دهری اشما بعد سیفه وشربی

وخل یزرع خطر دربی وشربی

حب المرتضی زادی وشربی

اروح وهاذ کافی امتاع لیه

#الشاعر_الکبیر_عزیز_الفیصلی

قناة الشاعر الأستاذ أبو باقر #عزیز_الفيصلي

https://www.tg-me.com/azizalfesli

دهری اشما عله وجهی کفانی

رزق حبک من الباری کفانی

اریدک لو علي لفو کفانی

اضل بحماک یا حامی الحمیه

#الشاعر_الکبیر_عزیز_الفیصلی

قناة الشاعر الأستاذ أبو باقر #عزیز_الفيصلي

https://www.tg-me.com/azizalfesli

انه امسودن شرف مانی شرانی

وعین المدعی ابکیفه شرانی

انه حب الوصی من امی شرانی

عبد مملوک اضل لبن الزچیه

#الشاعر_الکبیر_عزیز_الفیصلی

قناة الشاعر الأستاذ أبو باقر #عزیز_الفيصلي

https://www.tg-me.com/azizalfesli

عرفتک من حضن امی
سریت بلحمی و بدمی
ندبتک وکشفت همی
یاحیدر    یاحمه     الجار

⚜⚫⚫⚫⚫⚫⚫⚜

عرفتک من نبض کلبی   کبل لا امشی لو احبی
أشوفنک اثر دربی..إلی مشعل هدایه
سمعت بأسمک علی تردد..أذان الباالفرض یشهد
مثل مایشهد الاحمد..شهدلک انته آیه
اضل واکف علی بابک
مثل ساءل عله اعتابک
أناشد واسمع جوابک
یاحیدر    یاحمه    الجار

⚜⚫⚫⚫⚫⚫⚫⚜

شمس بیک ابدی ایامی   بدونک ناقص اسلامی
وحک اولیدک الضامی..ذبیح الغاضریه
کطعت دربی بحمل مایل..وحک چفوف ابوفاضل
أنا الخادم أناالساءل..یاحمای الحمیه
لون اتوذر ابحبک
لون اتکطع ابدربک
المهم بس اوصل الکربک
یاحیدر    یاحمه    الجار 

⚜⚫⚫⚫⚫⚫⚫⚜

عشکتک من عشک فطره   بدمعتی وجره حسره
حملت حبک مثل جمره..فلا تطفه بدموعی
اضل بهل جمر الهب..جنون محبتک مذهب
وحک الله وستر زینب..اضمنه بضلوعی
رفعت صرخه بلطم صدری
اخفی ابحبک  نحری
دریت بهل عشک تدری
یاحیدر    یاحمه    الجار

⚜⚫⚫⚫⚫⚫⚫⚜

اهیم ابوادی جنونی  أروح بصفنه ضنونی
نظرتک تغفه بعیونی..فلا افتح عیونی
عشکتک ورفعت راسی..یاحیدر عشکی عباسی
عرفتک بأول أحساسی..یقینی من دمعتی
کتبت اسمک علی وریدی
علی بابک إمد ایدی
وسامی معلک بجیبی
یاحیدر    یاحمه    الجار

⚜⚫⚫⚫⚫⚫⚫⚜

بیانی بهذی تعزیتی   ابایع صادق بنیتی
ولایه حیدره صیتی..أرخصلهه حیاتی
علی لولجلک اتکطع..ولوأشلاءی تتوزع
اخلی الناصبی یسمع..حیاتی انته و مماتی
علی کل دکه من نبضی
صرت بعضی البعضی
أذانی وقبلتی و فرضی
یاحیدر    یاحمه    الجار

⚜⚫⚫⚫⚫⚫⚫⚜

بدایه الما إلک آخر   أمس هالیوم إلی وباجر
أجیک بلهفته الزایر..أذب همی بحضرتک
ردت منک تکربنی..موالی وشیعی تحسبنی
بسجل اصحابک اکتبنی..وتراعینی بنظرتک
لون تحسبنی دخیلک
یضیع اضلالی ابلیلک
علی عیونی أنا امشیلک
یاحیدر    یاحمه    الجار

#راضي_الفیصلي

قناة الشاعر الأستاذ أبو باقر #عزیز_الفيصلي

https://www.tg-me.com/azizalfesli

ودعتك الله وأيست وانگطعت ظنوني
اتنطر ابجيه حلم افرشلك عيوني
عباس ماخذ گلبي .. عباس شوفي ابدربي
عباس متى تمر بيه / 2
🔷🔷🔷🔷🔷🔷🔷🔷
يمه كل ليله من اشوفك تطلع بليلي گمر
وشكثر طلعة جبينك علمتني اعله السهر
هسة اگول شلون بيه وانت بدروب الخطر
هالسمع ميشيل عيني خلافك ويملي النظر
يمه وينك     يمه وينك
يمه وينك     يمه وينك
يالتارس عيوني بخت كل نظره تبرالي
گد ما عشت بيه احس من طولك خيالي
عباس اسأل ربي .. عباس شوفي ابدربي
عباس متى تمر بيه / 2
🔷🔷🔷🔷🔷🔷🔷🔷
صح ذخرتك للعقيلة وانذرت كل اخوتك
گلت چلمة گد حياتك وانته گدها لچلمتك
فخر ليه وصرت امك شيمتني بشيمتك
والاسم والجاه اجاني كله بس من غيرتك
يمه عيوني     يمه عيوني
يمه عيوني     يمه عيوني
نوبه اطل اعله الدرب نوبه اطب دارك
حسراتي من اتهل جمر واتچمل ابنارك
عباس اسمع عتبي .. عباس شوفي ابدربي
عباس متى تمر بيه / 2
🔷🔷🔷🔷🔷🔷🔷🔷
طول دربك طول عمري وانتهي ويه الدرب
يبني كل خطوة الشلتهه لامك بدگه گلب
راح اظلن عود ذابل ناطره بجيتك سحب
كل سهل چان بحياتي صار من عگبك صعب
يمه رايح      يمه رايح
يمه رايح      يمه رايح
ارجع عليه يانبض هلبت ترد روحي
اكسير چفك للدوه امسح على جروحي
عباس زادي وشربي .. عباس شوفي ابدربي
عباس متى تمر بيه / 2
🔷🔷🔷🔷🔷🔷🔷🔷
صارت السلوه بغيابك نوبه احوم وابچي نوب
وهاي عاده وي صلاتي من الصبح حد الغروب
واگفه اعله الباب شمعه احرگ بروحي واذوب
انه الما ايست منك وايست كل الدروب
يمه ابهونك     يمه بهونك
يمه بهونك     يمه بهونك
صورة لچفوفك يا گمر اكبر من ايامي
كلما اطلن من كتر الگاها جدامي
عباس ثمرة تعبي .. عباس شوفي ابدربي
عباس متى تمر بيه / 2
🔷🔷🔷🔷🔷🔷🔷🔷
صدگ يا عباس عگبك بعد ما يسوه العمر
ولو من بعدك اعيش بلضى وخاطر منكسر
ساعة ابچي اويه البچالك واصفن ويه ام الخدر
ومن يمر طلري الچفوف النار بيه تستعر
يمه چفوفك      يمه چفوفك
يمه چفوفك      يمه چفوفك
نومة سبع يم النهر وعيوني اتشوفك
لو ينفتح باب العتب سديته بچفوفك
عباس گاصر عتبي .. عباس شوفي ابدربي
عباس متى تمر بيه / 2
🔷🔷🔷🔷🔷🔷🔷🔷
ردت سلوه عن غيابك بلچن ايخف الونين
درت وجهي للزچيه وحلفتهه بالجنين
گالت اطلبين مني سمعي يا ام البنين
التنسه عباس ابو الغيرة گادرة تنسه الحسين
يمه نايم    يمه نايم
يمه نايم    يمه نايم
يم الشريعه يا گمر نايم على الرايه
هاي الزچيه تخاطبك يوليدي بحچايه
عباس فگدك يسبي .. عباس شوفي ابدربي
عباس متى تمر بيه / 2

#راضي_الفیصلي

قناة الشاعر الأستاذ أبو باقر #عزیز_الفيصلي

https://www.tg-me.com/azizalfesli

اليريد ايلوم خله ايلوم بيه
سودني غرامك مو بديه
ابضميري وروحي        تصيح اجروحي
سودني غرامك موبديه
*
انه من اصياري
لگیتك جاري
عشگ بعروگي

احس بوجودي
گبل مولودي
چنت معشوگي

ملکت احساسي
وشميم انفاسي
ودمعتي وشوگي

اجي ابعاشورك
وأبعراوي اجدورك
اشدن طوگي

ماراید ثواب ولاجزيه
اريدن بس رضاة امك عليه
اشيل الرايه
ابعزه المشايه
سودني غرامك مو بديه
*
اظل يم بابك
انوح امصابك
ودمعتي ابعیني

بين اعلامك
ولطم خدامك
اگضي اسنیني

انه ابتعزیتك
وبچي احسینیتك
اشوفن دیني

وأصف ابدارك
نعل زوارك 
شرف یکفیني

ارید اعلیك ما تنشف دمعتي
وشد اوزار چفية خدمتي  
و احدن قامتي
و اطبر هامتي
سودني غرامك مو بديه 
*
دخيل اعضيدك        عبد لعبيدك
تلفني ابصايتك

اضيع ابدونك          وحگ اعيونك
تراني ابحاجتك

اوزع چايك
وشيلن مايك
عبد بقرايتك

ادوفن ثوبي
وامش اذنوبي
ابنعل مشايتك

شرف ماشوف اكبر من خدمتك
ونعم الله عله افضالة نعمتك
وصيحن دارس       ابحوزة عابس
سودني غرامك مو بديه
*
تراني ابنوحك
وحنين اجروحك
حياتي وموتي

من آلامك
ودموع ايتامك
اصيح ابصوتي

يم شبانك
ودم اخوانك
اذب تابوتي

وآخر یومي
ابسواد اهدومي
احتضاري و فوتي

اگل لهلي یكتبون اعله گبري
الف فدوه الرقيه ايروح عمري
ابيقيي و ديني
اجيك اشريني
سودنی غرامک مو بدیه

#عزیز_الفیصلي

قناة الشاعر الأستاذ أبو باقر #عزیز_الفيصلي

https://www.tg-me.com/azizalfesli

رحميني يا ناگتي~~ مريني صوب إخوتي

وين اطلع اب هاليل ~~ حرمه وبلايه اچفيل

مريني صوب إخوتي

🏴🏴🏴🏴🏴🏴🏴🏴🏴

لاديره عندي ولا اهل وين اطلع اب هالعيله
هذا الدرب رايد زلم هالحمل منهو إيشيله
لا والي ظل من إخوتي يسمعني حته اشكيله
يا صوب شايل هالظعن وطالع بلايه اچفيله

ماله خبر كافلي~~ ابهزله صبح محملي

وعيوني دم إتسيل~~ حرمه وبلايه اچفيل
مريني صوب اخوتي

🏴🏴🏴🏴🏴🏴🏴🏴🏴

شنهو اشوف ٱعله الترب هاي الاجساد ٱگبالي
عندي لكل واحد وصف بين الولد والوالي
مناك منا التفت مهد الرضيع الخالي
وبين الرماد انظر اثر  آحا  يشلة حالي

چم طفله عندي وطفل~~ هذا اهوا ثگل الحمل

شيعدله من ٱيميل~~ حرمه وبلايه اچفيل

مريني صوب اخوتي

🏴🏴🏴🏴🏴🏴🏴🏴🏴

يا ناگه حملي هالثگل يوگع بدمعة خدي
إبلا حادي وياچ اطلعت بيه المصايب تحدي
يا ناگتي من إخوتي هاي الاوصاف العندي
واحد إمحنه للعرس و واحد اليشبه جدي

والله مسية عرس~~ ع الغبرة گمره وشمس

بين الفزع وٱصهيل~~ حرمه وبلايه اچفيل

مريني صوب اخوتي

🏴🏴🏴🏴🏴🏴🏴🏴🏴

خليت اخوتي ٱعله الثرى وهالامس چانوا يمي
اجسادهم متوذره وآنه الم وٱنعى بلمي
اعرف حسين من الگمر ما عندي حيره بهمي
واحد إبريحة والدي و واحد ٱبريحة أمي

اعرف چفوف الگمر~~ وظهر اللي منها انكسر

يستاهلن تقبيل~~ حرمه وبلايه اچفيل

مريني صوب اخوتي

🏴🏴🏴🏴🏴🏴🏴🏴🏴

يرضون اروح اب هالدرب هاي ٱخوتي ماظنهم
لا عيني تندل هالفله ولا روحي تطلع منهم
حشمت بس ما حصلت دفان بس يدفنهم
گوه علي درب السبي گوه ابعدوني عنهم

طول الدرب بس اون~~ ظلوا هلي بلا دفن

وآنه ٱبوجل وإعويل~~ حرمه وبلايه اچفيل

مريني صوب اخوتي

#راضي_الفیصلي

قناة الشاعر الأستاذ أبو باقر #عزیز_الفيصلي

https://www.tg-me.com/azizalfesli

✨ السلام عليك يا عقيلة بني هاشم ✨

انه زینب الشان الشرف من شانی
خــلانـی زمــانـی اشـلـون خـلانـی

***
آنه الی چنت تحلف ابشانی الناس
طاوعت الزمان و هبطیت الراس
عگب اعیون أخوتی احسین و العباس
خلانی الدهر عدوانی ولیانی

***
انه زینب المحد شاهد اخیالی
وعشت طول العمر راسی ابشرف عالی
لمن چان ذاک الگمر یبرالی
حتی الریح عیب انچان یدنانی

***
ما یدنانی حتی الریح بوجوده
أخت عباس سمونی ابفخر زوده
انه امنین ارد چفینه عله ازنوده
و اگله هاذ طگنی و ذاک أذانی

***
ریت أگدر ارد لزنوده چفینه
و ریت أگدر اجرن سهم البعینه
و أگعدنه و اسولفله الجره اعلینه
و اگله اخلافه چیف الدهر عابانی

***
اگله أخلاف عینک یا بدر ولیای
شوف البین یاخویه اشعمل ویای
اصبح ناگتی هزله و زجر حدای
و ایشتم هلی و آنه اسمع ابذانی

***
اسمع شتم ابوی المرتضی الکرار
علهزله یسیره امشیت لیل انهار
تتفرج علینه ادیار بعد ادیار
جدام الظعینه روس خوانی

***

#الشاعر_الكبير_عزيز_الفيصلي

قناة الشاعر الأستاذ أبو باقر #عزیز_الفيصلي

https://www.tg-me.com/azizalfesli

احسین خویه طولیت الــنومه 
امنین اجیلک والطریق ملزومه

**

احسـین خـویه حیرتنی
طیحـتک 
اشلون اجیک اشلون اعوفن عیلتک
گطــعت گــلبی یخــویه نـومـتک 
امنین اجـیک انمنع درب الـحومه

**

احســین خــویه الخــیم ناراموجره 
و لابگه عدنه کفیل و لا ضـره
چـــم یـتـیـم اجــمع وچــم امـخدرّه 
سلـبوهــا الــحرم یــا جـیدومه        
**

احسین خویه اطفالکم عرض الفله 
وتـدری ضرب الصوط ما تتحمّله
شـرد اشاجـف خـویه عـن العـایله 
امتـونی خـویه امدممه ومالومه

**

بگت زینب شکت من عظم المصاب 
ولمـت العیله عگب حرگ الطناب
اشـما تصـیح احسـین مـاتسـمع جواب 
و علثره احسین وصبحته وگومه                
**

آیــه لــوعة لیـــلة الــــحادی عشر 
ابعین تحمی العیله من ذاک الخطر
وعــین للــمیدان مشــبوحه الــنظر 
ولـسمه تمـطر ادمـوع اغـیومه

**

لنهه تسمع صوت وی طرت الفجر 
حضرونـوگ الهــزل شــان الــیسر
ورخصو العــیله اعــله ولــیاهه تمر 
کل فجـیده الولی اتـرید اعلومه

**

های من گامت تگع نوبه و تگوم 
وذیـچ بلـحومه مثل طـیرالیحوم
ایــدورن ولــیانهن بین الـــجسوم 
وکــل بــدرغـیر الحرّار رسومه

**

وصـلن الجـسم الـولی اربات الدلال 
بس جسد من غیر راس اعله الرمال
الـیهز جــــبرائیل مهــده ابلاضـلال 
بلشمس ولـحر هجـیر اسـمومه

**

آه مــن شــافــنه جــسمه اعله الثره 
ودمه یشخب من اجروحـه ومنحره
حــجـــة البــاری وابــن خـیرالـــوری 
عـاری حـته امسـلبین اهــدومه

**

اتگلله زینب خویه جینه انودعک 
ولـوبدیــنه انغسلک وانـشیـعک
غـصبن اعـلــینه نـخــلی مـصرعک 
ونمشی للـشام وتجـیک اعـلومه

**
اتوادعت زینب من احسین الضمد 
وکـل فـجیده اتـوادعت مــن الـولد
صـاحـت آنه اوداع ضل عندی بعد 
العل شریعـه هـامته مجـسومه

**

مـن الحـومـه اتـمشـت ابذاک الخطر 
امدوهنه وتنـشد عله درب النهر
اتـصیح یاهـلناس مـاشـفــتو گــمر 
طاح من سابع سمه اویه انجومه

**

#الكبير_الشاعر_عزيز_الفيصلي

قناة الشاعر الأستاذ أبو باقر #عزیز_الفيصلي

https://www.tg-me.com/azizalfesli

چنت مثل الصگر یشلي مخلبای
الدهر ریشه اعله جنحاني مخلبای
حچی الغیر یاصاحـب مـخلبای
یخل حیـلی الاخـو لو گطـع بیـــه

ابو باقر عزیز الفیصلی *

أعت بیهه و تعت دنیای وجّـار

و چانون القضا بحشاے وجـار

ما فرّقت بیـن الأخـو وجـار

عنـدي اختي واخـت جاري سویـه


عزیز الـفیصلي #

قصائد العيد


1- ما العيدُ عيدٌ وأعيادُ الهداة غدتْ
مأتماً عندهم مما بهم فعلوا

ما العيدُ عيدٌ وآلُ اللهِ مالهمُ
من دولةٍ والى أعدائهم دولُ

ما العيدُ عيدٌ وأركانُ الهدى هُدمتْ
بقتلِ أفضل هادٍ وهو ينتفلُ

ما العيدُ عيدٌ وبنتُ المصطفى هتكو
حجابها وعليها بيتها دخلوا

ما العيدُ عيدٌ وسبطُ المصطفى حسنٌ
خيرُ البريةِ بعد المرتضى خذلوا

ما العيدُ عيدٌ وقد راحت مقطعةً
بالسُمِ احشائهُ لما دنى الأجلُ

ما العيدُ عيدٌ ومن بيتِ النبوةٍ
قد سارَ الحسين فلا مأوى ولا نُزُلُ

ما العيدُ عيدٌ ورزءُ السبطِ اثرَّ
في قلبِ الموالين جرحاً ليس يندملُ

ما العيدُ عيدٌ وصدرُ ابنُ النبي رقى
عليه اخبثُ رِجسٍ وهو ينتعلُ

شعبي:

شلون يصير العيد عيد وحُجة الله ما ظهرْ
شلون يصير عيد وحيدرْ براسه انطبرْ
شلون يصير العيد عيد وضِلعْ بنت طهَ انكسرْ
ولطم خدها وحملها طاحْ من عصرة البابْ
شلون يصير العيد عيد وكربلا تجري دمهْ
والشهيد حسين ذابتْ مهجتهْ بحر الظمهْ
وجثته بحر الاعادي والسيوف مهشمه
وجثته فوگ الترابْ



جديد

بويه العيد اجاني انا بيا حزن والعيد إجاني
مصابك يبو الحملة دِهاني
فتَّ ارويحني وهدّم اركاني
زِرَع بيه المصايب والاذِّية

العيد موش هلال ويهِل
العيد والد حاضن الكِل
تِزهِي سِمانا بيوم يجبِل
واليوم وحشة فگده تگتل
فگد اللابو يالوادم يشّل

تگله يا عيد اطلبك طُلبه إرجع
جيِّتك إلي ما عاد تنفع
لمات ابوها شلون تهجع

إجانا العيد ريته العيد لا جانا
لأن غايب ابونا لكان ملفانا
صرنا احنا ايتام وخالي مجانه
تحت فيّه يلِمنا جان خيمتنا


2- انا الحزين فليس العيد يطربني
كلا ولكن يوم العيد يبكيني
فان تباشر بالاعياد كلهم
فها انا صار ذكر العيد يؤذيني
عيد يمر وقومي كلهم نزحوا
عني به ذاك بالاحزان يكسوني
فكيف افرح في عيد به فقدت
أحبة لي في البلوي تواسيني
عيد يهيج أحزاني ويثكلني
ويضرم النار في قلبي ويكويني
إني ذكرت بيوت المجد حين مضي
عنها كرام الوري ياقوم فاعفوني
فهل لنا بعده عيد به فرح
وآله بين مثكول ومحزون
ابكي الامام امير المؤمنين فقد
قضى بسيف لعين وابن ملعون
هوى بمحرابه والدم خضبه
وراح ينعاه جبريل بتعلين
اليوم والله اركان الهدى هدمت
بقتل اعظم شخص كان للدين


العيد مجبل والحزن زايد عليه
عاينت دار المرتضى من خليه




موﻻتنا زينب (ع) ﻷمير المؤمنين(ص)

العيد اجاني شلون بالعيد
ياهو ﻷحب ايده يا صنديد
بويه هاي اليتامى منك تريد
تلبسها بيدك ثوب الجديد
يومك يبويه ان شاءالله بعيد
.
العيد :

جروحي عليك ما تنحسب وبعيد
وتيتمني بليالي القدر وبعيد
عسن يومك يبويه يروح ابعيد
تظل انت وتجي ليه المنيه


ضوه بدارك يابويه ما شعلنا
وليل جفاف گلبي ماشعلنا
باجر عيد وانت ماشي عنا
بصباح العيد لنصبلك عزيه


بويه شلون بيه وباجر العيد
ومنهو ليكلي عليك مبارك ايام
تسع تيام وانت البيت
مجبور ابقى بس اشوفك بالاحلام
--------------
يا كلبي على العافت بعد وين
ومثل كلب الابو الكى بعد وين
شال بعيد سلوتنا بعد وين
سكن بارض النجف وابعد عليه
---------------
علي يلما تهچبك زلم تنصاب
وعليك امن البواچي اعبار تنصاب
مآتم إلك يوم العيد تنصاب
او منك أصبحت دارك خليه

يوم العيد :
يا احسب اجروح الگلب ياعيد
وعليه الدهر بالحسبات ياعيد
ماريدك تجينه وتهل ياعيد
لان حيدر علي حدر الوطيه

العيد :

ابويه علي حلو الجهامه
وحلوه على راسه العمامه
وفقده ابوسط قلبي علامه
وشلون بنعيد يتاما
ماظنيت ايظلن حيل بيه

زينب تون ونه شديده
اشمحلا ابويه يوم عيده
ادخل عليه واقبل ايده
وانا لابسه اثيابي الجديده
وهالعمر بعده مااريده
ولاتدخل الوادم عليه

يا بويَ العيد هالمقبِل علينا
يابويَ للحزِن لا تخلِّينا
يا بويَ مصاَب جَدنا شسوّى بينا
و من بعدَه مصاب أُمنا الزكية
يا بوي و بعد ما هون مكانَه
يا ماي العين و مصابَك لِفانا
يا بوي و القلب زادت احزاَنَه
عليك و دموعنا ظلَّت جريَّه
زينب بكت و الدّمع هماَّل
و صاحت بصوت يصَدْع الجبال
بوي بعيد البلا من الداَّر تنشال
و موحش مكانك يظل يا هلال
أبو حسين ما تمم صيامه
إجا العيد وولاده يتامى


محلا الأبو في العيد لو جمع أولاده ..
و لبسهم الزينه على جاري العاده ..
و رفرف عليهم بالهنا طير السعادة ..
طيب الـﮕللب و تصير عيشتهم هنيه ..
و إحنا أبونا ﮔـبلل عيده بتسعة أيام ..
سافر و خلانا و صرنا بعده أيتام ..
و أفراحنا راحت و صار العيد في الشام ..
باﭼر الناس معيده و إحنا بعزيه ..
باﭼر يَخوتي هالمنازل غلـﮕوها ..
و خلوا ثياب العيد أبد لا تطلعوها ..
و أعلام سود على المنازل نشروها ..
و لاريد أحد من هالبلد يدخل عليه


⚫️ اجانه العید لاچن جیته اشلون
⚫️ والوادم تجی الدارك یعیدون
⚫️ شگول وچفك الینباس مدفون
⚫️ علي بویه الیتامه وین یرحون
⚫️ وجدید الثوب ما عدهم یلبسون

راضي الفيصلي


(لسان حال زينب ع بعيد الفطر)

الكون الليله بحيره
مولد راعي الغيره
يافرحة زينب وأعضيده
بمولد راعي الغيره ♥♥

حيدر جايب هالبشرى
ويتبشر بيها الفراس
بشر زينب~ يا زينب
هالليله يصير العباس🌷

هذا الكافل هذا اعضيدچ
هذا  اليرفعلچ  راس
هذا احزام اخوانه~ بزوده~
ويوگف قمه ونبراس🌷

مسند بيت الهادي
تچايه الكل اولادي

صاح الإيثار بتمجيده
مولد راعي الغيره♥♥

اجمل من يوسف وأدهى
وشمس الله وبين الخدين
لو  جن الليل اتلالي مابين
اجبينه اهلالين🌷

هذا يساويني بزوده
وچن ميزاني عين بعين
يا زينب نادي اعضيدچ
خل يحضر يم مهده حسين🌷

خلي يشوف اچفوفه
يتبسم من إيشوفه

يدعي الباري ويرفع ايده
بمولد راعي الغيره♥♥

مثل السبطين بأفعاله
وينشد ظهري بظهره
امكان المحسن الله
الجابه وينعد ابن الزهره🌷

ياريت احضر كل اسنينه
وعمري يذوب بعمره
انظر روحي بزود افعاله
وياخذ مني الشمره🌷

الخوه اكبر عنوانه
وما يبعد من إخوانه

هذا الموقف الله يريده
بمولد راعي الغيره♥♥

هذا المذخور الصيوانچ
يانعمين المذخور
مو لازم هو ايحاميلچ
يكفي اظلاله الناطور🌷

باچر بالطف شوف اش يعمل
يوكف لخيالچ سور
ميزان الطف كفه اچفوفه
وكفه اشجان بعاشور💔🌷

إمن ايدي يشيل الرايه
ويوگف ع الشاطي ومايه

الله يحبه وجاه يزيده
بمولد راعي الغيره♥♥

راضي الفيصلي

قناة الشاعر الأستاذ أبو باقر #عزیز_الفيصلي

https://www.tg-me.com/azizalfesli

إنت سر الله العظيم
يا صراط المستقيم
ٱنت عصاة الكليم
بعد إعجاز الخليل
ياعلي حامي الدخيل
~_~

ٱنت حد المعرفه
إنت قاموس الوفه
النبي بيك اكتفه
والمبيت اكبر دليل
ياعلي حامي الدخيل _

يا وجود ابلا عدم
وحي اسمك وإنكتم
قاف والنون وقلم
نزل بيهن جبرائيل
ياعلي حامي الدخيل _

إنت سيد الاوصياء
وهدف درب الأنبياء
إنت زهد الأتقياء
ومعرفة رب الجليل
ياعلي حامي الدخيل _

ٱنت ميزان الفلك
وتاج راس الكل ملك
إسمك إنت بس إلك
لا شبيه ولا بديل
ياعلي حامي الدخيل _

الله خص اولايتك
ونصر دينه برايتك
الكون لوما گبتك
من يكضه لو يميل
ياعلي حامي الدخيل _

ما تبالي بالصفوف
خزرتك بيها الحتوف
سيفك إيذل السيوف
فصلت درع الثجيل
ياعلي حامي الدخيل _

ٱنت دربت الحسن
سلمت بيده الرسن
ودفك جوده إعله الزمن
غطه جيلإ بعده جيل
ياعلي حامي الدخيل _

وإرسمت درب الحسين
بين فرض الركعتين
شفت دم الودجين
دم على شيبك يسيل
ياعلي حامي الدخيل _

منك إليوث الثرى
ظهر سبع الگنطره
يوم جال ابعسكره
الگاع هم رادت تشيل
ياعلي حامي الدخيل _

سلمت راية فخر
بيد عباس الگمر
زوده للطف إنذخر
للظعن حامي وكفيل
ياعلي حامي الدخيل _



*الشاعر راضي الفيصلي*

قناة الشاعر الأستاذ أبو باقر #عزیز_الفيصلي

https://www.tg-me.com/azizalfesli

عادة الميت يحضرونه هله
واعله رد الصوت كلهه امهروله
هاذ جايب چفن ذاك ايفصله
وهاذ جايب ماي ذاك ايغسله
وذاك يحفر گبر ذاك اينزله
هاي عاده الما جروها ابكربله
وين اهله احسين ما فزعت اله
ضل ثلث تيام عاري بلفه
وين هاشم وين يهل المرجله
عاد من الگوم خلصو العايله
گبل لاتنشاف بت عقد الوله
راسهه ابديوان أميه اتنزله

★الشاعر عزيز الفيصلي★

قناة الشاعر الأستاذ أبو باقر #عزیز_الفيصلي

https://www.tg-me.com/azizalfesli

حسين يبن أمي تراني ماشيه
راح وكت الراضيه و مو راضيه

١/ حسين خويه ماشية و ليك العذر
تدري ما ظل شور عندي ولا أمر
على چفوفي دارت حبال اليسر
زينب الويّاي صبحت ماضيه

٢/ اليوم زينب بعد مو زينب أمس
انسمع صوتي العد هلي ما ينهجس
*بذرى* الناگه گمت ألوذ امن الشمس
واعله حر الگاع أركض حافيه

٣/ أركض بعرض الفلا أوگع و گوم
للخيم من صار يحسين الهجوم
هاي بيّه تلوذ من سوط اليحوم
وذيچ منِّ النار گد ما حاميه

٤/ أنا الما ينشاف طولي عد هلي
من بعد فيتك و فيّة كافلي
كلها صاحت "هاي زينب بت علي"
وانا بعيني وصيتك ما ناسيه

٥/ حسين خويه بروحي لمّيت البنات
وكل خواتك تبگه عندي مدللات
عهد مني ٱيتامك بحضني تبات
مدلله وٱتنام نوم العافيه

٦/ خويه عنك ماشيه غصبن عليْ
صار بيد الگوم أمري مو بدَيْ
چنت أوگف بالشمس تكسرلي فَيْ
وعفتك بهالشمس جثتك عاريه

٧/ هذا وكت الوفى وجثتك عالثرى
بالشمس أوگف و سويلك *ذرى*
شبيدي يبن أمي خذوني ميسرّه
لٱبن مرجانه و يزيد الطاغية

عزيز الفيصلي

قناة الشاعر الأستاذ أبو باقر #عزیز_الفيصلي

https://www.tg-me.com/azizalfesli

🌷🌹🌴یارقیه ( ص )

++++++++++++!
اجاها ابطیف گاللهه یه بابا
الملگه والوعد آخر خرابا

رقیه لمن اتنام
تفز حلمانه بلشام

الملگه والوعد آخر خرابه


+++++++++++++++

یوم اهدعش عاشور
چتفوهن بلحبال
وحادی هزل النوگ
وی طرة الفجر شال
غدت تتمایل الروس
علیهن لوحمل مال
تمشی ابلا ضره اشلون
شمس وسمومهه ارمال

وزینب توصی بیهن هلله بیچن
دیرن بالچن بس العبیچن

وتسمع حن رقیه
حبلهم گص ایدیه

الملگه والوعد آخر خرابا

++++++++++++++++

اشما طبن خرابا
رقیه اتحاول اتنام
بس اتسلهم العین
علیهه اتهیج الالام
بلچن تغفه والطیف
یجی ایدلیه بلشام
ویگلهه الملگه یایوم
وشضل من الایام

وتگل عمتهه ابوی ابعهده وفای
یعمه وگلی کله الخاطرچ جای

اضل کل لیله اتانی
واشبگه لو اجانی

الملگه والوعد آخر خرابا

++++++++++++++++
: زینب تمشی والگوم
یحچون اعله ابوها
وصوب العایله الروس
عمده ایگربوها
گالو رمدت اعیون
رقیه وعصبوها
كل ما صاحت حسین
یابویه اضربوها

ویحن الراس لو عاين بناته
وتجری ادموعه لو شاهد خواته
ویبره الحال الاطفال
مچتوفه بلحبال

الملگه والوعد آخر خرابا

+++++++++!+++++

موبس هزل النوگ
. اکثرهن یظلعن
واذا یضربهن السوط
بلوادی یسرعن
زینب روحهه اتلوب
خافنهن یگطعن
عینک یاعلی اویای
خواتک لایوگعن

تبره الیا یتیمه آلیا فجیده
سكينه لو رقيه لو حميده

ولتبچی اعله ابوها
ابسوط ایسکتوها
الملگه والوعد آخر خرابا

+++++++++++++++

گدما سچن النوگ
گطعن یاس أملهن
شمس وسمومهه ارمال
متغیر شکلهن
حد الیسر یا یوم
ویردن لهلهن
چم محسن بعد طاح
ونداس ابأبلهن ( برجلهن )

ورقیه اتأملت ماگطعت الیاس
وتانی الطشت لوبس یجی الراس
وتشابگ رقیه
ابوها والمنیه

الملگه والوعد آخر خرابا

+++++++++++++++

طب الحادی بلشام
ورقیه ابحلم چنهه
ابحظن عمتهه والصوت
یلچم جرح اذنهه
هلاهل طرب وادفوف
وهیه بآه ونهه
خرابه وتبره یاباب .
. تفرش بی جفنهه

اجاها وبلطشت من عاینته
ماعنده حظن هیه احظنته

های آخر خرابا
آخربابا بابا
الملگه والوعد آخر خرابه

تمت بعون الله

الاقل
عزیز الفیصلی

رقیـــــــــه اعلـــه الوساده مالگوها
گامـــــو بلخیـــــم یتفگدوهـــــــا
-----------------------------------------

لیل و چل ضلام القاضریـــــــــــــه
لن ضجــــه بحریـــم القاضـــــریه
بــــس لا ضــاعت و تاهت رقیـــــه
و ابغـــربه الهیــــمـه ایضیـــعوها

*****

علیـــهه ایــدورون ابخیـــمه خیـــمه
الدنیــــه مظلــــمه والگاع هیــــمه
بعدهــی امدللــــه ماهـــی یتیـــمه
اشلـــون اتضیـــع بیـــن الدللــــوها

*****

سمعـــو صوتـــهه و رقـــه لحنـــهه
تلـولی و غـافی عبداللــه ابحظنـــهه
بلچــی مــن الربــاب ایــدر لبنهــــه
لــو مای اتحصــل و اتروی ابنـــهــه

*****

یسمـــعــون الدللـــول الـــدللـــول
عـدوک یعــبد اللــه ساکــن الچـــول
یعـــبدالله یلمصــنع یمـــدللــــــول
و یسـمعـهـه اشتگول احسین ابــوها

*****

اجــاهـا و من حظنـهـه الطـفل شالـه
المـهـده وشـاف رقتـهـه اعلـه حالــه
حظنـهـه و غــده ایحــاچییهـه ابدلالـه
و شمحلـه سوالــفهــه اویـه ابـــوها

*****

ابحضـن احسین و اشمحلـه المحـاچی
عمـــر الــورد مــا تعــرف بــواچی
و ابــو السجـاد عیــنـه اعلـه التراچی
یــدری اخــلاف عیــنــه ایســـلبوهـا

*****

وهی اتسولف وهو اعیـونه الحسـنهـه
ورده و الـعطــش،ذبــل غصننــهـــه
وراح ایــزورگ الــصوط ابمتـــنــهـه
و یچتــفهـه الحـبـل و ایـعــذبــوهــا

*****

گــاللـهه عمـامــچ و اخــوتـچ هــای
باچــر تنــذبــح بلــمعرکــه اویــای
و آنـــه ینــذبـح راسـی من اگفـــای
و بلــحافر اضلــوعــی ایـکسـروهــا

*****

اریــد اتــواعـدینـی ابهــل وصـــیــه
عیـــنــچ لا تشــوف الصـــار بیــــه
لـــوذی ابضـــره عمتــــچ یا رقیـــه
تــراهی الحـــرم کلـهـه ایــســروها


*****

یبــویــه الگـوم خــوفی یعــرفــونچ
عــزیـزت گلـب ابـوچ و یضـــربونــچ
یــا بــویـه العـده مــا یـــرحمــونـچ
و اغصــونچ الــترفـه ایــذبــلــوهــا

*****

الــزمـی ابثــوب زینب عمتــچ حیــل
اخـاف اعلـیچ بــویه اتــدوسچ الخـیل
یبــویـه و یـاخذچ ویــضیـعچ الــیـل
و مــا تلـگـاچ عمتــچ لــو خــذوهــا

*****

آخــر نــوبــه هلــلـیله یـبــابــــــا
ابحــضنــی و باچــر ابحضـن التــرابا
فـــرگـه و الـــوعد بــآخــر خـــرابه
اجـه و بلـطشـت لاگـت راس ابــوهـا

*****

والســــلام
للشاعر عزیز الفیصلی

امشی لم عباس نبره الصوره

یوم رد الظعـــــن للمعموره
***
سمعت ام عباس من رد الظعن
للمدینه وبشر ابن حذلم علــــن
زینب ابلا زلم ردت للوطــــــن
وماکو رایه اعله الظعن منشوره
***
الزلم فرعت روسهه وصوب العلیل
ولنسه للنسه جرّت بلعویـــــــــــل
ترکض وتوگع غدت ام الچفیــــل
الخبر چایـــــــد والدرب عاثوره
***
اتگوم ام عباس بلرکضه وتگع
اتصیح بسک یا بشر گلبی انگطع
بللـــــه گلـــــی یا هو ابزینب رجع
عگب ابوالیمــــه الشمس وبدوره
***
ترکض وگامت تصیح اویه الیصیح
احسین یبنی احسین یبنی یا ذبیـــــح
وین زینب بلخبر تحچی الصحیــــح
یمـــــــه یا بت فاطمــــه ما جوره
***
اتعــدت ام عــباس مـــن زینب تره
وتنشد النسوان یا هـــی هلمره
یعنی زینب ها کثر متغــــیره
وها کثر من هلسفر مکسوره
***
هیــــه دلت روحهه الأم البنین
اتگلهه حگچ ما أجیتی اتشاهدین
اثمنطعشهم گبل عینی امگطعین
وآنــــــه من بلد البلد میسوره

للشاعر عزیز الفیصلی

احسین خویه طولیت الــنومه 
امنین اجیلک والطرق ملزومه

**

احسـین خـویه حیرتنی
طیحـتک 
اشلون اجیک اشلون اعوفن عیلتک
گطــعت گــلبی یخــویه نـومـتک 
امنین اجـیک انمنع درب الـحومه

**

احســین خــویه الخــیم ناراموجره 
و لابگه عدنه کفیل و لا ضـره
چـــم یـتـیـم اجــمع وچــم امـخدرّه 
سلـبوهــا الــحرم یــا جـیدومه        
**

احسین خویه اطفالکم عرض الفله 
وتـدری ضرب الصوط ما تتحمّله
شـرد اشاجـف خـویه عـن العـایله 
امتـونی خـویه امدممه ومالومه

**

بگت زینب شکت من عظم المصاب 
ولمـت العیله عگب حرگ الطناب
اشـما تصـیح احسـین مـاتسـمع جواب 
و علثره احسین وصبحته وگومه                
**

آیــه لــوعة لیـــلة الــــحادی عشر 
ابعین تحمی العیله من ذاک الخطر
وعــین للــمیدان مشــبوحه الــنظر 
ولـسمه تمـطر ادمـوع اغـیومه

**

لنهه تسمع صوت وی طرت الفجر 
حضرونـوگ الهــزل شــان الــیسر
ورخصو العــیله اعــله ولــیاهه تمر 
کل فجـیده الولی اتـرید اعلومه

**

های من گامت تگع نوبه و تگوم 
وذیـچ بلـحومه مثل طـیرالیحوم
ایــدورن ولــیانهن بین الـــجسوم 
وکــل بــدرغـیر الحرّار رسومه

**

وصـلن الجـسم الـولی اربات الدلال 
بس جسد من غیر راس اعله الرمال
الـیهز جــــبرائیل مهــده ابلاضـلال 
بلشمس ولـحر هجـیر اسـمومه

**

آه مــن شــافــنه جــسمه اعله الثره 
ودمه یشخب من اجروحـه ومنحره
حــجـــة البــاری وابــن خـیرالـــوری 
عـاری حـته امسـلبین اهــدومه

**

اتگلله زینب خویه جینه انودعک 
ولـوبدیــنه انغسلک وانـشیـعک
غـصبن اعـلــینه نـخــلی مـصرعک 
ونمشی للـشام وتجـیک اعـلومه

**
اتوادعت زینب من احسین الضمد 
وکـل فـجیده اتـوادعت مــن الـولد
صـاحـت آنه اوداع ضل عندی بعد 
العل شریعـه هـامته مجـسومه

**

مـن الحـومـه اتـمشـت ابذاک الخطر 
امدوهنه وتنـشد عله درب النهر
اتـصیح یاهـلناس مـاشـفــتو گــمر 
طاح من سابع سمه اویه انجومه

**

✒ الشاعر عزیز الفیصلی