У 2002 годзе ў піку папулярным расійскім тэлеканалам, БТ зняла свой навагодні фільм — «Навагоднія прыгоды ці Цягнік №1». Па яго сюжэце, у Мінск з Масквы на звышхуткасным цягніку едуць вядомыя артысты, каб зладзіць канцэрт у новым будынку чыгуначнага вакзала. Планам спрабуе перашкодзіць пара бандытаў, але ў іх па выніку нічога не атрымліваецца.

У кіно зняліся амаль усе больш-менш медыйныя на той момант беларусы — акрамя артыстаў і вядоўцаў БТ, гэта Сяргей Міхалок, Ігар Варашкевіч, сёстры Берулавы з гурта «Мантана», кавэзэшнікі з БДУ, каментатар Уладзімір Навіцкі, трэнер Эдуард Малафееў, дызайнер Уладзімір Цэслер і алімпійская чэмпіёнка Яніна Карольчык. З імпартных зорак стваральнікам удалося прыцягнуць Дзмітрыя Харацьяна і Эдзіту П’еху.

Ці памятае хтосьці, каб гэты фільм паказвалі па тэлевізары? Імаверна, ён прайшоў цалкам незаўважаным.

У допісе трымайце некалькі кавалкаў для разумення атмасферы «Навагодніх прыгодаў», а цалкам іх можна паглядзець па спалылцы:
https://youtu.be/dO4Flyz1E_4

Роўна 25 гадоў таму ў Беларусі правялі дэнамінацыю — у старых «зайчыкаў» адрэзалі адразу тры нулі

Самая буйная банкнота ў 5 мільёнаў рублёў прабыла ў абарачэнні менш за паўгода.

Наступная падобная працэдура здарылася праз 16 гадоў — 1 ліпеня 2016-га. Тады рубель дэнамінавалі ў 10000 разоў.

Калі вы забылі, як выглядалі старыя банкноты, то нагадваем вам.