قصيدة كم لوعة فينا 📝👆

✨خدمة محبي باسم الكربلائي تقدم:
📜قصيدة : صوبني مصابك يالاكبر
✒️للشاعر : جابر الكاظمي
📅: ليلة 6 محرم 1416 هـ
🕌: حسينية اهالي كربلاء - قم المقدسة

صوبني امصابك يالأكبر
▪️▪️▪️▪️▪️
آه يبني وفرحة ايامي
يا نسمة شوگي واحلامي
بيا عين انظر جسمك دامي
طايح عالتربان موذر
▪️▪️▪️▪️▪️
يا زهرة اتعاب سنيني
اگعد باصرني وحاچيني
شلون ابهالحالة تخليني
بين النار وبين العسكر
▪️▪️▪️▪️▪️
جيتك يالأكبر للمصرع
شفتك عالتربان مگطع
ناديتك بلسان المدمع
يبني اعله فراگك ما اگدر
▪️▪️▪️▪️▪️
شلون اگدر اصبر ما ادري
ما ينفع بغيابك صبري
گبلك ريت اتصوب نحري
لا شوفك مگطوع المنحر
▪️▪️▪️▪️▪️
جيتك بدموعي الهماله
شفتك يوليدي بهالحالة
طايح ما بين الخياله
والخيل بجسمك تتعثر
▪️▪️▪️▪️▪️
جيتك واصرخ يا بعد امك
يا وسفه مغسل من دمك
وشلون اگدر انظر جسمك
بتراب الميدان امعفر
▪️▪️▪️▪️▪️ 
عين امك يبني شظل بيها
بس الدمعات التجريها
والآلم التفگد غاليها
حگها تنوح الليل وتسهر
▪️▪️▪️▪️▪️
نبلات مصابك صابني
دوهني فراگك دوهني
ناديتك يالغالي عني
ادري خلافك راح اتحير
▪️▪️▪️▪️▪️
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://facebook.com/m7bebasim
📷Instagram
https://instagram.com/m7bebasem
🎶TikTok
http://tiktok.com/@m7bebasim
💠telegram
https://www.tg-me.com/m7bebasim
📝 Tel : للقصائد المكتوبة
https://www.tg-me.com/bassempoems
📲Whatsapp
0096170873295🇱🇧
00989371659815🇮🇷
*من باب احترام حقوق الآخرين*
*نرجو عدم تغيير روابط الخدمة*
*💠خدمة محبي باسم الكربلائي💠

قصيدة صوبني مصابك يالاكبر 📝👆

✨خدمة محبي باسم الكربلائي تقدم:
📜القصيدة: راس الرمح مجلس
✒الشاعر: احمد العبادي
📅: ليلة 1 ربيع الاول 1430 هـ
🕌: حسينية الرسول الأعظم (ص) الكربلائية الكويت

بكل منحر الشايله .. چم لوعة وشچم جرح
أشتعرض لهل عايله  .. جاوب يراس الرمح
ليا راس أصد يا راس  .. لبن أمي لو عباس
جاوب يراس الرمح
▪️▪️▪️▪️▪️
شحجي وشسولف يارمح  .. عن ياجرح
عن يا هضم بيش أبدي
صعدت شموسك يارمح .. ويه الصبح
كلهن قطع من چبدي
من تصد عيني .. الروس ولياني
والله تاذيني .. لوعة أحزاني
وغير الدمع ما عندي

بس دمعتي الهاملة .. تلهب جمر عالوجن
حسراتي متواصله .. بيها القلب ممتحن
وشيحمل الأحساس .. لبن أمي لو عباس
جاوب يراس الرمح
▪️▪️▪️▪️▪️
ويلي امن أصد ويه الدرب .. ونار القلب
تتلاهب بحسراتي
يتحدى صبري لكل صعب .. تطلع غصب
ما تندفن آهاتي
أنظر وجم راس .. يلوح لعيوني
وأندب العباس .. كافل ضعوني
وعالخد تصب دمعاتي

بين أخوتي أمدللـه .. مهيوبه عفت الوطن
لني سبيه ابفله .. ويلاه يغدر الزمن
وأسمع شتم أرجاس .. لبن أمي لو عباس
جاوب يراس الرمح
▪️▪️▪️▪️▪️
صد يارمح جمر الغضه .. من تعرضه
ابدرب اليسر جدامي
وأنشدني عن ليل المضه .. شلون أنگضه
وأنشدني عن أيتامي
ولا زلم ظلت .. تحرس الصيوان
وبالخيم نهبت .. يالرمح نيران
بس الحرم بخيامي

أشرواني طف كربله .. ما ظل دمع لا صبر
ويا موقف أتحمله .. وشوف الرزايا أشكثر
امن أنظر طفل ينداس .. لبن أمي لو عباس
جاوب يراس الرمح
▪️▪️▪️▪️▪️
رد يا رمح وأذكر أمس .. ضي الشمس
وحسين أخويه اگبالي
لو گتلي عودك مايحس .. منه ألتمس
وأشرح هضم دلالي
دم نحر عباس .. من خضب راسه
لابد النوماس .. حرك أحساسه
وأدري ابنحر كفالي

براس الأخو الحامله .. غيرة وجبل من وفه
وظعن البدر كافله .. حي وأبد ما غفه
ايلوكَ لمن النوماس .. لبن أمي لو عباس
جاوب يراس الرمح
▪️▪️▪️▪️▪️
قر يا رمح بالمظلمة .. ابهالمحكمة
وندري الذنب مو ذنبك
ذنب السفك أشرف دمه .. بأرض وسمه
وبهالنحور أمخضبك
أحفظ الشالك .. وأشهد اعله الصار
وسولف أهوالك .. للنبي المختار
وأنقل مصايب بدرك

أروي الغصص كاملة .. وأعرضها يوم الحشر
سولف لعقد الوله .. وجدامه شنهو العذر
واشتعتذر هالناس .. لبن أمي لو عباس
جاوب يراس الرمح
▪️▪️▪️▪️▪️
جاوب يرمح النايبة .. وشتجاوبه 
الينظر خضاب أبراسك
من يانحر طبعه الابه .. ومن خضبه
وأعرف ذنب حراسك
تدري نحر حسين .. يا نفس شمه
وتدري بالكونين .. منزلة أمه
ومنهن أخذ مقياسك

نحره النبي القبله .. شتريد أعدد شرف
راسه الذكر رتله .. وشفافه تقره الكهف
ودوم الشرف ينقاس .. لبن أمي لو عباس
جاوب يراس الرمح
▪️▪️▪️▪️▪️
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://facebook.com/m7bebasim
📷Instagram
https://instagram.com/m7bebasem
🎶TikTok
http://tiktok.com/@m7bebasim
💠telegram
https://www.tg-me.com/m7bebasim
📝 Tel : للقصائد المكتوبة
https://www.tg-me.com/bassempoems
📲Whatsapp
0096170873295🇱🇧
00989371659815🇮🇷
*من باب احترام حقوق الآخرين*
*نرجو عدم تغيير روابط الخدمة*
*💠خدمة محبي باسم الكربلائي💠

قصيدة راس الرمح مجلس 📝👆

✨خدمة محبي باسم الكربلائي تقدم:
📜قصيدة : محني ظهري
✒️للشاعر : علي الخفاجي
📌 : استشهاد الامام الصادق ع
📅: ليلة 26 شوال 1445 هـ
🕌:جامع وحسينية الرسول الاعظم - بغداد
https://www.tg-me.com/m7bebasim/55316

محني ظهري .. وأنت تدري
ليك أجيت وعفت گبري
▪️▪️▪️▪️▪️
امك الزهره وأجيتك وأنت لعيوني ضوه
أعثر بهول المصيبه وگلبي يم جسمك هوه
گالوا الصادق الليله نحرم من شم الهوه
طايح بسم المنيه ومابقه الهاشم لوه
جيت أشوفك .. شلون أعوفك
لبوالكاظم دمعي يجري
▪️▪️▪️▪️▪️
فاطمه بضعة محمد حايره بهذا المصاب
يبني موبس راسي شيب رمش عيني الليله شاب
عله امك الزهره الزچيه يندفع يوميه باب
كل صبح يفجعها غالي وشافت الوان العذاب
جيت أودعك .. وأرد أسمعك
لاتون يابعد عمري
▪️▪️▪️▪️▪️
من شفت ليل المناحه خيم بجنح الظلام
جيتك أتعثر بهمي وحابسه بگلبي الكلام
تسهر عيون اليتامه لمن اعيونك تنام
شفت روح الهادي جدك حضرت تشيع الإمام
بالمصايب .. والنوايب
يطلع بهليله فجري
▪️▪️▪️▪️▪️
هاي ليله عله الفواطم لا مثلها ماجرت
أردود عيني الي طفوها عليك يوليدي نعمت
صحت صيحة گلب ذايب والوسيعه تلايمت
وآل هاشم هالمسيه للوداع تحزمت
بهذا وضعك .. جيت أشيعك
وما نصف وياي دهري
▪️▪️▪️▪️▪️
حرگ دارك يبوالكاظم چانت أكبر معضله
ركضت اطفالك ييمه ذكرتني بكربله
بيها صرخة گلب خدر بيها سبي العايله
بيها لوعت طفل ضامي بيها نبلة حرمله
والعقيله .. بيا وسيله
تنادي يمه انلسب خدري
▪️▪️▪️▪️▪️
قصتك قصه عجيبه بيها حيرني الدهر
ذكرتني بحال زينب من مشت يم الگمر
تگله ظل حسين بعدك خويه مكسور الظهر
فاطمه بهاي المواقف چم ضلع الها انكسر
واليتامه .. للقيامه
ليها تسعر نار جمري
▪️▪️▪️▪️▪️
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://facebook.com/m7bebasim
📷Instagram
https://instagram.com/m7bebasem
🎶TikTok
http://tiktok.com/@m7bebasim
💠telegram
https://www.tg-me.com/m7bebasim
📝 Tel : للقصائد المكتوبة
https://www.tg-me.com/bassempoems
📲Whatsapp
0096170873295🇱🇧
00989371659815🇮🇷
*من باب احترام حقوق الآخرين*
*نرجو عدم تغيير روابط الخدمة*
*💠خدمة محبي باسم الكربلائي💠

قصيدة محني ظهري 📝👆

✨خدمة محبي باسم الكربلائي تقدم:
📜قصيدة : مابين الطف اْوما بينك
✒️للشاعر : محمد قحطان الرميثي
📌 : استشهاد الامام الصادق ع
📅: ليلة 26 شوال 1445 هـ
🕌:جامع وحسينية الرسول الاعظم - بغداد
🎶طور: #حاضرنه_وماضينه
https://www.tg-me.com/m7bebasim/55337

ما بين الطف اْو ما بينك
يالصــادق رحلــة أحزان
تبدي بيوم الحَز الظالــم
نحر الماي الظل عطشان
مِن المَظلوم ... حتى المَسموم
▪️▪️▪️▪️▪️
رحلـــة من عجـايب كربــــلا تِظهَــر
مِن السيــف مــات بگطعــــة المَنحر
مِن المــاي گلبــــه بالظِمــــه اتــوَجَّر
وصلَــت للنهايــــة الليلـــة يا جعفــر

بس عَقل العاقل وادراكه
بهاي الرحله شنهو يشوف
چبدك هــوَّ الگطَّـع سَمهم
نَحر حسين الحَز اْسيوف
مِن المَحروم ... حتى المَسموم
▪️▪️▪️▪️▪️
رحلــة بيها عِصفَــت عاصِفـــات البيــن
عِشت منها سنيــن الخمســة والستيـن
تنوح بحسرة مِن تذكر مُصـاب اِحسين
ويصب دمعك دِمه يالصادق اِمن العين

مــن تذكــر ناصــر ديــن الله
بلا ناصــر ظــل بالميــــــدان
دمعــك يتفايــض عالظــامي
الفاض من اجروحه الطوفان
مِن المَخذوم .... حتى المَسموم
▪️▪️▪️▪️▪️
أصــــوات العطــاشــه بنينـــوى والآه
بسمعَــك مِن تنــادي المــاي يا عَمّــــاه
تشاهـد صــورة منها تصيـــح واغوثاه
يمين اِحسين عالشاطي اِگطَعوا يمناه

چف التروي الماي اليجري
شلون انگطعت فوگـ الماي
يا هُدهُــد وَصَّــل للحُــرَّه
أخبــار الظـــامي الــروّاي
مِن المالوم ... حتى المَسموم
▪️▪️▪️▪️▪️
عِشر مِعشار حزنك شفته بـ اسرارك
اِعلــه نيــران المُخيَّم ما طُفَت نارك
وِصلَت للمــدينــــة واحتـــرگـ دارك
تعيش الحاله شاءت سيِّدي اقدارك

هم تدري النار بهالخيمة
العيلَـــة وارث ابراهيــم
ما بُردَت ما سِلمَت خَلَّت
بالوادي الآيـات اتهيـــم
هذا المَقسوم ... حتى المَسموم
▪️▪️▪️▪️▪️
بذبح جـدَّك مشـاهــد مؤلمة اتشاهد
على محراب صدره السَّمهري ساجد
والمِحراب چبـدك سَــم غــدُر گاصد
يصلّي والألـم ويَّــه الرُّمــــح واحــد

يا ريت الكوكب لا ضَوَّه
ولا طَــر بالعالَــم مصباح
ورُمح الباري بيوم العاشر
راسه انشال بروس اِرماح
مِن المَهموم ... حتى المَسموم
▪️▪️▪️▪️▪️
من رايــــة كفيــل العايلــــة طـاحت
آيــــات الجـــلالــة باليســــر راحــت
إلك مُهجــة بألــم يا سيـــدي صاحت
وإلك عين اِعله بنت المُرتضى ناحت

بنت الأنزع صــح مسبيَّة
بَـــــس مــــــا ذلَّتهــا آلام
كد كَيــدك نادت بالظالم
لمَّن دخلــت قصر الشام
مِن ذاك اليوم ... حتى المَسموم
▪️▪️▪️▪️▪️
يالصــادق أبــد مــا ينتهي حـزنك
تتفجــر براكيــــن الحِــــزن منَّــك
بهــاي الليلــة لــو يا سيِّــدي ونَّك
سِكن، بيده الإمام الكاظم يدفنك

وبأيــده المعصــوم يغَسلَك
ويدفنــــك تحــــت التربان
يا ويلي اِعله الظَّل عالغبره
لا تغسيــــل اِو لا أچفــــان
ويصب اِدموم ... حتى المَسموم
▪️▪️▪️▪️▪️
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://facebook.com/m7bebasim
📷Instagram
https://instagram.com/m7bebasem
🎶TikTok
http://tiktok.com/@m7bebasim
💠telegram
https://www.tg-me.com/m7bebasim
📝 Tel : للقصائد المكتوبة
https://www.tg-me.com/bassempoems
📲Whatsapp
0096170873295🇱🇧
00989371659815🇮🇷
*من باب احترام حقوق الآخرين*
*نرجو عدم تغيير روابط الخدمة*
*💠خدمة محبي باسم الكربلائي💠

قصيدة ما بين الطف وما بينك 📝👆

✨خدمة محبي باسم الكربلائي تقدم:
📜قصيدة : من بعد هالسنين
✒️للشاعر : حمزة السماوي
📌 : استشهاد الامام الصادق ع
📅: ليلة 27 شوال 1445 هـ
🕌:جامع وحسينية الرسول الاعظم - بغداد
https://www.tg-me.com/m7bebasim/55327

من بعد هالسنين ارد اعيش الالم
كلشي شاف الحسين إلا حرگ الخيم
▪️▪️▪️▪️▪️
بيت جعفر يحترگ ودموعي تجري
جيت من طف كربله وايدي اعله نحري
ما جنت بخيامي من حرگوها ادري
لأن جان الشمر كاعد فوك صدري
ردت اصد للعيال بس منعني السهم
كلشي شاف الحسين إلا حرگ الخيم

▪️▪️▪️▪️▪️
مشهد الما شفته ما ظل گلبي ينبض
عاينت للدار شفت العيله تركض
گبالي لن صورة رقيه اهنانه تعرض
تريد توصل ليه بس الخيل ترفض

آه يا سحگ الخيول ركضاها الحرم
كلشي شاف الحسين إلا حرگ الخيم
▪️▪️▪️▪️▪️
يطفي جان البيت جعفر شفته بالثوب
وانا حي وثوبي مني جان مسلوب
من الحراره الفضه بيدي جانت تذوب
بس علي السجاد باقي وحيله متعوب
وبهضمته العليل من الحرگ ما سلم
كلشي شاف الحسين إلا حرگ الخيم
▪️▪️▪️▪️▪️
شافني جعفر واجه يبجي واضمه
يكلي حرگ الخيمه من بيتي اشمه
جدي هاي النار ابد ما عدها رحمه
اسرع من الطفل من يركض تلزمه
ابلا عمامه الإمام تبجي من عينه دم
كلشي شاف الحسين إلا حرك الخيم
▪️▪️▪️▪️▪️
الصادق يگل للحسين ابهالمسيه
شگد اوصي الناس برض الغاضريه
الزار جدي زار خلاق البريه
وانت يا جدي تجي زاير إليه
يا هلا بالذبيح والمصاب انقسم
كلشي شاف الحسين إلا حرگ الخيم
▪️▪️▪️▪️▪️
نسه الصادق محترك بيته وعياله
شاف نحر حسين بعيونه وبچاله
ظل يسأله اعله السبي وشلون حاله
والحسين يموت يعرف لو حجاله
عن رقيه السؤال عالخرابه انهضم
كلشي شاف الحسين إلا حرگ الخيم
▪️▪️▪️▪️▪️
رجع مولاي الحسين الـ طفه ينحب
هي لحظه وجعفر بهالحظه شيّب
مات بالسم لكن الـ منه سمه اصعب
لمن يتخيل ركض مولاتي زينب
كربله والعزاء عنده من كلشي اهم
كلشي شاف الحسين إلا حرگ الخيم
▪️▪️▪️▪️▪️
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://facebook.com/m7bebasim
📷Instagram
https://instagram.com/m7bebasem
🎶TikTok
http://tiktok.com/@m7bebasim
💠telegram
https://www.tg-me.com/m7bebasim
📝 Tel : للقصائد المكتوبة
https://www.tg-me.com/bassempoems
📲Whatsapp
0096170873295🇱🇧
00989371659815🇮🇷
*من باب احترام حقوق الآخرين*
*نرجو عدم تغيير روابط الخدمة*
*💠خدمة محبي باسم الكربلائي💠

قصيدة من بعد هالسنين 📝👆

✨خدمة محبي باسم الكربلائي تقدم:
📜قصيدة : سلام الله على الصادق
✒️للشاعر : مهيمن الفاطمي
📌 : استشهاد الامام الصادق ع
📅: ليلة 26 شوال 1445 هـ
🕌:جامع وحسينية الرسول الاعظم - بغداد
https://www.tg-me.com/m7bebasim/55318

سلام الله على الصادق سلام الله
▪️▪️▪️▪️▪️
قبل لا أبتدي ابتفسير شخصيتك
عُذراً لو خنت فد يوم تربيتك
مو طالب فقه، عالفطره حبيتك
واسمك سيدي عاشرني دمعه او آه
▪️▪️▪️▪️▪️
يلمعلم إبن حيان كميائك
تظل مولاي شوكه ابعين أعدائك
تظل منهج رفض طول الزمن لائك
ضد كلمن يحارب "من كنت مولاه"
▪️▪️▪️▪️▪️
عبد إحسبني يم أصغر تلاميذك
المهم مولاي أدخل حيز تنفيذك
أو من جور الزمن يحفظني تعويذك
أريد اتعمق ابمضمونك او معناه
▪️▪️▪️▪️▪️
إجه "النعمان" حاول علمك ايناضر
او جوابك سيدي من عنده ظل حاير
مسائل عنها عاجز لا يرد كادر
او تتلفت خجل منك بقت عيناه
▪️▪️▪️▪️▪️
جوابي الكل معاند يشكل اعليه
أنه منك خذت روحي البرائيه
يالمكرس مفاهيمي العزائيه
يظل منهج رفض كلبي او تموت اعداه
▪️▪️▪️▪️▪️
ابوذيات : بداراك ، الي اين
https://www.tg-me.com/m7bebasim/55319

عذب وانهلت عالعالم .. بدا راك
حزين الجدك وحيلك .. بداراك
شفت نار الحقد سعرت .. بدارك
اذكرت نار الخيم بالغاضرية
▪️▪️▪️▪️▪️
يدهري وين ترحالك .. الى أين
من ونة جبت عمري .. الى ان
تظل گبور مهدومة .. الى أن
يصيح المهدي يا ثار الزجية
▪️▪️▪️▪️▪️
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://facebook.com/m7bebasim
📷Instagram
https://instagram.com/m7bebasem
🎶TikTok
http://tiktok.com/@m7bebasim
💠telegram
https://www.tg-me.com/m7bebasim
📝 Tel : للقصائد المكتوبة
https://www.tg-me.com/bassempoems
📲Whatsapp
0096170873295🇱🇧
00989371659815🇮🇷
*من باب احترام حقوق الآخرين*
*نرجو عدم تغيير روابط الخدمة*
*💠خدمة محبي باسم الكربلائي💠

قصيدة سلام الله على الصادق 📝👆

✨خدمة محبي باسم الكربلائي تقدم:
📜قصيدة : نبأ وأعراف
✒️للشاعر : ابو محمد المسعودي
📌 : استشهاد الامام الصادق ع
📅: ليلة 27 شوال 1445 هـ
🕌:جامع وحسينية الرسول الاعظم - بغداد
🎶طور: #امير_الناس
https://www.tg-me.com/m7bebasim/55328

نبأ واعراف .. سبأ واحقاف .. يا جعفر
القلم واللوح .. عليك ينوح .. يا جعفر
ينور الله التشع بالدنيا انوارك
ولا تخمد أبد وسط الگلب نارك
يا جعفر
▪️▪️▪️▪️▪️
نسولف عالجرالك بالكتب نقره
علومك عالكفر تعدل ألف ثورة
عدوك ما تحملها ونفذ صبره
على چتلك يبن فاطم عزم امره
عداك تشوف .. كأنه سيوف .. تسبيحك
تحس بالموت .. مجرد صوت .. تسبيحك
عجيب أمرك ولا تتفسر أسرارك
ولا تخمد أبد وسط الگلب نارك
يا جعفر
▪️▪️▪️▪️▪️
يمن كل الوجود السيرتك دوّن
يميزان الشريعة البيها تتوزن
على امصابك دموع من العرش هلّن
إلك كل طاهر برحم الزمن يحزن
سور وآيات .. رفع رايات .. حزنانه
عليك العين .. كيوم حسين .. حزنانه
بقت وحشه بغيابك سيدي ديارك
ولا تخمد أبد وسط الگلب نارك
يا جعفر
▪️▪️▪️▪️▪️
عشت مثل الخليل أصنام كسرها
الدوانيقي عليكم ناره سجّرها
احترگ بيها وسطع للأمة جعفرها
وجبينه بتربتك كل شيعي عفّرها
زمان ايعود .. نفس نمرود .. واجنوده
نظل للدوم .. مع المعصوم .. وجنوده
يالصادق عهد للموت انصارك
ولا تخمد أبد وسط الگلب نارك
يا جعفر
▪️▪️▪️▪️▪️
يا موسى الكليم وبيده برهانه
يالمغرگ الف فرعون طوفانه
التوارة بدمعها عليك ولهانة
وبيت الله نعاك وتنزف أركانه
صحف وانجيل .. دمعها ايسيل .. لمصابك
ابدمع هتان .. بچه القرآن .. لمصابك
وجبريل ابعزائك بالعرش شارك
ولا تخمد أبد وسط الگلب نارك
يا جعفر
▪️▪️▪️▪️▪️
بشر يحيي المسيح ابعهدة آياته
ورواياتك حييت كل جيل أمواته
مثل علمك خشوا گبرك مناراته
گبر من انهدم زادت كراماته
عهد للموت .. رفعنه الصوت .. وابلهفة
نجي بأصرار .. نجي زوار .. وبلهفة
على اعتابك يشم عطر النبي الزارك
ولا تخمد أبد وسط الگلب نارك
يا جعفر
▪️▪️▪️▪️▪️
تعيد ابسيرتك سيرة بطل خيبر
الف مرحب شطرت ابمذهبك وأكثر
يخافونك يهودي وناصبي وأعور
لأنك نسخة من جدك علي حيدر
ولا يناقس .. أبد بالناس .. تاريخك
حروف النور .. كتبت اسطور .. تاريخك
صرت كعبة ويلوذ الكون بأستارك
ولا تخمد أبد وسط الگلب نارك
يا جعفر
▪️▪️▪️▪️▪️
يبو الكاظم عدوك بالغ ابظلمك
مثل مسلم غريب ولا أهل يمك
بصبر واترقبت ساعة هدر دمك
انمرد جبدك مثل جبد الحسن عمك
وحيد اتطيح .. اغثتي اتصيح .. يا حيدر
تدير العين .. لبو الحسنين .. يا حيدر
طريح اتنازع وصوب الغري انظارك
ولا تخمد أبد وسط الگلب نارك
يا جعفر
▪️▪️▪️▪️▪️
عشت طف وعليك انعادت احزانه
نسل شمر وسنان وأبن مرجانه
على بيتك تعده وشبهه نيرنه
تجره اعله الگبر وهدمله بنيانه
ضلع مكسور .. گبر مهجور .. بالغربة
دمانه تفور .. على المنحور .. بالغربة
متى المهدي يهل ويطالب بثارك
ولا تخمد أبد وسط الگلب نارك
يا جعفر
▪️▪️▪️▪️▪️
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://facebook.com/m7bebasim
📷Instagram
https://instagram.com/m7bebasem
🎶TikTok
http://tiktok.com/@m7bebasim
💠telegram
https://www.tg-me.com/m7bebasim
📝 Tel : للقصائد المكتوبة
https://www.tg-me.com/bassempoems
📲Whatsapp
0096170873295🇱🇧
00989371659815🇮🇷
*من باب احترام حقوق الآخرين*
*نرجو عدم تغيير روابط الخدمة*
*💠خدمة محبي باسم الكربلائي💠

قصيدة نبأ و اعراف 📝👆

✨خدمة محبي باسم الكربلائي تقدم:
📜قصيدة : أملاك السما وأولاد حيدر
✒️للشاعر : حسام الحمزاوي
📌 : استشهاد الامام الصادق ع
📅: ليلة 27 شوال 1445 هـ
🕌:جامع وحسينية الرسول الاعظم - بغداد
https://www.tg-me.com/m7bebasim/55329

املاك السمه وأولاد حيدر
نزلوا كلهم يشيعون جعفر
▪️▪️▪️▪️▪️
هاي الليلة مو أي ليلة تنعد
هاي الليلة بيها عمامه تصعد
مو بس جعفر الصادق توسد
بالتابوت موسوعة محمد
والتوراة والانجيل تحضر
نزلوا كلهم يشيعون جعفر
▪️▪️▪️▪️▪️
يحضرله علي ويگله ولدي
يوميه بولد ممرود جبدي
لو مذبوح لو مسموم بعدي
يا جعفر لحد طلعة المهدي
والمسموم والينشاف منحر
نزلوا كلهم يشيعون جعفر
▪️▪️▪️▪️▪️
طلعت روحه ما بين اليتامه
والكاظم عليه ذب العمامه
هذا ايقبله هذا يطيح أمامه
مات وماتت بچفه السلامة
من الآخرة ومن عالم الذر
نزلوا كلهم يشيعون جعفر
▪️▪️▪️▪️▪️
بالتشيع ذاكه حسين حاله
ما عنده چتف عالراس شاله
راد يموت عباس ابداله
لا عنده يمينه ولا شماله
جايب للنعش زمزم وكوثر
نزلوا كلهم يشيعون جعفر
▪️▪️▪️▪️▪️
حسين المحد مغسله ويجمعه
غسل جعفر الصادق بدمعه
ويغسله على كيفه يعرف وضعه
مثل الداست الخيل اعله ضلعه
دمع الانبياء فوگه تطشر
نزلوا كلهم ايشيعون جعفر
▪️▪️▪️▪️▪️
صعبة للدفن ولده تحضره
من البيت ويطلعوه لگبره
أصعب موقف گبالك تنظره
لو شفت الأبو ينزلوه بحفرة
كل الانبياء وشيوخ منبر
نزلوا كلهم يشيعون جعفر
▪️▪️▪️▪️▪️
يا وسفه البقيع بغير ناصر
لا بيبان لا مثل المگابر
ليش الذهب فوگه حجار صاير
كون بكربله تصير المناير
كل اسمائهم بالعرش تذكر
نزلوا كلهم يشيعون جعفر
▪️▪️▪️▪️▪️
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://facebook.com/m7bebasim
📷Instagram
https://instagram.com/m7bebasem
🎶TikTok
http://tiktok.com/@m7bebasim
💠telegram
https://www.tg-me.com/m7bebasim
📝 Tel : للقصائد المكتوبة
https://www.tg-me.com/bassempoems
📲Whatsapp
0096170873295🇱🇧
00989371659815🇮🇷
*من باب احترام حقوق الآخرين*
*نرجو عدم تغيير روابط الخدمة*
*💠خدمة محبي باسم الكربلائي💠

قصيدة املاك السمه 📝👆

الزيارة بالانابة…🤲

سجل اسمك لزيارة الامام الحسين واخية ابا الفضل (ع)
في ليلة الجمعة سارعوا للتسجيل
اضغط هنا 👇 🤲

https://www.tg-me.com/imamhussainor_bot

🔹شاركوا المنشور لتنالوا الاجر والثواب ان شاء الله