‏و بـ اعيد تجربتي معك من بدايتها.

تكلم غنج وتقول وش بالعرب فاهين
سمعتك وانا تالي تنهاتي فححه

بديت اشعر اني لاهرجتي من السالين
مثل ماشعر بالعافيه فاقد الصحه

وتنحنحت لكن العرب كنهم مخليين
تنحناحتً ماهي خليّه من القححه

انا جيت اعايد واتدرى من الزارين
ملاقيف خلق الله تنقد بلا صحه

وتبسمت لو اني هنا بين ناب وبين
تبسامت اللي شايمً والزمن لححه

يابو ناظر الشاهين واطلق من الشاهين
ويابو هرجةً حلوى وصوتً معه بحه

انا كن قلبي بيض خرشا جبل حمرين
من العش حولبه غراب ونثر محه

سلطان بن عادي ..

ياشبه وضحــاً مهي لدون والهين
‏حفالتً ومن الدجر طربختها

‏قنايها ماباعها لو تدين
‏وده يجي مابين الارض وتحتها

مصيونتن ويقولها اللي مصيّن
واكبدي اللي بالغلا ماكلتها

متسنده خواتها ماتَعيّن
ومكمله من رقها وغنجتهاا

كنها توحى للبيد وتحيّن
هزعن قبل تمشي تهول اهزعتها

ماهي تزيّن .. والله اللي مزين
كم خبةً لاجاتها ، زينتهـا

سنامها على الرياشي مقيّن
وكن الغيوم لراسها داعيتها

فردية لو جللوها ، تبيّن
علم عليها الناس طول رقبتهاا

سلطان بن عادي