الكوفه غدرت كله بيه ارد وديلك وصيه
وحسينا وحسينا
*************************
اردوديلك تحيه وهذا جن اخر سلام
خلي عينك يم حميده ودري يجرح هل كلام
ودري بيه حسين همك ونته ليلك ماتنام
هاي اخر ليله اليه
*************************
اي غريب بدار غربه ولاشفت واحد معين
كمت اصيح حسين وينك وكت فزعه ياحسين
الكوفه حاطت كله بيه ولتفت يسره ويمين
بعد لاتنتظر جيه
************************
يمي بس طوعه تهلهل ولعدو راسي يريد
ولبسو ثوب الخينه وصبحو كلهم عبيد
وسفه ياعباس اصيحن كون يمي مو بعيد
حيل ماضل بعد بيه
******************
كون حيدر يمي حاضر عمي ذاك الهيبه
الحمزه صار كبال عيني يمي كون بشيبه
الجيش كله نزحه يمك طرد كله نجيبه
كله متحشمه عليه
*****************************
بس مره عدهم اصيله طوعه ما له مثيل
تسوه هاي الزم كله ابد ماتنطي الدخيل
انه سيفي وياك صاحت بالحرب يرجعلي حيل
جن كرب يوم المنيه
الشاعر احمد الطائي

نزله
ليلة الوحشه
..................
كامت الخيمه تشب نيرانهه
والمعاني تختلف ألوانهه
................
عين زينب ماغفت عن الدرب
ليل وحشه الجايهه كلش صعب
بل السلب مشئوم والسب والظرب
أو ماكو واحد حاضر أمن أخوانهه
..............
ويلي هاي أشلون ليله اعله الحرم
لا خبر عباس لا ماي أوعلم
والشهيد حسين من عنده أنهشم
صدره وعظامه يصب دمانهه
...............
الله كان أبعونهه أم الخدر
فوك صدر حسين من شافت شمر
أوصوت للعسكر صفه بعد الظهر
أوبني هاشم عل الثره فتيانها
.................
أبيا عذاب أبيا مصيبه كضته
يوم عاشر حين زينب عاشته
يا ألم يا هضم يا هم قاسته
او كربله أتغبر صفت تربانها
...............
ليل وحشه مجبل أوجايب خبر
باجر أيتانيج يا زينب سفر
أجفوف أديج أمجتفه أوكلما عثر
أسياطهم فوك المتن نيشانها
..................
شدي حيلج زينب الدرب السبي
الجايلج ما شافه من كبلج نبي
طفله ما تسلم ولا يسلم صبي
أبترجمان أحقاد أبن سفيانها
.................
أستخلفي الله أبهلج يابت علي
أوعيشي ليل الوحشه والمدمع جلي
أتئملي حال السبايه أتئملي
أبناس ما يرحم أبد وجدانها
..................
خادم أهل البيت
الشاعر : أسماعيل الجوراني

بسم •اللّـہ̣̥ الرحمن الرحيم
للليله الاوله من محرم الحرام

خدام حسين يسمونه
خدام حسين يسمونه
،،،،،،،،،،،،،،،،،،،،،،،،،،
خادم دومي و ابقه خادم
وبچفي اعله صدري لاطم
و يحسدوني بحبك غانم
و بالخدمه بدمعي حازم
والكل عل خدمه يهنونه
،،،،،،،،،،،،،،،،،،،،،،،،،،،،،،،،
افديك بعيني و چفيني
عمري حسين وكل سنيني
حسين وياهو مثل حسيني
و شطلب من عنده ينطيني
احسيني كلهم. يعرفونه
،،،،،،،،،،،،،،،،،،،،،،،،،،،،،،،،،،،،،،
حسيني الآۆلْ و هوه التالي
و لحضه مايخفه عن بالي
واني ادريه يعلم كل حالي
ويبقه حسين الحب والوالي
وادري بكل شده يحضرونه
،،،،،،،،،،،،،،،،،،،،،،،،،،،،،،،،،،،،،،،،
او بالخدمه جن اجنوني
مجنون احسين يسموني
كل ليلي ابچي يشوفوني
من مر ذگرك تهل عيوني
واعليكم نبچي ايشوفونه
،،،،،،،،،،،،،،،،،،،،،،،،،،،،،،،،،،،
حسين الوالي وهوه نوماس
وابمعشوگي حاضر عباس
و بـالمئـتم يـتلـگه الـناس
هاي الخدمه ترفع كل راس
و الخادم طاها يعزونه
،،،،،،،،،،،،،،،،،،،،،،،،،،،،،،،،،،،،،،،،،،،،
الشاعر عبدالله عناد المياحي

ياهلا بشهر الحزن
. ليش يجرح كل جفن

،،،،،،،،،،،،،،،،،،،،،،،،،،،،،،،،،،
بهلت اهلاك يعاشر
بيه نتحده الخطر
ندوس بدروب المنايه
و ماوقينه كل حذر
والسمه شحت علينه
ونحسبه شهرك مطر
ليش ماطول يوسفه
وچنه ساعه هلشهر

والمنايه بيه صفن
ليش يجرح كل جفن
،،،،**********************
اذن اذان الفريضه
وللحزن هل الدمع
بهلت هلالك يويلي
كل موالي ينفجع
للطم كوموا بعزيمه
وبلطم نكسر ضلع
هذا شهر حسين حيهم
والبچي صوته ارتفع

بيه يورم كل متن
ليش يجرح كل جفن

،،،،،،،،،،،،،،،،،،،،،،،،،،،،،،،،،،
بيك ياشهر النوايب
والضعن ياسفه سار
كربله حطو ضعنهم
وكل حرب ياويلي صار
ضل وحيد حسين بيهم
بغربه جيش عليه دار
اغده بالغبره بعدها
و بالخيم شبو النار

وانته يا شهر المحن
ليش يجرح كل جفن
*******************
طلت اعله التل تنادي
ويـنكم يا كـل هـلـي
حسين وين انته يخويه
لٱ حـمـه ضل لٱ ولي
عباس بعد اخت انادي
ويـن كالـفل مـحمـلي
ان جان ماعرفو يوسفه
اني زينب بت علي

غير اوصافي الزمن
ليش يجرح كل حفن
،،،،،،،،،،،،.،،،،،،،،،،،،.،،،،،،،،،،،.،،،،،،،
اعليك اعتب يا محرم
من خذت زينب سبي
هاي بت حامي الحميه
من نسل طاها النبي
وحيده وتنادي يخوتي
ليش محترگه العبي
ومن ثگل همها يوسفه
و الـلـه تحـبي حـبي

مصايب حزني توالفن
ليش يحرح كل حفن.
،،،،،،،،،،،،،،،،،،،،،،،،،،،،،،،،،،،،،،،،،،
الشاعر عبدالله الله المياحي

اسم القصيده. 📜حسين بكربله سحكته الخياله
اداء الملا. مسلم الوائلي
🔹🔹🔹🔹🔹🔹🔹🔹🔹🔹🔹

تره الميت حسين وموش ياهو الجان
يستاهل علي نلطم لطم نسوان
حسين بكربله سحگته الخياله
🔹🔹🔹🔹🔹🔹🔹🔹🔹🔹🔹

محد حن عليه وللخيم شاله
على التربان مرمي ومحد بحاله
وفوگ حسين يفتر گام چتاله
حسين بكربله سحگته الخياله

🔹🔹🔹🔹🔹🔹🔹🔹🔹🔹🔹

وصد عله الخيام بعين هماله
ومن ابعيد اشوفه انمرد دلاله
وماعنده اخو حته يتعناله
حسين بكربله سحگته الخياله
🔹🔹🔹🔹🔹🔹🔹🔹🔹🔹🔹

تره الماعنده اخو تولي العياله
ومحد جفنه وفوگه الرمل هاله
گام وطاح من ركضو الخياله
حسين بكربله سحگته الخياله
🔹🔹🔹🔹🔹🔹🔹🔹🔹🔹🔹

طاح عله الوجه من فوگ ميمونه
راد يگوم بس ماعانته متونه
والصوب المخيم شابحه عيونه
وين اولاد هاشم مايشيلونه
حسين بكربله سحگته الخياله
🔹🔹🔹🔹🔹🔹🔹🔹🔹🔹🔹

هدو خيلهم وگلوبنه انهدت
وصلو للخيم والسالفه اشتدت
خويه جفوفك التصطر عجب بردت
ليش بدمك احوافرهم اتحنت
ولحگتنه الخيل… الصعدت التل…
🔹🔹🔹🔹🔹🔹🔹🔹🔹🔹🔹

ياخيمه الاطبه الگاهه محترگه
اريد الگاك بس ارماد شو الگه
للدخان خويه جمدت الشهگه
ولگيتك جثه بس شو بارد الملگه
مغيرك لتراب... ياشمامة امك…
🔹🔹🔹🔹🔹🔹🔹🔹🔹🔹🔹
الكاتب
عادل الوائلي

ياحسين ياحسين ريض يحادينه
ياحسين ياحسين والتعب ماذينه
**********************
اجينه نصرخ ايه حماي الدخيل
كوم خويه وشوف حال سكينه
كمنه نذكر حالنه وحال العيال
كوم خويه وشوف شنو البينه
ياحسين ياحسين ريض يحادينه
ياحسين ياحسين والتعب ماذينه
-------------------------------------
زينب بيوم انتخت كفال اخوي
هسه حادي النوگ ظل يحدينه
كامت تنادي وتصيح بصوت عال
هسه عگبك خويه شوف شبينه
ياحسين ياحسين ريض يحادينه
ياحسين ياحسين والتعب ماذينه
-------------------------------

كلفتني بهل يتامه وهل عيال
هسه ياخويه الشمر والينه
كوم اكعد شوف طعنات الصياط
وشوف حال رقيه ويه اسكينه
ياحسين ياحسين ريض يحادينه
ياحسين ياحسين والتعب ماذينه
------------------------------
انظر ال عبدالله مذوبح الوريد
والكمر مطروح يم والينه
انظر اصحابك بقوا فوك التراب
والعليل شلون يابو سكينه
ياحسين ياحسين ريض يحادينه
ياخسين ياحسين والتعب ماذينه
-----------------------------
حبيب ابن مظاهر فارس الشجعان
ظل مطروح عل غبره بلا دفان
والحر الرياحي استسلم ويه حسين
شاف الجنه غاد ولو بقه بنار
ياحسين ياحسين ريض يحادينه
ياحسين ياحسين والتعب ماذينه
-----------------------------
عابس ا جنن وشگ حلو الثياب
شاف راعي الموزمه وحامينا
ينظر عله يمنه ويعاين يسار
لنه شبل الحسن صار بعينه
ياحسين ياحسين ريض يحادينه
ياحسين ياحسين والتعب ماذينه
-----------------------------
كلمات لخادم والمقصر مع الحسين
محمد علي الحمداوي الركابي

طلعت اتنادي الرباب محزمه
اطيني عبدالله يسلوة فاطمه
**************
طلعت ابلهفه الرباب اتلگته
من ادين حسين ركضت شالته
شبگت اعليه وتندهه وشمته
وشافت اهدومه ورگبته امدممه
***************
تنشد حسين وتحبه ابكصته
اتگله گلي اوليدي شنهوالسكته
وشنهي هذا الدم يصب من ركبته
فدوه حاجيني يبن حامي الحمه
***************
چان يبچي اوليدي من شدت ضماه
گلي يبن الزهره شنهو السكتاه
ياهو من خذته سگاه ماي ورواه
وياهو دگ متن العزيز ونيمه
****************
گلي يحسين الطفل شنهي الفاه
شو مغمض عينه مايگعد شجاه
خاف مهرك يمشي حيل وتعباه
وليدي مايحمل صهيل وهمهمه
****************
ساعه التحطه بمهدهه وهزته
وساعه التدني ثديهه الشفته
يمه مالك ماتناغي وناغته
منين. اجت ليك المنيه املمه
***************
خيه زينب صاحت اشماله الولد
مسلهم اعيونه واندهه وماگعد
منين اجتني كربله وهذا الوعد
راح عبدالله ولفه العيني العمه
****************
شنهي گلبك حرمله اشگدقسوته
ولارحم سهمك ترافت رگبته
نبلتك صابت رضيعي وذبحته
وضلمه بعيوني بعدعينه السمه
****************
نسئلكم الدعاء :غالب النهيراوي

اليوم هاي ام البنين اتنادي
يلله شدو الحيل يلله اولادي
*************
گومو ياعباس ياجعفر يعون
يم ابوالسجاد گرولي العيون
اليوم لجل حسين كل غالي يهون
ضحو بالارواح لبن الهادي
**************
يلله كل واحد يجرد صارمه
ويعتني ويحسين لرض الموزمه
اليوم راوهم اشجابت فاطمه
يلله يانبض اليدگ بفادي
*************
يلله شدو اعنانهه وشدوالركاب
حان بالطف ياولد حصدالرگاب
دون زينب طيحوكلكم ياشباب
وخل اگر العين بيكم غادي
**************
يلله يولادي اعتنوالوادي الطفوف
يلله ولدي بخيلكم دچو الصفوف
صيرو دون حسين سدعن السيوف
ودمومك خل تنسفك بالوادي
**************
يمه ياعباس هاي ابذمتك
زينب الحره الحنينه الربتك
گوم واكفلهه ييمه ابرگبتك
وصير يمه انت بضعنهه الحادي
**************
يلله يمه حسين عازم عالفسر
گومو وياه وتعنو ارض الخطر
عن اخيكم لاتدورن الضهر
ارگابگم دونه تطيح امرادي
***************
يلله يسباع المنايه الما تفر
كومو ثنو سيوف برگاب الكفر
لاتخلون من اميه ولا نفر
يلله يابعد الاهل واجدادي
***************
نسئلكم الدعاء: غالب النهيراوي

اليوم هاي ام البنين اتنادي
يلله شدو الحيل يلله اولادي
*************
گومو ياعباس ياجعفر يعون
يم ابوالسجاد گرولي العيون
اليوم لجل حسين كل غالي يهون
ضحو بالارواح لبن الهادي
**************
يلله كل واحد يجرد صارمه
ويعتني ويحسين لرض الموزمه
اليوم راوهم اشجابت فاطمه
يلله يانبض اليدگ بفادي
*************
يلله شدو اعنانهه وشدوالركاب
حان بالطف ياولد حصدالرگاب
دون زينب طيحوكلكم ياشباب
وخل اگر العين بيكم غادي
**************
يلله يولادي اعتنوالوادي الطفوف
يلله ولدي بخيلكم دچو الصفوف
صيرو دون حسين سدعن السيوف
ودمومك خل تنسفك بالوادي
**************
يمه ياعباس هاي ابذمتك
زينب الحره الحنينه الربتك
گوم واكفلهه ييمه ابرگبتك
وصير يمه انت بضعنهه الحادي
**************
يلله يمه حسين عازم عالفسر
گومو وياه وتعنو ارض الخطر
عن اخيكم لاتدورن الضهر
ارگابگم دونه تطيح امرادي
***************
يلله يسباع المنايه الما تفر
كومو ثنو سيوف برگاب الكفر
لاتخلون من اميه ولا نفر
يلله يابعد الاهل واجدادي
***************
نسئلكم الدعاء: غالب النهيراوي

عل نهر طاح الكمر ظهر الحسين انكسر
انشد وكلبي نفطر يابوفاضل
×××××××××××××
يبوفاضل من طحت روحي طاحت
خويه تدري كل خيامي بلنار راحت
يلي تون يم النهر دنيانه صاحت
فرقتنه يبوفاضل اورحي ناحت
مشتاقة لعيون الكفيل اعتنيله الدنيه ليل
والظعن باجر يشيل يابوفاضل
×××××××××××××
خويه جيتك خايفه خليني يمك
خلي ابوسنهن جفوفك كون اكلمك
سهم عينك يبوفاضل شكد يالمك
تسكي الحسين عضيدك جان همك
تشمتت خويه الغرب جمره صاير الكلب
بعمد راسك ينظرب يابوفاضل
××××××××××××××
كوم ليه يبوفاضل واحرس عيالي
الليل يرعب ياكمرنه الماله والي
جيت حاميني لوائك اه يغالي
امشي ويه الي يذبحك خويه تالي
والشمر كافلنه صار يصرخ بوجه الزغار
بنظرة تحركني نار يابو فاضل
×××××××××××××××
اجيتك انحب ياكمرنه دنيانه ظلمه
اجيتك انه وي عيالك خيمتنه جمره
جلجل الليل الفجيعه يذبحني سهمه
شلون ماشوفن عيونك وحشه وحشه
من يلملي هل طفال ظلت بحيره العيال
صبري ماتحمله الجبال يبو فاضل
×××××××××××××××
خويه لاتعتذر مني لا يبوفاضل
راسك ويانه يخويه هم تبقه كافل
خويه من جابو النوك وبلا محامل
عل رمح راسك وشاهد تلاوي الجحافل
والنعم منك كفيل تبجي ودموعك تسيل
وجهك ايضويلي ليل يبو فاضل
××××××××××××
الخادم نصير الخزعلي الكربلائي

رتل اية الخوه..قراها بطور المروه.ابو الغيره
زينب شدت احزامه..نزل والموت كدامه ..ابو الغيره
=======================
زرع روس العده وعباس فلاحه
كل ماطبر واحد يشعر براحه
يا فارس يشوفه يشمر اسلاحه
لمن كصته تعرك يهب قداحه

لمن نكطت كصته.كلهم دخلو ابخته . ابو الغيره
حقق بيهم احلامه..نزل والموت كدامه..ابو الغيره
=====================
نزل للحومه يرعد والحرب عيده
شاف حسين وحده ورث اوريده
حد للموت سيفه وكلشي ظل بيده
شردو جنه اسد وكباله جن صيده

جوه السيف بجفوفه..جيش وزينب تشوفه.ابو الغيره
رعبهم وخر الثامه..نزل والموت كدامه ..ابو الغيره
=======================
كل واحد يخزره تنقبض روحه
يسطر جنه سيف ومحد يلوحه
ميهم يبتسم من تنزف جروحه
بالغيرة ابو فاضل اجمل اطروحه

زف لزينب العاجل..ذل الجيش ابو فاضل.ابو الغيره
بيه تتفاخر ايتامه..نزل والموت كَدامه.. ابو الغيره
=======================
لا ظل خيل يمه ولا كو خياله
اليشرد من يمنته يسطره بشماله
فارس من زغر والسيف يحلاله
امن اسمه تراجفو راعبهم خياله

ما ودهم يلاكونه..شافو موت بعيونه..ابو الغيره
جاب الماي لخيامه.نزل والموت كدامه.ابو الغيره
=======================
من هد للفواطم جاب البشاره
من بين العساكر شعت انواره
رفع راية نصر بيمينه ويساره
تاهو ربع اميه كباله محتاره

من شافو عرك راسه..محد جازف وجاسه.ابو الغيره
اليوصل ينشطر هامه.نزل والموت كدامه.ابو الغيره

=================حسين المحامي

نزال +

يبوفاضل يخو زينب
يبوفاضل يخو زينب
****
وينك يبوفاظل ينور اعـيوني
محتاره وحدي والعده يولوني
جيتك يخويه وشوف حال امتوني
ترضاهه بالسوط العده يظربوني

ياخويه وينك من فدوه العينك
دهـري دولبني أبگطعة جفينك
بـغـيابـك أتـعذب
يبوفاضل يخو زينب

ويـن الـوعد يابالفضل جاويـنه
ماعدنـه والي خويـه ويحامينه
انته الكلت يابو الوفه أترد لينه
وسكنه تـنادي مـارجـع والـيـنه

صاحت أسكينه وينـه والـينه
عـمـه يـازيـنب مـارجع لـينه
والجـيتك أتـراقـب
يبوفاضل يخو زينب

أطفال ظلت تنـتظر عطشانه
تأخر علينـه والـعطش اذانـه
مارد علينـه أوننـتظر خلانـه
تأخر يعمه عمي شو ماجانه

بالخيمه اتاني جم طفله اتعاني
تنادي عطشانه وعـمي ماجاني
تـنـشدني وأتـعاتب
يبوفاضل يخو زينب
****
ماتـدري طـايح عـالنهـر والـيهه
وجفوفه فوك المشرعه مكطعيهه
وسهـم الـرزيـه عـيـنـه أمطفيهه
هـيهات يـرجـع للـخـيم اعـليـهه

گـطعوا جـفيـنـه ومطفيه عينـه
والجربه طاحت بگطعة أديـنـه
وابــدمــه أتـخـظب
يبوفاضل يخو زينب
*
حسين وحده اوضل يدير ابعينه
لانـاصـر اليـمـه بـقــه وايـعـيـنـه
اخـلاف عـيـنـه منهوا اليحامينه
ياخويه كوم اوشوف حال البينه

محتاره ابغـربه يالگافل صعبه
ظلت اعـيوني الجيتك تـتربه
مـحـتاره يـالـغايـب
يبوفاضل يخو زينب
****
زيـنب أنه اختك ياكمر جاجيني
اخـلاف عـينك عـدمن أتـخليني
ياخويـه كـوم وللـوطن وديـني
خاف العده عگبك تره تسبيني

خلافك يسبوني يانـور اعيوني
عدوانك باجر ولـيه يـولـوني
واخلافك اتــسـلـب
يبوفاضل يخو زينب
***
گلمات سيد حـمزه الاعـرجي

صدى الصوت .. أجه الموت .. والمرض حيل أنتشر ..
شنو الراي .. يمولاي .. يالأمام المنتظر ..
.............................
سيدي ومولاي لمته تهل علينه ..
عين تربي الكوفه عين على المدينه ..
دوم تبقى بالفرج مرفوعه أدينه ..
بحيره عشنه وهالوباء شخله بينه ..
الاعراض . والامراض . هدمت حيل البشر ..
شنو الراي . يمولاي . يالأمام المنتظر ..
...........................
والله من هذا العمر ماشفنه راحه ..
سيدي غيابك بجي وّون ومناحه ..
الحزن بكلوبنه ثبّت رماحه ..
خيط فجرك كلنه نتنطر صباحه ..
يحماي . يوفاي. صارت اللحظه بشهر ..
شنو الراي . يمولاي . يالأمام المنتظر ..
...........................
ياهو غيرك يبو صالح نشتكيله ..
وندري قائمة الذنوب شكد طويله ..
والندامه والأسف نشعر قليله ..
وأحنه غير حسين ماعدنه وسيله ..
بالفراش . بالأنعاش . ننعى محزوز النحر ..
شنو الراي . يمولاي . يالأمام المنتظر ..
..........................
شلون لو متنه قبل منشوف رايه ..
لو قبل عاشور تلفينه المنايه ..
يا بو صالح أمنيه وردناهه هايه ..
كون موتتنه بمجالس للقرايه ..
بالدموع . والشموع . وبمحرم لو صفر ..
شنو الراي . يمولاي . يالأمام المنتظر ..
........................
هالمحن مرت علينه واحنه ننخاك ..
حتى لو غايب يمهدي مانسيناك ..
عجّل أظهر سيدي هواي أنتظرناك ..
ندري من تظهر تجيب الفرج وياك ..
يموعود . هالجنود . رادت تكحل النظر ..
شنو الراي . يمولاي. يالأمام المنتظر ..
.........................
أحنه كل جمعه نتاني هلال عيدك ..
سيدي وتهل علينه الرايه بيدك ..
يا لثارات الحسين يظل نشيدك ..
نظره منك ينتظر كلمن يريدك ..
عشكناك . هويناك . غيبتك تحني الظهر ..
شنو الراي . يمولاي . يالأمام المنتظر ..
..........................
حيدر مطر العبادي

هو القاتل . هو الكافل.
هو عصر الزلزلة.
بسيفه لاذت كربلة .
////////////////////////////////
مثل صوت الصاعقة من طب عليهم
يبس ارياگ اوختم خوف عله اديهم
ساعه يصفر ساعه يحمر جو بلائه
مو عذابه الله الگمر ضل يگصي بيهم

كالطوفان. كالبركان .
غيرة الله ومرجلة.
بسيفه لاذت كربلة.
////////////////////////////////
انذبح وجه الصبح وي جرت السيف
ومن حرارة كصته ماخوذ الصيف
گلي زينب انه عباس انتخيلي
اله خليها جثثهم بالبره جيف

انه العباس. انه النوماس
انه كافل عائله
بسيفه لاذت كربلة
/////////////////////////////////

اختلف جو المعاره وصاحو ادخيل
هذه ابو فاضل تره الزينب اكفيل
هذه سبع الگنطره سمى ابوي
من الزغر خاوه المعارك ياهو اليعيل

هذه الفارس. وهو الحارس.
هذه جاب القافله
بسيفه لاذت كربله
/////////////////////////////////

برز سيفه من سمع يهل الغياره
نفض جسمه وبالسمه چن طخ فقاره
هذه عباس الاجاكم مو مقاتل
هذه ملچ الموت اجاكم مو ستعاره

حضرو الاكفان. سيفه الميزان.
ماتضل كل مشكله
بسيفه لاذت كربلة
/////////////////////////////////

سولفالي وبالسوالف طرني اسمه
انه گلت الله يخويه شمحله رسمه
انخلق من طينه مخلوطه بشجاعه
وهل تشوفه الچنه حماي الحمه

من اسماه. تخاف اعداه.
ياهو گلي يوصله
بسيفه لاذت كربلة
/////////////////////////////////

منهو يوصل للخيم عباسي موجود
هذه خله النهروان عليهم تعود
هذه ابوي الگله اسمع يابو فاضل
انته كافل والكفل يستاهل جود

من اصباه. شال الواه.
وبيده رد العايله
بسيه لاذت كربله
/////////////////////////////
سعد عبد العزيز

حيلي انهدم يوليدي يالاكبر
يرباي اشوفك عالثره اموذر

جبريل ينعه بالسما السبعه
ميكال گاعد يذرف الدمعه
كون الله مغضب واختلف وضعه

لنك صريع وﭼـبدك امفطر

گالو محمد نازل الحومه
شافو ضيائه يضوي برسومه
رغم الدما۽ الترست اهدومه

فلقت قمر ويشعشع المنظر

يوليدي اعوذك بالفلق والناس
وظهرك اشده براية العباس
ابني واعرفك ماتطخ الراس

كل جيش اميه اگبالك اتقهقر

بگلبك سواجي من العطش جفت
ودموعي جدول تجري ما خفت
امن الخيمه اعاين خيلهم صفت

وبوجه ابوك اللون ضل اصفر

عن النواظر طولك ابعد حيل
عجت الغبره وعساكر سيل
بادت اجدامي وزماني يعيل

وبروحي نيران وجمر يسعر

وشل صبرنا وعمك يباوع
بين الحشود اوحيد وتصارع
صعدت حميته وسيفه ماشابع

من دمهم البتار صار احمر

هد والكتايب لحظه ماصمدت
نار وتشب برياح ماخمدت
القاده گبل اجنودهم شردت

والي يلوحه بسيفه يتطشر

لخادم ال اهل البيت عليهم السلام ( علي تركي الهاشمي)

من زغري واني الكربله اتنطر
سولفلي جدي بگطعت المنحر

بيــوم الـولاده نــزلن ادمـوعـه
وي امي يحجي وفتح موضوعه
گلـها الخيول اتكـسر اضلوعـه

بالهيمه وحده وناصره اتعذر

دمعاته تـﭼـوي طاحن بخدي
قبل وريدي وانحنۍ جـدي
بنظراته شفته الواقعه تبدي

ستين الف متجمعه واكثر

السان الرسول وريـگـه غذاني
من المهد بٲحظانه ضـماني
للمسجد ومحرابه وداني

يركض اذا شافاني اتعثر

اصعدت اعله ظهره وطول السجده
مـاراد اطـيح اتـٲذه من عـنــده
ريته يشاهد حالي من بـعده

من مهري اطيح وقاتلي اتحظر

جم خطبه نادﻯ بيها اصحابه
اخـرها لـمن مـنعـو اكتـابــه
بالعتره عرفو يوصي بٲحبـابه

عافو وصيته وفضله اتبخر

ليش اعله باطل كله متجمعه
وصوت الحقيقه محد يسمعه
طبع الظلام يعاكس الشمعه

شرعو شتمنا اليوم عالمنبر

ياجـدي هاي الامه خانـتـنا
بحلگ السيوف اليوم سلمتنا
حتۍ النهر من مايه منـعـتـنا

عالگـطره خلو طفلي يتحسر

{علي تركي الهاشمي}

«مسلم والكوفة»
#فزاعية
رجالية ونسائية

مسلم يلتفت صوبين كلها الكوفة عدوانه
ـــــــــــــــــــــــــــــــــــــــــــــــــــــــــــــــ
يخـزر بالعيون النـاس كلها الكوفة عدوانه
مطبوع الغدر بالساس كلها الكوفة عدوانه
منين ويوصله العباس كلها الكوفة عدوانه
يفزع هــوه وخــوانـه
مسلم يلتفت صوبين كلها الكوفة عدوانه
ـــــــــــــــــــــــــــــــــــــــــــــــــــــــــــــــ
عجيب ابين ليلة ويـوم كلها الكوفة عدوانه
صارت كلها ضده الگوم كلها الكوفة عدوانه
صابر راضي بالمحـتوم كلها الكوفة عدوانه
امـــر البـاري سبـحـانـه
مسلم يلتفت صوبين كلها الكوفة عدوانه
ـــــــــــــــــــــــــــــــــــــــــــــــــــــــــــــــ
جرد صـارمه بيمناه كلها الكوفة عدوانه
جندل كـلمن اتـلگاه كلها الكوفة عدوانه
وحيد ولامعين وياه كلها الكوفة عدوانه
طـاح بناس خـوانـه
مسلم يلتفت صوبين كلها الكوفة عدوانه
ـــــــــــــــــــــــــــــــــــــــــــــــــــــــــــــــ
حيـد وظـيغم وينهـاب كلها الكوفة عدوانه
يشبه عمه داحي الباب كلها الكوفة عدوانه
عجيد وحاسبلها حساب كلها الكوفة عدوانه
الجيش انخطفت الوانه
مـسلم يلتفت صوبين كلها الكوفة عدوانه
ـــــــــــــــــــــــــــــــــــــــــــــــــــــــــــــــ
قـــدم بـالبـراز افـنـون كلها الكوفة عدوانه
صال وجال رچ الكون كلها الكوفة عدوانه
الاشعث حشم الملعون كلها الكوفة عدوانه
الـــحگ هــذا يـفـنانـه
مسلم يلتفت صوبين كلها الكوفة عدوانه
ـــــــــــــــــــــــــــــــــــــــــــــــــــــــــــــــ
جـحافل رجـفاها الـخـوف كلها الكوفة عدوانه
بخزره اطيح منها اصفوف كلها الكوفه عدوانه
سيف وهـاي كثره اسيوف كلها الكوفة عدوانه
خــدم عــد ال مــرجــانـه
مسلم يلـتفـت صـوبـيـن كلها الكوفة عدوانه
ـــــــــــــــــــــــــــــــــــــــــــــــــــــــــــــــ
العسكر خله بيه خوفه كلها الكوفة عدوانه
جيش انترست الكوفة كلها الكوفة عدوانه
شـارع شـارع يطـوفه كلها الكوفة عدوانه
يـهـجم يابـس لـسانـه
مسلم يلتفت صوبين كلها الكوفة عدوانه
ـــــــــــــــــــــــــــــــــــــــــــــــــــــــــــــــ
وطوعه تهلهل مـن ابعيد كلها الكوفة عدوانه
كفو من الحيد بزر الحيد كلها الكوفة عدوانه
عمامـك گاطـعين البـيــد كلها الكوفة عدوانه
صــول وجــول مــولانـه
مسلـم يلـتفت صـوبـين كلها الكوفة عدوانه
ـــــــــــــــــــــــــــــــــــــــــــــــــــــــــــــــ
إبراهيم محسين الخفاجي

(قصيدة يا سفيرا" للحسين)
لك تبكي ألف عين يا سفيرا" للحسين
............................................................
يــا سفيــر وما حصل مثلـــــك سفيــــر
يلمشيت أبذمــــه لحســـين و ضميـــر
الكوفـــــه غداره و أمرهه شكـــد خطير
وسفـــه يامسلم طحت عدهـــــم أسيـــر
جئت بالحق المبين يا سفيرا" للحسين
…………………………………………………………….

مــن رحت للكوفــــه وأديت العليـــــك
النــــاس ملهوفـــــه وبــــدت تقبل اليك
كلهه كالت هـــاي أدينه انطينه أديـــك
الموعــــد المسجــــد يمسلم بيــه نجيك
غدروك يا أمين يا سفيرا" للحسين
.............................................................

يلــــي بالكوفـــة بقيت بـــلا معــــين
أنتـــه وي هانــي الصفه عدهم رهين
تمشي وحــدك بالسكك ما تدري وين
ألـــك بس طوعــه مدتهه الأديـــــــن
لك تبــك بأنين يا سفيرا" للحسين



جندلت الابطــــال وحـــدك مــــن صلت
آنـــه عمــــي حيــدره أعليهـــم صحـــت
ردت تفني الجيــــش يـــا مسلـــــم ردت
التمــــت أعليك الزلـــــم وسفه و طحت
حفروا ذاك الكمين يا سفيرا" للحسين
...........................................................

مــــا خفتهـــم يــا بطــل مـــن أســــروك
لمجلــس ابــــن زيـــاد يـــــا مسلم خذوك
ولسطــــح قصـــر ألامــاره صعــــدوك
كطعـــوا الراس وبعـــد كطعـــه رمـــوك
قلبنا امسى حزين ياسفيرا" للحسين

الشاعر
رائد العامري

نعــــي مسلم بن عقيل

يكل أله يطوعه بغربتي عليج
عنــدي وصيــه ورد أوصيــــج
لو مــر الضعن من كربله عليج
كلــي الحميده الحيــد واليــج
كبل الممــات اوصيتــه بيــــج
وصــاني احضننــج وواسيــج
وبنــص الكلب يايمـه اخليــج
تكل اله حميـده والكلب حــن
ونعت يمه يويلي وكامت تون
او وياهه الفواطم غدن يبچن
عافانـي الحنين وحيل مابيه.

اتانــي والـــدي يــــــرجع. متاني
وانا من الصوت مجروحه. متاني
شفت خيل وحرك وركض. متاني
شوكت بحبال مچتوفه وسبيه
*******
خـــادم الحسيـــن
ســـــاري العبـــــادي
1443

فزاعيه لمسلم ع...مع رباط هوسه


الكوفه صارت خيبر ومسلم علي
صاح ابشري طوعه يلله وهلهلي
راس ماخـــــلي وحك رب الولي
بزود فقاري همومج تنــــــــجلي

هاااااا
خيل وخياله... بجدمي اعليهم أسحگ
ــــــــــــــــــــــــــــــــــــــــــــــــــــــ
راح افرغ انفاسهم مــــــــن الهوه
انه اذبح ونتي صيحيلي گــــــوه
سيفي يحصد كل مناحرهم نـــوه
راح اطب بجيشهم مثل الــــضوه

هاااااا
بحيدر حشميني..اليوم امحيها الكوفه
ــــــــــــــــــــــــــــــــــــــــــــــــــــــــ
طبها نار من الله چنه القــــــارعه
واليطلع راسه حتــــــــــما يگطعه
بغـــــــــيرة العباس روحه امدرعه
باب قصر الـــــــرجس ناوي يقلعه

هاااااا
سمرات جفوفه...تشبه جف القالع
______________
مو فقار البــــيده يمكن حـــــــــاطمه
سوه برض الكوفه شــــــط من الدمه
هوه ضامي وسيفه هم طگـــه الضمه
دخل للحومه وفلا شـــــــــــاف ازلمه

هاااااا
المالاحه بسيفه..اتصور لابس شيله
______________
قائد العسكر لمـــــــــن شافه شرد
بــــــــــزاويه مّن القصر. راح ولبد
گــــــــــــعدت النسوان متكتر گعد
گال مانگـــــــــــدر اله زيدو العدد

هاااااا
ذباها اهدومه...الگابل مسلم حگه
______________
لأن شافوو بالــــــــوجه ما ينگدر
يكسر ولا هوه ابــــــــد ما ينكسر
ما نگــــــدره صاحو اله ب الغدر
بالحفيره وسفه طاح مــــن القصر

شلون يطيحونه...حتارو بيه احتارو
ـــــــــــــــــــــــــــــــــــــــــــــــــــ
تمت بفضل ساداتي ص
خادم الزهـــــــــراء ع
المــــــــــلا ياسر الزيادي ١٤٤٣ 3هــ