نزلة الليله السادسه ... الانصار


صولاتهم صولة اسد .... وفو للحسين العهد
حي الله الانصار ........ حي الله الانصار
_____

أليوث المسنايه
رفّت الهم رايه
صافيه امصفّايه ... بيها ريحة عنبر

بالحرب راحتهم
والدرع كشختهم
يا هلا ابهيبتهم .... بيها ريحة عنبر

چلماتهم مثل الشهد ... وفو للحسين العهد
حي الله الانصار ....... حي الله الانصار
_____

بالحروب القاده
للشدد ردّاده
صارو امن الساده ...... ما مثلهم واحد

أعقولهم مفتونه
بالعشگ مجنونه
كلش ايحبونه ...... ما مثلهم واحد

ايعشگونه حيل امن المهد ... وفو للحسين العهد
حي الله الانصار .... حي الله الانصار
_____

جلّ من سواهم
بس عشگ تلگاهم
للابد ذكراهم ......... مدرسة كل عاشگ

القارعه ابصولتهم
الزلزله ابفزعتهم
الواقعه ابيمنتهم .... مدرسة كل عاشگ

واسيوفهم نِعم السند ... وفو للحسين العهد
حي الله الانصار ..... حي الله الانصار
_____

للوغى عُشّاگه
تنتظر لملاگه
اسيوفهم براگه .... تنتظر هالساعه

العاشر ومصباحه
نزلو اعله الساحه
بالحرب مرتاحه .... .. تنتظر هالساعه

والشافهم خاف او شرد ... وفو للحسين العهد
حي الله الانصار ....... حي الله الانصار
_____

چن صگور او لاحو
للعساكر راحو
ياعلي من صاحو ......... بچو اچم شارب

سيل چنهم هدّو
بالمناحر حصدو
للرسن من شدّو ......... بچو اچم شارب

ألآف واحدهم حصد ..... وفو للحسين العهد
حي الله الانصار ...... حي الله الانصار
_____

عابس اوبن ضاهر
طاهر ابسد طاهر
بالمعاره اتفاخر ........ كلمن ايگول آني

آنه بيدي الصارم
بالمعارك فاهم
وين هاي الوادم ......... كلمن ايگول آني

والي سمعهم رد گعد ... وفو للحسين العهد
حي الله الانصار .....حي الله الانصار
_____

ع المنايه اتغالب
للشهاده اتطالب
واليموت الغالب .... للاجل تتسابق

سبعين چنهم آيه
والحسين الغايه
وفازو الوفايه ..... للاجل تتسابق

ابكربلا چانو مدد ....... وفو للحسين العهد
حي الله الانصار ...... حي الله الانصار
_____


ابو فاطمة الطائي

نزله /او مقدمه
عهدوالله ما نسينه. .يا فاطمه الحزينه


لحسين هذ بجينه.
مثل الدينه علينه
آه يمصابه حجينه
بالمجلس هم سجلينه. .يا فاطمه الحزينه



هذا الموالي يصيح.
على حسين الذبيح
عالغبره دمه يسيح
بالحجرضربو جبينه. .يا فاطمه الحزينه




عالخيم مشبوحه عينه
بالخيمه شاف سكينه
تنادي يا بويه انولينه
عكبك يغالي انسبينه .يا فاطمه الحزينه



زينبج اليله وحيده
لا كافل ولا عضيده
انسبي للغرب البعيده
وبالاحبال مكيدينه. .يا فاطمه الحزينه



آه من ناده. .المنادي
وين زينب بت الهادي
جتال اخوي الحادي
ولغرب تتفرج علينه . . يا فا طمه الحزينه


نادت املاك السمه
على حسين ولاطمه
وحيد مسه الضمه
لا ناصر اليحضر يعينه. .يا فاطمه الحزينه


ملا احمد السالمي

نزله من وزن العكيلي المولاتي زينب ع

يا طف اشهد زينب نصرك
يا طف اشهد زينب نصرك

يا طف اشهد انته وشانك
بيا صبر اتحير عنوانك
اكتب وعلن حق ميزانك
عليك الشاهد يا طف دهرك



شكتب عن زينب يا أحرف
واني العنها أعجز ما اعرف
كون الها من دموم انااذرف
حتى أبصر والحق اناادرك



ملحد كل من شاتم زينب
بت الكوثر هيه إلااعذب
يعني بنار الخالف ينذب
حق الحاكم هوه المدرك



صح بالطف نادت يا ويلاه
بس موقف زينب ماننساه
ذلت كل طا غي و تتحداه
نار اصبح يا طاقي كبرك


نلطم ونعزي المضلومه
بت النعرف كلها اعلومه
وخت حسين اليوجع يومه
يا شيعي افديها كل عمرك



تكرم زينب الوا لاها
ترعه البالمجلس واساها
بت حيدر هوه الرباها
من خدمته ينور كبرك



نقسم زينب ما ننساها
ونحس احنه انعيش وياها
والخالق هوى العلاها
يالتكرب والله احنه انحذرك


ملا احمد السالمي /٣/٢٨/٢٠١٨/

(نزله للعقيله زينب ع )

زينب نادت يا بوفاضل
زينب نادت يا بوفاضل
....................................
هاي أخت الي ما يتوصف
بت باب الله أ عرف ونصف
ثوره على العدوان العا صف
فاز الي يندبها وماضل
.......................................
زينب نادت عباس حضر
شلون الزينب شِمر ينضر
صعب ِ يأ لم هذا المنضر

عالغبره عباس. الباسل
.....................................
يا لما واحد شاف خيا لي
مسبيه و من عكبك تا لي
حال المذبوح صبح حالي

عكبك يا عباس الكافل
.....................................
هاي اختك بالغربه وحيده
ويا لعيله ولسفره بعيده
لا عباس. ولا. أعضيده

ابحيره ولدمع الهامل
...................................
زينت للطف هيه لمتحف
زينب يعني هيه المصحف
يم كبرج نوصل لونز حف

وبراية عباس الكا فل
...................................
اليحضر مجلس يوم العشره
ويجري دموعه البن الزهره
وي زينب يا رب تحشره

شيعة حيدر حيدر كافل
......................................
ملا احمد السالمي
10/4/2017/الإثنين

نزله
حسيناً واحسيناً واحسيناه
،،،،،،،،،،،،،،،،،،،،
يحسين بحزن مجلسكم نحضره
وماننسى الذبيح من الكفه نحره
ما ننساه وما ننسى سلب خدره
من مثلك وامك فاطمه الضعه
،،،،،،،،،،،،،،،،،،،،،
يحسين انته حبل الله الأمر امرك
عجيبه شلون مخلوق اليحز نحرك
عجيبه انته يحسين شكبر قدرك
صبر ايوب ولا نوح اليهل دمعه
،،،،،،،،،،،،،،،،،،،،،،
ياهو بالخلك هز مهده جبرائيل
محمد انته يعني هذا بالتأويل
ومذكور انته عنوانك بالانجيل
يحسين النكر خاين كل وضعه
،،،،،،،،،،،،،،،،،،،،،،،
يضل محفوض بسمك سيدي القران
يعني الدين كله أنت ورضا الرحمن
دليل انت تضل الكل شخص حيران
يحسين العدل بيك نعرف صنعه
،،،،،،،،،،،،،،،،،،،،،،
مني كال محمد عالحسن وحسين
فرض انتم على آلامه مثل الدين
بأمر الله على الاسلام ميتعينين
لا بد من امر يحسين الك رجعه
،،،،،،،،،،،،،،،،،،،،،،،،،،،،،،
ملا احمد السالمي

نزلة عزاء ليلة الإمام القاسم عليه السلام

ياجسام. يبني صول عليهم
ياجسام. كوم يبني افنيهم
****
ياعَرِيسْ الحومه. كوم واشهر سيفك
ذود عن احسينك. وإعمل بتكليفك
يبني هاي اعدائك اخذ منهم حيفك
عزمك من الكافل. خل تصد تخويفك
ياجسام. الموت شو راويهم
ياجسام كوم يبني افنيهم
****
ياخضار وكمره. صحره هاي الحومه
تلگط انت الفارس. يبني ضَيّع اعلومه
بچيّ هاي اعدائك الظهر شَوّفَهْ انجومه
الحسن عاد وجاهم من تصد ارسومه
ياجسام بس جثث خليهم
ياجسام. كوم يبني افنيهم
****
ياشجاعة حيدر منه وارث زوده
الشمر لو صدالك يبني خلص جنوده
الحومه اگلب بيهم خلها ساعه السوده
هذا حيدر هذا. من يصل لحدوده
ياجسام. والعده اتبچيهم
ياجسام. كوم يبني افنيهم
****
يبني لو گربولك. ابد لاتتوازه
بكيفك اذبح هذا. وخلي ذاك جنازه
ايي ذخرتك اني. والوكت بي عازه
عمك اشما يتعب. صير إله عکازه
ياجسام. انت الإتلاويهم
****
عمرك إشما يزغر ابد ميفهمونك
مادروا من حيدر. ماخذ انت فنونك
ماتغر الكثره. ازغيره بين عيونك
والدليل بهذا. فنهم إيلاونك
ياجسام. يبني لتهم بيهم
****
ياحياتي وروحي. يبني ياجسامي
مثل ام الكافل. باجر ارفع هامي
بالحشر اتفاخر. وانت هم كدامي
لاقي جدك طه. مثل عمك ضامي
ياجسام. لمن اتلاگيهم
****
تمت ولله الحمد/ المقصر مع الحسين
علي النائلي

سيف مسلم نادة وينك يعباس
حي الله عم السادة وينك يعباس

---------
حانت الساعة الاخيرة والكلافة اتريدك
والشدايد ادري بيها يابو فاضل عيدك
كربلة امن الكوفة تبدي ولاتضحي بايدك
تنكطع عاشر محرم بس يحير عضيدك

الجرح انت ضمادة وينك يعباس
الحرب تهوة السادة وينك يعباس
---------
صاح سيفي يابو فاضل فزعتك معروفة
يلة شيل الراية بيدك واعتني للكوفة
جن علي طب للحرايب طبتك موصوفة
اقوة فارس لو يشوفك ينذبح من خوفة

خلها تبجي القادة وينك يعباس
الحرب تهوة السادة وينك يعباس

--------
لو دنة وكت الكلافة صولتك ابديها
الكوفة من يشتد حربنة ترجف نخليها
ازعل ولو تزعل ادري دنيتك تمحيها
سيفك يغازل ركبهم والحرب ننهيها

الجيش نمحي اعدادة وينك يعباس
الحرب تهوة السادة وينك يعباس

---------
احنة تربات ابو الحملة كلهم يعرفونة
الحرب تعشكنة وزلمها فنهم يلاكونة
اكو واحد زلم يكتل لو خزر بعيونة
يلة ياعباس افزع فزعتك مضمونة

الوفة عندك عادة وينك يعباس
الحرب تهوة السادة وينك يعباس

---------
سيفي وحدة يابو فاضل والحرب بجاها
وكون هد وياي سيفك جان دم سواها
يبن عمي العندة مثلك حقة من يتباها
غيرتك لمن اركز حيدرية الكاها

سيفي خط امجادة وينك يعباس
الحرب تهوة السادة وينك يعباس
---------

الشاعر سيد معتز الحسيني

#قصيده_لشهر_محرم

#قصائد_العباس_ع

#نزله_زنجيل


ـــــــــــــــــ ❁ ❁ ❁ ــــــــــــــــــ

للصعبه اطـب .. سـوح الحرب
عــنـــوانـــهــــا
ـــــــــــــــــ ❁ ❁ ❁ ــــــــــــــــــ


اقسم وحك رب السمه
وضلـع الزچيـه فاطمه
الگــاع افيضها بــدمه
عباس انـــه والموزمه

ابــن الولي .. تشهد الـي .. فرسانها
للصعبه اطب..سوح الحرب..عنوانها

ـــــــــــــــــ ❁ ❁ ❁ ــــــــــــــــــ

لمـن يـرف بــيـدي العـلم
محــد وصــل يـم الخيم
عباس انه وراعي الشيم
مـن مهرتي تخاف الزلم

تركض ركض .. لمن اكض .. اعنانها
للصعبه اطب..سوح الحرب..عنوانها

ـــــــــــــــــ ❁ ❁ ❁ ــــــــــــــــــ

مثـل الاسد يـم النهر
وكبالي فن واحد عبر
چنـي علي لمـن اكــر
شافوهن نجوم الظهر

لمـــن اهــد .. تشرد شرد .. فرسانها
للصعبه اطب..سوح الحرب..عنوانها

ـــــــــــــــــ ❁ ❁ ❁ ــــــــــــــــــ

انـه الگـمــر اذبـح ذبــح
واعله الارض دمهم طفح
سيفــي يمـر مثـل الشبح
مـا همـه ليــل ولا صــبح

ابــن الفحل .. انــه بطل .. ميدانها
للصعبه اطب..سوح الحرب..عنوانها

ـــــــــــــــــ ❁ ❁ ❁ ــــــــــــــــــ

زينب يخيتي بت علي
بس گولي كلمة كافلي
يدروني انه ابن الولي
بــزود الكفيــل ادللي

زينب فخر .. مــن تفتخر .. بخوانها
للصعبه اطب..سوح الحرب..عنوانها

ـــــــــــــــــ ❁ ❁ ❁ ــــــــــــــــــ

جاسم والاكبر مـن يهد
ويــه الگمر مـاظل احد
صاحو يحيدرنــه المدد
من عدهم الموت ارتعد

للحومه اجو .. من حاوطو .. اركانها
للصعبه اطب..سوح الحرب..عنوانها

ـــــــــــــــــ ❁ ❁ ❁ ــــــــــــــــــ

كلمات
عـباس فـاضـل الـشمـري

دخيلك ياعباس دخيلك ياعباس

.....................................................................
من هجم عباس ترعد صارت

وروح ابو فاضل عليهم فارت

اليمنه من اليسره بيهم دارت

الروس تلبد مدري تشرد حارت



الجيش مكبل كلهم ايلاكونه

و الشرد مات بخزره من اعيونه



ايهز ايده وما ندمان ويهوس اعلميدان
.....................................................................
الكمر يحتر من يشيل الرايه

راح صوب النهر وشل مايه

وجثث خله فوك المسنايه

لزينب انا ما ارد احجايه



لو برز عباس واشتد حيله

واليلاكي الكمر صاح ادخيله



وجفه يروي العطشان و يهوس اعلميدان
.....................................................................
هاشمي ومن يبرز ايصفيهم

ولو غضب عباس يسطر بيهم

وصه سيفه كله لا تخطيهم

صار يلهب نار و ايجويهم




جفه مايخطي اليصير اكباله

و خاله كضه وجره من اعكاله


وسيفه يلهب نيران ويهوس اعلميدان

.....................................................................
ياهو كال حسين ما ضله ولي

صاح صوت وصوته بيهم يعتلي

ها انا العباس وبجفي علي

سيفي يكطع روس وايشر الي



من يصيح بصوت ويرد ليهم

ابو فاضل صاح من يحميهم


سوه بيهم طوفان ويهوس اعلميدان

.....................................................................

زينب اتكله لو جاني الشمر

كلها انا واكف وزلمه اليمر

اليوم اغيمها وخل تمطر جمر

والحومه بعيوني اخزرها خزر



كلها زينب انتي اتعرفيني

من زغري وانا محد ايلاكيني


الكمر مو ياهو الجان ويهوس اعلميدان
.....................................................................


لخادم الزهراء ابو فاطمه المالكي

#قصائد_محرم_الحرام
#نزال

نزله لقمر العشيره ،


كلشي يروحلك فدوه ،
الفرات ومايه هم يروحلك فدوه
يهيل وريحتك ترست اخيام حسين
يا نخوه ، ، ،
يضرغام الكلايف جابتك لبوه
الف فدوه

- يعباس امن اسولف بيك عمرين ،
- فلا اوصفك يبعد عيون الحسين ،
- احب دبچة اجدامك بالميادين ،
يبو فاضل _ يبو فاضل
____
كضت شاربك نعمه ،
زلمه الخلفك ينعد بلف زلمه ،
يماي بزود چفك طلع صيت الماي
يا چلمه ، ، ،
يوميه احمد الله بشوفتك نعمه ،
الف نعمه ،

- يعباس الگمر ناوشته ضويات ،
- يبن حيدر يشيال الكلافات ، ،
- مگيوله اليخلف زلم ما مات ،
يبو فاضل _ يبو فاضل ،
____
طولك ينرسم خيمه ،
يابو السالفه الحلوه الخلگ هيمه ،
سواد بشاربك تارس عيون الليل ،
ياشيمه ،
تارس بالي حچيك يابعد حيلي ،
يبو الخيمه ،

- يعباس السوالف بيها چم راي ،
- طولك ماي ما عطشانه للماي ،
- ازغير الطف يهيبه وچفك هواي ،
____
عمرك چم سنه وزينب ،
يابو عيون نعمه السولفك يتعب ،
عطر هدومك مچلب بريتي امتاع ،
يمرتب ، ،
ترسملي الشمس طولك واجيك اركض
يفي زينب ،

- يعباس الحچي الگدامك انباگ ،
- الله يعين مشتاگ اعله مشتاگ ،
- خذت مني الحنين چفوف الفراگ
____
عينك ع الخيم هيبه ،
ايحركها الهوه وتتكركح الشيبه ،
ملاگه تريد منك روحي موش وداع
لو غيبه ،
واتمايز بطولي اشراع اجيك اركض
يبو الهيبه ، ،

- يعباس الحچي المهيوب وياك ،
- يعباس العلم لاگ اعله يمناك ،
- يعباس ارد اشوفك ترهب اعداك ،
____

- علي مهدي المالكي

#قصائد_محرم_الحرام
#نزله

نزله للعباس بن علي ع


بيدي شايل ، _ الورده عبد الله
يحچي سيفي ، _ ويگعد اسم الله
- خل اهدن رگبه رگبه وارد ،
- اگضي منهن حته الاعب عبد ،
يحچي سيفي ، _ ويگعد اسم الله
________
هل رايح
شويه وارجع بس اجيب النهر
عطشانه
سكنه گالت وانه عمهه الكمر ،
عبد الله ،
عمي من تضحك ضحكتك فخر ،
وبزودي
راح اهد ليلي وينام السهر ، ،

عندي باچر _ هده بدويه ، ،
سيفي گوه _ يلحگ اعليه ،
عندي چم رگبه اركضلهن واهد
اگضي منهن حته الاعب عبد ، ،
يحچي سيفي ، _ ويگعد اسم الله
________
چف ايدي ،
راح احط ايدي اعله عين الدهر ،
هداتي ، ،
كلهه غفله وچنهه هدت مطر ، ،
الگدامي ،
بعده ما واصل عباتي انهطر ، ،
وبسيفي ،
راح احط صطره اعله خد النهر ،

هسه تبدي _ وباچر اگضيهه ،
العركه سهله _ وانا راعيهه ، ،
امن ارجع ازرع بالمخيم ورد ،
اگضي منهن حته الاعب عبد ، ،
يحچي سيفي ، _ ويگعد اسم الله
________
للخيمه ، ،
راح اجيب الماي اموت الضمه ، ،
بچف ايدي ،
اترفرف الرايه وتلوح السمه ، ، ،
انخاني ، ،
بس الي تلوگ المن الموزمه ، ؟
وبروحي ، ،
عزبت روحي اعله ابن فاطمه ،

بيهم اركض _ عيني عالخيمه ،
خاف اشوفن _ عطشت ايتيمه
كلمن وخيله ابدي بيهن حصد
اگضي منهن حته الاعب عبد ،
يحچي سيفي ، _ ويگعد اسم الله
________
عالشاطي ،
راح اذب چفوفي واچوي الظهر ،
واتباها ، ،
اسمي كافل زينب ام الخدر ، ،
واتنومس ،
حيلي من القادر المقتدر ، ،
حشميني ،
وابدي بيهه من العصر للفجر ،

بيدي سيفي _ يركض گبالي ،
خل يجيني ، _ الگلي يا خالي
عيني تضحك وابدي بيهم حصد
اگضي منهن حته الاعب عبد ،
يحچي سيفي ، _ ويگعد اسم الله
________

علي مهدي المالكي ،

من برز عباس كالاها الحسين
جاء نصر الله والفتح والمبين

حي على خير العمل   اخو العلويه نزل

*

دخيل بختك يابو فاضل ...طشريته باجمعه
ثكيل سيفك بالمعارج ....وحده جنه القارعه
كحيل اعرفك من تطبها ....وانت وحدك واقعه
النهر منك بده مايه ......وكام طم المشرعه

فوت ودبج بيها وكسر حيلها
زودي زودك يالمشمر خيلها
 
اليوم والدين اكتمل
اخو العلويه نزل

دخيلك يا ابوفاضل

*

تجوي عنيك بالمخازر ..... ياالبعينك ارتوي
لاتثني الطكه خويه .... الحره كلتلك جوي
هاشمي باصلك اعرفه .....وبيك شمرات بدوي
حان دورك للكلافه  ..... ويالله جويهم جوي

كض رسنها وغير يابو الهيبه
الشط اريدك للخيام اجيبه

الجيش من عنده جفل
اخو العلويه نزل

دخيلك ياابوفاضل

*

يالتعارك كله مكبل  .... ماتطك من الكفى
الكاع صرخت يابو فاضل  .... كافي سديت الهوى
الماوصل يمك تطشر .... مات من طكت الوى 
صغير خلاس الكناطر  ...وهسه فارس نينوى


تيه الجيش وكسر كل سيطره
هذا عباس البرز لو حيدره

جنه حيدر لو حمل
اخو العلويه نزل

دخيلك  ياابوفاضل

*
النهر من جفه يتراجف .... لمن كض اجروفه
الزلم لبست شيل منه ....مايضل ليشوفه
نزل عزريل ويكله .... الموت يمي وعوفه
باوع العزريل نضره ....ومنه صارت خوفه

الجيش صاح ادخيل يابو سكينه
موش بيده بريشته يلاوينه

وعاد جن يوم الجمل
اخو العلويه نزل

****

علي غسان

نزله/ دكت ابواق الحرايب 


دكت ابواق الحرايب      حي حي اعله القتال 

حشم العباس الأكبر            يالله يالله للنزال

*

صرخة العباس جنها         نفخه بالصور وصدى 

حيرت كل العساكر                   شتت كل العده 

ابو فاضل من تحزم               نار يجدح ساعده  

مشهد الغيره ابو فاضل         منهو ينكر مشهده 


جسدوا أروع بطوله         علي وعمه بالنضال 

حشم العباس الأكبر               يالله يالله للنزال 

*

من تكابل علي وعمه       والله صارت مجزره 

شافوا الاكبر يقاتل           كالوا الطب حيدره 

لازم ايمين المعاره          وعمه ماخذ ميسره 

اثنين جنهم اسد خيبر         جنها ردت خيبره 


هم شجاعه وهم بطوله      علي شايل هم جمال 

حشم العباس الأكبر               يالله يالله للنزال 

* 

دكو اعلان اعله خيمه        علي الأكبر والعلم 

الرايد الموت ايتدنه           خله يكرب عالخيم 

علي الأكبر شال سيفه     وابو فاضل حط سهم 

اترادمت خيل ويه خيل     ولبست الخوف الزلم  


كمر هاشم وابن اخيه        حيروا أعظم سؤال 

حشم العباس الأكبر              يالله يالله للنزال 

* 

ابو فاضل صاح زينب      انتي بس حسبي العدد 

كطم الروس ابيمينه               بعد عباس اوعد 

يذبح ورتله آيه                      قل هو الله احد 

يقره فاتحته اعله روحه     الطاح بيده وما شرد 


حته ملج الموت حيا       ابو فاضل عالمنال 

حشم العباس الأكبر           يالله يالله للنزال 

* 

خادم اهل البيت عليهم السلام 

زيد الشمري

نزلة عزاء

نازل بهيئة غضب موت يحصد بالرگب
ها علي لو حيدره مدري سبع الگنطره
****
صوفر وجوه العساكر من لزم صمصامه
علي واليدنه عله سيفه وعلي يشطر هامه
ماجت الارض وخزرها حين شد لثامه
اعلن الحرب وبداها العده تحت اقدامه
ماكو واحد يعبره مدري سبع الگنطره
****
تربيه عباس هذا ومنهو يكدر يصرعه
النچر بيهم برزله بلايا راسه رجعه
سوه تله من جثثهم وكف چنه القارعه
صغير ميدان العساكر گام بيده يوسعه
العده كلها محيره مدري سبع الگنطره
****
علي الاكبر ماتراجع سيفه يگطر بس دمه
والدمه من الذبحهم وصلت لسابع سمه
علي هذا لومحمد مدري حماي الحمه
شاف حين اللي تلفت اله تدعي فاطمه
شاف تدعي الطاهره مدري سبع الگنطره
****
إومت لزينب يمينه ونبض عرگ المرجله
وصاح ياعمه لعيونچ والله اگلب كربله
الماي شنهو الماي عمه بزودي والله اوصله
چفي حين اللي اترسه الإاغرگ هالفله
لعمته داير ناظره مدري سبع الگنطره
****
حاوط الطف بجهاته من محاور اربعه
شاف منظر من اجاها الزلم گلها مكبعه
خوف يلزم خوف گاموا الركضه بيهم مسرعه
الماشرد رجليه رجفن بيه حلت فاجعه
جفه موت وساطره مدري سبع الگنطره
****
تمت ولله الحمد / المقصر مع الحسين
الشاعر علي النائلي

نزله للخدام الامام الحسين عليه السلام
....
شما يقسي الضلم ... بجفوفي القلم
عشقي كربله ... وديداني اللطم
@@@@@@@@@@@@@@@@@
اصبحت بيتي المئاتم واللطم عندي فرض
صدري لو ما اضربه اني المن امشي اعله الارض
الدمعه هم صارت وسيله الله خلاها غرض
دمعه تنزل عالزجيه دوه وتشافي المرض
عندي معتقد ... خادم للابد
الدمعه نازله ... ديداني اللطم
@@@@@@@@@@@@@@@@
كلمن بدينه اعتقاده كلمن بحزبه حله
واني سئلوني اعله حزبي كلت حزبي كربله
حللت دمي حسيني انتمي لهل القافله
وقائدي حسين ومامي وفتخر بين المله
دمي ينتمي ... لحسين الابي
اسمي بقافله ... وديداني اللطم
@@@@@@@@@@@@@@@@@
كلمن بدوره وخدمته وكلمن بشخصه امتثل
ذاك قاري وهذا شاعر وهذا يقره المستهل
بمئتمك خلي احترامك يمشي بحساس الخجل
وخلي قانون اعله بالك لكل فعل رده فعل
تحضر مئتمه .. تسجلك فاطمه
عالي المنزله .. وديداني اللطم
@@@@@@@@@@@@@@
اخذ من جون الرساله وخذ من عابس درس
بالمواقف اخذ درسك والدرس عزه نفس
بالطفوف اليله ماتوا تره ما ماتوا أمس
واليعاشر هالمئاتم ملك بحساسه يحس
تحس انته الملك .. حسين مدللك
دوم اعله العله .. وديداني اللطم
@@@@@@@@@@@@@@@@
ويه الحسين امشي خادم مثل خط المسطره
بس تزل انته بطريقه توكع والله ليوره
احكم واشوف اختيارك وشوف نفحه كوثره
الجان للشيطان دربك لا تجي يم منبره
اليكصد منبره.. . ايرفعه تره
وسمك سجله ... وديداني اللطم
@@@@@@@@@@@@@@@@@
الخادم النيته سليمه حسين اسمه مسجله
هذا عند حسين اجره مطفي خيمه بكربله
المخلص نشوفه بخدمته تشوفه دوم اعله العله
لو نخه حسين وكفيله ما يضل بمعضله
اليزور القمر ... ميدوس الجمر
والجنه اله ... وديداني اللطم
تمت الحمدالله
خادم الحسين// علي فيصل الكريطي الكربلائي
@@@@@@@@@@@@@@@@

للحومه طبوا اثنين واحدهم ايساوي الفين
عباس طب عالميسرهة واليمنه صارت لحسين
…................................................
ام البنين الصابره كالت احجايه بمفخره
اولادي من ايطبون عالموت تتلازم سره

طبوا الحومه الفرسان صارت زلمهم نسوان
عباس كص روس الحجو ضلت اكباله الخرسان

ماي اعلا كلبي مو جمر ام البنين وافتخر
منالكافل ايفوح العطر لو صد على اخيال احسين
.........................................
صاحو هلا وميت هلا انصاره كلهه امعدله
الموت من عدهم شرد من طبوا ابنص كربله

بحسين شدوا مو حزم كالو ابد ما ننهزم
اليتنخه بحسين ويطب جيشين ابد ما ينلزم

شفت الحجي الماينعقل كلمن ايلاويهم يذل
لو صاحو اه يا بالفضل ماتلكه وادم عدلين
...........................................................
بالنفهه صارو جن كلب وكت الحرب صارو حرب
كتلوهم بحبك علي ماكتلو الكوم ابضرب

اليجبل معادي مايرد ياهو التجهبه مستعد
مودوم ظلو للحرب وكت النفاهه جن ورد

يتبخترون اعلا الموت يتكطع الراد ايفوت
مو سيف ينطك بصوت وتكتله خزرات العين
…....................................... .............
من طبوا الوان السمه خافت وصارت مضلمه
مو سيف بيده وبالحرب سجيل مرمي امنسالمه

طبلهم وثاره الضلع ضل صوت الابره ينسمع
اليتنفس اكباله نفس منالركبه راسه ينشلع

صاحوا ادخيلك عباس ضل ناس تردم بالناس
ضلوا جثث وبلا راس من هد عليهم البين
.........................................................
طبوا وصارت مجزره مثل النهر بس دم جره
عالموت سووا اصطفاف كلمن ايحصل عالسره

حسين طب لو بالفضل كل خزره واحد ينكتل
ماندري ياهوه الطاب ماضل ولا واحد عدل

الوادم اتكول العباس شافو لهب من الراس
يكتل الكافر باحساس تيهوا بين الصوبين
..................................................
اتنختهم ام الاربعه سد صاروا اعلا المشرعه
كالت الكافل مايرد اله وجفوفه امكطعه

سووا ملاحم عالنهر جن خططوا اجمل صور
ما رجفوا بس الزلم لا رجفوا حته الصخر

سكتوا وابو فاضل كال عالغبره حط سيفه وجال
اكباله ماضل رجال سكتوا ولاچن عدلين
................................................
علي نبيل الكربلائي

زنجيل

ساعة الكض ابو الغيره اعنانها
الحومه كلها اتگنطرت فرسانها

صال بس من صال جدفها الرجال
بكيفه ضَل يطبك اليمنه اعله الشمال
اشحال لو طب ابو فاضل بل نزال
الزلم صاح اتبين ابميدانها
الحومة كلها اتگنطرت فرسانها

شهر سيفه وگام يتخطى الالووف
بخزره مو بسحلاح خربطها الصفوف
چنه حيدر مو بوفاضل بل طفووف
ما يثني اوطگته ابنيشانها
الحومه كلها اتگنطرت فرسانها

چلف ذرعانه ولزم بيده العلم
ابنص ركبهم سيفه ضَل يلهم لهم
صاح هذا انه ارد اشوفنها الزلم
اكعدت خله الزلم وي نسوانها
الحومه كلها اتگنطرت فرسانها

اتعنه للشاطي وعلن ساعة صفر
چنه زلزال ونزل بيهم يكر
بسيفه كلهم شافو انجوم الضهر
صاحو ادخيلك كمر عدنانها
الحومة كلها اتگنطرت فرسانها

ضهضب العباس من طب للنهر
مني كلهم وين تنطون المفر
خله وجه الكاع من سيفه انفطر
ادموم صارت عَل نهر سيلانها
الحومه كلها اتگنطرت فرسانها

نزل ملك الموت مسرع للأرض
عشره عشره اروح ضلن بيهن يكض
وبوفاضل ضل يطگ طول بعرض
صاح ملك الموت يا رحمانها
الحومه كلها اتگنطرت فرسانها

ل الشاعر _ابو اسد البزوني

نزلة ليلة عاشر
خل تصول اخيولهه** جلمه احنه انكولهه
احنه حيل الله الثكيل** خل تصول اخيولهه
.......................................................
بني هاشم احنه صولتنه اشكثر معروفه
من تجينه الهاشميه الزلمه والله اندوفه
لسه حرب النهروان امخليه بيهم خوفه
يومنه ابعاشر محرم خلي كلهه اتشوفه
السوه هيج ابراسه*** انشلعه هوه وساسه
بينه زود من الكفيل** خل تصول اخيولهه
...................................................................
ما رضينه ابعار لا ذل كلهه تعرف بينه
الشجاعه اتفور بينه وهالدرب ماشينه
اليدك ويانه راسه نكطع احنه اسنينه
الموت عاده والاجل ببيوتنه امربينه
الشهاده الهايه**** عدنه اجمل غايه
والصبر كلش جميل**** خل تصول اخيولهه


اليمس حسين باجر نكطع احنه اذويله
واليخاف ايروح يمنه احنه ليه نمشيله
مثل صياد الاسود ابخده جف نهديله
باجر ايصير الصباح وكلمن ايشد حيله
الحومه نتعناها***** وهاي نتمناها
حيلنه ابهايه طويل***** حل تصول اخيولهه
.....................................................................
باجر الفارس تشوفه من يكض اعنانه
زفه للقاسم نسوي غصبآ عله اعدانه
اكلاده من روس الزلم حالف يضل نيشانه
زلمة الزين التشوفه ايخلي راسه ويانه
الهاشمي ايعرفونه** غيرته بعيونه
ابسيفنه اعليهم نميل*** خل تصول اخيولهه




خطة الكافل نصبها النه واحنه اجنوده
ما نسيتو الكنطره الشالاهها فوك ازنوده
جوهرتنه اهنا مخيم ياهو يدنه احدوده
بالمعارك عدنه صوله وهاي هم مشهوده
عدنه موعد باجر**** نرضي بيه الخاطر
والنصر من الجليل***** خل تصول اخيولهه

علاء المياحي
الفاتحه لروح والدي

قصيدة للإمام الحسين عليه السلام
تقرأ نزلة...
طورها : ملا باسم / يبوفاضل يعباس


يحبيبي حسيناه نور عيني حسيناه
««««««««««»»»»»»»»»»

خادمك ممنونك .... بالعشگ مجنونك
مااعيش بدونك .... اي وحگ عيـونك
يحبيبي حسيناه نور عيني حسيناه
«««««««««««»»»»»»»»»»

حبـك بـدلّالـي .... ياحسيـن الغــالي
عاشگك للتالي .... انت بس تحـلالي
يحبيبي حسيناه. نور عيني حسيناه
«««««««««»»»»»»»»»»»»»

اغله من كـل ناسي .... عـايش بانفاسي
يالشغلت احساسي .... انت رفعة راسي
يحبيبي حسيناه. نور عيني حسيناه
««««««««««««»»»»»»»»»»

نـوّرت دنـيــــايــه .... كل وكت ويّايه
ترضه عني الغايه .... كل حياتي بهايه
يحبيبي حسيناه. نور عيني حسيناه
«««««««««««»»»»»»»»»»»

آنه عنـدك خادم .... وبمحبـتـك هايم
يدري الله العالم .... بهذا حبي الدايم
يحبيبي حسيناه. نور عيني حسيناه
«««««««««»»»»»»»»»»»»

ياحسين اتباها .... بخدمتك محلاها
والله ماانسـاها .... للحـشــر ويّــاهـا
يحبيبي حسيناه. نور عيني حسيناه
««««««««««»»»»»»»»»»»

الرادوا يمنـعــوني .... خلهم يسمعوني
شحدهم يبعدوني .... انت نور عيوني
يحبيبي حسيناه. نور عيني حسيناه
«««««««««»»»««««»»»»»»

اعتـنــي بمصـابك .... انحني يم بابك
اسجد عله عتابك .... اهوه شمّ ترابك
يحبيبي حسيناه. نور عيني حسيناه

خادم الإمام الحسين عليه السلام
سيد زيد الفحام 22/6/2017
____

نزلة ... لسان حال ام البنين عليها السلام


خل العلم بيدك.
لا تترك عضيدك
ياعباس ياعباس


ام البنـيــن امـك أنه بچفـوفـي ربـيـتـك
طيب وشجاعه ومعرفه يوليدي غذّيتك
لنصـرة اخـوك بكـربله ياروحـي ضميتك
حـامـل لوائـه والگمـر آنه اللـي سميـتـك
من تخدم حسيني
يوليـدي ترضينـي
ياعباس ياعباس


امك يبوالغيـره وگمت اتبــاها بوجـودك
بحر الشجاعه والعده ما توصل حدودك
تشبـه علـي لمـن تـهـد بالرايـه وبجـودك
يايُمّه وي زينـب ابـد لا تخلـف وعــودك
بالغيره كافلها
لا واحد يذلها
ياعباس ياعباس


تتكفّـل اختـك زينــب وبالـك تخلّيـــها
طول السفر يابالفضل خل عينك عليها
ما اقبـل اختـك تنهظـم تسمـع يواليـها
ازعل يبوالغيره اذا خصمـك وصل ليها
اختك يبوالغيره
لا توگـع بحيــره
ياعباس ياعباس



من توصل لطف كربله خيمتها تنصبها
وحرسـها من شر العـده ونفـذ مطالبها
زينـب امـانه برگبتـك بالغيــره حجّبها
بالك يسلّبـها العــدو يوليــدي ويسبـها
تحميها بعيونك
وانت اليهابونك
ياعباس ياعباس



يايُمّه عينــاچ ابشــري گـاللـها وتبسّم
آنـه الگمـر مـوت العـده يايُمّه المشيّم
بعيوني احمي ام الخدر يايُمّه لا تهتم
أگلبـها خيـبـر عالعـده والماعلـم يعلــم
گـالتلـه اعرفنّك
گدها ونِعم منّك
ياعباس ياعباس



راعـي الكفـاله والنعِـم بالمـوزمه مجـرّب
بيك ارد اواسي فاطمـة وتحقـق المطلب
افـدي الحسيـن بكـربـله وبدمّك اتخضّب
لجل الحسين عله العده يابالفضل اغضب
من توگع چفوفك
ما انسه معـروفك
ياعباس ياعباس

خادم ام البنين عليها السلام
سيد زيد الفحام
________