نزال +

يبوفاضل يخو زينب
يبوفاضل يخو زينب
****
وينك يبوفاظل ينور اعـيوني
محتاره وحدي والعده يولوني
جيتك يخويه وشوف حال امتوني
ترضاهه بالسوط العده يظربوني

ياخويه وينك من فدوه العينك
دهـري دولبني أبگطعة جفينك
بـغـيابـك أتـعذب
يبوفاضل يخو زينب

ويـن الـوعد يابالفضل جاويـنه
ماعدنـه والي خويـه ويحامينه
انته الكلت يابو الوفه أترد لينه
وسكنه تـنادي مـارجـع والـيـنه

صاحت أسكينه وينـه والـينه
عـمـه يـازيـنب مـارجع لـينه
والجـيتك أتـراقـب
يبوفاضل يخو زينب

أطفال ظلت تنـتظر عطشانه
تأخر علينـه والـعطش اذانـه
مارد علينـه أوننـتظر خلانـه
تأخر يعمه عمي شو ماجانه

بالخيمه اتاني جم طفله اتعاني
تنادي عطشانه وعـمي ماجاني
تـنـشدني وأتـعاتب
يبوفاضل يخو زينب
****
ماتـدري طـايح عـالنهـر والـيهه
وجفوفه فوك المشرعه مكطعيهه
وسهـم الـرزيـه عـيـنـه أمطفيهه
هـيهات يـرجـع للـخـيم اعـليـهه

گـطعوا جـفيـنـه ومطفيه عينـه
والجربه طاحت بگطعة أديـنـه
وابــدمــه أتـخـظب
يبوفاضل يخو زينب
*
حسين وحده اوضل يدير ابعينه
لانـاصـر اليـمـه بـقــه وايـعـيـنـه
اخـلاف عـيـنـه منهوا اليحامينه
ياخويه كوم اوشوف حال البينه

محتاره ابغـربه يالگافل صعبه
ظلت اعـيوني الجيتك تـتربه
مـحـتاره يـالـغايـب
يبوفاضل يخو زينب
****
زيـنب أنه اختك ياكمر جاجيني
اخـلاف عـينك عـدمن أتـخليني
ياخويـه كـوم وللـوطن وديـني
خاف العده عگبك تره تسبيني

خلافك يسبوني يانـور اعيوني
عدوانك باجر ولـيه يـولـوني
واخلافك اتــسـلـب
يبوفاضل يخو زينب
***
گلمات سيد حـمزه الاعـرجي

صدى الصوت .. أجه الموت .. والمرض حيل أنتشر ..
شنو الراي .. يمولاي .. يالأمام المنتظر ..
.............................
سيدي ومولاي لمته تهل علينه ..
عين تربي الكوفه عين على المدينه ..
دوم تبقى بالفرج مرفوعه أدينه ..
بحيره عشنه وهالوباء شخله بينه ..
الاعراض . والامراض . هدمت حيل البشر ..
شنو الراي . يمولاي . يالأمام المنتظر ..
...........................
والله من هذا العمر ماشفنه راحه ..
سيدي غيابك بجي وّون ومناحه ..
الحزن بكلوبنه ثبّت رماحه ..
خيط فجرك كلنه نتنطر صباحه ..
يحماي . يوفاي. صارت اللحظه بشهر ..
شنو الراي . يمولاي . يالأمام المنتظر ..
...........................
ياهو غيرك يبو صالح نشتكيله ..
وندري قائمة الذنوب شكد طويله ..
والندامه والأسف نشعر قليله ..
وأحنه غير حسين ماعدنه وسيله ..
بالفراش . بالأنعاش . ننعى محزوز النحر ..
شنو الراي . يمولاي . يالأمام المنتظر ..
..........................
شلون لو متنه قبل منشوف رايه ..
لو قبل عاشور تلفينه المنايه ..
يا بو صالح أمنيه وردناهه هايه ..
كون موتتنه بمجالس للقرايه ..
بالدموع . والشموع . وبمحرم لو صفر ..
شنو الراي . يمولاي . يالأمام المنتظر ..
........................
هالمحن مرت علينه واحنه ننخاك ..
حتى لو غايب يمهدي مانسيناك ..
عجّل أظهر سيدي هواي أنتظرناك ..
ندري من تظهر تجيب الفرج وياك ..
يموعود . هالجنود . رادت تكحل النظر ..
شنو الراي . يمولاي. يالأمام المنتظر ..
.........................
أحنه كل جمعه نتاني هلال عيدك ..
سيدي وتهل علينه الرايه بيدك ..
يا لثارات الحسين يظل نشيدك ..
نظره منك ينتظر كلمن يريدك ..
عشكناك . هويناك . غيبتك تحني الظهر ..
شنو الراي . يمولاي . يالأمام المنتظر ..
..........................
حيدر مطر العبادي

هو القاتل . هو الكافل.
هو عصر الزلزلة.
بسيفه لاذت كربلة .
////////////////////////////////
مثل صوت الصاعقة من طب عليهم
يبس ارياگ اوختم خوف عله اديهم
ساعه يصفر ساعه يحمر جو بلائه
مو عذابه الله الگمر ضل يگصي بيهم

كالطوفان. كالبركان .
غيرة الله ومرجلة.
بسيفه لاذت كربلة.
////////////////////////////////
انذبح وجه الصبح وي جرت السيف
ومن حرارة كصته ماخوذ الصيف
گلي زينب انه عباس انتخيلي
اله خليها جثثهم بالبره جيف

انه العباس. انه النوماس
انه كافل عائله
بسيفه لاذت كربلة
/////////////////////////////////

اختلف جو المعاره وصاحو ادخيل
هذه ابو فاضل تره الزينب اكفيل
هذه سبع الگنطره سمى ابوي
من الزغر خاوه المعارك ياهو اليعيل

هذه الفارس. وهو الحارس.
هذه جاب القافله
بسيفه لاذت كربله
/////////////////////////////////

برز سيفه من سمع يهل الغياره
نفض جسمه وبالسمه چن طخ فقاره
هذه عباس الاجاكم مو مقاتل
هذه ملچ الموت اجاكم مو ستعاره

حضرو الاكفان. سيفه الميزان.
ماتضل كل مشكله
بسيفه لاذت كربلة
/////////////////////////////////

سولفالي وبالسوالف طرني اسمه
انه گلت الله يخويه شمحله رسمه
انخلق من طينه مخلوطه بشجاعه
وهل تشوفه الچنه حماي الحمه

من اسماه. تخاف اعداه.
ياهو گلي يوصله
بسيفه لاذت كربلة
/////////////////////////////////

منهو يوصل للخيم عباسي موجود
هذه خله النهروان عليهم تعود
هذه ابوي الگله اسمع يابو فاضل
انته كافل والكفل يستاهل جود

من اصباه. شال الواه.
وبيده رد العايله
بسيه لاذت كربله
/////////////////////////////
سعد عبد العزيز

حيلي انهدم يوليدي يالاكبر
يرباي اشوفك عالثره اموذر

جبريل ينعه بالسما السبعه
ميكال گاعد يذرف الدمعه
كون الله مغضب واختلف وضعه

لنك صريع وﭼـبدك امفطر

گالو محمد نازل الحومه
شافو ضيائه يضوي برسومه
رغم الدما۽ الترست اهدومه

فلقت قمر ويشعشع المنظر

يوليدي اعوذك بالفلق والناس
وظهرك اشده براية العباس
ابني واعرفك ماتطخ الراس

كل جيش اميه اگبالك اتقهقر

بگلبك سواجي من العطش جفت
ودموعي جدول تجري ما خفت
امن الخيمه اعاين خيلهم صفت

وبوجه ابوك اللون ضل اصفر

عن النواظر طولك ابعد حيل
عجت الغبره وعساكر سيل
بادت اجدامي وزماني يعيل

وبروحي نيران وجمر يسعر

وشل صبرنا وعمك يباوع
بين الحشود اوحيد وتصارع
صعدت حميته وسيفه ماشابع

من دمهم البتار صار احمر

هد والكتايب لحظه ماصمدت
نار وتشب برياح ماخمدت
القاده گبل اجنودهم شردت

والي يلوحه بسيفه يتطشر

لخادم ال اهل البيت عليهم السلام ( علي تركي الهاشمي)

من زغري واني الكربله اتنطر
سولفلي جدي بگطعت المنحر

بيــوم الـولاده نــزلن ادمـوعـه
وي امي يحجي وفتح موضوعه
گلـها الخيول اتكـسر اضلوعـه

بالهيمه وحده وناصره اتعذر

دمعاته تـﭼـوي طاحن بخدي
قبل وريدي وانحنۍ جـدي
بنظراته شفته الواقعه تبدي

ستين الف متجمعه واكثر

السان الرسول وريـگـه غذاني
من المهد بٲحظانه ضـماني
للمسجد ومحرابه وداني

يركض اذا شافاني اتعثر

اصعدت اعله ظهره وطول السجده
مـاراد اطـيح اتـٲذه من عـنــده
ريته يشاهد حالي من بـعده

من مهري اطيح وقاتلي اتحظر

جم خطبه نادﻯ بيها اصحابه
اخـرها لـمن مـنعـو اكتـابــه
بالعتره عرفو يوصي بٲحبـابه

عافو وصيته وفضله اتبخر

ليش اعله باطل كله متجمعه
وصوت الحقيقه محد يسمعه
طبع الظلام يعاكس الشمعه

شرعو شتمنا اليوم عالمنبر

ياجـدي هاي الامه خانـتـنا
بحلگ السيوف اليوم سلمتنا
حتۍ النهر من مايه منـعـتـنا

عالگـطره خلو طفلي يتحسر

{علي تركي الهاشمي}

«مسلم والكوفة»
#فزاعية
رجالية ونسائية

مسلم يلتفت صوبين كلها الكوفة عدوانه
ـــــــــــــــــــــــــــــــــــــــــــــــــــــــــــــــ
يخـزر بالعيون النـاس كلها الكوفة عدوانه
مطبوع الغدر بالساس كلها الكوفة عدوانه
منين ويوصله العباس كلها الكوفة عدوانه
يفزع هــوه وخــوانـه
مسلم يلتفت صوبين كلها الكوفة عدوانه
ـــــــــــــــــــــــــــــــــــــــــــــــــــــــــــــــ
عجيب ابين ليلة ويـوم كلها الكوفة عدوانه
صارت كلها ضده الگوم كلها الكوفة عدوانه
صابر راضي بالمحـتوم كلها الكوفة عدوانه
امـــر البـاري سبـحـانـه
مسلم يلتفت صوبين كلها الكوفة عدوانه
ـــــــــــــــــــــــــــــــــــــــــــــــــــــــــــــــ
جرد صـارمه بيمناه كلها الكوفة عدوانه
جندل كـلمن اتـلگاه كلها الكوفة عدوانه
وحيد ولامعين وياه كلها الكوفة عدوانه
طـاح بناس خـوانـه
مسلم يلتفت صوبين كلها الكوفة عدوانه
ـــــــــــــــــــــــــــــــــــــــــــــــــــــــــــــــ
حيـد وظـيغم وينهـاب كلها الكوفة عدوانه
يشبه عمه داحي الباب كلها الكوفة عدوانه
عجيد وحاسبلها حساب كلها الكوفة عدوانه
الجيش انخطفت الوانه
مـسلم يلتفت صوبين كلها الكوفة عدوانه
ـــــــــــــــــــــــــــــــــــــــــــــــــــــــــــــــ
قـــدم بـالبـراز افـنـون كلها الكوفة عدوانه
صال وجال رچ الكون كلها الكوفة عدوانه
الاشعث حشم الملعون كلها الكوفة عدوانه
الـــحگ هــذا يـفـنانـه
مسلم يلتفت صوبين كلها الكوفة عدوانه
ـــــــــــــــــــــــــــــــــــــــــــــــــــــــــــــــ
جـحافل رجـفاها الـخـوف كلها الكوفة عدوانه
بخزره اطيح منها اصفوف كلها الكوفه عدوانه
سيف وهـاي كثره اسيوف كلها الكوفة عدوانه
خــدم عــد ال مــرجــانـه
مسلم يلـتفـت صـوبـيـن كلها الكوفة عدوانه
ـــــــــــــــــــــــــــــــــــــــــــــــــــــــــــــــ
العسكر خله بيه خوفه كلها الكوفة عدوانه
جيش انترست الكوفة كلها الكوفة عدوانه
شـارع شـارع يطـوفه كلها الكوفة عدوانه
يـهـجم يابـس لـسانـه
مسلم يلتفت صوبين كلها الكوفة عدوانه
ـــــــــــــــــــــــــــــــــــــــــــــــــــــــــــــــ
وطوعه تهلهل مـن ابعيد كلها الكوفة عدوانه
كفو من الحيد بزر الحيد كلها الكوفة عدوانه
عمامـك گاطـعين البـيــد كلها الكوفة عدوانه
صــول وجــول مــولانـه
مسلـم يلـتفت صـوبـين كلها الكوفة عدوانه
ـــــــــــــــــــــــــــــــــــــــــــــــــــــــــــــــ
إبراهيم محسين الخفاجي

(قصيدة يا سفيرا" للحسين)
لك تبكي ألف عين يا سفيرا" للحسين
............................................................
يــا سفيــر وما حصل مثلـــــك سفيــــر
يلمشيت أبذمــــه لحســـين و ضميـــر
الكوفـــــه غداره و أمرهه شكـــد خطير
وسفـــه يامسلم طحت عدهـــــم أسيـــر
جئت بالحق المبين يا سفيرا" للحسين
…………………………………………………………….

مــن رحت للكوفــــه وأديت العليـــــك
النــــاس ملهوفـــــه وبــــدت تقبل اليك
كلهه كالت هـــاي أدينه انطينه أديـــك
الموعــــد المسجــــد يمسلم بيــه نجيك
غدروك يا أمين يا سفيرا" للحسين
.............................................................

يلــــي بالكوفـــة بقيت بـــلا معــــين
أنتـــه وي هانــي الصفه عدهم رهين
تمشي وحــدك بالسكك ما تدري وين
ألـــك بس طوعــه مدتهه الأديـــــــن
لك تبــك بأنين يا سفيرا" للحسين



جندلت الابطــــال وحـــدك مــــن صلت
آنـــه عمــــي حيــدره أعليهـــم صحـــت
ردت تفني الجيــــش يـــا مسلـــــم ردت
التمــــت أعليك الزلـــــم وسفه و طحت
حفروا ذاك الكمين يا سفيرا" للحسين
...........................................................

مــــا خفتهـــم يــا بطــل مـــن أســــروك
لمجلــس ابــــن زيـــاد يـــــا مسلم خذوك
ولسطــــح قصـــر ألامــاره صعــــدوك
كطعـــوا الراس وبعـــد كطعـــه رمـــوك
قلبنا امسى حزين ياسفيرا" للحسين

الشاعر
رائد العامري

نعــــي مسلم بن عقيل

يكل أله يطوعه بغربتي عليج
عنــدي وصيــه ورد أوصيــــج
لو مــر الضعن من كربله عليج
كلــي الحميده الحيــد واليــج
كبل الممــات اوصيتــه بيــــج
وصــاني احضننــج وواسيــج
وبنــص الكلب يايمـه اخليــج
تكل اله حميـده والكلب حــن
ونعت يمه يويلي وكامت تون
او وياهه الفواطم غدن يبچن
عافانـي الحنين وحيل مابيه.

اتانــي والـــدي يــــــرجع. متاني
وانا من الصوت مجروحه. متاني
شفت خيل وحرك وركض. متاني
شوكت بحبال مچتوفه وسبيه
*******
خـــادم الحسيـــن
ســـــاري العبـــــادي
1443

فزاعيه لمسلم ع...مع رباط هوسه


الكوفه صارت خيبر ومسلم علي
صاح ابشري طوعه يلله وهلهلي
راس ماخـــــلي وحك رب الولي
بزود فقاري همومج تنــــــــجلي

هاااااا
خيل وخياله... بجدمي اعليهم أسحگ
ــــــــــــــــــــــــــــــــــــــــــــــــــــــ
راح افرغ انفاسهم مــــــــن الهوه
انه اذبح ونتي صيحيلي گــــــوه
سيفي يحصد كل مناحرهم نـــوه
راح اطب بجيشهم مثل الــــضوه

هاااااا
بحيدر حشميني..اليوم امحيها الكوفه
ــــــــــــــــــــــــــــــــــــــــــــــــــــــــ
طبها نار من الله چنه القــــــارعه
واليطلع راسه حتــــــــــما يگطعه
بغـــــــــيرة العباس روحه امدرعه
باب قصر الـــــــرجس ناوي يقلعه

هاااااا
سمرات جفوفه...تشبه جف القالع
______________
مو فقار البــــيده يمكن حـــــــــاطمه
سوه برض الكوفه شــــــط من الدمه
هوه ضامي وسيفه هم طگـــه الضمه
دخل للحومه وفلا شـــــــــــاف ازلمه

هاااااا
المالاحه بسيفه..اتصور لابس شيله
______________
قائد العسكر لمـــــــــن شافه شرد
بــــــــــزاويه مّن القصر. راح ولبد
گــــــــــــعدت النسوان متكتر گعد
گال مانگـــــــــــدر اله زيدو العدد

هاااااا
ذباها اهدومه...الگابل مسلم حگه
______________
لأن شافوو بالــــــــوجه ما ينگدر
يكسر ولا هوه ابــــــــد ما ينكسر
ما نگــــــدره صاحو اله ب الغدر
بالحفيره وسفه طاح مــــن القصر

شلون يطيحونه...حتارو بيه احتارو
ـــــــــــــــــــــــــــــــــــــــــــــــــــ
تمت بفضل ساداتي ص
خادم الزهـــــــــراء ع
المــــــــــلا ياسر الزيادي ١٤٤٣ 3هــ

Powered by @Manybot

نزله

لعلي الاكبر ( ع )


عـلـي الاكبـر مـن برز للحومه
ارسوم حيدر على المهره رسومه
ــــــــــــــــــــــــــــــــــــــــــــــــــــــــــــــــــــــــــ

علي الاكبر چنه حيدر من دخل للساحه
خوف حط بيها المعاره ارواح مامرتاحه
اعليه ظلو جيش امية بالانظار مشابحه
گـالو الـكـرار هـذا وصار بيهم نايحه

عـلي هـذا نـشـروا الـمعلومـه
ارسوم حيدر على المهره رسومه
ــــــــــــــــــــــــــــــــــــــــــــــــــــــــــــــــــــــــــ

علي الاكبر لو محمد عالمعاره وسيير
يا جمال الله بصفاته ادخيل شكله يحير
شع ضوه چن گمر هاشم وجه نور ينير
علي لو هذا محمد اليوصفه اتخير

وهـم شـبيه الگـمر مثل اعلومه
ارسوم حيدر على المهره رسومه
ــــــــــــــــــــــــــــــــــــــــــــــــــــــــــــــــــــــــــ

خله كلها جيوش اميه تخاف من بتاره
ريح صفره ويالشجاعة تهب لو شن غاره
يلوحه سيفه الوصل كلمن. گرب يم اكتاره
خله كل جمع الكتايب. خايفه ومحتاره

عـلي الاكبـر هـذا وكته ويـومـه
ارسوم حيدر على المهره رسومه
ــــــــــــــــــــــــــــــــــــــــــــــــــــــــــــــــــــــــــ

الجيش كله بخوفه. يرجف يابسات ارياجهم
لآل حيدر هالشجاعة. تلوگ بس وياهم
خله گاع الله اتهزهز. هزها تحت اقدامهم
الموت صار بسيف الاكبر. والجهنم دازهم

لـجـهنـم دز بـكـر وي گومه
ارسوم حيدر على المهره رسمه
ــــــــــــــــــــــــــــــــــــــــــــــــــــــــــــــــــــــــــ

كلها خافت منه رجفت. ادخيلهن صولاته
ادخيله ابن حسين الاكبر. مثل ابوه وگفات
لو حمل واعله العساكر. الولي بحملاته
وشبه من عباس ماخذ. الكافل بجولاته

بالجيش يگصي وضربته مالومه
ارسوم حيدر على المهره رسومه
ــــــــــــــــــــــــــــــــــــــــــــــــــــــــــــــــــــــــــ
خادم علي الاكبر (عليه السلام)
رسول الجوراني

يا ابا عبدالله ... يا ابا عبدالله
حُــــــــســـين


حسين خليني اعله بابك غير بابك ما ادگ
انه بس وياک احسن ينعرف معنى العشگ
كون مو لجلک عليمن گلي گلبي يحترگ
اه يا دگات گلبي حسين اسمعه من يدگ


يا ابا عبدالله ... يا ابا عبدالله
حُــــــــســـين


من ادگن باب خير واعتنيله بحاجتي
انه اعرف ما يردني لون يسمع قصتي
ماابيعن ماي وجهي ولا اصبن دمعتي
اله يحسين اعله بابک كون اطلع حرگتي


يا ابا عبدالله ... يا ابا عبدالله
حُــــــــســـين


حسين كلي ذنوب اجيت ابمجلسک خليني اطب
كون ما تلزمني ايدک يعني اضيعن با الدرب
حسين دليني اعله بيتك وين مجلس منصب
ارد اطهر گلبي يمك بيدگ اطهر الگلب


يا ابا عبدالله ... يا ابا عبدالله
حُــــــــســـين


يا حبيب الماكو مثلک ساعة الوحشة ونس
من اجيبن طاري اسمك والله ترتاح النفس
يلچم كالساع گلبي بكربلاء لمن يحس
انته عرش الله مچانک ليش نايم بالشمس


يا ابا عبدالله ... يا ابا عبدالله
حُــــــــســـين


حسين بالفطره عرفته لا دراسه ولا علم
وانختم اسمه اعله گلبي وگلي شيزيح الختم
حسين منطيني كرامه وجاه منطيني واسم
يقدروني بالمجالس من اطبن وانخدم


يا ابا عبدالله ... يا ابا عبدالله
حُــــــــســـين


اداء | مرتضى حرب
كلمات | علاء شهيد الحچامي

(نزله للانصار)
لن ننال البر قط    حته ننفق ما نحب
***********************
انصار ابو اليمه تجمع عدهم بهذا المساء
من غضبهم والعزيمه هيج مالت كربلاء
بغله ما نملك نضحي شكو اغله امن الدماء
صطروا لوحه ملاحم للبطوله والفداء
هكذا كان القرار     عنكمُ نحنُ نذب
***********************
من اسمعوا زينب تكله ستخبرتهم صحبتك
خايفين لليله خويه منو يحرس خيمتك
ستعرضو يم الخيام نروح فدوه العيلتك
نقسم بجدك محمد اله نرفع رايتك
سيدي نحنُ فداء     اطمئن كي تصطحب
****************************
 قررو خوض المنايه وبالحرب مستبشرين
فصلو رايه البيعه وقدموها للحسين
الميسره تقدم حبيباً وزهيرا عاليمين  
ما نبالي وحق جدك ننتظر فتح المبين
ولنا صولات اشبه    بالاسد لمن يهب
**************************
وكفوا كدام العقيله اتصدر الموكب حبيب
يا عقيله بني هاشم نقسم بربنه المجيب
بالنفس نفدي ابو الاكبر ابد ما يصبح قريب
نصر من الله تعاله والفتح جداً قريب
ننا نفدي حسين    لهو جندا وحزب
****************************
طلبو امن حسين اول للحرب يستقدمون                            كون كدامه ضحايه القصد يستشهدون
كبل ابو اليمه واخوته يرتوو ريب المنون
الانصار وبني هاشم للحرب يتسابكون
كربلا صارت ظلام   كالزلازل وشهب  
****************************
وكفوا كدام الحسين بمستحه ورهبه وخشوع
هذا يلطم على راسه وذاكه ايسيل الدموع
ابد منعوفك وحقك حته تنداس الضلوع
احنه ذخرك بالكلايف ما تخوفنه الجموع
انتظر صولاتنه     حجر سجيلاً نصب
**************************************
للشاعر عباس الصالحي
20/9/2018 /
(يهدا ثواب هذا العمل الى روح والدي)

#قصيدة_شور
#كلام_زينب_عن_الطف_والعباس ع


بين اچتاف واچتاف = سَفرة سوط واحجار
بين الشمس والگاع = هيمه وركضت اصغار
ياهو يگوم ويشوف = شَدت حيلهه النار ، ،

- يرسملي جرحي ثنين
- خنصر وفه وچفين ،
- هوه السهم من طاح ،
- چا اله فوگ العين ، ،

شيبه حمره = وزلمه توه انذبح نحره ،
يابو فاضل = الشر علينه تقوده جمره
شبيدي خويه = لوحدي وابنيات كثره ،
_________________________
من رحم المعانات = صارت فكرة الماي ،
عطشانين للموت = تعبنه السبي هوااااي ،
حاچو الكمر خيگوم = مشينه هواي حفاي

- هيه التشيب الراس
- وتحرگ گلب عباس
- محد قبل ينجاب
- اسمه اخته بين الناس

طاح اخيي = ونبتت اسهام اعله خصره
ردت ميته = ولا شفت خسفه اعله صدره
كلشي رايح = يابس البي شتله خضره ، ،
_________________________
چعب الرمح محدود = وانطگيت بي حيل
وسبحة فاطمه وياي = جروها وطلع هيل ،
بشوگ ويه الهوه الهاب = وديت المراسيل

- طاح الرمل فوگاه ،
- ومگطوعه يا يمناه ،
- ويحرك برجليه ، ،
- يمكن جرح اذاه ، ،

ابچي وحدي = وطشو اعليه الهلاهل ،
طاحت ايدي = وهزهزو بيه المحامل ،
بلكي اطيحن = ويضحك بحرشه المقابل
_________________________
بذاك الليل والناس = يرسملي الحزن ثار
واجناحاتنه البيض = ليش يصيرن اگصار
شلون وبالبساتين = ورد الجوري يحتاار ، ،

- احجيهه للتذكير ،
- اول عبايه اتحير ،
- من سورة العشاگ
- لأخر خرابه اتسير ،

كلشي ماكو = حته للماكو بچينه ،
حيلي رايح = التمت الوادم علينه
طيحه طيحه = طاحت العمه الحنينه
_________________________

- علي مهدي المالكي ، ،

.
صاح عباس. ولحسين. يعمت الساده
النهر والماي. ألج جاي. واجيب ازياده
وروس اميه بين أديه
•••••••

يرجف الكون. لأخو ام عون. اذا اشد صارمي
ويركض الماي. ألچ جاي. قبل جودي وعلي
أنه سيل المايرد. أمرد العايل مرد
وألوي السيوف. بالطفوف يخيتي ادللي
وروس آميه بين أديه

،••••••
أمحي اليسار. وأشب نار وادوس الميمنه
وأخنگ انفاس هلارجاس. وانه الكافل أنه
اليــــوم اذلاً كربله. قســــــــماً بالــــــزلزله
وأعمي العيون والجــــــفون. ابچيهن سنه
وروس آميه بين أديه
••••••

بسيفي الويل. والكحيل يلاويهم لوي
بسرعت الصوت يجي الموت. عليهم من أجي
نبض عرجي الهاشمي. والله لادميهم دمي
واردم الناس. عله الناس. وانه اغلامك علي
وروس أميه. بين اديه
••••••
حاسب احساب. بالتراب. اساويها الزلم
واخسف الكاع. والسباع. اذلنها ابعزم
منهو يتگرب إلي وانه ابن حيدر علي.
وتنهزم وين واليمين تدگ عظم بعظم
وروس أميه. بين اديه
••••••

قاسم اليوم. عله الگوم. أصيرن زلزلة
وروس الكبار. والزغار، أطاشهه ابكربله
جيوش آميه بقبضتي. وراح ألفهه ابصايتي
ونشر الخوف. عالطفوف. يبت عگد الوله
وروس اميه. بين اديه
•••••••
چفي ماطاح. وألج لاح. عله اصدور النهر
وانه عباس. ألي باس. گطع نفس المهر
من حرگتي و غيرتي. اشب نار ابحملتي
وگلب الجيش. على الجيش وگطعهم وذر
وروس اميه
•••••••

خادم الزهراء ع ابو احمد الطائي

#الشهداء


ليش- عطر الورد  طشه الهوه  وفزز جرح نايم

ليش- طاح الدمع   كبل الشمع   بصينيت القاسم

والحنه يبست بيدي------ منتظره ازف اوليدي

*******************

بصينيته افتر بالخيم        وامنتيتي ازفه

عريس من عرسه انحرم      ماحنه جفه

قرأن احس بشفته             سالفته ترفه

ينظرلي لو رايد طلب      شيريد اعرفه

راد-  زينب تجي   تبارك اله   يشتمهه وتشمه

راد- ثوب العرس  يلبسه منمس  ماحققت حلمه

يادنيه بس شتريدي------ منتظره ازف اوليدي

*******************

اعمامه خلاهه الحسن     لبتي هديه

يابسهه راده للعرس      مو للمنيه

بالخيمه ادوف بحنته    وحنيت اديه

بفراكه دك بابي الحزن    يسال عليه

أه -  اشعل بخور ابخيمته   لوليدي المدلل

أه -  طوله نبي  وبظحكته   حتئ الهوه تغزل

جانت ظحكته عيدي------ منتظره ازف اوليدي

*******************

كل صفنه اصفنهه عمر   تمر ذكرياته

حنه وشمع زفه وعرس   جان امنياته

اقراله ايات الحسد       من كد حلاته

اوليد ما صله قضه    يوم بحياته

شوف – بكصته اثر  من تربيته  عايش عله الطيبه

شوف – متواظع   الكل البشر    مامره اخذ غيبه

كلي بدعائج زيدي------ منتظره ازف اوليدي

*******************

ظل ياكل بعيني الدمع   شيبلي رمشي

والجثته ازحف زحف   مااكدر امشي

ابريتي ما اشم الهوه     ماريد كلشي

ياروحي ابكاع الصبر   احلامي طشي

مات – اجمل حلم  دمه نزف  فوك الترب غافي

مات – هلهوله  بلساني بقت   ماتت عله اشفافي

بالسبي يثكل كيدي------ منتظره ازف اوليدي

*******************

ابروحي ظميت العتب    ماداعي اوظحه

كل جرح البجسمه نزف    بحجابي امسحه

كبرته ابماي الدمع          منتظره افرحه

طول حبيبي بنومته        جايمته يصحه

نام – نومك حله  يابسمله  بيك انشرح صدري

نام – بجفك نصر  ماقصرت  يايمه بيك ادري

يجروحي بسج هيدي ------ منتظره ازف اوليدي

*******************

اركض رحت يم مصرعه    بعيوني دخان

ذاك الجمال من الشمس      ياوسفه ذبلان

لجروحي صار اسمك ذكر    بوقات الااذان

وكبال روحي مفتحه          بيبان الاحزان

جيت – اركض ركض  مثل الكطه  اكعد يبعد امك

جيت – اقره نعي  يم كل جرح   خاف الهوه يلجمك

وشيوجعك يوحيدي ------ منتظره ازف اوليدي

*******************

تمت

علاء الزيدي

شمس ما غربت جروحه/ قصيدة بقلمي/ غالب امعلا
ــــــــــــــ
ادگ ومن الضلوع اشلع
ولا اهيدن ولا اقنع
اللطم لحسين تربيتي
مواكب من زغر اطلع
ــــــــــــــــ
حسين بساعة الحيره  ولا من ناصر ايعينه
وحيد وحاطته اعداءه   ولا اختلت موازينه
                 ما مد ايده للذله
                اخذ حد الرضى' ايگله
الهي نحري قربانك    وارضى' الديني اتگطع
ادگ ومن الضلوع اشلع
ولا اهيدن ولا اقنع
اللطم لحسين تربيتي
مواكب من زغر اطلع
ــــــــــــــــ
شمس ما غربت جروحه   نهار بكل وكت ساطع
الظلام اشما كبر حجمه   وبيه الظلم ظل قابع
                  بنور حسين نتباهه
                 ولا أي ذله نرضاهه
نعيش احرار ويه حسين    وابد للظلم ما نقبع
ادگ ومن الضلوع اشلع
ولا اهيدن ولا اقنع
اللطم لحسين تربيتي
مواكب من زغر اطلع
ــــــــــــــــ
العطش ما نال من عزمه    رغم ما تنگحم ناره
وگف وگفة جبل شامخ    طريق الحگ اختاره
                 الرگاب بسيفه يلويهه
                 وطي الكتب يطويهه
بصوته يرتل القرآن    ونهر آيات بيه ينبع
ادگ ومن الضلوع اشلع
ولا اهيدن ولا اقنع
اللطم لحسين تربيتي
مواكب من زغر اطلع
ـــــــــــــ
كتاب المصحف ابأيده   ونهج قرآن دستوره
چانت غايته الاصلاح   وروحه الدينه منذوره
                 على' هدي النبي جده
                 بذل كل غالي العنده
ما طامع بمال وجاه   برضى' الرحمن بس يطمع
ادگ ومن الضلوع اشلع
ولا اهيدن ولا اقنع
اللطم لحسين تربيتي
مواكب من زغر اطلع
ـــــ،ــــــ
خادم الحسين
الشاعر / غالب امعلا الحيدري
البصرة

نزلة للانصار


يالانصار حياكم حياكم حياكم
والحسين ناداكم ناداكم ناداكم
يا نعم الرجال مضرب للامثال
*******
اسطوره الحب الحسين وعابس مرايه عشك
الشكك هدوم العليه هذا اليحب من صدك
خطوه العاشك صلاته كلبه ابو اليمه يدك
مسودن ومغرم بأمام صاح لا ما نفترك

بالطفوف ما اعوفك ما اعوفك ما اعوفك
يمولاي مجنونك مجنوك مجنوك
متهمني الانذال مضرب للامثال
*
حاير من احجي بحبيب الزلزل الطف وهلة
شيبته تلالي اعله راسه كلها شيمه ومرجله
تحزم بصبر الامامه عالمهر من اعتله
بس صليل السيف يذبح صوته ليهم معضلة

بالعيون يخزرهم يخزرهم يخزرهم
يموتون واحدهم واحدهم واحدم
أتصور الحال مضرب للامثال
****
وبزهير الجيش حاير تاجر وقائد حرب
طلك الدنيا وحرمته ودخل ميدان الحرب
ارتجز بيهم والمعسكر عايش بحاله رعب
امنيات الجيش صارت كون موتى ويه الترب

للسيوف منحرهم منحرهم منحرهم
عزائيل شوفهم شوفهم شوفهم
هد بيها جتال مضرب للامثال
********
بالوغى جون وبرير كفو والله من الزلم
اسهام ورماح الاعادي ليهم اشبه بالحلم
سير العباس يمهم كعده يم باب الخيم
حروف ايات الكتاب تنادي بيهم والنعم

بالخيام تعلوله تعلوله تعلوله
يطيحون كالوله كالوله كالوله
نحميها العيال مضرب للامثال
*********
اصحاب الحسين الغياره ثله العز والشرف
صفوة من بين الخلايق اختارها الله من النطف
ليلهم قرآن يقره والفجر بيهم هتف
الشهاده اجم حياة الجنه يرادلها طف

الكلوب ملهوفه ملهوفه ملهوفه
والدموع مجتوفه مجتوفه مجتوفه
للجنه مرسال مضرب للامثأل
******
الخادم شاكر محمود

يبو فاضل يبو فاضل .

جاءنا تــواً أبـــو فاضــل نــــزل
بيده مــوت أيــوزع أبسيفه الأجــل
زعــل عبــاس اوتخيّل مــن زعـلْ
چنه ملك الموت عل العسكر حمل
احتارت أجيوش العده
حيــدر الكـل شاهـــده
يا أبو فاضل يا أبو فاضل
*
جاءنـا تــــواً طفــح غيض الگـمـر
مــا ثبت فـارس على شاطي النهر
هـذا عــزرائيل صاحت هـل بشر
جــاب بيــده المــوت گلبها الصور
بي حتارت هل الملا
مــوت طـب لكــربلا
يا أبو فاضل يا أبو فاضل

*
جاءنـــا تـــواً أبـــو فاضــل طلـع
نــادت الأطفــال يــا عمّه وسمـع
خطف بيهم مــوت بالحومه ولمـع
الشهگ من الخوف نفسه ما رجع
الهوه بالريـه أنحبس
هـوا مــا ظل للنفس
يا أبو فاضل يهيبه يا أبو فاضل
*
جـــاءنـــا تـــوأً الحــــره اتنختــه
وجابـت ابيمناهــا جـــوده ورايتــه
نبض عرجه وغيره فاضت ﮔصته
ارتوت من عزمه وإباءه وغيرتــه
ماي رادت بت علي
الدنيا صاح أتزلزلي
يا أبو فاضل يا أبو فاضل

*

جاءنــا تــواً بــده يـــوم الحسـاب
وللسعير الجيــش ﮔـاده وللعقــاب
حملــة الكــرار ردت مــن غياب
نار عزمه او عل عده فاتحله باب
وصل للجيش الخبر
نـــزل عباس الگمر
يا أبو فاضل يا أبو فاضل
*
الشاعر
موسى البديري

مجنونك ، ملا عمار الكناني

مجنونَك آنا افتِخِر سَموني
مجنونك عقلي اكتِمَل بجنوني
مجنونك شِلتَك رَسِم بعيوني
مجنونك

جَنِنَتني امحَبِتَك الليله روحي الگُبِتَك مِشتاقَه
گلبي عاشِق نينوى و امشي وي اهل الهوى العشاگه
و الدَمِع شاهِد صِدِگ ما يِچذب بالعِشگ و اشواگه
آنه مجنون و عقل عندي ما خله الحَبِل و الناگه
گُر عيني و خَليني مولاي أسيرَك
گُر عيني و اغنيني عن هوى غيرك
گر عيني شلتك رسم بعيوني
مجنونك

مجنونَك آنا افتِخِر سَموني
مجنونك عقلي اكتِمَل بجنوني
مجنونك شِلتَك رَسِم بعيوني
مجنونك

ادموعي ليك اتشَكِرَت انته شَمس النَوِرَت أيامي
تِكسي خِدامَك حَرير و انته عاري اعلى الهجير و ضامي
راضِع أحزانَك لِبَن امن اصفِن ايمر الضعن گدامي
شلون ببقالي فكر ابيقضتي نار الخدر و احلامي

ما اعوفك عاشگ حزن كربلائك
مااعتفك و عرفني بالله عزائك
ما عوفك شلتك رسم بعيوني
مجنونك

مجنونَك آنا افتِخِر سَموني
مجنونك عقلي اكتِمَل بجنوني
مجنونك شِلتَك رَسِم بعيوني
مجنونك

نعمة الله دمعتي ايدومها الله نعمتي ما دامك
ابموكب الخدمه انفني خادم اوگف منحني الخِدامك
الحب شربته ابمرضعي ايفزز اجروحي النعي اعله ايتامك
امنين يبقالي وِقار و مهجتي حرگتهه نار اخيامَك

بعيوني سالِب منامي منامك
بعيوني ماخذني مني غرامك
بعيوني شلتك رسم بعيوني
مجنونك

مجنونَك آنا افتِخِر سَموني
مجنونك عقلي اكتِمَل بجنوني
مجنونك شِلتَك رَسِم بعيوني
مجنونك

لاجلك انصاغ الفَلَك و كل صفات الله إلك و إلائه
التسعه و التسعين اسم باسمك الاعظم تتم اسمائه
مجلسك خيمة شرف بيها دين الله انعرف و انبائه
انته اول مِنتصُر ابلا غسل ضم الگبر اشلائه

مااريده عمري الي مابيه طفوفك
مااريده لو ديني يجبرني اعوفك
مااريده شلتك  رسم بعيوني
مجنونك

مجنونَك آنا افتِخِر سَموني
مجنونك عقلي اكتِمَل بجنوني
مجنونك شِلتَك رَسِم بعيوني
مجنونك