ورغم أنك على سريرك لا تفعل أي مجهود يُذكر، لكنك مزدحم بالذكريات، بالتفاصيل وبمعركة قلبك وعقلك التي لا تنتهي، رغم صمتك بداخلك ضجيج يبتلعك.

بنعيط ليه بقى دلوقتي مش احنا عارفين ان الحياة قاسية كده كده؟ وان الاختيارات مش دايمًا في صالحنا؟ وان المسافات دايمًا سايبة علامة فارقة على قلبنا ووشنا؟ وان الأيام تقيلة بشكل كافي لدرجة ان مبقيناش نفرقها من بعضها؟ مش احنا اللي مش قادرين ولا عارفين نتكلم؟ مش احنا اللي زهقنا من الكلام والحكي اللي محدش هيعرف يحله؟ مش احنا اللي ارتضينا نتغرب في كل حتة لما مبقيناش عارفين ننتمي لمكان؟ مش احنا عارفين كل ده؟ بنعيط ليه بقى؟

‏لا أعرف ماذا تعني كلمة "الأمان" تحديدًا، لكني حين اقرأ {وَآمَنَهُمْ مِنْ خَوْفٍ} أرغب في هذا النوع من الأمان الذي لا يصاحبه خوف أو توتر أو قلق، يارب اسألك السكينة التي وضعتها في هذه الآية، يارب اسألك الأمان من كل خوف..

‏صباح الخير انا لسه صاحي من شويه ونزلت الشارع اتمشي، حاسس بالهزيمة، هزيمة غير مبررة، حتى مش عارف كنت بحارب فين وليه مجرد شعور مُخزي بالهزيمة..

" أنا متعوضش " .. دي الجُملة اللي لازم أنهي بيها أي حوار بِيدُور حوالين أي شخص أنا خسرته أو بيّفكر يخسرني ، مش ثقه فالنفس أو لحُسن صفاتي لأنِّي أكيد كُلي عيوب "مُمكن بعضها لا يُطاق "، قد ما هي ثقه في صدق و إخلاص كُل حاجة كُنت بقدمها من جوايا فعلًا و مِن كُل حته في كياني بمُنتهى الرضا لو حتى على حساب نفسي ..الإنسان مُمكن يضيَّع عُمره كُلُّه يدَور على شخص وَفي يتنفانى بس علشان يشوفه كويس و ده اللي أنا بعمله؛ علشان كده يا جماعة أنا متعوضش.

‏اعتراف تافه؛ بس انا بحب الضحك وبحب وجودي يكون مُرتبط بالضحك والهزار، فَ حتى لو كل حته جوايا حزينه هتلاقيني بقابلك وبكلمك وانا مُبتسم وبضحك وبهزر عادي كأني قاعد مدلدل رجلي في جزر المالديف مثلاً.

" بتمني من كل قلبي أعيش الجزء الباقي من عمري وأنا مطمن ومرتاح، مش خايف ولا عقلي بيفكر ولا شايل هم، أنعم بأيام كلها طمأنينة حقيقية وهدوء وثقه ف اختياراتي، تخليني أكون في أحسن صوره ليا وسعيد فعلًا من قلبي .."

حرفيا اكتر حاجة بقيت مقتنع بيها ان مفيش حد حياته بتقف علي حد ، مفيش مهما بلغت درجة حبك ليه وثقتك فيه ممكن حياته تقف عليك ، مفيش حد هيفضل يستحملك ويفضل جواه نفس الشغف من ناحيتك زي اول مرة عرفك فيها ، كل واحد يومه بيمشي وحياته حلوه من غيرك عادي ، وحقيقي يعني كلنا فترات في حياة بعض.

‏للاسف مبعرفش انسي اي موقف صعبت عليا نفسي فيه أو هنت ع شخص عزيز عليا مهما حاولت، حتي لما بحاول اعمل move on بعد فتره بلاقي نفسي لسه فاكره الموقف ده بشعوره كأنه امبارح مثلا.

سأكون بجانبك دائماً حتى لو إختلفنا 👭

‏كانت مواساتي لنفسي دائمًا .. أن قدر الله وماشاء فَعل، الحمدلله على ما فقدنا وعلى ما أضعنا، والحمدلله على أي شيء يحدث مِن الله فهو خيرًا لي، أعلم أن الله سيعوضني عن كُل شيء، فأختيارات الله صائبه مهما حدث، فاللهُم عوضني عَن كل شيء أنكسر في نفسي، وأجعل لي النصيب الأجمل من كُل شيء.

ساعات بحس اني استحق افضل لوحدي لاني مش الصاحب اللي حد يتمناه ومبعرفش اهون علي اللي بحبهم اوقاتهم الصعبة ولا اعبرلهم عن حبي وببان مش مهتم لمجرد اني مببقاش عارف اعمل ايه ولا اقول ايه في المواقف دي بس انا بحبهم من كل قلبي.

‏اغلب ذكرياتي الحزينه بتكون مضحكة بالنسبالي لما بفتكرها وممكن احكيها عادي على انها تجربه او فترة سيئة وعدت من غير م احس ب أي حزن. الغريب إن الذكريات الحلوه هي اللي مع الوقت بتكون حزينه بالنسبالي لأنها مبقتش موجوده.

غني للناس للحب غنيلي غني💜""

‏مبعرفش أعبر لحد عن إحتياجي ليه مهما كان كبير ، مبعرفش أبين تعلقي الشديد بيه ، مبعرفش أبين تمسُكي بالأشياء والحاجات اللي محتاجلها ، فـَ ببان دايماً إنـِ مش فارق معايا حاجة ، أو إنـِ بتخطىٰ الحاجات بسرعة ، رغم إنـِ فـِ الحقيقه بيفرق معايا جداً ، وحاجات كتير مبتخطهاش .

‏مش كل حاجه تستاهل المعافرة انت مش مضطر تصلح كل حاجة غلط حواليك مش مضطر تثبت وجهة نظرك لكل الناس نفسيتك أهم من إنك تبقى صح في اختيار الحاجات اللي تستاهل إنك تحارب عشانها علشان ماتلاقيش انك ضيعت سنين من عمرك وخلصت طاقتك في اللاشئ

الواحد لما بيمر بفترة صعبة بيلجأ لأكتر ناس قوية في حياته ، والقوة هنا مش قوة العضلات لا قوة النفوس ، الناس اللي مبادئها قوية، حنيتها قوية، طيبتها قوية، رحمتها قوية.. الناس اللي قادرة تحتويك وتلملم وجعك، وبالنسبة ليا الصفات دي هي القوة الحقيقية اللي قادرة تحتوي أي انسان على وجه الأرض وتطمنه .

‏انا بحب الناس تكلمني لكن مبعرفش ادخل اكلم حد عشان بحس نفسي شخص تقيل.

انا الفتره دى مخنوقه خنقه ما يعلم بيها غير ربنا ، وبحاول برغم اي حاجه صعبه اني اكون لوحدي واحل كل حاجه لوحدي عشان ميكونش ف سبب خلاني بقيت ، كويسه واعتمد عليه بعدين انا مش بخير وعايزه اكون بخير .

‏بمناسبة الصحاب عايز اقول مش بالصور وكترالخروجات والرغي، مش هتعرف صحابك فعلا غير وانت لوحدك فى ازمه او فتره صعبه ومش طايق حد في حياتك مش هتعرف حبهم ليك غير وسط الخنقه والزعل ولو مشوفتش حد سند فى الفتره الصعبه اللي بتمر بيها في حياتك أعرف انك عمرك ما صاحبت ناس عدله!