اللحن :قصيدة ريت السافر يعود
القصة:مولاي زين العابدين يروي مواقف حدثت معهم ومع مولاتي زينب مع الرماح في طريق الشام
---------

عمة من مشيتي
المن باوعيتي
نضرتي لروس الاخوان
ودنكتي وبجيتي
----------
بدرب السبي ها يم عون شفت بعينج دموع
ومحنية ضهر جنج يعمة بوضع الركوع
ولمن عاينت كل كمر فوگ الرمح مرفوع
كلتلج يعمة جن شمع كل راس مكطوع
-----
عمة من شفتهم
شموع اتخيلتهم
ضيهم نور الكون
ودنكتي وبجيتي
-----------
اشرتي الرمح وكلتي يالسجاد هيهات
نحر عبدالله اصغر حتى من روس الحمامات
عاين للرباب وشوفها طول النضرات
تهز بمهد عبدالله وتكلي ابني مامات
------
يحفظة الله اكلها؟
اعزيها بابنها؟
حرت مابين الثنين
ودنكتي وبجيتي
--------
شفت بنضرتج فرحه لجن ذبحتها الآلام
لمن كلتي يالسجاد عاين رمح جسام
التفت رملة ويانه وحجت بجت الأحلام
"جكليت ما طشوا لجاسم طشوا سهام"
___
حجيتي وياها رملة
العرس بالجنه احلة
يم الباري الحساب
ودنكتي وبجيتي
-------
اسمع صوت ناده ها يزينب كعدي يمي
شلت راسي ولكيته الصوت اجه من رمح عمي
كعدتي اكبالة وكلتي يخويه مات نجمي
كلج يالحبيبة بموتي هذا تفرح امي
--------
كلتيله يعباس
تكتل نضرة الناس
وحدي بلاية حماي
ودنكتي وبجيتي
--------------
وي عباس من بعد العتب والحجي الثگيل
وبأثناء المشي ولن عجز رمح الوالد يميل
جابوني العدة بصف الرمح وسئلو بالعليل
كلتلهم اضن طفلة اوكعت من المهازيل
____
طاحت وين وشلون
نرجعها للضعون
كلت من نضره حسين
ودنكتي وبجيتي
------
لگينه رقيه بالوادي وتردد والدي وين
شبكتيها يعمة وصحتي ياخوية يالحسين
ابوج بسفر يابنتي وكالت شافتة العين
مرني بطيفي وشوفتة جويات الايدين
------
عمة بحلمي جاني
ونومني بمكاني
بس بحضنه ارتاح
ودنكتي وبجيتي
---
لخادمتكم:بتول الخفاجي
-----
https://www.tg-me.com/batool313BK

أنة زينب .....انه زينب
الي ما شافت زلم مني الخيال
انه زينب ...انه زينب
ستري نفسج توجع عيون الرجال
----
راح اسولف عني وانتي تعلمي
سمعي من عندي النصيحه وفهمي
خلي هذا الحجي عندج دائمي
صيري مصدر للعفاف الفاطمي

راح اعلمج راح اعلمج
وخل اصيرنلج يابنتي اعظم مثال
راح اعلمج راح اعلمج
ستري نفسج توجع عيون الرجال

----------
اني ناصرت بعباتي الحسين
وامي كالت بالستر ينبني الدين
عن علي وعن غيرته سمعيني زين
الينظر اعله خيالي ماتبقالة عين

وبحجابج ...وبحجابج
اول وآخر دروس الاكتمال
وبحجابج ...وبحجابج
ستري نفسج توجع عيون الرجال
-------
انسبيت انه لجل سترج تره
وحسين بروحه عباتج اشتره
همه جان العفة سبع الكنطرة
لاترخصي التضحية ها يامره

لجلج انه لجلج انه
تحملت سوط المتن ويه الحبال
لجلج انه لجلج انه
ستري نفسج توجع عيون الرجال
------------
يالموجعة بملبسج گلب الامام
بهاذي افعالج تصيبينه بسهام
خفضي صوتج من تريدين الكلام
شوفي يابنتي شحلاته الاحتشام

بالعباية بالعباية
كل وقار وعفة وتزيدج جمال
بالعباية. بالعباية
ستري نفسج توجع عيون الرجال

--------
بسترج تجبريهم يغضوا النظر
صيري بين الناس اية من الطهر
المو حلالة وينضرج هذا كفر
ايحاسبه اعله النظره تالي المنتظر

سمعي مني سمعي مني
درع العباية وتحرسج من النبال
سمعي مني. سمعي مني
ستري نفسج توجع عيون الرجال
--------
انتي لو رايدة تسمعين الخبر
"المهدي يا أهل الزمن هذه ظهر
وتجي دعوة الج من المنتظر
"انتي وحدة ابجيش قادات الستر"

زينبية زينبية
ياحلاتج واگفة بجيش الامام
زينبية زينبية
ولعباتج كلها تلقيلج سلام

"سلام الله عليج وعل عباية"
.........
لخادمتكم بتول الخفاجي
------------
https://www.tg-me.com/batool313BK

لموسى اجه وحي ويبلغة بخبر هاليوم
يبن جعفر قضى الله تموت مسموم
بلَغة بهذا الامر
كال لله الشكر
----
نزل جِبْرِيل.. لموسى بن جعفر ..بحجيه يتعثر..وبالمدامع
گال مولاي ..عندي لك بشره..الموعد الجمعه ..انت طالع
طلعتي جاوبه ادري يعني موتي
بس اهم شي شيعتي يسمعون صوتي
نزلن دموعه الحمر
كال لله الشكر
----
الحمدلله..حلتقي بيهم..احبابي اتانيهم..طال صبري
الشكر لله..الضلمة راح تروح..سببالي جروح..گيد اسري
گله يامولاي مايفكونه كيدك
ولانهار تشوف لا تنظر وليدك
اتمسك بتالي الصبر
گال لله الشكر
----
گله ضنيت..موتي راح يصير..ابيتي مو بالبير..هذا ضني
بعد ساعات..من الفرج تالي ..تجيني آجالي..بحضن ابني
جنت ادري بطلعتي من سجني تعني
ان ابد مايبتعد هالموت عني
رضه باقدار العمر
گال لله الشكر
----
گال جبريل..الاشد من هايه..شيعتك جايه..وتنظر جنازه
بهَم ينادون ..هالغريب منين..اهله راحو وين..مامش اعزازه
ماتعرفك من تشوفك ياحسافة
شيعتك وانته على جسر الرصافة
من عله ذاك الجسر
كال لله الشكر
----
مومهم انه..لحكم رب الكون..نفسي راح تكون..تحت امره
بس يجبريل..انه اريد انشد..عن امر واحد.. وبيه حسره
كله ياجبريل موتي حاله شلون
كون مثل حسين نحري هم يكطعون
گله اي نفس الشمر
كال لله الشكر
----
هذا هارون..شمر بفعاله.. يشتبه حاله..بهل المصيبه
ذاك بالطف..ذبح نجوم السمة..الگلب هذا يسممه..مو عجيبه
الشمر بألطف گطع اوصال ابو سكينه
وانته گلبك بالسموم امگطعينه
عظم الباري الأجر
كال لله الشكر
----
لخادمتكم :بتول الخفاجي
----
https://www.tg-me.com/batool313BK

صغيرةَ عمرٍ قالوا حينما ارتديتَ
عباءةً اسودُ من السّوداءِ
ماهمني قول الناس ابداً حينها
ولاتأثرت بنظرات الاستهزاءِ
قالو سواداً ما اقبح ردائها
فما ابهى الكعبة بلون رداءِ
قالوا قمراً ما اجمل لونهُ
اكان جميل دون ليلةٍ ظلماءِ؟!
لبسنا عباءة الاخلاق قبل ردائنا
اميراتٍ ونمشي على استحياءِ
ماكنا لبسنا الستر الا عندما
رُزقنا بتوفيقٍ من الزهراءِ
قَربنا بعض الشيوخ لربنا
ومنهم من انا به اقتدائي
استاذاً هو لي وايضا والدا
يحمل في قلبه حنان الآباء
يسقي مسائل الناس بديع اجابةٍ
مع سائليه متواضعٌ كالماءِ
بالماء حياة الارض ورغم عُلوه
يروي ما بالارض بكل سخاء ِ
لا بل هو من الماء اكثر تواضعا
يُجيب بلا صلاة الاستسقاءِ
الشيخ عبد الرضا انا ادعو له
ان يشمله القائم في الدعاءِ
لخادمتكم وتلميذتكم:بتول الخفاجي
جزيل الشكر لاستاذي الشيخ عبدالرضا المعاش
لذكري بالدعاء هذا امر ادخل في قلبي سعادةً كبيرة حفظك الباري واطال في عمرك

كيف هو الحب ... ؟

حياء فاطم بطولة علي

كيف هو الاصرار ...؟

من گال ابو الحسنين الزهرة الي

كيف هي الثقه ...؟

من اجه أتقدم علي ودك بابها
ما محاجيها ويعرف إجوابها

كيف يفعل العشق ...؟

من فارس ومعروف قالعله بيبان
يخطب مشه وبالباب تاليها خجلان

كيف يمكن للناس ان ترى الحب؟

من كعد حيدر علي يم الرسول
بنظرة عيونه دره شرايد يگول
ماكمل جيت اطلب وردله الجواب
كله ابشر علي يازوج البتول

كيف يتقدس الحب؟

قبلت الزهرة بعلي وعرض الزواج
وكلها شنهو المهر كولي تدللي
يا علي كالتله يصعب مهري حيل
كلها ما يصعب علّي انه الولي
كالت اليحميني اريد من الشداد
رايده گلبك درع لي ياعلي

لخادمتكم:بتول الخفاجي
متباركين💐✨

طوعة

يوم مريت السبايه
زينب كبالي شفتها
اعلينه لو ويانه جايه
انه طوعه جاوبتها
بيدي مرسال..والدمع سال
__
زينب انتي هذا ضني بهيبتج يالهاشميه
انه الي آويت مسلم جايبه بكلبي الوصيه
سمعت من ركب السبايه شهكت بأسمه سبيه
تنادي ياعمه يطوعه هنا انه ثاني رقيه
شفت فزت طفله تلهف
جنها من الخيل تشرد
تعثر وبعيونها الطف
واسمعت بابا تردد
يصعب الحال..والدمع سال
/———-
تمشي من بين اليتامةمني ماشالت نضرها
حتى عثرت بالعباية تعجبت انه بأمرها
هي طفلةبس اشوفن اسم مسلم من يمرها
يكبر بخطوه جرحها وبيها هم يكبر عمرها
طفله من اللهفه شابت
چنها زينب بس صغيره
بيها طفله ضنوني خابت
من دنت يمي چبيره
شغلت البال..والدمع سال
————-
جتي شبكتني وتكلي شافت الوالد عيونج؟
من اجاج شلونه حاله كلت ماكو لونه دونج
حسب وصفةانتي حميدةكولي ياعمة شلونج
وليش ايدج فوگ متنج جاوبي شبيهن امتونج
جاوبت يامتن قصدج
انه ضل امتون عندي؟
شلونج انتي بهدم سدج
جاوبج متني وخدي
وجر الحبال ...والدمع سال
————-

جيت اوصلج رساله عمه من والدج هيه
خلها تعذرني يكلي الرجعه جانت مو بديه
اغلب اوصيته يطلبج عذر ودموعه جريه
بجت اوكالت لزينب عمه ابويه ماله جيه
فرفحت من بلغتها
جنها طير وفگد جنحه
كالت حجايه اسمعتها
ياگلب ماتت الفرحه
ضاعت آمال،والدمع سال
____
هدأت وگالت اليه گبر ابويه هسه وينه؟
قبل قتله شربوا مي لو ضمي بحاله حسينه؟
شكد بقه ع الارض مرمي بالحصيره شايلينه؟
راسه رفعوه برماحه؟جم حجر صابه بجبينه؟
ارد انشدج وينه رمحه
وينه صدره الي تهشم
عندي ابو كدامي ذبحه
وكربله فيضها بالدم
ضل ع الارمال..والدمع سال
————
طفله شندل بغربتي وانه جيت ويه الضعينه
بلا ابو ولا حسين عندي شلون ارجع للمدينه
جينه منها بكل مهابه ونرجعلها مكيدينه
راحت نجوم الهواشم راح عباس من ادينه
جيت وبهيئه اميره
ويه بابا حسين چنه
ارجع بهيئه اسيره
بلا ابو وبلا گمرنه
بلايه كفال..والدمع سال
__
لخادمتكم بتول الخفاجي
الاسم للمجالس الرجاليه
لخادم الحسين :-ابراهيم مهدي الخفاجي

—————

https://www.tg-me.com/batool313BK

ما همني ضلوعي الكسروها
توجعني الضلوع الي اطحنوها
وين امشيلي خطوه بكربله الكاك
يا سبحة الزهره الطشروها
——
موسهل امك تناضر
وحدك تحيطك عساكر
جهزو اثكل حوافر .. شفت
الحجر صوب جبينك
حاجبك طاح اعله عينك
وركضت خاطر اعينك وطحت
كل كتر تنزف لكيتك
وحتى اكو سهام بلحيتك
اشلع سهامك اجيتك .. ردت
من طحت بالغاضريه
ما لحكت افرش اديه
من درت عينك عليه ... متت
———-1
من مهرك طحت شفت اعله هامك
موش الكاع شالتَّك سهامك
جنت اسمع ضحكهم لمن تشوغ
بيك رماحهم من وزعوها
———
دفعة البيبان سهله
ذبحتك يوليدي عله
ودي ذباحك اكله..يحن
من الكفه يذبحك يريدك
تشعر بسيفه بوريدك
خنجره شفته اعله جيدك..يسن
للوريد يوصله سيفه
ناده ماكمله اعيفه
رايده يموت اعله كيفه..بحزن
اعذبه رايد يلا اذبحه
يشعر بكل جرح اجرحه
حسين اريدن من اشرحه..يون
——-
يكول حسين راسه لنصه مذبوح
من نحره ينوح ونسمع النوح
شافك شمر مو من ذبحك تلوب
شافت عينك اخيام احركوها
——-
ياحنين شكد يلجمك
تقصد الظالم يشتمك
حتى لمن يشتم امك..تنز
لوعيك ترد ويزيدك
بخنجره يشرحها ايدك
وحته ماتغيب ويعيدك..تفز
حته لايشتم تقاوم
وحته لابختك يساوم
وضعنك جيوشه تحاوم..يدز
يعذبك وانه اشوفك
تحاول تمنعه بجفوفك
وهوه مايرضه يعوفك..يحز
——-
على عيونك دمه ماتكدر تشوف
وكف حادي اعله جسمك مرر سيوف
انواع السلاح النبل ورماح
بجثتك اسلحتهم زوروها
————-
ماكفا كل الجرالك
بخبر لمن شمر اجالك
بخيلي سحكوها عيالك..شمت
خذنه كلك هالهديه
لنها ترجيه رقيه
طفلتك صارت سبيه.. سمعت
كل نسائك اسبي بيهن
وبحبل شدينه اديهن
الا افرج الكل عليهن ..شغت
تربع الشمر اعله صدرك
وانه اسمع كسر ضهرك
يبني سلبو حته عمرك...نحت
__
حضرتك يبني من ساعه منيتك
لحد مارجع راسك بيد اخيتك
صعبه تره حيل الوالده تشوف
الخيل ضلوع ابنها يكسروها
———
فرفحت يوليدي روحك
خيل اجت داست جروحك
ماكو حافر مايلوحك .. سحك
الخيل اجتك روحه رده
وگلبك الحافر يمرده
بالحوافر ابني جلده...علّك
مطشر وليدي شيلمك
ودي اجي يمك واشمك
شمر يبني گلب امك ..حرگ
يرمي اعله اختك قيوده
فرجه صارت يم جنوده
اعليها يتخطه حدوده..و يطگ
___
راسك بالرمح شالو بلا احساس
رفعوا شفت يمك رمح عباس
حراس الخدر بالسبي للشام
زينب ولد حيدر يحرسوها
——
لخادمتكم:بتول الخفاجي
الاسم للمجالس الرجالية:ابراهيم مهدي الخفاجي
—

https://www.tg-me.com/batool313BK

كلناله بت خير البشر
فاطم وان كال وعصر
ام والضنه ماشافته
طاح وضلع منها انكسر
——
شاهد جنت ع الي جره.. من هجموا اعله الزهره
ماحاجه اسولف عالسبب.. كل الحجج متفسره
بس الهضيمه من اجه.. الطاغي ونيته يوجره
زهرة الهادي منلضرب..كسروا ضلعها الزهره
يشتمها هيه ماحجت
سب النبي نسمع بجت
يضربها وبكل قوته
زهرة رسول الله انسبت
...
ماتعب هو من الضرب..ولارف عليها گلبه
بحيله شفت يعصر مره.. الضوه عدها تربه
لا مل فلان من الشتم..ماضل حجي ماذبه
صاحت سهل كسر الضلع..طيحته محسن صعبه
خاف الله يالظالم تره
لو يدري بيكم حيدره
ثق مايخليلك اثر
لو عن كسر ضلعي دره
——
شكد شافت الزهره قهر..حيل النذل اذاها
من كل كتر من الضرب ..تنزف دمه خلاها
الاصعب بنيتها اجت.. كل الهضم راواها
شافت اخوها عالثره ..لطف كربلا وداها
وفاطمة صاحت بت علي
يمه اختبي هذا اجنبي
خافت عليها من النظر
كاللها باجر تنسبي
——
خنكتنه صارت بالحرگ...دار الزجيه اعليها
مو منه دخان الخشب...خفنه بدعا تفنيها
بالريگ غصصها النذل..الكلمه حرف تحجيها
يعصر بحيله وخادمه..بسوطه يورم ايديها
شفنه بغمد سيفه بده
يضربها حشم بالعده
ويايه صاح الكل تجي
ضربوها والكل أيده
——-
برجله دفع باب بقصد..شاف الدمه بمسماره
الباب انخلع من العصر.. ويريد ياخذ ثاره
دار النبي كالو و رد .. حرگوا عليها داره
بيديه الباب المشتعل.. اعليها ذبه بناره
يضحك من الكسرة سمع
ومسماره من طب وطلع
ماكفّه كل ذاك الفعل
ولا خدها بيده من انصفع
——-
لخادمتكم:بتول الخفاجي
الاسم للمجالس الرجالية:ابراهيم مهدي الخفاجي
—

https://www.tg-me.com/batool313BK

علسجاده وتراولي جم كسره
جم صاحب يخون وينكر العشره
اعلم بالمصايب وادري باليجره
____
قبل لا فارگ المختار قبل ليغمض عيونه
رفع صوته رغم تعبان حتى الكل يسمعونه
وصّاهم عليه وگال (گلبها لا تأذونه)
امة رحمة الله اليوم ابد لا ما يرِحمونه
يوميه اشوف الباب محترگه
يوميه على المسمار دم الگه
اتعوذ بربي وجم حرز اقره
اعلم بالمصايب وادري باليجره
——-
افز كلما يدگ الباب سائل والگلب يفزع
انام واصحه مرعوبة لان طگة ضلع اسمع
كل مااغفه اشوف ابليس باب الجنه چن يدفع
علي يمي أكون بخير يضيع الخير من يطلع
يمر اليوم بس بالليل أتلوه
احير بخوف" باجر "هو مو هو؟
باجر خايفه ما تسلم الجرَّه
اعلم بالمصايب وادري باليجرة
———
لچن هاليوم احس مهموم ماسلَّم علي صبحه
طاح بحضني طير ابيض وشفته منكسر جنحه
اسبح بيها صار سنين فجأه انكطعت السبحه
يعين الباري گلب ابني المهدي طيحتي تذبحه
بانت جم علامه وليلتي صعبه
الليله المهدي كلش ينلجم گلبه
گلب وليدي اسألك يارب تصبره
اعلم بالمصايب وادري باليجره
————
شفت مكسوره الخاطر الي الاملاك تتعنه
يبنت الجنه ابن حطاب رايد يحرگ الجنه
بهاللحظه وصلّي الصوت يشتم بيه اسمعنه
وراها انه ودفعها الباب اصيح وهو ما چنه
كلتله الزاد ماغزر ابد ملحه
علي متاني وليده بالك تذبحه
واخوته كلهم لجيّته منتظره
اعلم بالمصايب وادري باليجره
————-
نزل جبريل شاهد صار عليه وتكتله احزانه
يشوف اليجره بس مغتاظ فاتح بيده قرانه
من حرگوا عليه الباب مسح اياته والوانه
راد الله القيامه تصير لكن مارضيت انه
اشوفن بيده صارت سوره تتأثر
نبت مسمار بيها ونزفت الكوثر
بحرگ وجهي لگيت السوره مستعره
اعلم بالمصايب وادري باليجره
___
——-
لخادمتكم:بتول الخفاجي
الاسم للمجالس الرجالية:ابراهيم مهدي الخفاجي
—

https://www.tg-me.com/batool313BK

دعيت الباري ابكد لهفتي عليك
ترد ليه بسلامة وكلشي مابيك
يبويه
ودي اشوف عيونك
يبويه
انه العليلة بدونك
———
وينك يكل اهلي تره صارت غريبة بنيتك
يابعد بيتي واشوكت ترجع يروحي لبيتك
يشهد الله كل دعائي بوكت ما تانيتك
يحرمني عافيتي ولا يحرمني من حنيتك
تعرف اغله شي للبشر صحته
وحق عيونك اغله منها انته
يروحي
ومن تكلي بنيتي
يروحي
ترد الي عافيتي
ترد ليه بسلامه وكلشي مابيك
——
طمني عنك يالولي من يوصلك مرسالي
واكتبلي موعد جيتك حتى احسب الليالي
تدري حتى انفاسي اعدّها لرجعتك يالغالي
رد ليه بغيابك تره يكسر الخاطر حالي
عليله وحالتي يابويه مره
حتى النفس مابيه اجره
من الفراگ
هذا الوجع مو علتي
من الفراگ
متعوبه ضعفت صحتي
——
شلونه عبدالله الاخو المتعلقة حيل بذكرة
متأمله يصبح كافلي امربيته انه من صغره
مثل ابو فاضل واخيته هيج اريد اعتبره
بويه فدوه امأمنتك عبدالله بوسه بنحره
كله ياعلي هاي من اخيتك
باجر تكبر ،تصير بحميتك
اعله نحره
اخاف الهوه يوصلة
اعله نحره
من السهام اسم الله
ترد ليه بسلامة وكلشي مابيك
———
وصل سلامي العمتي زعلانه منها شويه
كللها فاطمتج تون وانشدها بويه ليه
خذتوا كل طفلة بمشيكم بقت عمة اعليه؟
ماردت محمل وحدي خلوني ويه رقيه
يبويه جم غرض ليه انه جبته
و بذاك الضعن ضميته سكته
گلت ريت
لو شفته ترجع لينه
كلت ريت
تصعدني ويه اسكينه
ترد ليه بسلامة وكلشي مابيك
—-
مشغول بالي عالنهر ولشوفته عطشانه
العباس عمي بلّغة انه عليه زعلانه
بجتفة ياهو الاحله بويه جربته لو انه؟
شالها وما كال الي فاطمة امشي ويانه
رد ليه برساله وگلي فاطم
الحمد لله يبنتي انه سالم
والعباس
المشتاكه اله وملهوفة
والعباس
تره بخير جفوفه
ترد ليه بسلامة وكلشي مابيك
—-
لخادمتكم:بتول الخفاجي
الاسم للمجالس الرجالية:ابراهيم مهدي الخفاجي
—

https://www.tg-me.com/batool313BK