بيرغ علي طب للحرب..عباس
كمر كسر وجه الشمس..عباس
نزل حمل
حي ألله عباس
.............................................
كمرة وبدر..وكـــت الفجر..كالت اريــــد الماي
غيره أنتفض.. كام وعرض..صدرة ومشى بهداي
كلها الحرب..لهفـــة محب..وآنــه الملك والراي
مــــن النهر ..جايب نـــهر..عباس أخـوج وجاي
(وهوس يم زينب كافلها)
كفل حمل
حي الله عباس
...................................................
شد العزم..أي والنعم..واعله الصدر شد جود
غيرة علي..شمرة علي..حيدر علــــي موجود
بزوده وكف..كال وهتف..وبسيفه خــط حدود
خله الزلم..تردم ردم..ركضة كطـــه وصايود
(ويتبختر عباس بكيفه)
نزل حمل
حي الله عباس
.............................................
صوت أعتله..من كربله..العسكر تدور أنفاس
شنهو الجره ..واللي جره..كالــوا أجه العباس
فارس مضر..عزه وفخر..يمطر وفه واحساس
كلمن وصل.. حده وحمل..يــــرجع بلايا راس
(واليوصل حده ايكص راسه)
نزل حمل
حي الله عباس
...............................................
شرق وغرب... نار الحرب... تلهب بدت والكوم
تركض بدت... واطشرت... ظلت تفر واتحوم
فارس مضر... ناده بفخر... فارس مضر جيدوم
حتى الهوه... ايدور هوه... صفوة علي معلوم
(وعباس اليحكم ميدانة)
نزل. حمل
حي الله عباس
.........................................
بزوده اعتنه.... وجيش الشمر... من كل كتر ناطور
مره بسهم....جود وعلم.... مقتل قرت عاشور
كص يمنته..... وكص يسرته... الزينب يوفي انذور
يسمع صده..... صوت ابتده.... يبني كفوا ومأجور
(شد حيله وشَمََر جفينه)
نزل. حمل
حي الله عباس
..........................................
خادم خدمة الحسين
الشاعر
محمد الموالي

#محرم_الحرام_١٤٤٤هـ
#الليلة_الثانية
لمولانا كريم اهل البيت الحسن المجتبى
(صلوات الله عليه)
————————————————-

بسم الحسن—يبدي الكلام
بغيرا الحجي—كفر وحرام—مولاي الحسن
باب الكرم—ماسد مضيف
وي الگصد—يگسم رغيف—مولاي الحسن

باب العطايا—الما—ردله—بشر
فارس سفرته—للجاي—و عبر
حاتم يسولف—بأطباع—الحسن
بس حاول—شكد يوصل—ماكدر

الحسن يشعل ثيابه بخفتت النار
حاتم ذره وي الحسن ما صار
ماتطفى المواگد عامره ادلال
الكرم عد الهواشم ماله مگدار

خال حته اثيابه___للگصد لأعتابه
غيرته بأصياره ___علي معزب جابه

————————————————-

باب العطف—باب الفضل
شيخ الزلم—واهل العگل—مولاي الحسن
مفتوحه ايده—تنطي دوم
مسمعت سائل—رده يوم—مولاي الحسن

متفضل وبيده—شكد—وزّع—رزق
ايد الابو—حيدر—عالوادم—فرق
من حلكه—يكطع—ويوكل—الخلگ
الوادم حدر—ايده—ترفض—تنعتق

الحسن خله الخلگ حبته بجنون
دخيله غير اخو العلويه ام عون
منو مثله بزمانه معزب الناس
نطا حته الحصيره و جان ممنون

شفايتلهم هاشم___جان عدهم حاكم
مثل بعزوبيته___شبخ فوك الوادم

————————————————-

مضرب مثل—ملگه الهله
غيره و كرم—كلهن اله—مولاي الحسن
حلم الگلب—خادم اصير
عبد الحسن—واهوا الامير—مولاي الحسن

اعشكته گلب—والساني—بلهجه—هام
هنيالي عاشكلي—كريم—اهله—كرام
عبد بمضيفه—كل—حلمي—اصير
يقبلني—ريته—و بالعتبه—انااااام

الحسن يمشي بوريدي مشيت الدم
صرت بسمه عبد مجنون و امتيم
فخر وجهي اصبغه بگمگمه الاسود
ابيض وجهي عنده لخدمته امحزم

خادمه بكل حاله___فعلي من اقواله
مرجعيتي الگمگم___وفتوتي أمن ادلاله

————————————————-

تكصد ل اديه—كل البشر
بصدر المضيف—عنده گمر—مولاي الحسن
عباس اخو—رب الحجي
غيره ووفه—يعزب اليجي—مولاي الحسن

عنده گمر—يسگي—للـيگصد—وفه
ادخيل—الهواشم—حكمة—و معرفه
جان الحسن—يگعد—ويگله—يخوي
اسگي الگصد—يمنه—حُب—وعاطفه

الحسن يملك اخو معروف سگاي
(شهم)(كافل)عله الديوان حجاي
بفصليت العشاير ينحلف بي
كلهه تكول ظل يم شاربه الراي

والفصل بالراية___يصير موش اهواية
و اليجيبه بطاري___ايطيّح البي جاية

————————————————-
خادم الحسين محمد منير المياحي

قصيدة بحق السيدة رقية عزيزة الحسين عليهما السلام

فوگ الهزل تسافر
رقيقة المشاعر

ترفات اديها والحبل مو مال اديها
متربيه عالعز والضرب ما مر عليها

وتشاهد المخاطر
فوگ الهزل تسافر

°°°°°°°°°°°

ما مر عليها تنضرب
لا تمشي بديار الغرب
اصغيره وابعيد الدرب

آه يا رقية

تمشي وتطيح من التعب
وينسب أبوها بلا سبب
بنت الأصل وأشرف نسب

آه يا رقية

چانت تنام مأمنه بأحضان ابوهه
حارسها. جسام وعلي شو سلبوهه
وين النشامه بكربله خل يحضروهه
ما شافت الراحه أبد من فارگوها



من راحو الأكابر
فوگ الهزل تسافر


****


محتاجه حضنك يالابو
حته أشعر بذاك الدفو
لا عم بقالي ولا أخو

آه يا رقية

يابو الحنان بعازتك
انا العزيزة ابنيتك
ماعندي طاقة لفرگتك

آه يا رقية

عيوني ماتغفه چنت إلا اعله إيدك
محتاجه عطفك والدي هالساعة أريدك
چنت انا أعيش بداخلك عشت بوريدك
چنك بعدت وماترد يمي شيعيدك

جفني بقه يساهر
فوگ الهزل تسافر

°°°°°°°°°°

من حرگو بنار الخيم
وبزينب تلوذ الحرم
برويحتي يسعر ألم

آه يا رقية

اجدامي يچويها الجمر
وانا ارتجيتك بس تمر
يابويه طولت السفر

آه يا رقية

بين العليل وعمتي أركض دخيله
بيهم الوذن واحتمي مثل الغفيلة
يا بويه مو كافي البعد ماعندي حيله
انطتني صبر وعايشه عمتي العقيلة

ولجيتك تناطر
فوگ الهزل تسافر

°°°°°°°°°°

يا بويه آذاني الضمه
يالچفك اغيوم السمه
وبكترك الكون احتمه

آه يا رقية

يا بويه آيس لو ترد
لو كاتبنا نبتعد
يادوحة العز والمجد

آه يا رقية

كل ساعه تنشد والدي شو ما اجاني
شفت المصايب والمحن من فارگاني
تجمعني بيه أبيا وكت آه يا زماني
مايطفه داخل مهجتي شوگي وحناني

وبلهفتي أكابر
فوگ الهزل تسافر

°°°°°°°°°°°
شفتك يبويه بالحلم
تمسحني وبجفك اشم
ترجعلي يمته ياشهم

آه يا رقية

عني يغالي شأخرك
عن همي ردت انا أخبرك
لحضة ويلحضة اتنطرك

آه يا رقية

يابويه بعدك نسكن بديرة خرابه
لا عدنه والي يدافع النه ولا گرابه
جابولي رأسك بالطشت بالدم خضابه
بسته وحضنته وبالحزن أصرخ ييبابه

ما شاهدت مناحر
رقيقة المشاعر

°°°°°°°°°°
ياسر الساعدي

لسان حال السيدة أم البنين عليها السلام وهي تخاطب الإمام الحسين عليه السلام

يبني مو هين علي من تبتعد
گلبي يذبل لورحت نفس الورد

لا تجافيني. . ياضوه سنيني

**

عذاب. مصاب

ياابو الأكبر يغالي الدنيا دونك مظلمه

ونين حنين

مثل گلبك ياعزيزي لشوفتك كلي ضمه

تهون ويجون

چنت اسلي بروحي بعدك واستغيث بفاطمة

اقرأ يس بأسمها والحمد
گلبي يذبل لورحت نفس الورد

ما هده اونيني
ياضوه سنيني

=========
مشيت. دعيت

يحفظك رب البرية بس ترد سالم إلي

بچيت. . نخيت

يومي كونه گبل يومك امنيه يابن علي

يريت. اجيت

بشوفتك يابن نبينا كل همومي تنجلي

تعوض أيامي انتظاري من ترد
گلبي يذبل لورحت نفس الورد

الفرگة تاذيني
ياضوه سنيني

========
يدار. إنتظار
يخلص الليل واكولن باچر يردلي الصبح
بسكوت يفوت
الوقت يمشي بهدوء وجرح يتغطه بجرح
هموم. تحوم
كلها هم الدنيا بعدك ونسه بأيامي الفرح

وشيب اگليبي انتظارك والنشد
گلبي يذبل لورحت نفس الورد

يمته تلفيني
ياضوه سنيني

=========
نعاك. رثاك
فطرت گلبي يناعي وشفته سايل مدمعه
حزين ونين
عظم الله اجرچ يحره بالبنين الأربعة
بحنين. حسين
گتله بس أخبرني عنه گلبي كافي تفجعه

مية أولادي أضحي لو يرد
گلبي يذبل لورحت نفس الورد

فدوه إله ابنيني
ياضوه سنيني

========
جريح ذبيح
داست الخيل اعله صدره ابنچ بطف كربله
غريب تريب
اتچفن برمل الصحاري ودم وريده غسله
خضيب غريب
ضامي محد روه گلبه ولا شخص نگط اله

ضل ثلاثة إبلا دفن وابلا لحد
گلبي يذبل لورحت نفس الورد

يبني حاجيني
ياضوه سنيني

========
ياسر الساعدي

#محرم_الحرام_١٤٤٤هـ
#الليلة_الثانية
((رهينة الحب))
_____

روحـي رهـيـنه__روحي أسيرة بـيـهه شـايـل خيام
جروحي ضعينه__كلي حيرة تحدي بيه اعله شام

جنت احس روحي صنم
عايش بدنيه الوهم
مرت اعليه الخيم__وصحتّني الخيل
اتراكض بروحي الضعن
صرخة بالنار انجون
يـم زلـم يـتـراجـفـن__واهنا بعد ويل

الـ اعله جبينه يشوفه ونصيبه
وأنه نصيبي اعشك مصيبه
طالب سبيل اعبرت اعله حزنه
وجاست ضميري صرخة غريبه
_____

گلت اعاشر __حزنه اشوفن شنهي يضم محتواه
شفت الخواطر__مكسوره تبجي وكلهه تصرخله اه

جولة اخذت بهالحزن
واطلعت كلي اون
اتصورت نار و متن__وحرگـتّه هواي
وببالي طفله امحرگه
تركض لصوب السگه
تگله شفته امشگگه__وبابا إبلا ماي

گـلـبـي لـعـذابه وقّـع مصيره
هـزنـي كياني وهالصرت اسيره
الشفته وجرحني اهواي بعذابه
الاكثر هضمني ابنيته الزغيره

_____

حُـبـه خضّر __وي دمعتي وماعندي ويا شريك
كلشي اگدر __وكلشي اتيه بس گتله اندل اجيك

روحي معگوده اله
وحزني كله لكربله
انـه اسـير بسنسله__بس إبلا صوط
مرتبط ويه الدمع
الحسرة تاكل بالضلع
واليحب عنده طبع__مَتهمه اشروط

عين البصيرة الخلتني اجيله
عدلتني حيل دموعي الثگيله
مااسوه جنت وخلاني اسوه
طباني بـيـتـه انـعـى العقيله

_____

انـوي دمـعـي__كـلـه قُـربـة وديـن اسده العلي
عندي ضـلـعي__وخل الحّگ حيل الطمه بـدي

خايف يروح الوكت
وانا مو هلگد نحت
ما نطيته بس ردت__من عنده حسين
طبعه لا ما يعتذر
لله ثـوبـلـه خـدر
وخيمته أثواب الجمر__شيسد هالدين

شخصه سحرني الرخصلي نفسه
تبحر جروحي و بيبانه مرسه
النطاني كلشي خاضع اجيته
يروض دمعتي وروحي الشرسه

_____
خادم الحسين محمد منير المياحي

علي الاكبر ياهله. كله زود ومرجله
بعمر الاشبال علم اجيال

علي الاكبر نوره ساطع. مثل جده المصطفى
ومن برز گالوله حيدر. علي هذ المرتظى
مايهاب الموت الاكبر. حظر يوم المتقى
يالثارات الحسين. وثار عمي المجتبى

يمه ارجعي الخيمتچ. علي انه بخدمتچ
لهسه لوظال. علم اجيال

زوده من زود ابو فاظل. نعم ونعوم الرجال
حسين واگف ونطه خطه لعلي وعباس النزال
معلن حسين انتصاره. ثنين قدم للقتال
الگمر ظوه المعاره وعلي ساطع بالجمال

خويه فدوه انه وعلي. الك يحسين الولي
علي رجال علم اجيال

طب علي الاكبر يحارب. يحصد ابيده الرگاب
وبالعرش ناده المنادي. هذا حل يوم الحساب
وابصليل السيف الاكبر. رجع الربه الجواب
الخنگ من ايد الاكبر بعد عند الله العقاب

عفيه تسلم يمنتك. انه زينب عمتك
فدوه خيال. علم اجيال

عين ابو اليمه تلحگه. وين مصار الولد
ظلم ولونه تغير من كثر يمه العدد
زينب وليله ينشدن علي مايرجع بعد
من سمع بيه يشكي ظامي شفت الحسين ارتعد

من احصل ماي ارد. اشرب ورجع بعد
حامي العيال علم اجيال

بالوصف ماخذ مكانه خلق وخلاق النبي
النبي يملك كياني ونته تملك مذهبي
والمطالب عندي كثرن. يلتحقق مطلبي
بسجل سجلني خادم. هذا يمك منصبي

گلب الحسين انشلع. وحنه صايبنه الهلع
دمعي همال. علم اجيال

خادم الحسين
ماجد عويد الاعاجيبي

#محرم_الحرام_١٤٤٤هـ
#الليلة_الثانية

الى كل عاشق هام في الطف
____
العاشگ حلاته يون وينوح
تگضي حياته كلهه جروح
الدمعه قدرها تصب لحسين
مثله منو ضامي ومذبوح

والغربه الما ترحم__بيهه احتار
من مهره للهيمه__و رمل الحار
متفرهد صيوانه__وطاح بناس
ما رحمت بعياله__بنص النار

ماينلام اليعشك من يبجي...اهواي
لا خير أمن الدنيه الما تنطي...ماي
محتار ابن الزهره إبلا ستر...اخيام
وياهو الگبله بغربة وماصحله...فياي

مولاي ياحسين مولاي ياحسين
____
اليعشگ مصيبة يتعبه الليل
يكضيهه آه وحسـره و ويل
هيه المصيبه اتريد اگلوب
تهم بالغريبه و ذيج الخيل

واليتعب يستاهل__جرح حسين
والمجوي أمن الخيمه__يشوف اثنين
المحدبه عالتله__و صدر انداس
ومالومه لو يهمل__دمـع العـيـن

الگلبه يون للطايح مسحوك...اجتاف
للوكفت عـالتله و مـن ظلهه...تخاف
شكد عايش باللوعه من گلب...وروح
الشال الطف بگلبه و بالدنيه...عاف

مولاي ياحسين مولاي ياحسين
____
التاكل بـگـلبه تطيح اخيام
جاشنهي حاله بطاري الشام
اليسمع ضعن ويطب عالسوك
يهجر ادياره و عيب اينـام

واحجيله عالمسبي__شگد سهران
أمن الخيمه للناگه__يون تعبان
هسه شگد متغير__كد ما طاح
البين أهله وبفيهم__امدلل جان

الجرحه يهزه و دمعه ينزل...مخنوگ
ما ظن لحظه يشرد من باله...السوگ
البي دخلن يا حيف بنيات...حسين
وگوه الحادي إيعثّر بأجدام...النوگ

مولاي ياحسين مولاي ياحسين
____
المرتاح يـفرق عــن مـتعوب
العاشك الطف تحسه منهوب
ما عنده راحة و يدوم يلوج
المسلوب عشگه بدمعه يذوب

و اليبجي للضامي__ايمل شلون
للضحه ابما يملك__يظل مديون
مايسكت من نوحه__وحجة يريد
عالسلبوله اثيابه__ولأخته ام عون


كلمن حصته وضيمه والطف...احساس
بس محد يعرف بي بس...الينجاس
ليش الـنار الـبردت يــم ...ابراهيم
مابردت يـم رجـلين اخت... العباس

مولاي ياحسين مولاي ياحسين
____
خادم الحسين محمد منير المياحي

بينَ ليلى وعلي الأكبر
____

       وَلدِي قُرّةَ عَينِي      يَا عَلِيُ
ذَابَ في الصَّحرَا حَنِينِي   يَا عَلِيُ

هَا أَنَا أشكُو العَنَا  لَمْ أذُقْ طَعمَ الهَنَا
                يَا عَلِيُ
____
شَوقُكَ المَنثُورُ فِيّا * لَمْ يَزلْ حَيّاً لَدِيا
كُلََ حِينٍ ذِكرِيَاتِي تَتَقلّبْ

مَهدُكَ الحَاضِنُ قَلبِي * حِينَما كُنتَ بِقُربِي
وَ تُنَاجِينِي بِيا أمّي و تَلعَبْ

غَاردَتنَا الضِحَكاتُ * أَوجعَتْنَا الذِّكرِياتُ
مُذْ نَزلْنَا كَربَلا وَالحَالُ أصعَبْ

لمْ تُلامِسْني يَدَاكا   يَا عَلِيُ
خَيمةٌ مِنها أرَاكا   يَا عَلِيُ

حانَ بُعدٌ بَينَنًا  لَمْ أذُقْ طَعمَ الهَنَا
            يَا عَلِيُ
__
كُنتَ لِي خِيرَ خَلِيلِ  شَمعَةٌ خُطّتْ بِلَيلِي
أمَلِي أَنتَ وَأهلِي وَبَقَائِي

تَذكُرُ الأيّامَ أبنِي  كَمْ وَكمْ نِمتَ بِحِضنِي
هَانِئاً نَومُكَ يَا وَجهَ الضِّيَاءِ

كُنتَ تَشتَاقُ إليَا  فَرِحاً تِهوِي عَلِيَا
أفتَرقْنَا فَجأةً يَا للبَلاءِ
 
مَن يُنَاغِينِي كأمِّ      يَا عَلِيُ
أَنتَ مَن يَرفَعُ هَمّي  يَا عَلِيُ

سَوفَ أدعُو رَبَّنَا  لَمْ أذُقْ طَعمَ الهَنَا
                  يَا عَلِيُ
__
كَربَلا جُرحٌ وَحَسرَهْ  لم تَطِقْ عَينَايَ نَظرَهْ
شَاهَدتْهُ وهْوَ للحَربِ تَرَجَّلْ

إِيهِ يَا رُوحُ انظرِيهِ  قَبلَما أنْ تَفقدِيهِ
قِلتُ فَي قَلبِي أيَا مَوتاً تَمهَّلْ

خَرجَتْ رُوحِي وَرَاهُ  يَبصُرُ القَلبُ خُطَاهُ
وحُسِينٌ خَلفَهُ فِيهِ تَأمّلْ

أصفِرٌ وَجهاً مَشَاعِرْ   يَا عَلِيُ
لابنهِ الغِالي يُنَاظِرْ    يَا عَلِيُ

لِيتَ يَأتينِي الفَنَا  لَمْ أذُقْ طَعمَ الهَنَا
                 يَا عَلِيُ
_____
طَاسَةَ المَاءِ رَمِيتُ  دَعوَةَ الأمِّ دَعوْتُ
خَرجَ الأكبَرُ يِسعَى لابنِ غَانِمْ

قَلِقٌ قَلبُ الحُسِينِ  رَاحَ يَدعُو كُلَّ حِينِ
أحرسُوهُ حَيدَرٌ طَه وَفَاطِمْ

مِثلَهُ زَينبُ نَاحَتْ  آهِ ليلَى ثُمَّ صَاحَتْ
يَا إلهِي عُدْ عَلِياً وَهْوَ سَالِمْ

ذا جَمالُ اللهِ يَمشِي   يَا عَلِيُ
مَلَكٌ او سُرُّ عَرشِ    يَا عَلِيُ

شَعَّ إيمَانُ السّنَا  لَمْ أذُقْ طَعمَ الهَنَا
                 يَا عَلِيُ
____
مِن وَرا سِترٍ بِخَيمهْ * مُلئْتْ ليلَى بِهَضمهْ
أبنُها يَضرِبُهُ العَبديْ ابْنُ مُرَهْ

أُمّهُ قَد عَاينتُهُ * فَرَسٌ قد حَملَتْهُ
نَحوَ أعداءٍ له زَادُوهُ طَبرَهْ

ضَربُوهُ قَطّعُوهُ  سَلبُوهُ رَضرضُوهُ
وَحُسِينٌ جَاءَهُ يَمسِكُ ظَهرَهْ

قَالَ يا أُمّي سَلامٌ    يَا عَلِيُ
لأبي مِنّي احتِرامُ    يَا عَلِيُ

أَجَلِي هَا قَدْ دَنَا  لَمْ أذُقْ طَعمَ الهَنَا
                 يَا عَلِيُ
__
آهِ لَيلَى مَاتَ أبنُكْ  هَلّتِ الدَمْعاتِ عَينُكْ
قَالَها السِّبطُ حُسِينٌ فِي انحنَاءِ

مَدّدَ الطُّولَ بِجَنبِهْ * نَازِعاً سَهماً بِقَلبِهْ
وَلدِي تَهوِي عَلَى حَرِّ العَرَاءِ

مَاتَ مَهمُوماً ظَمِيا  سَوفَ يَسقِيهِ جَلِيا
لَبَناً جَديَّ مِن نُورِ السَّماءِ

دَمَهُ يَرسِمُ لَوحَهْ     يَا عَلِيُ
جَنةٌ تَحضِنُ رُوحَهْ   يَا عَلِيُ
فَقدُهُ ظَهرِي حَنَا  لَمْ أذُقْ طَعمَ الهَنَا
                   يَا عَلِيُ
_____
آخِرُ الأحزانِ لَيلَى  مُلِئتْ آهٍ وَوَيلا
عَاتبتَهُ يَا عَلِيٌ لَيتَ تَعلّمْ

بِالخُيُولِ الأعَوجِيّهْ * والطّوالِ السّمهرِيٍهْ
سَحَقُوا صَدرَ حُسِينٍ لَيتَ تَعلّمْ

فِي غَدِ تُسبَى خَوَاتُكْ * يَنتهِي ليتَ مَمَاتُكْ
زِينبٌ فِي الشّامِ حَيرَى ليتَ تَعلّمْ

قِصّتي هذا الخِتامُ    يَا عَلِيُ
     أَنَا أُمٌّ لا أُلامُ     يَا عَلِيُ

جُرحُ عَاشُورا بِنَا ** لَمْ أذُقْ طَعمَ الهَنَا
                     يَا عَلِيُ
__
علي حبيب الشابي
محرم 1443

احنه الخدم  نشد الهمم
نطلب مدد  راعي العلم
بلطم الصدر والزنجيل  لينه الفخر والعزوه
ـــــــــــــــــــــــــــــــــــــــــــــــــــــــ
نمر اليعادي يخسه ابد # ميمرنه
لغيرك حزن ندعي ابد# ميمرنه
نشد الحزم من ينقره # ميمرنه

الصف نرص   كلنه انحرص
نلطم شرط    حدما نغص
اليطبع أصابع مبروك  الزهره تگله تگوه
ـــــــــــــــــــــــــــــــــــــــــــــــــــــــ
حبك شعيره والعلي # رواها
وشكد كرامات الخدم # راواها
ماي اللطم وصدورنه # رواها

كل الخدم  تعطش لطم
بدمع الجفن تطفي الخيم
سر الحياه مو بالماي  حسين سرها هوه
ـــــــــــــــــــــــــــــــــــــــــــــــــــــــ
اللطم لنواصبنا شكثر # علاها
وعليك هنياله الذي # علا آها
انجوم السمه والله الخدم# علاها

بصدر السمه  واهل السمه
تحجي الهم   عنه فاطمه
تگلهم هذوله الخدام  بالجنه الهم مأوه
ـــــــــــــــــــــــــــــــــــــــــــــــــــــــ
الراي النه والخصم # وش رايه
ورايتنا تخفگ والعدو# شر رايه
المجلس ملح واحنه اله# شرايه

بدم النحر  طول الدهر
نشري رضا  القدم نحر
شرايه والمال ارواح  وحسين كلش يسوه
ـــــــــــــــــــــــــــــــــــــــــــــــــــــــ
تگول الزجيه التلطمك # شع ليها
نور وعلى طول الدهر# شعليها
المويمها جاغير افتهم # شعليها

بس تنتقد  تشكل ترد
وعن القضيه  شكد بعد
الجاهل المجلس ماطاب  مايدري نعمه وسلوه
ـــــــــــــــــــــــــــــــــــــــــــــــــــــــ
تهوه المشاعر واللسن # شاعرها
حسين الشعيره واللطم# شاعرها
اليكتب قصيده يبتشر # شاعرها

بجنة الخلد  بمال وولد
وبالحشر  باجر ينسعد
امن الكوثر نشربه الماي  وبكل حرف يتروه
ـــــــــــــــــــــــــــــــــــــــــــــــــــــــ
كون اللطم فديوم اجه # رايه النه
عذراً نگله بهل امر # راي النه
عد ابو صالح ننتضر # رايه النه

رايه ولوه   لطف نينوه
كسر الضلع  طفل الهوه
ثارات ناخذ ثارات  وبدم يفور الگهوه

مصطفى الحمداوي

انه الاكبر صارمي بيميني
گومي يمه بشيلتج حزميني
ــــــــــــــــــــــــــــــــــــــــــــــــــــــــــــ
شال سيفه ومن برز چنه علي
وصاح يايمه من اموتن هلهلي
الحومه الوگلها ترى تفصال الي
گومي يمه بشيلتج حزميني
ــــــــــــــــــــــــــــــــــــــــــــــــــــــــــــ
طبها رعديد المنايه وعازم
الغوث من سيفه تصيح الوادم
خيل وي خياله ضل ايرادم
گومي يمه بشيلتج حزميني
ــــــــــــــــــــــــــــــــــــــــــــــــــــــــــــ
طبها والكل ارتعب راعيها طب
چنه حيدره يسوي العجب
جابها من اليمنه عاليسره گلب
گومي يمه بشيلتج حزميني
ــــــــــــــــــــــــــــــــــــــــــــــــــــــــــــ
چنه جده من يطب لطلابه
سيف الاكبر زاعل اعله گرابه
رجع اليدناه صم اترابه
گومي يمه بشيلتج حزميني
ــــــــــــــــــــــــــــــــــــــــــــــــــــــــــــ
فات بيها والزلم ضلت تحوس
سيفه بي وجهين باشط چنه موس
روحه رده يطير رگاب ورؤوس
گومي يمه بشيلتج حزميني
ــــــــــــــــــــــــــــــــــــــــــــــــــــــــــــ
ثغبره سواها من طب العتيد
ادخيله چفه لواي الحديد
يغرف اركاب الزلم كيف يريد
گومي يمه بشيلتج حزميني
ــــــــــــــــــــــــــــــــــــــــــــــــــــــــــــ
اللاح راسه بضربته گول انهشم
صاح فنه اليدنه لحدود الخيم
الفارس تعرفه اكو بسيفه ثلم
گومي يمه بشيلتج حزميني
ــــــــــــــــــــــــــــــــــــــــــــــــــــــــــــ
گومي يحبيبه واريد الشيله
عليه ماينعال وآنه العيله
چني ابو الحسنين طگتي اثگيله
گومي يمه بشيلتج حزميني

مصطفى الحمداوي

يبو چف الثجيله   الحچي بس انت هيله
هلا بعباس  هلا بعباس
ـــــــــــــــــــــــــــــــــــــــــــــــــــــ
هلا براعي الهله يصاگر كربله
يالمرتب يخو زينب  يشيخ المرجله
هلا بچف الوغا  هلا وسيفك طغه
هلا يطبها يدولبها  كتايبهم لغه
هلا براعي اللوه  اهو وسيفه سوه
عاليزامط واليهايط  گلبها نينوى
هلا بعين الصگر   هلا فياي الظهر
الشرد منه  انصدم لنه  بيمينه منسطر

ايبيس بي اليشرد منه (رباط)
ـــــــــــــــــــــــــــــــــــــــــــــــــــــ
دخيله لو حمل  شكو ميله عدل
منو يگضه  ولايرضه  شحلاته بالزعل
يمينه عازمه  يلاعب صارمه
الذي تعده  وإن سده  بحسامه هادمه
يبو عيون الشذر  شحلاهن بالخزر
بكحل عينه  يحلينه  ابو چفوف السمر
بسم زينب گعد  يكسر بالمهد
الذي يبرز  رگبته يحز  على خشمه صعد

امن اكماطه  فراك حلوگ (رباط)
ــــــــــــــــــــــــــــــــــــــــــــــــــــــــــــ
بصباه يامگدره   يلزموه گنطره
اذا يغضب لهب ينصب  عذاب الاخره
اليزامط يمنته   يذبحه وبزرته
الولِد سبعه وابو السبعه  نهتهم ضربته
رحه چفه وفرك   يدور عالعرك
صدى ضربه  گطف رگبه  ولاعنده ترك
يحب خوط الزلم   يرادمها ردم
گطف هذا سحگ هذا  فرك ليهم خشم

اعوج درعه  واللاحه اطراگ (رباط)
ـــــــــــــــــــــــــــــــــــــــــــــــــــــــ
عذاب القل هوه  عليهم من نوه 
الريش وجت  حمم عجت  الهوه بيها انچوه
اذا بسيفه يطگ  الدرع ضل بي شرگ
نواها وهد  ولاافرد   زلم يطبگ طبگ
رمح سيف وسطر  طلع من كل كتر
اخو خيته عجب طگته  اتلاصف بالجمر
عرگ بي طالبي  علي وحمزه النبي
زئر حيدر  منو يگدر  يمس خيط العبي

احرك ساسه  واليدنه خيامي (رباط)
ـــــــــــــــــــــــــــــــــــــــــــــــــــــــ
سمع ماي وعرگ  فرك چفه وصفگ
اطبنه  اذلنه   الهوه اليمه اختنگ
وعد كل الخيم   وتحزم بالعلم
نوه عليها يبچيها  ابوفاضل عزم
گلب يمنه ورجع  من الميسر طلع
رعب نازل ابوفاضل  اليمد راسه انگطع
العساكر طرها طر  وتعاله اعله النهر
خذاه غرفه  بفرد چفه  شفت گله وشمر

من ذبيته  والماي انذل (رباط)

مصطفى الحمداوي

بيده  لاعب الرايه.   واحد    ينعد هوايه
مكحل عين الهواشم   سيفه   چف المنايه

بيده العلم  امان    تارس الخيم  امان
صگر المعالي اخوي   لمهره لجم  امان

طوله الحلو    والله كفو
اشمحلاته لو هجم حيا الاخو

شيخ الزلم   يضوي النجم
والزلمه منه بالحرب فر منهزم
ــــــــــــــــــــــــــــــــــــــــــــــــــــــ
طبها  وشوره من راسه    غيره  طفحت براسه
يگلب نينوه ابچفه    ابدمه  ايوصل احساسه

سيفه سحب عجيب    الگدها غضب  عجيب
سوه الظهر ظلام     كونه گلب عجيب

طبها العتيد   لاوي الحديد
بالحومه ابو الفضل طب ويصيد

فگره الطلع   ميت رجع
واليعله حس اله راسه انگطع
ـــــــــــــــــــــــــــــــــــــــــــــــــــــ
زلمه  اليوگف امامه    يذبح بعينه وحسامه
چنه بالحرب علي     ترهب  شدة لثامه

طبها وصفت  صياح   من عجعجت صياح
بنص الجند يفوج    كلها اشردت صياح

بيهم شرد.  بيهم لبد
والضل عشاربه الكافل صعد

هذا اختفه  وهذا انفه
والمر علي ابوفاضل  ميت صفه
ـــــــــــــــــــــــــــــــــــــــــــــــــــــ
عالشط  خيم العايل   داسه وعدل المايل
وينه الزامط حسيني  وينه وانه ابوفاضل

علشط وگف  ثگيل   مال الجرف ثگيل
هذا الكفو كفال       رگاب ايخطف ثگيل

فوگ النهر   داس الگمر
وبسيفه كلمن گابله  يراوي سقر

يشمر زلم     يردم ردم
والگاله انه اله   رد منهزم

مصطفى الحمداوي

هاي الرايه تلوگ الچفك   يمنومس كل طاري
ادري شثگله لواكم هاشم  وانت معوج الساري
عباس يالتگدر     يمناك بي حيدر
يمنومس كل طاري 
ــــــــــــــــــــــــــــــــــــــــــــــــــــــ
هلا سيف حسين   هلا كحل العين
هلا والصوابين   داراها
هلا بالعباس    هلا رفعة راس
هلا يانوماس   مثواها
وفي ميلحگوك   كفو ويعرفوك
اخو ويوصفوك   وفاها
علي بيك انحط  بحرب ماتفحط
يبو سيف ابشط  مراها

يبو چف العتيد المايلاونه
يخيعونك بخوك وبيك خيعونه
اليدورك خليصد لحسين وعيونه

هاشم تكشخ بيك وبسمك يابو سوالف كفو
يمعدل الميله وگالبها  يمدولب كل عدو
ياشيخ ومعتبر  يمناك بي حيدر
يمنومس كل طاري
ــــــــــــــــــــــــــــــــــــــــــــــــــــــ
الشعر  ليك يلوگ   يشگاك حلوگ
ابد مامسبوگ    بالحومه
يعرفونه  اعگال   واله بس تفصال
وكفو ياكفال    من يومه
يحب حز الرگاب   ولاثنه اصواب
طبع داحي الباب  بعلومه
نجم عاله سهيل   يحب ردم الخيل
گمر يضوي الليل   وهمومه

يشاهين المعالي يا عتيد السيف
يكياف المضارب يلتونس الكيف
يذباح الزلم بالواقع وبالطيف

كحلة عين حسينك واختك   بافعالك محجاها
خيمتها وعزتها اتوصفك  ياظلها ويا افياها
ياهيل  ياعنبر    يمناك بي حيدر
يمنومس كل طاري
ــــــــــــــــــــــــــــــــــــــــــــــــــــــ
بعمر سبع اعوام    تحب شد للثام
ومچانك گدام     وتحارب
تطب بيها تحوس  يطش سيفك روس
تعوجها الطوس   يضارب
تطب مامندوم   تحط بيها اعلوم
تحب دوس خشوم  وشوارب
بزغر قاد جيوش   زلم يمه تروش
اخذ خاوه وخوش  بتجارب

يقائد من امس واليوم والباچر
يرادم روسهم بالخيل والحافر
يخو زينب يا شلاع الگناطر

يازلزال ابشبة عمرك    نوماس ومفخره
واعلومك تشهدلك لمن    ذليت الگنطره
بالروس تتخير   يمناك بي حيدر
يمنومس كل طاري
ــــــــــــــــــــــــــــــــــــــــــــــــــــــ
سبع بزر اسباع  بمشي ترّوط الگاع
الگناطر شلاع   راعيها
يبن شيخ العام  ابد ماتنضام
تحب تحدي ازلام  حاديها
اتشابه والماي   نفر بس هواي
فريضه والراي  تطيها
الضوه منك خيط   يذباح العيط
بحرب من تشيط  تفنيها

يذابح بالخزر والسيف ياعالم
تحيي بخزرتك وتموت الوادم
يطش الجيش من يدري عليه قادم

ياحادي خيول وخياله ياسابي الملحمه
من تتعب تتوزر حيدر  من تنخه فاطمه
بفاطم تتوزر   يمناك بي حيدر
يمنومس كل طاري
ــــــــــــــــــــــــــــــــــــــــــــــــــــــ
يبو راس الحار   يبو چف سطار
يخيمه وتندار   للخوه
الاخو من ينخاك  يفگره اللاگاك
تلوچه بيمناك  يتلوه
البرز ليك احتار   صرخ وين اندار
تجي ابكل اكتار   ياگوه
يچف عزرائيل   وعلي وحمحائيل
حلو مرك حيل  چن گهوه

سمعت الموتى يامولاي شوچني
التذبحه ايصيح ياهوه اليباهلني
نعم افخر ترى العباس ذابحني

بالنار هناكه ونسمعهم  تتعارك هالناس
بين اهل النار احنه الافضل  ذابحنه العباس
الميتين تتبختر    يمناك بي حيدر
يمنومس كل طاري

مصطفى الحمداوي

عمه عمه  الليله وحشه
ياهو يمنه  بلاخيمنه
مو امس عمي معاي  ايوزع بچفينه ماي
الليله وحشه الليله وحشه
ــــــــــــــــــــــــــــــــــــــــــــــــــــــ
گعدي يمي وخنسولف حيل صدري مختنگ
الفرگه خنگتني يعمه مدري خانگني الحرگ
البارحه يمنه الهواشم وكل سوالفنه العشگ
منين اجانه الطف يعمه سحگ لمتنه سحگ

البارحه اشمحله الخيام
وعالتراب اللليه انام
الليله وحشه الليله وحشه
ــــــــــــــــــــــــــــــــــــــــــــــــــــــ
تدني يحبيبه ولكن تدني الي بلهونه
النشد كاتلني عمه هسه ابوي شلونه
صدك تعبان الحنين السحگ خرب لونه
ومن عگب ماچنه بيها  الرمل بعيونه

الوينك وفدوه تعال
بيها شيبت الخيال
الليله وحشه  الليله وحشه
ــــــــــــــــــــــــــــــــــــــــــــــــــــــ
عمه تدرين الهضمني وصدك منه اتوجع
يگوم الحسين نضرته ويطگونه ويوگع
شكد خطيه بلاخوته اتعبه لمن يسمع
ردت فوگ ضلوعي عنه الحوافر تطبع

بهل حجايه تعبوه
وحده عافاه اخوه
الليله وحشه   الليله وحشه
ــــــــــــــــــــــــــــــــــــــــــــــــــــــ
يلملم ابروحه اشوفه ويگض سيفه ويگوه
او وين الاكبر وين قاسم يگلوله ويهوه
كامش اصفاحه وتحير وصفگ چفيه وتلوه
من الجراح البي يعمه حرت هوه موش هوه

منكثر مامنثر
بكل كتر منه كتر
الليله وحشه الليله وحشه
ــــــــــــــــــــــــــــــــــــــــــــــــــــــ
طحت فوگه وحبحيته وعاتبيته بالنظر
وچنت محتار الشبگته صدره لوچان الظهر
عمت عيني عمه ابونه سهم نص ريجه انكسر
شلت روحي وشفت عمه كلبه من صدره ظهر

هو عايش بالسهام
واحنه تتلگانه شام
الليله وحشه الليله وحشه

مصطفى الحمداوي

هاي الرايه تلوگ الچفك   يامنومس كل طاري 
ادري شثگله لواكم هاشم  وانت معوج الساري
عباس يالتگدر     يمناك بي حيدر
يامنومس كل طاري  يامنومس كل طاري
ــــــــــــــــــــــــــــــــــــــــــــــــــــــ
يبو چف العتيد المايلاونه
يخيعونك بخوك وبيك خيعونه
ياهيبه وتچيه وصيبة ظنونه
اليدورك خليصد لحسين وعيونه
منو مثلك گناطر من يسلمونه
عجيب بكل كتر عباس يلگونه

هلا سيف حسين  هلاكحل العين 
هلا والصوبين    دولبها

هاشم تكشخ بيك وباسمك  يابو سوالف كفو
يمعدل الميله وگالبها    يمدولب كل عدو
ياشيخ يمعتبر    يمناك بي حيدر
يمنومس كل طاري
ــــــــــــــــــــــــــــــــــــــــــــــــــــــ
يسيف حسين ياتفكيره يارايه
واحد بالعدد بس فعلك هوايه
ياسركال اخوك ومشيتك ثايه
تثني من تحز ماتثني الحجايه
حجي عيونه تفهمه گلبك مرايه
يتنومس بيك ويحب طولك فيايه

هلا بالعباس    هلا رفعة راس
هلا يانوماس   گالبها

ياسركال الشيخ العالي  وبيك حسين يزامط
يا سبع الميدان وشيخه  يمبچي الي يهايط
سركال وامگدر  يمناك بي حيدر
يامنومس كل طاري
ــــــــــــــــــــــــــــــــــــــــــــــــــــــ
هلا بطولك تگول وجرحي بي ينراف
هشن چفك بس يم زينبك شفاف
بس وياك تآمن من تروح اتخاف
يفي زينب ياخيمتها ياهفهاف
ظلها بس وراها لو مشت ينشاف
بس طولك نشوفه منين ماتلتاف

هلا بل وفاي       هلا باحلى فياي
هلا بيده الماي    شربها
يلتارس عين اختك واختك  بعيونك مگعدها
يازلمه الغثها وضل عايش  وانت تناطر حدها
بحماك تتبختر    يمناك بي حيدر
يامنومس كل طاري
ــــــــــــــــــــــــــــــــــــــــــــــــــــــ
نريد حسين بايعنه وشرط تسلم
أمان ومال وانت الجيش تتسلم
جدح بركان گله اسمع يخال الغم
دگلي شلون ابيع حسين بالدرهم
باجر من ركبكم سيفي يشرب دم
واذا اكو ارجال تبرز من اجي امحزم

هلا  اذب رباط     هلا  اريد ازماط
هلا  بالطف خاط  اذبحها

انه الوارث حمزه حيدر عمي يسمونه الطيار
عركه وحيل اطرب علعركه وبيمني الفقار
الروس تتطشر    يمناك بي حيدر
يامنومس كل طاري
ــــــــــــــــــــــــــــــــــــــــــــــــــــــ
يماترضه اعلزينب يجري مدمعها
اريد امجاد حيدر كلها رجعها
نعم موباب بس المشرعه اقلعها
تموت بخزره اريد بخزره ترجعها
كبل حز الركب العيون تشلعها
وصيحات الزلم  بالكوفه واسمعها

هلا سيفك نار    هلا راسك حار
هلا بل فقار    راعبها

يمسوي المحد سواهن  محد من سيفك رد سالم
يلتحيي الموته بخزراتك وتموت بخزراتك وادم
بركان واتفجر     يمناك بي حيدر
يامنومس كل طاري

مصطفى الحمداوي

گمر گمر گمر گمر يابوفاضل
ــــــــــــــــــــــــــــــــــــــــــــــــــــــ
بيده العلم يرف ويعالي النجوم
اشمحلاته بالحرب شراي العلوم
جوده فوگ المتن من زغره مرسوم
سيفه لون برز يا امره محتوم

جبل يهد حيله  گمره ضوه بليله
تتمنه الكحيله   يركبها مره
لون مشه بطوله   اتلگاه بهلهوله
ياناس هوسوله    كافل الحره
شگد حلوه چلماته  لاعبها راياته
لودحه ابعركاته    مايخطي سطره
ــــــــــــــــــــــــــــــــــــــــــــــــــــــ
بالحومه لو نزل ويشمر اذراع
اتصيح الجند اجه بلعينه ياگاع
الطف سفينه چان والكافل شراع
زلمه وكلف دخيله امخلفته الاسباع

كلف يطب عازم    والگابله نادم 
كل منيته خادم    لابن الزجيه
رعد فلق نازل    والله ونعم كافل
حي الله ابوفاضل    هيبه وتجيه
رعب غضب يهجم   علحومه من يعزم
روس الزلم يردم    اتميل الوطيه
ــــــــــــــــــــــــــــــــــــــــــــــــــــــ
اباب الخيم انه وبصفي الحسين
ويگلي ذاك اخوج دولبله صوبين
باليسره اذا دحه يطلع باليمين
مفرد ولايحب طگاته بأثنين

ونس ونس عيني   وامنومس احسيني
اگله اذا ايجيني   ياعين اخيتك
وفه وعتب ينگط   ياسيفه صل يرگط
يطرب على اليزمط   ويگله اجيتك
والخزرته عيونه    تتراصص اسنونه
فنهم يلاگونه   حيا تچيتك
ــــــــــــــــــــــــــــــــــــــــــــــــــــــ
خاوه الگمر اخذ داس الشوارب
صاحب اذا اله بس سيفه صاحب
من والده ورث دوس الحرايب
بيبان ابوه شلع وهوه كتايب

بيده شلع كتيبه   ماثنه باليصيبه
والي دنه گريبه    ايطلعله روحه
من فرع بلثامه   كبر شهر حسامه
والله الوگف امامه  يتعاله نوحه
الميمنه ايطبها   عالميسره ايذبها
ضل حايس ابگلبها   اليشرد يلوحه

مصطفى الحمداوي

تعبوك    ماكو حب كلها تضدك
تعبوك    هواي همه وانت وحدك
تعبوك    من التعب نمت اعلخدك
تعبوك تعبوك
ــــــــــــــــــــــــــــــــــــــــــــــــــــــ
وحدك واگف بلاعون   وانه من الخيم انظر
اعاينلك تروح تعود    وحيل بچفك اتعصر
تلزم مهرتك وتهد     بروحك روحك اتصبر
ساعه تنظر اعلعداك     ساعه عالخيم تنظر
منانه ابتده شلعان     دلالك والتعثر
منا والمنايه تلوح    الك مشتاكه وتأشر

لهنانه اشوفك زين  وتخبل شمحلاتك
وراها مااظن اتعود وتشوفك ابنياتك

تعبوك  وبعد للخيمه اشيردك
تعبوك من التعب نمت اعلخدك
ــــــــــــــــــــــــــــــــــــــــــــــــــــــ
اول مره اشوفك هيج   حاير منخطف لونك
ماتدري الحجاره منين  منين اسهام يرمونك
واحد طاحلك بالسيف    لحدما موت متونك
وذاكه بالحجر هفاك      ومحد يمك وعونك
شفت واحد بصم تراب   يابويه عمه عيونك
اني الي اعرفك زين   وعلي ماعرف شلونك

حب نيّ اعلنار اتلوج شفتك بويه تتلوه
متغير الملامح حيل  هوه گلت موهوه

تعبوك   كسروا عظمات زندك
تعبوك   من التعب نمت اعلخدك
ــــــــــــــــــــــــــــــــــــــــــــــــــــــ
عله وجهك طحت وتلوج  من كل صفحه تتوجع
تصيح شلون وانت بحال  صوتك انت ماتسمع
تريد تگول انه حسين        بس الچلمه ماتطلع
شيطلعها اذا ريجك        يترسه اتراب من تبلع
خنجر نبتوه بچلاك           الرمح ابجبدك اتربع
چريم اتضيف النبلات  التطب صدرك فلا ترجع

سيوف ارماح فوگ اسهام بالجبهه حجر نايم
يلمسلم الحياة الروح وسافه  انت موسالم

تعبوك  حيل ماضل بويه عندك
تعبوك  من التعب نمت اعلخدك
ــــــــــــــــــــــــــــــــــــــــــــــــــــــ
حار السيف كلش چان         والي اتتعب امثلم
يحز ابمنحرك والآخ              بينه وكلنه نتألم
اثنعش عدلات اعدنهن  واسمعه يصيح وتحزم
تسلم كلها الا حسين           الا حسين مايسلم
بهلحضه ابتده الدخان     يترس رية المخيم
منعدها عرفنه نروح         سبايه وكلنه نتشتم

الصدگ لحضات بس سنين مدري شلون مامتنه
بكثر الشيب الطلع ليها  تيهناها عمتنه

تعبوك  نسو انت منهو جدك
تعبوك  من التعب نمت اعلخدك
ــــــــــــــــــــــــــــــــــــــــــــــــــــــ
لعنت الله على الذباح  احتار شلون يلچمنه
اخوجن مات اخوجن مات  كلساعه ويگلنه
يصيح وين اخت عباس  طلعوها ويشتمنه
عباه محنيه مچويه      بس مهيوبه عمتنه
يضربنه ويعتنه حيل   و تجري دوم دمعتنه
من نسكت يجي ملهوف  وبراسك يأشرلنه

راح حسين وعگب حسين كلها ازلام تتمرجل
عكب عباس متعوبات بطريج الشام نتبهذل

تعبوك  من الهضم ممرود چبدك
تعبوك  من التعب نمت اعلخدك
تعبوك تعبوك

مصطفى الحمداوي

جدمي لو عنك يزل  ردني بحجاية عتب
فدوه ادبني بعتابك  انت امامي وانت اب
بگلبي ختعيش المجالس
خلني اعشكك مثل عابس
ــــــــــــــــــــــــــــــــــــــــــــــــــــــ
مديت جفي بعتبك  انه الذليل المسكين
امنيتي تقبلني عبد  خدامك اخدم يحسين
لاريد جاه ولاغنه   ولاريد صيت الصوبين
يكفيني يحسين انعرف  يدور رضاة ام حسين

هنيالي  وابالي       كاعد بس حضرتك
يكفيني يحسيني    اموت ابخدمتك

والله لو يسألني منكر  من اموتن بالگبر
انه منهو مااجاوب  تكفي لطمات الصدر
منكر اليوگفلي حارس
خلني اعشگك مثل عابس
ــــــــــــــــــــــــــــــــــــــــــــــــــــــ
مولاي خادم بأي صفه موشرط شاعر رادود
المهم گلبي ينصدع    لمن يمر طاري الجود
كل باب لابد ينغلق    وهيهات بابك مسدود
ونعرفه مكروه الحزن  بس انت حزنك مريود

بچيني  وخليني  ليلي ما انام
حزمني  وارزقني  جمره امن الخيام

خلها بس بيك السوالف   ياملح كل الحچي
بالنهار ابجي عليكم   وليلي هم يكضي بچي
بلبچي خليني فارس
خلني اعشگك مثل عابس
ــــــــــــــــــــــــــــــــــــــــــــــــــــــ
علمني يحسين الادب  للمجلس من اتعنه
اسمع جروحك والحجي الماداعي ماسمعنه
ميهمني ياهوه القره      ولا منه لو مو منه
ماطول يقرالك اذن      راضي جنابك عنه

علمني  ادبني  ومشيني عدل
شخصيتي  وعلى نيتي  وبفطرة طفل

بلهفه اتعنه واجيله وانثر دموعي نثر
امي بحسين ومصابه تلولي اليه من الزغر
تدعي امي من تهامس
خلني اعشگك مثل عابس
ــــــــــــــــــــــــــــــــــــــــــــــــــــــ
كل حب يجي يوم وخلص ويصير مو بمچانه
بس انت عشگك سيدي بالموت يبقه ويانه
بثوب الخدامه بالگبر  الاملاك تتلگانه
والزهره تتعنه وتجي هنيالنه وترعانه

شمحلاها  نلگاها   الزهره بالگبر
تطمنه    تلبسنه   قمصان الخضر

بعالم البرزخ تجينه بالخدم مية هله
بلا حساب الجنه الكم  يلبچيتوا لكربله
نكشخ بسود الملابس
خلني اعشگك مثل عابس
ــــــــــــــــــــــــــــــــــــــــــــــــــــــ
ياسيدي اخر طلب  اطلب ودمعي ابخدي
طول العمر ياسيدي ابابك اضل مجدي
ارزقني من جمر الخيم  كون من اضلن وحدي
من بالي ميروح النشد  بياديره صار المهدي

ابجيله   واشكيله  حدما انغمي
مرسالي  للغالي   بشط العلگمي

بالظرف كاتبله چلمه عن معاناة الضعينه
چنه زينب گلبي ينشد ابوصالح هسه وينه
انطره اباب المجالس
خلني اعشگك مثل عابس

مصطفى الحمداوي

شال سيفه وعالنهر عباس غار
ومن هطر سيفه الخوذ جدحت نار
گلب يمنتها على اليسره ويگول
انه ابن حيدر ووارث ذو الفقار

سيفه مصايب  يسوي العجايب
وبسطرته   ايوكع الشوارب
من والده رس  من سيفه يهمس
فنه التكلم       الكل يمه تخنس

من عيونه لعيونه   بكل صفحه يلگونه
هو رعديد  هو صنديد

ابا الفظل ياعباس
ــــــــــــــــــــــــــــــــــــــــــــــــــــــ
حيره حيرها الگمر بيها يحوس
عله وجوه القاده بجدامه يدوس
ايترهدن من يطب مشيه اعلهون
ماذره اچفوفه يعوج بيها طوس

طگته عجيبه   الخزره مصيبه
من البعيد   الشارد يجيبه

مر سيفه حنظل   بكل طگه يثگل
سيفه مطيره     وعالرگبه هطّل

واللاحه بالسطره  يگطع بزر بزره
هو رعديد هو صنديد
ابا الفظل ياعباس
ــــــــــــــــــــــــــــــــــــــــــــــــــــــ
ابمحضره الزامط يجي وحلگه يشگ
ويعوج الدرعه اعله صدره من يطگ
الميت ومامش اثر بي من الفقار
بلمطهم داسه اخو زينب وميت منسحگ

كلمن جزه اعليه     ميت يخليه
والمنه شارد       بخزره ينهيه

زعله حلاله       بسيفه جماله
بتابوته يرجع    كلمن دناله

والخزرته عيونه   ميت يلاگونه
هو رعديد    هو صنديد
ابا الفظل ياعباس
ــــــــــــــــــــــــــــــــــــــــــــــــــــــ
(البراءه) لون يم زينب گعد
(الذاريات) الحب يطشهن والسعد
بس بلمعارچ تشوفه بالنزال
(القارعه) و(الزلزله) وصور(الرعد)

لحسينه يقره      يفديله نحره
عضدك نشده      بالخوه يقره

سورة وفاها       بالطف قراها
علشط ادينه      من گطعاها

(يانون)(ألم نشرح)   ذبحهم اتذبح
هو رعديد  هو صنديد
ابا الفظل ياعباس

مصطفى الحمداوي

طبها عراچ المنايا وربها
اوداعتج يازينب الا اگلبها
انا العباس  انا العباس
ـــــــــــــــــــــــــــــــــــــــــــــــــــــــــــ
خويه كض سيفك ودرعم عاليزامط بينه
احنه بزرت علي احنه ومحد يلاگينه
اتوسط الحومه اليزامط وينه صيح وينه
گبل لاراسه تگصه كون تشلع عينه 

يازلمه وطالع من مگفه الزلمه
صده بعينك خلي يگلب حرمه
من تغتاض الراس براس اتردمه

ضل راس براس يطگ بيها  (رباط)
انا العباس انا العباس
ـــــــــــــــــــــــــــــــــــــــــــــــــــــــــــ
صرفن اردانك وحوّل صيح مامش عطوه
رمحك اعله الجيش اريده يالگمر يتطوه
مثل لوي الحبل سيفك عالرگب يتلوه
اعليهم اكلبها بحيث الروس تصبح جوه

الشارد من سيفك بعيونك مده
افرك خشمه ودوسه واسطر خده
مارايد عمره الوياك اتحده

خزرات عيونك چتاله  (رباط)
انا العباس انا العباس
ـــــــــــــــــــــــــــــــــــــــــــــــــــــــــــ
مثل حيدر هد عليهم والمعسكر طره
جيبه من اليمنه بيدك واكلبه عليسره
الماتلوحه انت بحسامك لوحه رد بلسطره
آنه ابن قالعه لخيبر آنه ابن الزهره

اخبطها وبيدك ارجع صفيها
وخليها القاده اتيه رجليها
ثامن اعجوبه بيهم سويها

ضل يطبگ خيل وخياله (رباط)
انا العباس   انا العباس
ـــــــــــــــــــــــــــــــــــــــــــــــــــــــــــ
غيم وازعل واغضب خلي سيفك حامي
وارتجز بالطف عليهم صيح هاي ايامي
النهر راسه ادوسه وانه الراوي الضامي
موش ازرك لونه يصيح لونه احمر دامي

آنه العباس وياهو يلاويني
ازغير الماي ومايترس عيني
نظرات عيون حسين الترويني

من ماي عيونه مرويني (رباط)
انا العباس انا العباس
ـــــــــــــــــــــــــــــــــــــــــــــــــــــــــــ
دبچ اعله الروس اريدك والخشوم اتذلها
وتشك حلگه الكال زينب آنه الا أوصلها
هالزلم نسوان اريدن بالخزر حولها
الشريعه ومايها انطر للخيم تسحلها

يزماط حسين ومفخرته بگاعه
يلسيفك صور الله ويوم الساعه
يالطولك هيبه وطكتك طرگاعه

فوگ احصانه بس رجله اتخط(رباط)
انا العباس انا العباس




مصطفى الحمداوي