Prezident "Ibrat farzandlari" loyihasini eʼtirof etdi

Xorijiy tillarni oʼrgatishga qaratilgan, qisqa muddatda oʼz platformalarida 800 mingdan ortiq yoshlarni oʼzida birlashtirishga muvaffaq boʼlgan "Ibrat farzandlari" loyihasi davlatimiz rahbari tomonidan eʼtirof etildi.

Taʼkidlash kerakki, umidli yoshlarimizga xorijiy tillarni bepul oʼrgatuvchi mazkur platformani Oʼzsanoatqurilishbank faol qoʼllab-quvvatlab kelmoqda. Ayni paytda loyiha tashabbuskorlari bilan hamkorlikni yanada chuqurlashtirish ustida ish olib borilmoqda.

Oʻzsanoatqurilishbank Fargʻona mintaqaviy filiali boshligʻi Qodirjon Erkaboyev Uchkoʻprik tumani hokimi etib tayinlandi

19-fevral kuni boʻlib oʻtgan Xalq deputatlari Uchkoʻprik tuman Kengashining navbatdan tashqari sessiyasida “Oʻzsanoatqurilishbank” ATB Fargʻona mintaqaviy filiali boshligʻi boʻlib ishlab kelgan Qodirjon Erkaboyev Uchkoʻprik tumani hokimi etib tasdiqlandi.

Qodirjon Erkaboyev 1988-yilda Beshariq tumanida tugʻilgan. Fargʻona politexnika institutini tamomlagan. Mehnat faoliyatini 2013-yilda Markaziy bank Fargʻona viloyati Bosh boshqarmasida boshlagan hamda 2021-yilga qadar qator masʼul lavozimlarda faoliyat olib borgan.

Qodirjon Erkaboyev 2021-yil 10-avgustdan buyon “Oʻzsanoatqurilishbank” ATB Fargʻona mintaqaviy filiali boshligʻi boʻlib faoliyat koʻrsatib kelayotgandi.

Biz Qodirjon Nosirjonovichning kelgusi faoliyatida muvaffaqiyatlar tilab qolamiz.

Prezident banklarga nogironligi boʼlgan fuqarolarni ishga qabul qilish topshirigʼini berdi

Bu haqda bugun, 20-fevral kuni Prezident Shavkat Mirziyoev raisligida ijtimoiy himoya sohasidagi xizmatlar qamrovini yanada kengaytirish boʼyicha ustuvor vazifalar yuzasidan oʼtkazilgan videoselektor yigʼilishida maʼlum qilindi.

“Vazirlik va hudud rahbarlariga yil yakuniga qadar barcha byudjet tashkilotlariga 20 ming nafar, banklarga kamida 1 ming nafar nogironligi borlarni ishga qabul qilish topshirildi”,

deyiladi Prezident matbuot xizmati xabarida.

SQB Yangiliklari

Oʼzsanoatqurilishbank Аxborot xizmati bayonoti

Ijtimoiy tarmoqlarda “Oʼzsanoatqurilishbank” АTBga tegishli bankomatlarda naqd pul yechilganda komissiyalar miqdori oshirilgani toʼgʼrisida feyk xabarlar tarqalmoqda.

Bank Аxborot xizmati shuni maʼlum qiladiki, “Oʼzsanoatqurilishbank” АTBda mahalliy (UzCard, Humo) kartalaridan naqd pul berish summadan 1 foizni, xalqaro toʼlov kartalaridan (shu jumladan, kobeydjing bank kartalari) naqd pul berish summadan 1,5 foizni tashkil etadi.

Ushbu tariflar “Oʼzsanoatqurilishbank” АTBning 2023 yil 26 avgustdagi Boshqaruv qarori bilan tasdiqlangan boʼlib, bugungi kunda komissiya miqdorini oshirish boʼyicha hech qanday qaror qabul qilinmagan. (Amaldagi tariflar bilan shu havolada tanishish mumkin)

Аksincha, hozirgi paytda “Oʼzsanoatqurilishbank” АTB tomonidan ish haqi loyihasi doirasida chiqarilgan xalqaro kartalardan bankning oʼz protsessing markaziga ulangan bankomatlar orqali naqd pul yechish summadan 0,4 foizni tashkil qilmoqda.

Bank Axborot xizmati

Tadbirkorlar eksport xarajatlarining 50 foizigacha qoplab beriladi

Oʻzsanoatqurilishbank tomonidan Oʻzsanoatqurilishmateriallari uyushmasi hamda mahalliy davlat hokimiyati organlari bilan hamkorlikda hududlarda qurilish materiallari ishlab chiqarish bilan shugʻullanuvchi tadbirkorlar ishtirokida oʻtkazilayotgan ochiq muloqotlarda davlat tomonidan sohadagi ishbilarmonlar uchun yaratilgan shu kabi qulayliklar haqida batafsil maʼlumotlar taqdim etilmoqda.

Bugun, 24-fevral kuni Nukusda oʻtkazilgan uchrashuvda ham tarmoq tadbirkorlari oʻzlarini qiziqtirgan barcha savollarga atroflicha javob oldilar.

Oʻzsanoatqurilishbank – "SWIFT": chorak asrlik hamkorlik e'tirof etildi

"SWIFT" - Butunjahon banklararo moliyaviy telekommunikatsiya jamiyati Oʻzsanoatqurilishbank bilan uzoq yillik samarali hamkorligi, "SWIFT" dasturiy yechimlarini tatbiq etishdagi sodiqligi, shuningdek, muassasa jamoasi fidoiyligi va professionalligini eʼtirof etdi.

Taʼkidlash joizki, Oʻzsanoatqurilishbank hamda "SWIFT" oʻrtasidagi aloqalar 1998-yilda yo'lga qo'yilgan bo'lib, o'tgan chorak asr davomida xalqaro iqtisodiy munosabatlar barqaror rivojlanib bordi.

Ushbu e'tirof Oʻzsanoatqurilishbankning xalqaro banklararo axborot uzatish va transchegaraviy toʻlovlarni amalga oshirishda muhim moliya muassasasi ekanligidan dalolatdir.

Maʼlumot uchun. Belgiyada tashkil topgan butunjahon banklararo moliyaviy telekommunikatsiya jamiyati (SWIFT) dunyo boʻylab banklarda moliyaviy operatsiyalarni amalga oshiruvchi va vositachilik qiluvchi muassasa sanaladi.

O‘zsanoatqurilishbankda Oliy Majlis Qonunchilik palatasi Sanoat, qurilish va savdo masalalari qo‘mitasi raisi, iqtisod fanlari doktori, professor Nodir Jumayev ishtirokida “O‘zbekiston – 2030” strategiyasi mazmun-mohiyati va uning bank sohasi rivojidagi ahamiyatiga bag‘ishlangan tadbir tashkil etildi.

– Mamlakatimizda har bir soha rivoji bank tizimi bilan chambarchas bog‘liq, – dedi iqtisod fanlari doktori, professor Nodir Jumayev. – Bank kreditlari hisobiga har yili yuzlab yangi zavod va fabrikalar barpo etilmoqda, ularga ilg‘or texnologiyalar jalb qilinmoqda, minglab ish o‘rinlari yaratilmoqda. Shu jihatdan qaraganda “O‘zbekiston – 2030” strategiyasini tatbiq etishda ham tijorat banklari zimmasida muhim vazifalar o‘rin olgan.

Tadbirda, shuningdek “O‘zbekiston – 2030” strategiyasining har bir bandi mohiyatan inson qadrini yuksaltirish bilan birga, xalqaro maydonda Vatanimiz obro‘yini yanada oshirishi qayd etildi.

27-fevral kuni O‘zsanoatqurilishbankda “O‘zbekiston – 2030” strategiyasi mazmun-mohiyati va uning bank sohasi rivojidagi ahamiyatiga bag‘ishlangan tadbir tashkil etildi.

Prezidentimizning 2023-yil 11-sentyabrdagi “O‘zbekiston – 2030” strategiyasi to‘g‘risida”gi farmoniga muvofiq, xalqimiz xohish-irodasini ro‘yobga chiqarish, global ishlab chiqarishning muhim bo‘g‘iniga aylangan kuchli iqtisodiyotni shakllantirish, adolat, qonun ustuvorligi, xavfsizlik va barqarorlikni kafolatli ta’minlash maqsadida uzoq yilga mo‘ljallangan keng qamrovli milliy strategiya tasdiqlandi.

Tadbirda so‘z olgan Oliy Majlis Qonunchilik palatasi Sanoat, qurilish va savdo masalalari qo‘mitasi raisi, iqtisod fanlari doktori, professor Nodir Jumayev ushbu hujjat barcha sohalarda barqarorlik va bunyodkorlikni ta’minlash, har bir insonga qulay imkoniyat, har qaysi xonadonga fayz va to‘kinlik kiritishga xizmat qilishini ta’kidladi.

Tafsilotlar bilan SQB Media markazi reportajida tanishing.

SQB Yangiliklari

Ўзсаноатқурилишбанк Customer Experience Index рейтингида етакчи деб топилди

Senteo халқаро консалтинг компанияси ва Ўзбекистон маркетинг уюшмаси Ўзбекистон ва Марказий Осиёнинг бошқа мамлакатлари банк секторидаги мижозлар таассуротларини уч йиллик ўрганиш натижалари таҳлили эълон қилинди.

Мижозлар таассурот индекси — CEI (Customer Experience Index) ни ҳисоблашга қаратилган тадқиқот натижаларига кўра, 2023 йилда Ўзсаноатқурилишбанк етакчи ўринни қайд этди.

Банклар ва мижозларнинг филиаллардаги ўзаро алоқалари сифати индекси қуйидаги бешта мезон бўйича шакллантирилган:

✅ бренд;
✅ алоқа;
✅ атроф-муҳит;
✅ таклиф;
✅ маданият.

"Бешта мезондан тўрттаси бўйича Ўзсаноатқурилишбанк етакчи бўлди", деб ўртоқлашди компаниянинг Марказий Осиё ва Яқин Шарқ минтақалари бўйича директори Ксения Константинова.

SQB Yangiliklari

“S&P Global Ratings” xalqaro reyting agentligi O‘zsanoatqurilishbank kredit reytingi mamlakatning “BB-” suveren reytingi darajasida ekanligini tasdiqlab, istiqboli “Barqaror” deya baholadi.

Ekspertlar fikriga ko‘ra, bank xizmatlari bozoridagi faollik moliya muassasasining korporativ sektorda mustahkam o‘rin egallaganini bildiradi. Bu, o‘z navbatida, bank kapitallashuvining barqaror kechishiga turtki beruvchi rentabellik va kredit portfelidagi tijorat kreditlari ulushining oshishiga xizmat qiladi. “Barqaror” darajadagi prognoz, shubhasiz, Bank kapitalining yetarlicha miqdorini anglatadi.

“S&P Global Ratings” tahlilchilari tomonidan berilgan bahoga ko‘ra, O‘zsanoatqurilishbank korporativ boshqaruv tizimini mustahkamlamoqda, tavakkalchiliklarni boshqarish vositalarini takomillashtirishni davom ettirmoqda, o‘z mijozlari uchun raqamli mahsulot va xizmatlarni rivojlantirishga sarmoya kiritib, operatsion samaradorligini oshirmoqda.

Bundan tashqari, tahlilchilar bank aktivlari sifati yaxshilanishda davom etishini prognoz qilgan.

Qurilish materiallari sohasida zamonaviy laboratoriya barpo etiladi

Joriy yilning 4-mart kuni “Oʼzsanoatqurilishmateriallari” uyushmasi, Oʼzsanoatqurilishbank hamda sohaga aloqador boshqa tashkilotlar vakillaridan iborat delegatsiya aʼzolari Janubiy Koreya davlatiga tashrif buyurdi.

Mamlakatimizda qurilish materiallari sohasida hamkorlik aloqalarini yanada rivojlantirish, xorijiy davlatlarda ishlab chiqarilgan zamonaviy texnologiyalar, jumladan, ilgʼor laboratoriya majmualarini olib kelib, kaolin xom ashyosi hamda boshqa asosiy turdagi mahsulotlarni laboratoriya sinovlaridan oʼtkazish imkoniyatini yaratishga qaratilgan keng koʼlamli ishlar amalga oshirilmoqda.

Delegatsiya aʼzolari Koreya muvofiqlangan laboratoriyalari (KCL) tashkilotida boʼlib, qurilish materiallari sifati hamda sinov laboratoriyasi faoliyati bilan yaqindan tanishdi.

“Oʼzsanoatqurilishmateriallari” uyushmasi hamda KCL oʼrtasida sinov laboratoriyasini tashkil etish boʼyicha hamkorlik memorandumi imzolandi.

Zamonaviy laboratoriya barpo etilgach, 30 dan oshiq qurilish materiallarining 300 ga yaqin sifat koʼrsatkichlari xalqaro standartlarda sinovdan oʼtkazilishi yoʼlga qoʼyiladi.

Maʼlumot uchun. KCL Janubiy Koreyaning qurilish materiallari va boshqa sohalarda sinov va sertifikatlash xizmatlarini taklif etuvchi nufuzli tashkilot sanaladi. Uning ushbu davlatda 20 ga yaqin sinov laboratoriyasi, dunyoning 6 ta davlatida vakolatxonasi, shuningdek, 30 mingga yaqin mijozlari va mingga yaqin yuqori malakali mutaxassislari mavjud.

👉 O'zsanoatqurilishbank Axborot xizmati yangi loyihani e'tiboringizga havola etadi. Unda hududlarda amalga oshirilishi rejalashtirilayotgan kompleks chora-tadbirlar haqida aholiga oddiy, sodda va xalqchil tilda ma'lumot berish ko'zda tutilgan.

✍️ Loyihaning dastlabki soni O'zbekiston Respublikasi Prezidentining “Qoraqalpog‘iston Respublikasini kompleks ijtimoiy-iqtisodiy rivojlantirish va aholi bandligini taʼminlashning qo‘shimcha chora-tadbirlari to‘g‘risida”gi qarori va unda belgilangan ustuvor vazifalarga bag'ishlanadi.