Масавая бойка ў цэнтры Слуцка паміж футбольнымі фанатамі

19 мая 2010 года ў Слуцку праходзіла гульня другой лігі па футболе паміж «Слуцкцукрам» і «Маладзечнам». Перад матчам фанаты дамовіліся на бойку, прычым для яе абралі незвычайную пляцоўку — цэнтральную частку горада.

У выніку ў кулачным баі сышліся каля 100 чалавек: слуцакі і салігорцы супраць маладзечанцаў ды мінчукоў. Пераможцаў у бойцы не было, бо яе даволі хутка разагнала міліцыя. Маладых людзей без футболак пасля ўвесь вечар лавілі па горадзе.

У той дзень затрымалі каля 50 чалавек, усё скончылася складаннем пратаколаў. Гульня, між іншым, скончылася перамогай «Слуцкцукру» з лікам 2:0.

Футбольны клуб «Маладзечна» сёння аформіў перамогу ў Першай лізе і праз 20 з лішнім гадоў вяртаецца ў найвышэйшы дывізіён. Каманда са Слуцка там гуляе з 2014 года.

Эмблемы больш не існуючых беларускіх футбольных клубаў Беларусі

Ёсць заўзятары сярод падпісчыкаў?