#برنامج1445
قصيده للأمام علي الاكبر عليه السلام وزن البند
8

الاكبر فارگيته احس اظلم زماني
عاتبه اعله فرگاه كون وياه خذاني
شبه الهادي جده
شباب وگرب وعده
عاتبه اعله فرگاه كون وياه خذاني
★★★★★ 1 ★★★★★
وليدي يعوفني شلون عمري وكلشي اليه
مودع بالله بس كون نترافگ سويه
مبدل عمري احزان تمنيت المنيه
انه النذريت الوحيد فده لبن الزچيه
عالتربان خده
شباب وگرب وعده
عاتبه اعله فرگاه كون وياه خذاني
★★★★★ 2 ★★★★★
صعبه يموت مذبوح هاي اصعب مصيبه
رجع يوسف العيگوب سهله مو عجيبه
اشوف ابني تمنيت من امشي سليبه
الاكبر رايده يعود وگلبي يكف نحيبه
َذبلت احله ورده
شباب وگرب وعده
عاتبه اعله فرگاه كون وياه خذاني
★★★★★ 3 ★★★★★
سهرت الليل اربيه فارگت المنامي
كبر ابني وتمنيت للخيمه يحامي
شباب ومات مذبوح وسفه وهوه ضامي
زهرة عمري هاليوم اشوفن جسمه دامي
عمر راح شيرده
شباب وگرب وعده
عاتبه اعله فرگاه كون وياه خذاني
★★★★★ 4 ★★★★★
انه العاشرت الأحزان ومفجوعه وحزينه
اكيد تموت وياه ابنها الذابحينه
دفنها گبله يصير صعب لو دافنينه
انه الفارگت الوحيد حلم الاكبر يجينه
احسن ميته بعده
شباب وگرب وعده
عاتبه اعله فرگاه كون وياه خذاني
★★★★★ 5 ★★★★★
راس وليدي مرفوع اشوفه عالرمح صار
نار الخيم حسيت بگلبي صارت النار
داري وحشه من راح بعد ماادخل الدار
ظلمه كل البيوت من جافتها الأنوار
باب افراحي اسده
شباب وگرب وعده
عاتبه اعله فرگاه كون وياه خذاني


✍️ الشاعر الحسيني فرحان البزوني

ابوذيات لسان حال السيده زينب عليها السلام

من زغري ودموع العين ياريت
وي امي اموتن صحت ياريت
ولا شوف العده عباس يارت
عليه ولا اشوفنك رميه

يحيد وستر لختك وانته ظلي
وتمنيت انه اظلك وانته ظلي / ابقالي
گلت استشهد انه وانتي ظلي
الكفاله اتحولت منك اليه

يذوب الحجر زينب شفته همها
بعد شفت النوايح شفته همها
الفهم صيحت الحره شفتهمها
الفهمها مابقه حي عالوطيه

ابوذيه للامام الحسين عليه السلام

علي سيف الذبحني يره دوني
اعوفن دين جدي يرادوني
حته من ثيابي يردوني
التراب ويالدمه سترن عليه


✍️ الشاعر الحسيني فرحان البزوني

#برنامج1445
قصيده شوط كربلائي استشهاد الامام الحسن عليه السلام

1

مولاي الحسن مظلوم بالسم طفو شموعه
زينب شافته مسموم ركضت يمه مفجوعه
★★★★★ 1 ★★★★★
اجت زينب تون وتصيح الحسن من شافت احواله
مسموم الحسن ياريت ماشوف الي يجراله
رافگني الحزن وهموم وعيني تبقه هماله
من كسرو ضلع امي
واشوفن والدي مدمي
ابد مافارگت همي
وباچر ينذبح الحسين الخيل تكسر ضلوعه
★★★★★ 2 ★★★★★
اويلي صاحت المسموم يريحة والدي حيدر
انه بحاجتك لتروح عذابي بغيبتك يكثر
لتزيد الهموم هموم عله الهم گلبي مايگدر
وفراگك يعذبني
شگولن لليناشدني
عنك منو يعوضني
اگلهم زينب ومكتوب عليه الفرحه ممنوعه
★★★★★ 3 ★★★★★
هسه انه عرفته انهار بيتي ومنهدم چنه
الحسن من شفته ينازع شلون اگدر اودعنه
گرب وعده وصحت ياريت عمره بعمري ابدلنه
ولاشوفنه گدامي
حول سوده ايامي
فجعني وغير احلامي
جفني بدل الدمعات صبن من دمه دموعه
★★★★★ 4 ★★★★★
انه العاشرت الأحزان بزغري اودعت فرحي
جرحي شما يريد يطيب يرجع ينلچم جرحي
الحسن صرحي ازامط بيه انهدم من سممو صرحي
احسن ميته من دونه
الحسن شايلني بعيونه
بيه گلبي يفجعونه
ميته وبنعش ياريت الگبري اتمنه مرفوعه
★★★★★ 5 ★★★★★
جعده بهالفعل شتريد من سمت ابو القاسم
لمن تنسأل شتگول شتنفع كلمة النادم
باچر تحترگ بالنار وعليها تعاين الوادم
تتجازه اعله فعلتها
هاي الدنيه غرتها
بالذم كلها ذكرتها
تتجاسر عله المهيوب الكل چلماته مسموعه


✍️ الشاعر الحسيني فرحان البزوني

#برنامج1445
قصيده استشهاد الامام الحسن عليه السلام لسان حال الامام الحسين عليه السلام
وزن البند

2

ابو القاسم يمسموم اريدك خويه حاضر
بالطف توگف وياي لون اطلب مناصر
اريدك ويه عباس
اذا فارگت الانفاس
بالطف توگف وياي لون اطلب مناصر
★★★★★ 1 ★★★★★
ترضه اخوك الحسين خضابه من وريده
من شفتك يمسموم الي وضحت مكيده
رادو اوگف اوحيد بديار البعيده
راسي الشمر ياحيف خويه يگطعه بيده
علي تتفرج الناس
اذا فارگت الانفاس
بالطف توگف وياي لون اطلب مناصر
★★★★★ 2 ★★★★★
كريم وحته بالموت اعتبرك مثالي
شگد تحبني ادريك ردت موتك بدالي
متفارگني لحظات اقرب من خيالي
يموت بعمره مرات اليفارگله غالي
َابد همه مينقاس
اذا فارگت الانفاس
بالطف توگف وياي لون اطلب مناصر
★★★★★ 3 ★★★★★
الحسن وحسين سبطين للهادي نبينه
احنه بحجر الاسلام ترعرعنه وربينه
من الزهره والكرار تعلمنه حچينه
وهسه رايد تروح يانور المدينه
چنت البيتنه الساس
اذا فارگت الانفاس
بالطف توگف وياي لون اطلب مناصر
★★★★★ 4 ★★★★★
الحسن مو هين الموت ياخويه عليه
ردتك توگف وياي برض الغاضريه
للناصر فلا صيح وحق امنه الزچيه
من توگف بميدان چن حامي الحميه
ياهيبه وينوماس
اذا فارگت الانفاس
بالطف توگف وياي لون اطلب مناصر
★★★★★ 5 ★★★★★
السمو چبدك اليوم باچر هم نفسهم
علي بالطف يهجمون يدفعهم حقدهم
اهلي وكل الأصحاب مايبقالي منهم
وزينب تمشي للشام يخويه وي زلمهم
تمشي بغير حراس
اذا فارگت الانفاس
بالطف توگف وياي لون اطلب مناصر


✍️ الشاعر الحسيني فرحان البزوني

#برنامج1445
قصيده استشهاد الامام الحسن عليه السلام لسان حال الامام الحسين عليه السلام
وزن الميمر

3

ناده الحسن عالزوار ويعزب المشايه
★★★★★ 1 ★★★★★
لحسين كلمن يعتنيه وزاره
يلگه الحسن يستقبل بخطاره
يفتح مضيفه من تصير زياره
ناداهم بعالي الصوت ياهله بالوفايه
★★★★★ 2 ★★★★★
برض البقيع اتمنه ماتنسونه
عالحسن سلمو چنكم تزورونه
وكت الشهاده شيعته تذكرونه
يم گبره مجلس ياريت ياشيعته وقرايه
★★★★★ 3 ★★★★★
الحسن يوگف بربعين حسينه
ويخلي مشاية اخوه بعينه
اهل المواكب كلهم متانينه
الحسن يفرح لوشاف زاير وشايل رايه
★★★★★ 4 ★★★★★
حي الله ناده بالاجاه وضافه
الحسن ماكو بالبشر اوصافه
الحسين يبچي وظل حزين خلافه
يالحسن ردتك وياك اوصيك بس بهايه
★★★★★ 5 ★★★★★
الحسن مسموم وفجع احبابه
هذا الكريم الابد ماسد بابه
الحسين ناده يالحسن ومصابه
ياخويه بالطف منعوه عني الفرات ومايه


✍️ الشاعر الحسيني فرحان البزوني

#برنامج1445
قصيده للمشايه

بربعين حسين يوم زيارته
كل سنه مشايه تمشي شيعته
تروح مشايه
حسينها الغايه
كل سنه مشايه تمشي شيعته
★★★★★ 1 ★★★★★
ابمحرم يبتدي الحزن وعزاء
بيوم عشرين بصفر يعله النداء
تگصد الشيعه وتروح الكربلاء
للطبيب تروح من اجل الشفاء
الطبيب حسين
بحبه متمسكين
كل سنه مشايه تمشي شيعته
★★★★★ 2 ★★★★★
بربعين حسين تتعنه الصفوف
عهد مشايه تجي الوادي الطفوف
توصل الكربله بالحظره تطوف
توصل العباس مگطوع الچفوف
يصب مدمعها
الشوگ يدفعها
كل سنه مشايه تمشي شيعته
★★★★★ 3 ★★★★★
حسين ضحه بعائله ودم النحر
ولذلك دمــه عالسيف انتصــر
بقت عد الشيعه اليخدمه فخــر
الشيعي مايتعب لون يمشي شهر
ابد متعوفه
واجب تطوفه
كل سنه مشايه تمشي شيعته
★★★★★ 4 ★★★★★
حسين بالظلمه شعل اكبر سراج
كل مريض ينول منعنده العلاج
واليطوف بحظرته نعتبره حاج
حسين من الخطر للشيعه سياج
ماتمل ذكره
اتواسي للزهره
كل سنه مشايه تمشي شيعته
★★★★★ 5 ★★★★★
تعتني الكربله وتزور الذبيح
عهد من الشيعه توصل للضريح
هيهات من الذله خدامه تصيح
واليموت بدربه يتحسده الجريح
اموقعه بدماها
بدربه ممشاها
كل سنه مشايه تمشي شيعته


✍️ الشاعر الحسيني فرحان البزوني

#برنامج1445
قصيده لأستشهاد الامام الرضا عليه السلام بحر الطويل
1

الرضا مولاي يامسموم عشت بديرة الغربه
مابين الظلم والجور والله حالتك صعبه
★★★★★ 1 ★★★★★
واجب يالرضا مولاي معصومه نواسيها
لجلك مجلس نسويه ونخفف بواچيها
نلطم وبچي واهات ليالي الحسره نحييها
والمأمون ليل انهار نلعن بي ونسبه
★★★★★ 2 ★★★★★
اليزورك سيدي تنطيه كل حاجه تمناها
باب الحاجه للمحتاج ارضك الله خلاها
نزور اختك بهذ اليوم لجلك نبچي وياها
يمها مايظل مهموم يمها تسهل الصعبه
★★★★★ 3 ★★★★★
يبن الكاظم المسموم رادو ينمحي اثارك
غايتهم بني العباس تعتم سيدي انوارك
يحس چن حاج بيت الله كلمن معتني وزارك
تسمع كلمن يناديك منه تسمع الندبه
★★★★★ 4 ★★★★★
مسموم الرضا وأختك بيك الليله مفجوعه
والحبك ابد مولاي الك ماتنشف دموعه
يابو محمد اترجاك وادري الحاجه مسموعه
البيك اتوسل ومحتاج اتوصل دعوته الربه
★★★★★ 5 ★★★★★
استشهادك اظل احيه مادام النفس بيه
ماناسي مصابك يوم بمجلس ابچي ليليه
يمر طيفك ازورن بيك گلبي يفيض حنيه
لجلك شيعتك مولاي ليل انهار متعذبه


✍️ الشاعر الحسيني فرحان البزوني

#برنامج1445
قصيده استشهاد رسول الانسانيه محمد صلى الله عليه وسلم
وزن الميمر

1

ماعفت بيت الاحزان والناس ملت وني
★★★★★ 1 ★★★★★
ملت بچاي الناس ليلي ونهار
الناس حگها مايهمها الي صار
يابويه چنت بجيتك تضوي الدار
بعدك تراني ماشوف يالخذت شوفي مني
★★★★★ 2 ★★★★★
وين اليخفف لوعتي واحزاني
مايشمت بحالي لون يلگاني
بموتك يبويه اتغيرت الواني
بويه الليالي بهموم من غيبتك فجعني
★★★★★ 3 ★★★★★
يابويه صرت بغيبتك مفجوعه
والجفن تحرگ خدي هاي دموعه
صارت ضحكتي بهالوكت ممنوعه
رافگت حزني والاه يابويه حيل اذني
★★★★★ 4 ★★★★★
حي عله الاحزان ويه الحسره
استشهد امين الله راح انخسره
بتك عزيزة گلبك انه الزهره
محد احس بفرگاك ياولدي متهني
★★★★★ 5 ★★★★★
حيدر علي يبچي عليك وينعه
حيرني شفته حاط ايده بضلعه
المثلك ابد موسهل بويه انودعه
مهمومه والحيل انهار بعدك يصبرني


✍️ الشاعر الحسيني فرحان البزوني

#برنامج1445
قصيده لسيدتي ومولاتي ام البنين عليها السلام
1


نخيتچ لا ترديني
يامولاتي ريحيني
هاي الطلبه اريدنها
عندچ سهله احسنها
يامولاتي ريحيني
★★★★★ 1 ★★★★★
الچ جاه اوجه مولاتي يم ربنه
ادري مو صعب تقضين حاجتنه
گلبچ چي نحب حسينچ يحبنه
چم دكتور يم عباس جربنه
مانفعانه تشخيصه
علاجه يضرنه تخصيصه
بس اوصل اذبنها
عندچ سهله احسنها
يامولاتي ريحيني
★★★★★ 2 ★★★★★
ياام البنين الوالد بشده
محد شخصه ولا يعرف شعنده
عله هالحاله صارت اله چم مده
والبسمچ تعنه الباري ميرده
ابنينچ انه احلفنچ
متطيبنه ماضنچ
بشاره اريد اسمعنها
عندچ سهله احسنها
يامولاتي ريحيني
★★★★★ 3 ★★★★★
الوالد يالحنينه تشهد اجدامه
يوصل للمريض او يوصل ارحامه
وهسه الليل من المرض مينامه
المرض مولاتي طالت حيل ايامه
نريد الحاجه مقضيه
يوگف بله عوچيه
بابچ جيت ادگنها
عندچ سهله احسنها
يامولاتي ريحيني
★★★★★ 4 ★★★★★
الوالد بين اديچ اليوم موضوعه
اذا يسمع بسمكم تهمل دموعه
عليه الروح يامولاي مفجوعه
يم بابچ الحاجه ندري مسموعه
نريده يزور احبابه
بدَم حسين ومصابه
هاي الطلبه اريدنها
عندچ سهله احسنها
يامولاتي ريحيني
★★★★★ 5 ★★★★★
الوالد مانسه الفاتحه ويقراها
الچ ويريد فزعه اليوم يلگاها
العقيله عله اخوتها دوم َواساها
چنه اگبال زينب يبچي وياها
ايواسيها عله اخوتها
يصب دمعه وي دمعتها
العقيله بيچ احلفنها
عندچ سهله احسنها
يامولاتي ريحيني


✍️ الشاعر الحسيني فرحان البزوني

#برنامج1445
قصيده لسيدتي ومولاتي فاطمة الزهراء عليها السلام
1

عنده وصيه الوالد اوصاني
ادعيلي من تكتب ولا تنساني
من تذكر الزهره
بويه الالم ذكره
ادعيلي من تكتب ولا تنساني
★★★★★ 1 ★★★★★
ارد احچي قصة والدي وشعوره
مرضه صعب وحتار بيه دكتوره
للطاهره اتوجه وللغيوره
مولاتي احلفچ ابد مامعذوره
بالضلع وبكسره
بويه الالم ذكره
ادعيلي من تكتب ولا تنساني
★★★★★ 2 ★★★★★
حلفها بالعباس وبچفوفه
انه ادري رب العزه مايعوفه
يرعاه وبعين العطف يشوفه
اتمنه يوگف روحي اله ملهوفه
منه جزع صبره
بويه الالم ذكره
ادعيلي من تكتب ولا تنساني
★★★★★ 3 ★★★★★
يافاطمه الزهراء لا تنسينه
چي روح عنده طيبه وحنينه
نوصل رحمنه والدي يوصينه
مولاتي الكم دومه تصب عينه
بألم وبحسره
بويه الالم ذكره
ادعيلي من تكتب ولا تنساني
★★★★★ 4 ★★★★★
والدي يبچي لو سمع قصتكم
دمعاته دومه تشارك الدمعتكم
مولاتي ويريد الشفه منعدكم
ماظنچ تعوفين ابد خادمكم
يم الحسن نضره
بويه الالم ذكره
ادعيلي من تكتب ولا تنساني
★★★★★ 5 ★★★★★
يم الحسن ننخاچ بسم العباس
عنده مكانه بالگلب ماتنقاس
دمعاته تجري الوالد شگد حساس
تبقه محبتكم فخر فوگ الراس
بيدچ يظل امره
بويه الالم ذكره
ادعيلي من تكتب ولا تنساني


✍️ الشاعر الحسيني فرحان البزوني

ابو ذيات ولادة المهدي المنتظر عج

شوكت تملي الارض قصدن وعدلن
استقامت بيك عوجتنه وعدلن
يبو صالح قسم اقسم وعد لن
اعوفن نصرتك حد المنيه

الي گلب انشغف بسمك ولي بال
بگد النجم حبيتك ولي بال
گلبي مايحب غيرك وليبال
بحبك يفتخر يبن الزچيه

حبك تاج يالمهدي عله الراس
الك خادم بخدمتكم عله الراس
من اجدادنه نحبك عله الرس
نعجل للظهور بكل مسيه


✏ الشاعر الحسيني فرحان البزوني

ابوذيات ولادة الامام الحسن عليه السلام

وحگ من كون السوره والانزال
كريم ودومنه نحبه والانزال
الحسن ساكن ضمايرنه والانزال
اجينه بمولده نفرح سويه

الحسن گامن احاسيسي هونه
اذا اختنگ ابو محمد هونه
ميلاده علي حزني هونه
بنصف رمضان مامر حزن بيه

حبه عله من شاني وجن بيه
بميلاده انس فرحة وجن بيه
الحسن بيه انشغل عقلي وجن بيه
مثل عابس صفت الجنون بيه

اليحبك مرتفع قدره ويعله
لليضدك دوم ندعيله ويعله
حسنه كرمه الباري ويعله
كريم اهل العلم واهل التقيه

    ✏ الشاعر الحسيني فرحان البزوني

#برنامج1445
استشهاد الامام علي عليه السلام
كعديه
1

لتقصرون بحياء العزيه
بطبرت حيدره حامي الحميه
ادري ماتقصرون
للمجلس تحظرون
بطبرت حيدره حامي الحميه
★★★★★ 1 ★★★★★
المسند تنقله الروايه حيدر ايوضح الحقائق
بمدرسة علمه اجتهدنه رغم الاف العوائق
رادو نغير فكرنه نتبع درب المنافق
علي وبدربه مشينه
الطبرته لا مانسينه
لو يدور الفلك بينه
يبقه ابو الحسنين شاهق
باچر بالحشر عدنه تچيه
محمد وي علي وي الزچيه
للحبهم يشفعون
للمجلس تحظرون
بطبرت حيدره حامي الحميه
★★★★★ 2 ★★★★★
همهم التاريخ يكتب رادو يغير مساره
مايسولف عن صفاته الچان وي طه بجواره
بعصر ابو الحسنين چانت واضحه الاعظم حضاره
حاربوه بكل وسائل
عالظلم لا مايجامل
چان علمه من الأوائل
ناجح الحبه بجداره
تخلد بالزمن رغم المكيده
الضده مانحبه ومانريده
ظل ساكن بالعيون
للمجلس تحظرون
بطبرت حيدره حامي الحميه
★★★★★ 3 ★★★★★
طبرت المحراب چانت بيها مضمون ورساله
طبرته ابيت الله راكع شرفه جل جلاله
يحمد الباري ويشكره علي يااشرف سلاله
انطبر راكع علينه
وچان يعلم بالضغينه
ذنبه ابن عم النبينه
حاربوه اهل ادضلاله
طبرته حيدره لا مو نهايه
مضامين وحقائق والبدايه
افهمو يالتضدون
للمجلس تحظرون
بطبرت حيدره حامي الحميه
★★★★★ 4 ★★★★★
چان ابو الحسنين شمعه النورت درب الظلامه
وفاز من يمشي بطريقه وفرض عالناس احترامه 
الواله حيدر عدل دربه ابد مايختل نضامه
حيدر تضده النواصب
بسيفه عالباطل يحارب
نحيي هاي الليل واجب
انشف دموع اليتامه
تبقه الشيعه تهواه وتحبه
وماتمشي ابد اله اعله دربه
امحبته بيه مضمون
للمجلس تحظرون
بطبرت حيدره حامي الحميه
★★★★★ 5 ★★★★★
بدنيتك منعدي اسمع  للحشر زيد رصيدك
١٢ معصوم باچر غيرهم لا مايفيدك
علي بالحشر يشوفك بسمك ينادي ويريدك
يصيحك بهاي العباره
هذا ماعاف الزياره
هذا يبچي وبمراره
حيدر يسحبك من ايدك
الشيعه ماتنسه الشعائر
وبحزنهم يوم عاشر
خدام وتفوزون
للمجلس تحظرون
بطبرت حيدره حامي الحميه

   ✏ الشاعر الحسيني فرحان البزوني

ابوذيات استشهاد الامام علي بن أبي طالب عليه السلام

✿✿✿✿✿《 1 》✿✿✿✿✿
الحزن مو عالارض بالگلب ينصاب
ودم مو دمع من العين ينصاب
ابو الحسنين وسفه بغدر ينصاب
بالمحراب اجت ليه المنيه
✿✿✿✿✿《 2 》✿✿✿✿✿
ابو الحسنين ياحيدر علينه
واليناك ماننصه علينه
بوفاتك ظلمت الدنيه علينه
وسواد انتشر ويغطي الوطيه
✿✿✿✿✿《 3 》✿✿✿✿✿
حبك ياعلي الگلبي تملك
وروحي الحبتك لتظن تملك
الحسن من شاف ابن ملجم تملك
من عنده اخذ عهد اوصيه
✿✿✿✿✿《 4 》✿✿✿✿✿
شهد من النبي ماخذ شهاده
وشطر مرحب اله اروع شهاده
بالمحراب من حصل شهاده
ورب البيت فزت بهالهديه
✿✿✿✿✿《 5 》✿✿✿✿✿
بوفاتك دوم روحي ماتملها
يوسفه الفرح بعدك ماتملها
عيالك عيد ابدن ماتملها
بقت بحزان وبلوعه واذيه
✿✿✿✿✿《 6 》✿✿✿✿✿
ابد للغير ماسمع حسنه
النحسله بطيب مانطلب حسنه
ابوصيه التزم وتمسك حسنه
اعله ابن ملجم فلا خان الوصيه


  ✏ الشاعر الحسيني فرحان البزوني

#برنامج 1445
استشهاد الامام الصادق عليه السلام
1

مو اول مره يسووها
اربع نيران يحرگوها
رابع نار الصادق بيها
المنصور الخطه مسويها
اربع نيران يحرگوها
★★★★★ 1 ★★★★★
بجدامه الصادق طفاها هاي النار
المنصور امرهم وجوها بنص الدار
حرگو داره وكل عياله زغار كبار
هذا الصادق شاف المنظر ظل محتار
مثل ابراهيم يحرگونه
الصادق رادو يمحونه
ترجف من صبره مخليها
المنصور الخطه مسويها
اربع نيران يحرگوها
★★★★★ 2 ★★★★★
جدي ابراهيم تظل ناره توج للحين
كوني بردن كوني سلما لتحرگين
ظلت ماتبرد ماتطفه تبقه سنين
نفس النار بدار الزهره ام الحسنين
ابراهيم الظلت ناره
للصادق ممتده الداره
تلهب وين الي يطفيها
المنصور الخطه مسويها
اربع نيران يحرگوها
★★★★★ 3 ★★★★★
ثاني نار الامي الزهره الحرگت باب
من جدي ابراهيم امتدت الها اسباب
بسمار وسطره ميهمها بگد الحجاب
فرصتهم ماحاضر غايب يابو تراب
كونك حاضر ماوصلوها
والنار ابدن ماحرگوها
يدرونك غايب واليها
المنصور الخطه مسويها
اربع نيران يحرگوها
★★★★★ 4 ★★★★★
العمتي زينب نار اتعنت من ظلام
من جدي ومن امي الزهره الحد الخيام
الهالساعه النيران اتوجر والهم دام
مسموم الصادق نادينه انظل خدام
الصادق بيته ايحرگونه
ياوسفه وگبره ايهدمونه
انظل گبور انطالب بيها
المنصور الخطه مسويها
اربع نيران يحرگوها
★★★★★ 5 ★★★★★
الصادق بيته يحرگونه شوفو الصار
غايتهم شخصه يضيعونه هالكفار
من جيل الجيل تظل تسعر هاي النار
مانقبل منهم هالمره اي اعذار
انطالب ثاره بكل مره
امهدم مانقبل گبره
انعمر الگبور ونبنيها
المنصور الخطه مسويها
اربع نيران يحرگوها

✍️ الشاعر الحسيني فرحان البزوني