أُريد لبس النقاب وأراه واجباً لكن أمي تمنعني وتحرض علي؟!
مطلق الجاسر

للفتيات: كيف تحددي أولوياتك في الزواج؟🤔🤔

كتير من البنات تدخل مرحلة الزواج وهي مش عارفة إيه المهم فعلًا، وإيه اللي ممكن تستغني عنه.
عشان كده لازم يكون عندك “ميزان داخلي” يفرّق بين:

🔹 (الضروري): اللي من غيره العلاقة تنهار.
🔹 (المُكمّل): اللي وجوده يسهّل ويجمّل، لكن غيابه ما يهدمش.
🔹 (الزينة): اللي ملوش تأثير حقيقي على جوهر الحياة الزوجية.

1. حددي أهدافك من الزواج

اسألي نفسك بكل صراحة:
“أنا عايزة أتجوز ليه؟”

⬅️ هل عشان أكون في بيت آمن ومُستقر؟
⬅️ هل علشان أعيش مشاعر الحب والحنان؟
⬅️ هل عشان أحقق استقرار ديني ونفسي؟
⬅️ هل لأني عايزة أبقى أم وأبني أسرة صالحة؟
⬅️ ولا لأني حاسّة بالوحدة أو ضغط المجتمع أو مجرد تقليد؟

💡 إجابتك على السؤال ده، هترسم لكِ معالم الشخص المناسب لكِ فعلًا.

2. قسّمي الصفات لـ 3 مستويات

1. الضروريات (ما لا يُمكن التنازل عنه)

دي “أعمدة البيت”، من غيرها العلاقة بتنهار:
👈الدين العملي: يصلي، صادق، أمين، يتقي الله فيكِ.
👈الأخلاق: لا يهين، لا يتعدى، لا يصرخ، لا يحقّر.
👈القبول العقلي والعاطفي: تحسي إن قلبك وعقلك قابلينه ولو بدرجات.
👈تحمّل المسؤولية: شغل، رؤية للحياة، رجولة حقيقية في المواقف.

⛔️ لو حاجة من دول مش موجودة… لازم تراجعي نفسك بقوة.

2. المكملات (مهمة… لكن مش أساسية)

وجودها بيسهّل الحياة ويقلل الصدام:
⬅️ مثقف أو عنده روح حوار.
⬅️ في توافق في الاهتمامات أو طريقة التفكير.
⬅️ بيئة وعادات مشتركة أو قريبة.
⬅️ شكله مقبول ليكِ أو فيه قبول بصري.
⬅️ مستوى تعليم وطموح متوازن.

💡 دي عناصر بتحسن جودة الحياة… بس مش شرط لنجاحها.

3. الزينة (ديكور العلاقات مش أساسها)

الحاجات اللي المجتمع بيركّز عليها، لكنها مش عماد حياة:
👈أن يكون غني بزيادة أو ساكن في حي راقٍ.
👈أنه يحب السفر والهدايا والمفاجآت.
👈أنه يشبه “فارس أحلامك” في الخيال أو الأفلام.
👈أن يكون مشهور، أو له كاريزما خاصة.

❌ الحب لفكرة في خيالك… بيخليك تشوفي الحقيقة متأخر جدًا.

🔻 إزاي تفرقي بين المهم وغير المهم؟

اسألي نفسك:
👈إيه اللي وجوده بيريحني؟
👈إيه اللي لو غاب هعيش مضغوطة؟
👈إيه اللي لو حصل كل الناس فرحانة بيه… وأنا مش حاسة بأي رضا؟

اكتبيهم في ورقة، وصنفيهم ضمن:
“ضروري – مكمل – زينة”

3.افهمي إنك مش بتختاري “شريك للمناسبات”… بل “زوج للحياة”

الزواج الحقيقي مش مجرد صور على السوشيال ميديا أو خروجات رومانسية،
الزواج الحقيقي معناه:
شخص هيشوفك وقت تعبك وبكاءك ومزاجك الصعب.
شخص هتشوفيه وقت ضغطه، وغضبه، وتقصيره.
علاقة فيها مواقف، ومصاريف، وخلافات، وقرارات كبيرة.

🔻 لذلك… اللي بيختار بس بـ”العين” أو “الانبهار”،
بينصدم أول صدمة لما يشوف الواقع الحقيقي.

4.تأكدي إن الزواج حياة … مش “منحة”

كتير من البنات عندهم تصور داخلي إن الجواز هو “الفرصة اللي مش هتتكرر”،
فتبدأ تتنازل عن الضروريات وتتمسك بالزينة!

لكن الحقيقة:
أنت مش محتاجة “تتجوزي” بس… بل محتاجة “تسكني وتؤمني وتطمئني”.

والزواج مش نعمة في ذاته…
النعمة الحقيقة: السكينة اللي بتتحقّق لما تختاري صح.

5. لا تستهيني بـ “علامات التحذير المبكر”

خلال الخطوبة… ممكن تظهر حاجات بسيطة:
👈تعليق جارح… ويتكرر.
👈استهزاء برأيك… أو تجاهل لوجودك.
👈تفاخر مبالغ فيه… أو تحقير غيره.
👈أو شخص بيحاول يغيّرك بالكامل عشان تليقِ بيه!

💡 الحاجات دي “بذور”، لو تجاهلتيها… هتكبر وتتحوّل لشجرة تعب بعد الجواز.

6. احترمي نفسك… قبل أن تنتظري احترامه لكِ

اللي يدخل علاقة وهو مش حاطط لنفسه قيمة، هيمشي فيها وهو دايمًا في وضع “التمسّك” و”الرضا بأي شيء”.

لكن لما تبقي عارفة إيه اللي ينفعك، وإيه اللي لا، هتختاري بقلبك… لكن مش هتتعلقي إلا بما يستحق.

🔻 الزواج مش “نهاية الحياة” ولا “دليل إنك مرغوبة”،
الزواج “وسيلة لتحقيق الاستقرار والطاعة والنماء النفسي”.

✅ تذكير مهم:

مش كل “فرصة زواج” تستحق الجهد!
ومش كل “راجل كويس” مناسب ليكِ…
اختاري زوج المستقبل، مش لأنك خايفة تفضلي لوحدك…
بل لأنك عايزة تعيشي معاه حياة كاملة بمعناها، مش بمظهرها.

والراجل المناسب مش اللي يكمّل الصورة في نظر الناس، بل اللي يكمّل قلبك، وعقلك، ودينك… وأمر بيه ربك.

ربنا يبارك فيكم يا بنات ويوفقكم ويرزقكم السكينة أولاً، ثم الزوج الصالح والرضا بما قدره الله.

ش محمد سعد الأزهري

لستُ أفهمُ من معنى الحُبِّ إلا أنَّ الروحَ اهتدت إلى شيءٍ من سِرِّ الإنسانيةِ في إنسانٍ جميلٍ قد استطاعَ بجمالِه أن يَهدِيَها إلى هذا السر.👌


[خاتمة || رسائل الأحزان] للرافعي رحمه الله.

اتعلم الدرس وامضي

اللهم ارحمه واغفر له واجعل في فسيح جناتك

,,,
نصيحة صباحية

كلُّ شيءٍ جميلٍ تُحبّ أن يبقى، فاستُره،
ولا تُبدِه للناس، فإنَّ أعينهم لا تُبقي ولا تذر.

هي الرجالة مالها كده كلها بقي قلبها مليان عواطف وحب وهيام ومشاعر فياضه كده ليه عند الحاجة اللي تخصة(مراته) لأ الكلام بالقطارة إنما الحاجة اللي مش تخصة من بعيد ولا قريب تلاقيه بسم الله ماشاء الله بيدي مشاعر بالبراميل
ياعم يا حضرة المحترم خد بالك من بيتك وعيالك علشان ربنا يكرمك ويصلح حالك .
حاسه أن أغلب الرجالة الآن بقت مريضة في قلوبها .ربنا يهديهم ويشفيهم ويعافيهم من حب حاجة الغير وارتكاب مايغضب الله.
منقول

امرأة لاتتكرر ولاتعوض 👌

كيفَ يستطيع الآباءُ التقاطَ هذه المشاهد لأبنائِهم وهم يُصلُّونَ ويقرؤونَ القرآنَ دون أن تذوبَ قلوبهم من فَرطِ عُذوبةِ المَنظر!

🤎فقط أتخيَّلُ الفِكرة وأطيرُ فرحًا")).

‏أرجو من اللَّه أن يرزُقَني ذُريَّةً صالِحةً مُصلِحةً، ويَهديني لتَربيتِهم كما يرضى؛ ليخرُجوا أعزَّاءَ بالإسلام، يرفعونَ رايتَهُ، ولا يَخشَونَ لومةَ لائِم.

- تلاوات البراعم💗💗.

عشان لما نعطى محاضرات علي حسن التبعل والتزين لازواجكم تقولولي ده كده كتير وفوق الطاقة
اسمعوا نبينا صلى الله عليه وسلم قال ايه وأمنا عائشة رضي الله عنها
وتاني لأ المرة المليون 😂 كوني عروسة كل يوم لزوجك وإلا هتجيلي في الاستشارة تعيطي وتقولي هيتجوز عليا 🙈😁

واحد صاحبي لا داعي لذكر إسمه بعد ما إتجوز بخمس سنين وخلِّف من مراتُه ولدين، حد مُهزء بعتلُه صور لمراتُه بلبس البيت ومحادثات تدينها في أخلاقها وتسجيلات صوتية تدينها في شرفها ومكتفاش غير بإن فضيحتها تكون على كل لسان، فبعت نفس المحادثات بنفس التسجيلات بنفس الصور لكذا حد من أصحابُه ومن ضمنهم أنا، وكانت فاجعة بالنسبالي لإن معظم الناس في قريتنا كانوا بيحسدوه عليها من أخلاقها وأدبها وطيب لسانها وحسن معاملتها مع الصغير قبل الكبير، وقتها دموعي نزلت من عيني زعلاً عليهم وسكتت منتظر طلاقهم لإن مش أي راجل في الدُّنيا يستحمل الكلام ده على شرفُه وعرضُه وخاصةً لما يبقى متردد على لسان القريب قبل الغريب، إنتظرت شهر والتاني والتالت لحد ما عدى سنة والغريبة إني مشوفتش أي رد فعل مش كويس منُه لدرجة إنها في خلال السنة دي مسابتش البيت ولا حتى مرة واحدة بس، وعدت السنة التانية وربنا كرمُه بسفرية برَّة مصر وتحديدًا السعودية ومفيش سبع شهور وبعتلها دعوة وسافرتلُه هي والأولاد، وسمعت إنهم حجوا وإعتمروا أكتر من مرَّة.. مش مرَّة واحدة بس، وإتفاجأت في أجازة ليهم بعد أربع سنين أو يمكن أكتر إن ربنا كرمها وانتقبت وخلفت ولد وبنت تؤام يشبهوا القمر في جمالُه، وفي مرَّة روحت أسلِّم عليه فحضني جامد وطبطب على كتفي وهداني بتليفون يعدي العشرين ألف جنية وسجادة وسبحة وأربع جلابيات مش جلابية واحدة!، فقلت لُه مش كتير عليا ده؟، إبتسم وقالي كتير على الناس كلها إلاك، إنت الوحيد اللي مقطعتش في فروتي ولا إتكلمت عني بالسوء ولا جيت سألتني في مرَّة على الصور إياها والتسجيلات ولا حاولت تلمحلي مرَّة بطلاقها، فوشي إحمر لإني كنت مفكر إنُّه ميعرفش إني من ضمن الناس اللي انبعتلها الكلام ده، فإبتسم وقالي أنا عارف كل اللي وصلُّه الحاجة واحد واحد وكلهم كانوا فضوليِّن وعاوزين يعرفوا تفاصيل أكتر إلَّا إنت.. رديت عليه قولتلُه إتقِ اللّٰه، دي ست متجوزة ومخلفة وعمر ما حد سمع عنها حاجة وحشة وجوزها بيموت فيها وراجل محترم وميستاهلش إنُّه يتخذل في أكتر حد أمنلُه، وهددتُه بإنك هتبلغ مباحث الإنترنت وقعدت تشتم فيه لحد ما عملك بلوك، قولتلُه أنا أكلت معاكم إنتوا الإتنين عيش وملح ومراتك من يوم ما جات هنا وأنا بعتبرها أختي، فدي أقل حاجة المفروض كنت أعملها، عيونُه رغرغت بالدموع وقالي أقل حاجة بالنسبالك كانت كبيرة جدًا على أهلي بذات نفسهم!، فطبطبت عليه وقولتلُه المؤمن ديمًا مُبتلى والحمدُّ اللّٰه إنها عدت يا حبيبي وحاول بقدر الإمكان متجيبش السيرة دي قُدام أي حد تاني، قالي عمري ما جيبتها قدام أي حد من يوم ما عرفت لحد النهاردة ولكن الناس هى اللي كانت بتتعمد تفاتحني فيها، فكنت بسكت ومتكلمش لإن دي أعراض، أما إنت مش أي حد وصلاحك هو اللي أجبرني أحكيلك كل اللي مكتوم في قلبي، وقام فاتح الشات اللي كان ما بينُه وما بين الشخص إياه وقالي إقرأ، فإتفاجأت إن الصور والمحادثات والتسجيلات دي وهى كانت لسه في سن الـ ١٧ سنة وقبل ما تتخطب بـ ٤ سنين، وإنُّه بعت الحاجات دي مخصوص عشان طلب يكلمها أكتر من مرة وهى رفضت حُبَّا فيه وخوفًا من ربنا، فقولتلُه واللّٰهِ العظيم قلبي كان حاسس لإن شخصيتها تبان للأعمى مش من طبعها الخيانة، قالي ياريت الناس كلها نواياها صادقة شبهك، أول ما شوفت الحاجات دي إستأذنت من الشغل وروَّحت سألتها إنتي كُنتي على علاقة بحد قبل ما تتجوزيني؟، حطت وشها في الأرض وعيطت وقالتلي أه وكان واهمني بإنُّه هيتجوزني، فقولتلها طب ومقولتليش الكلام ده ليه أيام الخطوبة؟، قالتلي لإني سألت شيخ وقالي مينفعش ربنا يستر نفسك وتفضحيها وخرجت تليفونها ورتني سؤالها وجواب الشيخ والمحادثة اللي كانت ما بينها وما بين الولد ده من أولها لآخرها وقالتلي وهى بتبكي حياتي قبل ما أعرفك شيء وبعد ما عرفتك شيء آخر، أخطأت ومتأكدة من ده لكن خطيئتي مهما كبرت ليست أكبر من مغفرة اللّٰه وأكيد جهادي من يوم ما تُبت وأصلحت هيشفعلي عند ربنا، وأكيد أدبي وإحترامي ومعاملتي الطيبة معاك هيشفعولي عندك، وقتها زعقت معاها ولساني إتلفَّظ عليها بكلام ملوش لازمة وسيبتها ونزلت على المسجد أصلي المغرب وأشكي حالي لربنا، وإن من قبل ما أشكي ربنا كان عارف كُل حاجة، فخاطبني على لسان الإمام في الركعة الأولى: بـ: "فمن تاب من بعد ظُلمه وأصلح فإن الله يتوب عليه، إن اللّٰه غفورٌ رحيم"، وفي الركعة التانية بـ: "إلا من تاب وآمن وعمل عملًا صالحًا فأولئك يُبدل الله سيئاتهم حسنات وكان الله غفورا رحيمًا"، فكان جوابُه عليا كظم الغيظ والصبر ومنح فرصة أخرى، كان عطاءُه عوضًا على ما كتمتُه في نفسي السلام والهدوء والراحة والسكينة في علاقتنا والفتح الكبير في الرزق، وتفوت الأيام وصاحبي ده يتوفاه الله وهو بيعتمر، وأصلي المغرب النهاردة في المسجد اللي زوجتُه عملتُه كصدقة جارية على روحُه وأكون لابس جلابيه من اللي هداني بيهم فإفتكرُه بالدُعاء ويصعب عليا نفسي فإبكي إشتياقًا لُه ولأخلاقُه الطيبة.
منقول

من خلاصة الإستشارات
عارفين إيه اكتر أسباب الطلاق الأيام دى ايه
إن الست تريد أن تبقي رجل والرجل يريد أن يصبح ست
بمعني بعض النساء الآن يريدن الترجل أو بمعنى أصح أن يأخذوا القوامة الند بالند ،العناد، العصبية،كلامها يمشي علي زوجها وعلي أهله لو أمكن والجيران بالمرة ،التحكم في حركاته وانفاسه وهذا راجع للإعلام المعطوب اللي يسم عقلها وقلبها أنت مثله تمام
طب القرآن نعمل في إيه ياعلمانين اللي بيقولنا للرجال عليهن درجة يعني رضيت ام أبيت هو اعلي منك درجة وهي للرعاية ولامانك ورعايتك واحتوائك
حتي تربينا أن البيت الذى به رجال (أسود)لاتقربه الكلاب
تربينا أن الرجل له احترامه ومكانته عند أهله وأولاده كلمته مطاعة نعم إن ترضي الله وأن لم ترضي الله فعليك النصيحة ثم الصمت وعدم الجدال إلا أن يرده الله للصواب
والمقابل نرى رجالا يفعلوا هرمون النساء في أجسادهم وعروقهم لايوجد عندهم نخوة ولا مروءة يريدها تصرف علي البيت وعليه وبالمرة علي أهله
يريدها تنزل تشترى كل شىء وهو كالكرسي في البيت لايتحرك ويعرضها لاختلاط الذئاب في الشوارع
يجعلها تجرى هنا وهناك لقضاء مصالح المنزل والأولاد وهو جالس ملك اقصد كالخنزير
وبعد الهلاك والعذاب التي تقضيه هي طيلة اليوم يأتي ليلا ليقول لها حقي كسر حقك يابغل
أين الحقوق التي عليك قبل أن تطالب بها إحدى الضعيفين ( المرأة)
يجب كل واحد يأخذ دوره الحقيقي الرجل رجل يقوم بواجباته ويرعي بيته وزوجته وأولاده ويكون نعم السند والحبيب والاب ويأخذ بالمشورة ويسمع لزوجته ويغدقها حنانا ويسمعها كثيراً كلمات تشبع قلبها حبا وحنانا حتي لايعطي لأى شخص يصطاد هذا الثغر ويرحم ضعفها ولايفتنها في دينها فإن لم تلقي المحبة والمودة والرحمة والحب والعشق من زوجها ممن تنتظره..اتنتظره من الحرام والعياذ بالله ،فلذلك أيها الزوج من رجلاً بحق كن أبا بحق كن مربي لها ولأولادك ولاتفعل ماينقص من قدرك واحترامك أمامهم فصدقني أن انكسرت هذه النظرة أن تلتئم أبدا الي يوم القيامة
وأنت أيها الزوجة المسلمة الصالحة ارجعي لكلام ررك وسنة نبيك وكوني زوجة صالحة بحق طيعة قوامة صوامة عايدة لربك محبة لزوجك بل عاشقة له ،اجعليه يستغني بك عن كل الدنيا ليس بالولاد ولا بكتابة شيكات عليه ولكن بالمعاملة الطيبة والأخلاق العالية التي تجعله يتأكد تماما إن خسرك لن يعوضك نساء العالمين.
اللهم اهدى بيوت المسلمين 🤲

✍️ الشيماء ربيع

♦ واحده كتبت تعليق على صوره تنمرت على زوجه الدكتور المشهور / مصطفى النحاس
دكتور الطب النفسى
قالت ....ازاي انه سايب كل الفنانيين اللي بيعالجهم وكل االلي حواليه وبرغم كدا متجوز واحده بشرتها سمراء و مش جميله ..

♦ رد الدكتور بيعرفنا الحب ف اعظم صوره❤️💜

✦ "في بوست منتشر بيتكلم عني وعن مراتي بشكل مسيء جدا
✦ قادر أتفهم طبعاً ان في ناس مرضى ومضطربين غير مرجو من شفائهم، وان في ناس بتقتات ع الفتات، ومش فارق معايا خالص مين قال ايه ولا ليه، كل ما يعنيني ان زوجتي مالهاش أى ذنب تسمع كلمة بايخة أو يصيبها أذي

✦ حابب بس أقولك حقك عليا يا ست الستات وكرامتك على راسي، أنا متأكد انك اكبر م الكلام الفارغ ده و ولا يفرق معاكي،

✦ بس انا محتاج أكد انك اكبر نعم ربنا عليا واني لما بشارك الناس بأجزاء من حياتي ده لأني بفتخر بيكي وبوجودك وبحبك"❤️❤️