#жамыслаўль #гара_цэгла #sacral_dominium
Яскравая адметнасць палацу Умястоўскіх - захаваная кафля, аўтэнтычная і разнастайная.
Выраблена яна была фабрыкай Villeroy & Boch, якая была заснаваная ў XVIII ст. у герцагстве Латарынгія, а ў нашыя часы з'яўляецца транснацыянальнай кампаніяй з цэнтрам у мястэчку Метлах, былая Свяшчэнная Рымская імперыя, а зараз Ня-меч-чына [папраўляе капялюш].
Ня так шмат аўтэнтычнага засталося ў палацы. Вось кафля, відаць, таму, што яе цяжка збіць з падлогі не зламаўшы. Шматлікім элементам дэкору пашчасціла куды менш, але і з іншага хараства тое-сёе засталося. Таму працяг будзе.

#жамыслаўль #гара_цэгла #sacral_dominium
Наступная порцыя палацавых цікавостак Жамыслаўля - печы ды каміны. Не жадаецца хлусіць, памяць падводзіць, але падчас экскурсіі ад наглядчыка прагучала салідная колькасць сродкаў абагрэву. Больш за 20... ці нешта такое. У любым выпадку засталося значна менш. І канешне, самае прыгожае не захавалася. Напрыклад, ня так даўно была знішчана печ і скрадзена шыкоўная кафля, на якой былі выявы з сюжэтамі казак Андэрсана. Вунь, на палічцы засталіся кавалкі. Атрымалася зберагчы металічны дэкор парачкі камінаў. Ёсць некалькі галандскіх печаў, хаця і без асаблівых мастацкіх цікавостак. Я ж нічога не пераблытаў? Вось гэтыя высокія - галандскія?
На тынкоўцы праглядаюцца ўзоры былога роспісу сценак, а яшчэ з цікавых адкрыццяў - капітэлі калон зроблены з металу. У руцэ кавалак адной з іх.