الله وأكبر ياعلي•

•كطعو يمين العباس•


زينب تنادي يالولي •• كطعو يمين العباس

يحسين وينه كافلي ••كطعو يمين العباس

جاوبها طايح منولي •• كطعو يمين العباس

وبعمد مهشوم الراس



عباس طاح اعله النهر•• كطعو يمين العباس

والعلم من ايده انشمر •• كطعو يمين العباس

والجيش بغيابه انكسر ••كطعو يمين العباس

وانكسر ظهري ياناس



ودعني شايل قربته ••كطعو يمين العباس

بچفوفه صارت ضربته ••كطعو يمين العباس

بالعين نبله صابته ••كطعو يمين العباس

صابوه ذوله الأرجاس



بالكوفه راوونه الالم ••كطعو يمين العباس

كطعو زند راعي الشيم •• كطعو يمين العباس

ريتك تجيبه للخيم ••كطعو يمين العباس

كاللها بالخيل انداس


حسين اعتناله بالعجل ••كطعو يمين العباس

شاف الاخو مابي امل ••كطعو يمين العباس

مطروح ع الشاطي البطل ••كطعو يمين العباس

ميرد بعد راعي الباس

بين اهلال الحزن هل ليله
والدمع ياناس خل نسيله
________
هاي اول ليله من شهر المصاب
واجب عله الراس خ نهيل التراب
حسين جاي ومستعد ليهة العذاب
والفرح ياانس خل نشيله
_________
واجب عله اليحب خل يلبس سواد
والكره الارضيه الارضيه خل تعلن حداد
هذا شهر حسين واصحابه المجاد
فدوه كلنه نروح اله وللعيله
_________
لمايهل دمعه عله ابو الاكبر شجاه
وهوه كل مايوكع بشده نخاه
كبل ابوه حسين بالشده لكاه
مايقصر لا وحك الشيله
___________
ابجي فص عينك اذا مامش دمع
حسين مو ياهو الجان من الربع
والطم عليه واكسر بجسمك ضلع
وامشي محني وخل تبين الميله
___________
لون واحد يمنعك من العزاء
لاتوافق هذا سيد الشهداء
حسين من طاح ونسف منه دماء
لجلك الحره عله ضهر هزيله
__________
خادمكم باقر رشيد الشغانبي

((تبديل الرايه))


الليله ابو صالح يغير الرايه
وبضريح حسين عنده قرايه
رايه سوده تعلكت..........فاطمه تبجي اجت
............................................................

الليله ابو صالح كصد رايد يغير الرايه
والخدم وياه اجت رادت تسوي قرايه
شيعتك يحسين اجتك كلهه الك وفايه
وباسم ام الحسن خل نبدي التعزايه

فاطمه ويا فاطمه يا فاطمه
بهل شهر ابنج يمس كلبه الضمه
الرايه لمن رفرفت.........فاطمه تبجي اجت
............................................................

المهدي بيده جاب رايه وصاح حي عله العزاء
يله خل نلطم يشيعه على الصار بكربلاء
احنه مجلسنه بضريحه والملائك بالسماء
وكله مشتاكه لمحرم والله حتى الانبياء

كله مشتاكه لمجالسنه ونعينه
يله اسمعو الخادم وسمعو ونينه

كله لمصابه نعت..........فاطمه تبجي اجت

.............................................................

تبدي الليله المصايب بالمحرم من يهل
بهل الشهر كله اتذبح ولد فاطم تنجتل
المهدي فوك الرايه يرسم صوط واحبال وطفل
والاميره شلون تالي باليسر شدهه الحبل

رايه الطف ترتفع هالليليه
المهدي بهذا الشهر هد حيله
المنايا الهم مشت........فاطمه تبجي اجت
...........................................................

حسين ثوبك ينشر هاي الليالي بالسمه
والمطر مو ماي ينزل ينزل علينه دمه
المهدي ثوبك بيده شايل تمشي ويا فاطمه
حسين ماي شلون صارت ماي ويلوحه الضمه

جن نشوف بثوبك اثار الحوافر
احمر من الدم يوسفه الثوب صاير
والثياب اتمزكت ........فاطمه تبجي اجت
...........................................................

بضريحك كلهه اجتك لابسه اسود تصيح
يا حبيبي يا حسين ويالثارات الذبيح
عل ترب مذبوح وسفه وعل رمل نايم طريح
نوافي جيناك بلطمنه اه يبو كلب الجريح

يا ابو الاكبر كاصدين لكربله
واحنه غيرك ماكو النه نرتله
لخدم بسمك رددت...........فاطمه تبجي اجت




خادمك حسين ابو عباس الكعبي

زلم الحرب/ سيف وضرب/ والحيل منها وبيها
لمن تهب/ نار وتشب/ والنار شيطفيها
انصاره. بالغاره.
والحيل منها وبيها
-----------------------------------
ما ينوصف منضر حلو/. من وگفوا صفوف اصفوف
چنهم انجوم البالسمه/ حول الشمس كلها اتطوف
وگفت تعاين بت علي/ شافتهم وراح الخوف
وگبال خيمتها وگفوا/ جدامها ارجال اتشوف
شدوا حزم/ ها والنعم/ هاي الزلم تاليها
ركضوا ركض/ ادوا فرض/ واجب جهاد اعليها
متعلمه عالهمه.
والحيل منها وبيها.
-----------------------------------


سبعين كل منهم سبع/ والحومه هيه الغابه
وسبعين الف صاروا غنم/ كلمن وگع بصوابه
وحسين واگف مفتخر/ بكل واحد امن اصحابه
ينضر الزينب مبتسم/ من هجموا الطلابه
گول وفعل/ شالوا حمل/ عن زينب اهل الغيره
صاروا درع/ ردوا فزع / ماخذوا بالطف خيره
للغايه وفايه.
والحيل منها وبيها.
------------------------------------
منهم حبيب ابشيبته/ وبرايته وقدسيته
هذا الي زينب للصبح/ بس هوه المتانيته
من شافته صاحت هله/ بالعاف اهله وبيته
ياريت ويشوفك علي/ للطف يجي ياريته
بيده العلم /رف للقمم/ ويفزع السيافه
هذا البطل/ صاحب يضل/ چلمة علي اعله شفافه
بالحومه وي گومه.
والحيل منها وبيها.
---------------------------------
عابس نزع درع الحرب/ بس ما نزعها الغيره
المجنون صارت كنيته/ جنون العشگ موغيره
عنده عقل بي نقتدي/ طيب الذات وسيره
لحسين اجه وناوي السفر/ محتاج بس تاشيره
عابس نزل/ لمن حمل/ فرغت الحومه اگباله
يمشي الدرب/ يگلب گلب/ رجاله عالخياله
وجهوده موجوده.
والحيل منها وبيها
------------------------------------
نصراني اصله اسمه وهب/ لجل الكرامه استسلم
بعصابة امه الحشمته/ گبل النزال اتحزم
لجل الحسين بغيرته/ بيوم الطفوف اتعمم
مبتسم ما بين الجمع/ فرحان ابد ما مهتم
عنده صفه/ زود اوفه/ تشهد عليه الغاره
وفه العهد/ واكثر بعد/ نتبارك بانواره
هنياله. برجاله.
والحيل منها وبيها
------------------------------------
ومنهم بعد جون الوفي/ ومنهم زهير الهيبه
ومنهم الحر ابموقفه/ ومنهم ارجال النيبه
ماكو فرق نفس العزم/ الشاب ويه الشيبه
انصار ابو سكينه الدهر/ خلدهم ابكل طيبه
الهم صدى/ بطول المدى/ بالموقف وبالصوله
صحبة ابد/ حسين الشهد/ هاي الزلم مكفوله
مأجوره. منصوره.
والحيل منها وبيها

الشاعر كريم دانه الاعرجي

قصيدة (( عرس الشهادة))
مولاي القاسم بن الحسن (ع)

عرس الشهاده بكربله بعاشر محرم
يالقاسم شموعك دمع تتحنه بالدم
........................................................................................................

كربلاء وموعد الحومه يناطر
الك يا شبل الحسن لو صار عاشر
من وصية والدك تقراهه باچر
توفي عمك ما تهاب امن المخاطر

عندك مهمه بكربله المظلوم يسلم
يالقاسم شموعك دمع تتحنه بالدم
........................................................................................................

من طلعت امن الخيم عمك تگله
ارخصني يا عم يلي ما ترضالي ذله
توادعت ويا أمك ومعذوره رمله
لو بچت دم والمصيبه ماهي سهله

امودع ييمه بالسلامه لنصرة العم
يالقاسم شموعك دمع تتحنه بالدم
........................................................................................................

فارس وللحومه طالع ما تهمك
كثرت العدوان لو تلگاهه يمك
اترخصت من الحسين وصاح عمك
هلا يا شبل الكريم ودمه دمك

ناوي الشهاده وبالشهاده دوم تحلم
يالقاسم شموعك دمع تتحنه بالدم
........................................................................................................

بعمرك وخل يفتخر كلمن بعمرك
للشباب إنته مثال وعالي قدرك
تفتدي هاي القضيه وهذا نصرك
شگد حلو عرس الشهاده للينظرك

عاقد عليهه همتك والباري أعلم
يالقاسم شموعك دمع تتحنه بالدم
........................................................................................................

ساعة الصارت عليك اعداك صوبين
منك اقتربت منيتك يا ضوه العين
سلّمت آخر سلام بگطعة البين
وبالدمع رد السلام اعليك الحسين

يالتكرم بنفسك منو المن عندك أكرم
يالقاسم شموعك دمع تتحنه بالدم
........................................................................................................

للشهاده دروس والدم الكتبهه
ألف هنياله البذل نفسه بدربهه
نعم أمك ذاب بالحسره گلبهه
بس وصية والدك هذا طلبهه

عطر الشهاده إمن النحر يالغالي ينشم
يالقاسم شموعك دمع تتحنه بالدم
........................................................................................................

خادم الإمام الحسين عليه السلام
عمار هليل الواسطي

تبديل الراية

گلبي بالنيه حضر – لكربله صد النظر
بدمعته يسمع خبر – ياحُسين
------
الليله كل الغاضريه بالحزن محفوفه
اتبدل الرايه بدمعهه للحزن ملهوفه
اتجدد امصاب الفجيعه للسبط وطفوفه
ويه ابو اليمه عهدهه للابد متعوفه
شما يمر بيهه خطر – شما يعاديهه الدهر
لجلك تحب القدر – ياحُسين
------
الليله كل شيعي وموالي بينت احزانه
ينظر الرايه بمحبه والدمع وايــــمانه
بسم ابو اليمه ينادي بالگلب والسانه
يبقه طف الهاشــــميه للمُحب عنوانه
والبعض شد السفر – بالعزيمه وبالفخر
بعينه ذكرى للنحر – ياحُسين
-----
من بعدهه بكل وطنه تنتشر راياته
وتتجه هالمره تگصد للكفل مولاته
تبدل الرايه بحضرته وتشهد بوگفاته
هذا عباس الشهامه چن علي صولاته
بالگلب خله اثر – غيرته صارت ثَمَر
ماشرب من النهر – ياحُسين
-----
هالشهر شهر المآسي للنبي واحبابه
تنتصر بي الدمايه عالدعي وارهابه
يبقه ابو الاكبر نهجنه مانسينه امصابه
مانسينه الغاضريه ولا نسينه اصحابه
دمه عالسيف انتصر – كل دعي منه اندحر
آيه عزمك من ظهر – ياحُسين
----
هالشهر صار الهويه للعشگ باحساسه
ليخدم حسين وعضيده يرتفع بي راسـه
بحبه يتفانه الموالي غيرته مقياســــــه
فطرة الله لكل موالي بالمهد من ساسه
هذا ابن خير البشر – للشرع دمه نذَر
واليحبك ماخسر – ياحُسين
------
شيعتك يبن الزجيه بهالحرب تدريهه
بحبك ادوس المنيه والنحر تفديهه
بكل فخر وبكل كرامه هالدمه تهديهه
هاذي انصارك تنادي رايتك نحميهه
هالامر لمن صدر - لا محال ولا حذر
نرسم بدمنه صور – ياحُسين

تمت بحمده تعالى
الخادم ابو لقاء البهادلي

واويلاه ياعطشان .... وايلاه عل تربان
_______________________

الك وسط الگلب جمره تضل طول الدهر تسعر
يما يوم المثل يومك مثل يومك ابد ما مر
غريب ابين عدوانك تلوج امن العطش والحر
وحگ جدي النبي ضامي تنادي او چبدي اتفسّر

او لا ناصر بالميدان واويلاه يا عطشان
_______________________

تدير العين لاصحابك ضحايه امجزره بالبر
تناديهم ولاكو اجواب عليهم صرت تتحسر
لا عباس ابو فاضل لا جاسم ولا الاكبر
نامو علثره يحسين كلمن بالدمه امعفر

لاولد اولا خوان واويلاه يا عطشان
_______________________
عليك الگوم متحزمه اوعله اضعونك غدت تفتر
اوحيّد يماي العين واجروحك غدت تكثر
صابوك ابسهم مشعوب من عنده الچبد ينطر
لا من گفه اولا جدام اتريد اتطلعه ما تگدر

من مثلك ضل حيران واويلاه يا عطشان
_______________________

هويت اعله الارض ويلي يبچي اعليك ميمونك
امن اصواب الحجر متشوف دم واتراب بعيونك
طايح والعده بسهام كل ساعه يرشگونك
ماضل كتر ما مصيوب حارو وين يرمونك

واتنازع عل تربان واويلاه يا عطشان
_______________________

اضل انعاك كل عمري يلوعة فاطمه الزهره
يا جرح اثنعش معصوم طبروك اثنعش طبره
اشحال اختك هذاك اليوم كل امصابك اتنظره
من التل هوت تركض عله جسمك تشم نحره

الها اتون الاكوان واويلاه يا عطشان
_______________________

عله نحرك هوت واتشوف الخيل اگبلت تركض
لا بيها تشيلك غاد ولا جدّامهن تعرض
ذهيلة راي تنظرهن مثل سعفه غدت تنفض
حوافر خيل جفلانه ابصدر الوالي اترضرض

مارحموها العدوان واويلاه يا عطشان
_______________________

ابو فاطمة الطائي

نزله للامام العباس ع

عدوانه بچاها ... والرايه علاها
ابو فاضل … ابو فاضل
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
صاح وين اجيوشكم آنه الگمر
والله كــون انتـم زلـــم لاگوني
اكـو هيـچ اخـبار ممـنوع النهر
راح اجيـب المـاي چـا منعوني
لا وحـگ زيـنب اسويكــم وذر
ابـن حيــدر والحـروب افنوني

آنه عم الســاده .. سيفي بچه القاده
الگنطره تذكروها .. وي علي واولاده
ونعادت ذكراها .. والرايه علاها
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
رجــف الآلاف و الكــل تسمعه
و العساكـر بــي بقــت مذهوله
كفو هيبه وحده طب للمشرعه
گمـــر هاشـــم گـــدهه ميگدروله
ياهـو يوصل يَمَـه غير ايگطعه
فَكّـــرو بالشـــرده مـــا وصلوله

والله ماخذ حيفه .. بيده يلمع سيفه
والزعـل بعيونه .. كلشي صار بكيفه
مرعوبا خلاها .. والرايه علاها
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
القاده اخذت راي وانطت هالامر
شخــــص واحـــــد لازم تيسرونه
و التفـت عـباس هيـچ اعله الشمر
گلــــه غلطــانيــــن چـــــن بعيونه
ورتعــد راواهـــم انجــــوم الضهر
لــــو غضـــب عبـــاس بلله شلونه

عنـده چانت غايه .. يــــــم المسنايه
گلهم إتشوفوني .. راح اسوي سوايه
ارض الطف هزاها .. والرايه علاها
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اسرع امنالخيـل مشـراد الجنود
الما لحـگ يركـض تضـيع اخباره
شمـا يـودوله زلـــم محـــد يعود
صــار ملـــچ المــــوت يــــا بتاره
دخلـو انـذار وكسـر كـل الحدود
وشـاف عـدوانه صــدگ محتاره

يا كلف ونعومه .. وحده بچه الحومه
بالمعارك طبعه .. دومه مغضب دومه
ذاك الذل راواها .. والرايه علاها
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
خبر عاجـل نـادو الكل انسحاب
استعجِلــوُ نـاوي تـــره يگضيكم
والله هذا اليوم معـناه الحساب
منــه مـــا نگـــدر ابــــد نحميكم
حتـه لـو نرفعله سـت مية كتاب
مـا يفيـــد وعَطــوه مــا ينطيكم

هذا هوه الكافل .. بالحــرب ميجامل
ما سِكتنه شبينه .. من صدگ نستاهل
يا ليث وطباها .. والرايه علاها
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
گلهــم اشگــد حـذرتكـم مــا يفيد
نــاس مــا تمشــون بــــس بالگوه
راح اودي الماي وارجع من جديد
عيـال عنـدي امنـل عطــش تتلوه
حسـين سوانـي ملك وانتـم عبيد
كـــــون اعلمكــــــم أنــــــه ياهوه

آنـه مـوت الاحمر .. راح اعيدن خيبر
لحظه بس تانوني .. وخل عددكم يكثر
ما تنفع شافاها .. والرايه علاها
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ابو ياسر المياحي

اذا طبو سوه يضيعون الهوه
ذوله انصار الحسين ذوله انصار الحسين
*********
تشهد كربله عن المرجله
بزلم الموزمات صاحت ياهله
واحدهم كلف ينعد بألف
طبو والارض رادت تنخسف

يعرفوهم زلم ومنهم ونعم
ذوله انصار الحسين ذوله انصار الحسين
***********
فرسان الحرب صارمهم رعب
فتيه وعالجيوش گطعوه الدرب
طبو كالضوه وخبصو نينوى
وحيهم ظل يصيح شيال اللوه

صارت مجزره وكلها امحيره
ذوله انصار الحسين ذوله انصار الحسين
*************
گدها وعالعهد وماهمهم عدد
صاحو بالقتال ياحيدر مدد
بالزهره انتخو وبالحومه التقو
واعلى الدرجات بالطف ارتقو

نزلو كالرعد والعسكر شرد
ذوله انصار الحسين ذوله انصار الحسين
*********
عابس للجمع طب ابلا درع
مجنون الحسين بالحب مقتنع
شگ ثوبه وبرز وبالحومه ارتجز
مايرجع محال والعسكر عجز

راواهم سقر والجيش انكسر
ذوله انصار الحسين ذوله انصار الحسين
*******٠
ذوله اهل العشك صحبتهم صدك
صاحو عن حسين ابد ما نفترك
وگفتهم درس وبذلوها النفس
وموقفهم جبير سد عين الشمس

وحسين شكثر بيهم يفتخر
ذوله انصار الحسين ذوله انصار الحسين
*****
زلم الموزمه خدمو فاطمه
نالو بالاخير احسن خاتمه
عقيدتهم جبل انضرب بيهم مثل
ذوله اهل الوفاء صارو مستهل

للموت بشغف راحو وبشرف
ذوله انصار الحسين ذوله انصار الحسين
*************

ميثم العمري

قناة حيدر تركي الكربلائي:
قناة حيدر تركي الكربلائي:
موشح للخدمه
.
.
.

خـــدمـتـك يحـسـيـن يا محلاهـا
حـــتّـه جــبـرائـيـــل يــتــمـنّـاهـا
حسين ابا عبد الله .. حسين ابا عبد الله

----------------------------

الخدمِـتك كـلـمَـن سعه وراد الأجـر
مـو شـرِط رادود لـــو يكـتب شـعـر
التـلـطّـخ وجـهـه بـصـخـام الجــدر
شِــي طـبـيـعي خـدمـته تـرضـاهـا
حسين ابا عبد الله .. حسين ابا عبد الله

----------------------------

سـيّـدي كلمن قِـبَـل خــادم يـصـيـر
الناس تـنظـرله وِسـف نظرة حقير
واليخِدمك يخـتـلف، يصبح أمـيـر
وبـخـدِمْـتــك حــقّـه لــو يــتـبـاهـا
حسين ابا عبد الله .. حسين ابا عبد الله

----------------------------

حـقّـه يـتـباها اليــخِـدْمـك يا كـريـم
اليِـكْـنِـس ابمجلسك ذو حـظٍّ عظيم
عـقلــه صاحي ومـيّــه بالـمـيّه سليم
عــنـده حــظّ وبـخــت مِــن سـوّاهـا
حسين ابا عبد الله .. حسين ابا عبد الله

----------------------------

الـعـنـده حظّ وبـخَــت يـتوفـَّـق أكــيـد
الـمِــن عـبـيـدك صار مــنّ اللـه شـيريـد
صدگ فطـرس عـبد وآنـه امـن العـبـيد
كُـــون اقَــــبــل چــــفّــك الســــاواهـــا
حسين ابا عبد الله .. حسين ابا عبد الله

----------------------------

امن اخـدم ابموكـبك ماحـس بالـتّـعـب
وبالطـبُـخ أر تــاح لـو مـسْــني الـلـهَـب
مــنّ اشــم ابـثوبـي دُخّــان الحــطــب
والـلـه احــسّ ابـخـدمِــتي ومـعـنـاهــا
حسين ابا عبد الله .. حسين ابا عبد الله

----------------------------

واللــه لــو مـا إنــته چــا آنـي عــدم
وچـان هــذا العــمُــر خــلّـصـته نـدم
أشـكـر اللـه اللي جَعلني امن الخَـدم
ونـعـمـه هالخـدّام اعــيـش اويـاهــا
حسين ابا عبد الله .. حسين ابا عبد الله

----------------------------

عالخـدَم أدري الحـچي يـمـكـن يـطـول
وآنه اريـد ابـچـي يـبـن بـنـت الـرسـول
أرْد اسِـــئـلــك ســـيّـدي عـنّ الخــيــول
اضـلـوعـــك اشـچـم حـافـر الـرضّــاهـا
حسين ابا عبد الله .. حسين ابا عبد الله

----------------------------

اشجم فَـرَس يحـسـين مر اعـله الصدر
وعــن ســـؤالـي هـــذا مـــولاي الـعـــذر
الشـمــر يـا مــولاي طـبــراتـه اشـكــثـر
هُـــــوَّ لـــمّـــن رگـــبــــتـــك حــــزّاهـــا
حسين ابا عبد الله .. حسين ابا عبد الله

----------------------------
تمّت والحمد لله في ٢٨/٨/٢٠١٦
حيدر تركي الكربلائي

قصيدة النزلة

يَا لَيتَنَا كُنّا اوياك يَحسين دمنه انقدِّمَه
ــــــــــــــــــــــــــــــــــــــــــــــــــــــــــــــــــ
يبو الأكبر مو مَجَاز و بِي فؤادي ايكلِّمَك
ياحقيقه و مو شَرط هَالنَاس كِلها تِفهَمَك
اتمنّه لو حاضر ابطفّك حتى أكثر أخدمك
حتى ابوس اتراب رجلَك شُوفنِي اشگد مُغرمَك

بالروح بالدَم أفديك يَالبِيك حُسن الخاتمه
ــــــــــــــــــــــــــــــــــــــــــــــــــــــــــــــــــ
زَمَن ذَاك و زَمَن هذا و مو فَرق هسّه و قَبِل
خدمتك مِن جيل راح الجيل قَادِم تِنتقِل
هَاك يامولاي عَهدي خادمك ميّت عَدِل
أمِل مِن الدنيه كِلها و مِن خدمتك ما أمِل

عَبدك و مرفوع الراس يارحمة الله الدائمه
ــــــــــــــــــــــــــــــــــــــــــــــــــــــــــــــــــ
كِل سَنَه لو مَر مُحرّم تشعُر الروح ابْألَم
تِلگه حتى الطفِل لابس أسود و بيده العَلَم
الزهره تحضر بالمجالس تكتِب اسمَاء الخَدَم
هَذا وَزّع ماي بيده و ذَاك بالمجلس لِطَم

و اشكبُر حَظ الّي صار أبيض وجه عِد فاطمه
ــــــــــــــــــــــــــــــــــــــــــــــــــــــــــــــــــ
المَا يخدمك يبواليمّه اشّايف ابعُمره و يشوف
المَا لِطَم صدره ابچفوفه أحسن ايگِص الچفوف
ايطوف عرش الله و يزوره إلذي ابگبرك يطوف
ياحَلاة الموته لو صارت على اتراب الطفوف

عمري وحياتي مولاي فدوه الثَرَاك امقدِّمَه
ــــــــــــــــــــــــــــــــــــــــــــــــــــــــــــــــــ
المَا يعوفَك ما تعوفه ياشبِل عَقد الوِلَه
اليوصَلَك ، بالشدّه أنته يبوالأكبر توصلَه
الزاير اليتعنّه أوّل ما يطُب الكربله
يلگه ابوفاضل ينادي يَاهَلَه بيكُم هَلَه
ايْضَيفَه ابمضيفه العبّاس ومِن سُفرة الله يطعِمَه
ــــــــــــــــــــــــــــــــــــــــــــــــــــــــــــــــــ
كربلاءك جنّه حتى اترابها اغلَه امن الذَهَب
الباري شرّفها و جِعَلها الشِفَه بيها ولا عَجَب
والله ما يمنعني عَنها لو ألف عِلّه و سَبب
أوصل الشبّاچَك اَزحَف والله لو جدمِي تِعَب
مااعوفك الآخر صوت خَل تشهد اعليّه السِمَه
ــــــــــــــــــــــــــــــــــــــــــــــــــــــــــــــــــ
فَايز اليخدِم إمامه و رُبَح دنيه و آخره
فاطمه اتوقّع جَوَازه و علي ينطِيهْ تَذكره
لو وصل يَم الصراط احسين بيده ايعبُّرَه
ويّه أنصار الحُسين اهناك ربّك يحشُرَه
كِلمَا تزِل جِدمَه اهناك چف ابوالأكبر يلزَمَه
ــــــــــــــــــــــــــــــــــــــــــــــــــــــــ
كرار حيدر الخفاجي

بابا رقيه آنه

ابچي ويظل سؤالي
لو تدري بالجرالي
سوط الشمر لچمني
يابويه هذا حالي

ريت. يمي واحچي وياك
ريت. افتح عيني والگاك
طيف صارت شوفتك ليش
ريت. حالي تشوفه عيناك

افتح عينك شوف متوني
لو صحت حسين يضربوني
بت حسين ومارحموني

جيتك يرجواي. لو تسمع بچاي
عطشانه ليديك. مو عازة الماي

/////////////////////

ذباحك الهضمني
من ركضت تبعني
ماكفته التراچي
فوگ الوجه سطرني

آه. طحت وهاي الجراح
آه. وهذا الأثر ماراح
ليش وينك ياضوه العين
آه. راسك فوگ الارماح

طفله وذباحك تابعني
من ابچي بسوطه يروعني
صحت حسين وماتسمعني

لو تدري بالحال. رافگنه الأنذال
لو نبچي ونصيح. جروها الحبال

//////////////

من بعدك انولينه.
صدت غرب علينه
يابويه سلبونه.
ونتستر بأيدينه

ليش آنه بلا ابو احتار
ليش بيتي يروح بالنار
كون عمي يرد للضعون
ليش سوط يجيس الزغار

بعدك بويه شعملوا بينه
طگونه ونشگف بيدينه
شحچيلك عن اختي سكينه

تلطم على الراس. شافوها الأرجاس
علوية تحتار. واتاني عباس

//////////////////

ياشوغتي وعذابي
بالدم نگع حجابي
مااحمل الهضيمه
ولاينحمل مصابي

روح ممروده اعله فرگاك
روح بالطف راحت وياك
ضيم بعدك هاي الايام
روح لو بيدي امشي وياك

باچر نمشي وتمشي ويانه
بهذا الحال وماتنسانه
بس ظلت شفتك عطشانه

انزل واحاچيك. بچفوفي اغطيك
لو ابچي العيون. وبدموعي ارويك

////////////////

راح اگعد واتاني
تنزلي ياحناني
راسك اريده عندي
والله البعد حِناني

آه. لو بيدي امسح دماك
آه. احظنك واگعد وياك
ليش شيبك شابع تراب
آه. افتح عينك ارجاك

افتح عينك شوف عيوني
ابچي اعليك وما خلوني
وياسوط الجرحلي متوني

مشكوره لو جيت. ليه وتعنيت
تاخذني وياك. يابويه ياريت

علي طعمه البطاط

اريد انشر قميصك فوگ الأكوان
وچم حافر فرس صايرله نيشان

///////////////

اجيت لمصرعك مااصدگ الصار
خفت من الخيم توصلك النار
ادورك وين فوگك كومة حجار
طايح عالارض نعمة الرحمن

////////////

عطرك يمه باقي وجيت يحسين
احظنك يمه گلي شلون ومنين
سهم بالگلب يمه وسهم بالعين
هذا الضيم كله ورحت عطشان

/////////////

اجيت بشيلتي امسح يمه الجروح
واذا شميت عطري تردلك الروح
اگعد يمك واندب يمذبوح
وحيد وليدي ليش وماله خوان

////////////

ادور خنصرك وبياكتر طاح
ضلع مكسور عندي لخاطرك ناح
شلتك بالگلب يايمه سبّاح
غطه الگاع دمك مابقه امچان

//////////////

عجب مثلك حنين اعله الثرى ينام
تلوج ادور عينك صوب الخيام
حقك يالغيور وحيف تلاّم
عايفلك ييمه بهيمه نسوان

علي طعمه البطاط

نزله للعباس عليه السلام 2020.

***

كلام زينب عليها السلام

عباس جيتك واليتامه ويايه
مسنه الضمه وذاك الفرات ومايه
سل سيفك وشدّ العزم بالرايه

( اترس جربتنه ورد بيها )
( اطفال التصرخ ارويها )
****
جواب العباس عليه السلام

عد عينچ وآنه الگمر حشميني
واليوم ازلزل كربله بچفيني
والماي اجيبه ادلّلي تأمريني

( لحظات الماي تشوفينه )
( يم عبدالله ويم سكينه )
**
كلام زينب عليها السلام

يابالفضل مشكور صاحت حيّاك
لوما اعرفك گدها ماچنت انخاك
گدها وتذل الجيش كلّه بيمناك


( تتـراجــف خيل وخيّاله )
( من سيفك خويه وافعاله )
****

جواب العباس عليه السلام

رايح يزينب للنهر وعيونچ
عباس اخوچ وما اخيب ضنوچ
اگطع ارگاب الرادو يخوفونچ

( من حيدر عزمي وايماني )
( راح انـزل كـــرار الثـاني )
****

طب للشريعه الكافل وزلزلهه
خيل وزلم خلّاها ترجف كلهه
فرسان امية بسيفه شلها وذلهه

( طب للمـاي بكيفه وزوده )
( ظل يترس ويبدّي بجِوِده )
****

داس عله روس الناصبه وجاب الماي
رد للخيم يروي اليـتـــــامـه الوفاي
وستقبـلـت زينـب ابوالغيره بهاي

( وفّيـت بوعــدك يالغالي )
( شربت من مايك اطفالي )

#سيد #زيد #الفحام

_____________________

هوسات لسيدي ومولاي مسلم أبن عقيل ..ع..
*-*-*-*-*************************-*-*-*-*-*-
زمجرة طوعه وصعد بيهه الرجيف---
ومن عزمهه كزبر احساس المضيف•••
وين مسلم والزلم وصلتنه هاي---
شجر صاح اركابهم وانه الخريف•••
راح ألاگيهم وحگ كل شيبه بيچ---
أبهذا سيفي وأله أبدي الموشريف•••
ها...شيميني وشوفي التردينه
•••••••••••••••••••••••••••••••••••••••
طوعه صاحت بس علي وطاحت رگاب---
أبسيف مسلم وانتفض حتى النگاب•••
صاح شيميني أبعلي وانه أبن ابوي---
مثل عمي أمعلم أنه أقلعلي باب•••
أله أفرح گلبه وبكل طبره كون---
راح اخلي الروس يحضنهه التراب•••
ها..
والحومه اتسولف بس بينه
•••••••••••••••••••••••••••••••••••••••
هلهلت طوعه وخفگ جنح الحرب---
والعساكر تيهت حتى الدرب•••
هوه وحده وسومرت ذيچ السيوف---
هيه والشالتهه كاتلهه الرعب•••
گام يشمر بالزلم سواهه ماي---
مسلم وعمه علي أيكضه الصعب•••
ها...وينومس دين ابتاريخه
•••••••••••••••••••••••••••••••••••••••
طوعه صاحت والحچي بيهه استدار---
صوب حيدر والدمع ناده الفقار•••
اليوم مسلم سوه حتى المايصير---
وعلي رد يومك علي ابوضح النهار•••
الگاع شهكت من جثثهم واليطيح---
الكوفه رفعت راسهه ومسلم شعار•••
ها…هز عرش الكوفه بصولاته
•••••••••••••••••••••••••••••••••••••••
خادم أهل البيت.. ع..
أبوحسين السرگودي…
•••••••••••••••••••••••••••••••••••••••

نزال للاكبر ع


سمه بسم الله 00 من شهر سيفه
-------------------
بيه روعة وجه جده وماخذ امن ارسومه
علي الاكبر جنه حيدر لو دخل للحومه
الهاشمي الاول تقدم بالطف اعله اخصومه
صال صولة حيدريه خيبريه ابيومه
نزّل اعله الجيش 00 قارعه ابسيفه
--------------------------
كل كتيبه امن الكتايب تصرخ اتعنانه
كل فرد بالجيش ناده هذا هذا اهنانه
شاهدت طيفه العساكر واصبحت حيرانه
جسّد الهم موت الاحمر من عزم ايمانه
احتارت العدوان 00 علي لو طيفه
-----------------------------
وارث الكرار هوّ بالحرب يتبسم
حين رد الجيش خطوه هوّ خطوه اتقدم
اكباله سبعين الف خافت و وحده بس ما يهتم
وبكر ابن غانم اجاله رده سابح بالدم
سيطر اعله الجيش 00 وصولته ابكيفه
--------------------------------
منين ما طب عالعساكر اتفرقت كدامه
القارعه خزرت اعيونه الزلزله ابصمصامه
اصبحت عميه العساكر من لميض احسامه
ذكّر العدوان كلها بحيدره وايامه
صال والصولات 00 بيها اخذ حيفه
------------------------------------
مقتضى القدره وحكمها من السمه يتقرر
الباري شاء ايشوف الاكبر بالحرب يتطبر
ودمه فوك الكاع ينزف وبالثره يتعفر
هوّ لو ما حكم ربنه جا فناها الاكبر
جا فنه العدوان 00 ومحد ايعيفه
--------------------------
حسين لمن راح يمه وشاف دمه السايح
وشاهده مطبور راسه وعالارض ظل طايح
شاله بين اجفوفه ابوه وللخيم بي رايح
وبالخيم ليله عالاكبر تختنك بالصايح
-----------------------------------------
خادم اهل البيت عليهم السلام
عمار العيساوي الكربلائي

نزله

زيدي ياأم البنين بالبكاءٍ والأنيــن ـــــــــ
……………………………………………………………
عندما ركب اليتــاما لــوّح للنــاظرين
سار بِــشرا في المدينه. ناعيا فقد الحسين
هتف يااهل يثرب. يومنا يــومٌ حــزين
قد فقدتم سبط طه. المصطفى الهادي الامين
وبأسياف الاعادي. قطعو منــهُ الوتين
خرجت من هيّه تدعى. فاطــم ام البنيــن
وتنادي يبن حذلم
انت عن من تتكلم
اي سبط قد تخذّم
بدماء النحر منه بسيوف الفاسقين
زيدي ياام البنين بالبكاءٍ والأنيــن
……………………………………………………………
سأل ياامت الله. . انتي هل لا تسمعين
ان عبد الله شِبلِك هو رمز الثائرين
ثم جعفر ثم عونٍ كليوث في العرين
وقفو حول حسينا. صارو كالحصن الحصين
قاتلو مثل علياً بقتال المارقين
وبدين الله اضحو. جثثاً مستشهدين
نصرو ابن الرسول
وعليا والبتــول
مثّلو فحل الفحول
وابا الفضل اخاهم كان ساقي الظامئين
زيدي ياام البنين بالبكاءٍ والأنيــن.
……………………………………………………………
صرخت يا إبن حذلم قد سئمت الانتظار
كل همي بحسيــنٍ فأجبني بإختصار
قال يالبــوَت حيــدر بشبولك افتخار
جسّد العباس فضلا ووفاءٍ حين ثار
بوصول النهر منه كان اعظم انتصار
قتــل جمعا ولاذَ الباقي منهم بالفرار
في سقوطِ لل لواء
مابقى كف وماء
عينه تنزف دماء
لم تقابــله جيوشٍ غدروه من كمين
زيدي يا أم البنين بالبكاءٍ والأنيــن
...................................................................
بعد سمع كل هذا بان منها الانكسار
وبقت من غير صبرٍ وهوت للاحتضار
ثم قال عن حسينا. اسمعيني بإقتدار
جثةٍ من غير دفنٍ بقيت ليلا نهار
ومضو بالرأس منهُ من على الرمح يدار
اي رأس يرمى بغيا بعد ذبحه بالحجار
اي جسم سلبوه
اي رأس قطعوه
اي صدرٍ سحقوه
انها خيل الاعادي. سحقت صدر الحسين
زيدي ياأم البنين. بالبكاءٍ والأنين……
==========================
===========================


كلمات خادم الحسين
حسن الجحيشي

نزال بحق العليله ع


عمي ياعباس اخذني وي الضعن
خلافكم ما يرحم بحالي الزمن
_
وياك اخذني بعد ما اقبل عذر
اي عليله وخاف اموت من الهجر
مثل ما بحماك تمشي ام الخدر
هم اخذني ولا اظل بهالوطن
_
كلها گلبي انكسر كافي من الونين
انا لو بيدي خذيت ام البنين
منهو وي امي يضل كونج تجين
وياها ابقي وما تظل عدجن محن
____________
شبگته وگلبه الوفي اعليهه انكسر
تگله عمري زغير ما احمل قهر
ريت ميته من گبل هذا السفر
لئن گلبي بخنجر الفرگه انطعن
_____________
احساسه فاض ومنه سالت دمعته
ومات بلسانه الحچي من شبگته
مسح دمع العين منها برايته
عيونه دم لمصيبة الطفله بجن
_________
زينب تشاهد الموقف عن قرب
واعله بت حسين يادمعه تصب
منها سمعت جلمه حزت بالگلب
تنادي بيه اسهام دهري تزاحمن
_________

حسين لمن نظر موقف طفلته
اشد من حالتها صارت حالته
يمه اجت وبلوعه لمن حاجته
دموع املاك السمه اعليهه جرن
_______
خادم اهل البيت ع
الشاعر عبد العظيم احمد الابراهيمي

نزال

ناذره سنيني واربع ابنيني
فدوه لك يبن الزجيه ياحسين
*
ياحسين انته الاعز من روحي اليه
واربــع ابـنـيني فـداك ابــن الزجيه
مقصره لـو انـطي لك عـمري هديه
شلون مـاشـوفـك بـعد تبـعد عليه

رايـد تـسافر كلبي ظل حاير
غـيـبتك صعبه عليه ياحسين

تموت روحي لورحت عنهه وتهاجر
وكلبي شـيـصبـره اذا عـنـه تسافر
ميتـه ريت ولا اشوفن يجي باجر
بـروحتك ماتـنشف عليك النواظر

صعبه من دونك فـدوه لعيونك
مااعـوفك مـو بـديـه ياحسين
****
اربـع اولادي الك فـدوه انذرتهم
ربي وفقني وعلى مودك جبتهم
عـشره خـدامك يـبواليمه ردتهم
ذوله خـدامك يـبواليمه اربعتهم

اغله ماعندي يابعد والدي
انته اعز من روحي ليه ياحسين
**
سافـرت عـني يغالي ودمعي سجاب
بروحتك كلبي لچمني ولـسه ماطاب
يعينه الله اليفكد امن عيونه الاحباب
أحـسب الجـيتهم اوعيني اعله الباب

ساهره اعيوني لمته تلفوني
ادعي ربي ابكل مسيه ياحسين
*
لن ابن حذلم سمعته باالمدينه
يصيح مات حسين واخوانه اوبنينه
راح ريحانـة رسـول الله نبينه
غدرته الكوفه وسف راح امن ادينه

يابعد روحي مابطل نوحي
ريت وافتني المنيه ياحسين
***
كلمات سيد حمزه الاعرجي