعلومه
بچيّ هاي اعدائك الظهر شَوّفَهْ انجومه
الحسن عاد وجاهم من تصد ارسومه
ياجسام بس جثث خليهم
ياجسام. كوم يبني افنيهم
****
ياشجاعة حيدر منه وارث زوده
الشمر لو صدالك يبني خلص جنوده
الحومه اگلب بيهم خلها ساعه السوده
هذا حيدر هذا. من يصل لحدوده
ياجسام. والعده اتبچيهم
ياجسام. كوم يبني افنيهم
****
يبني لو گربولك. ابد لاتتوازه
بكيفك اذبح هذا. وخلي ذاك جنازه
ايي ذخرتك اني. والوكت بي عازه
عمك اشما يتعب. صير إله عکازه
ياجسام. انت الإتلاويهم
****
عمرك إشما يزغر ابد ميفهمونك
مادروا من حيدر. ماخذ انت فنونك
ماتغر الكثره. ازغيره بين عيونك
والدليل بهذا. فنهم إيلاونك
ياجسام. يبني لتهم بيهم
****
ياحياتي وروحي. يبني ياجسامي
مثل ام الكافل. باجر ارفع هامي
بالحشر اتفاخر. وانت هم كدامي
لاقي جدك طه. مثل عمك ضامي
ياجسام. لمن اتلاگيهم
****
تمت ولله الحمد/ المقصر مع الحسين
علي النائلي