Падпісчык заўважыў, а я знайшоў яшчэ прыклады на старых фота, што ў міжваенныя гады ў гарадах БССР існавала дзіўная практыка высажваць дрэвы ўздоўж вуліц не на тратуарах, як зараз, а на ўскрайку праезжай часткі. Прычым ствалы дрэваў выходзілі прама з бруку ці з асфальту без дадатковых агароджаў ці пляцовак для збірання вады. У наш час татальнай аўтамабілізацыі гэта выглядае вельмі небяспечна, бо паміж стваламі дрэваў і аўтамабілямі няма ніякіх перашкод і нават бардзюр у многіх выпадках знаходзіўся за дрэвам, а не перад ім, як зараз. Зрэшты, у той час аўтамабіляў у гарадах было значна меней і такая высадка не выглядала нейкай праблемай.
На фота наступныя гарады: 1-3 Менск, 4 Магілёў, 5 Орша.

#беларускіпіонэр
Артыкул піонэрам пра Скарыну, апублікаваны ў часопісе "Беларускі піонэр" №11 1925 года, цалкам.

#кнігібсср
Вокладкі перакладаў на беларускую мову прац Леніна, выдадзеных у 1932-1940 гадах.

#рабочий
Аказваецца, першы канцэрт электроннай музыкі адбыўся ў Менску ажно ў 1929 годзе.
Абвестка ў газеце "Рабочий" №143 казала, што ў гэты дзень у тэатры "Профінтэрн" адбываўся канцэрт музыкі Кавальскага на "Тэрменвоксе" - адным з першых электронных музычных інструментаў у свеце, створаным савецкім вынаходнікам Львом Тэрменам у 1921 годзе (у тым жа нумары газеты змяшчаўся артыкул пра гэты інструмент).