#Kitobxon_onalar_kuni

2025-yil 22-sentyabr kuni Toshkent shahar'' Bilim'' axborot-kutubxona markazi mutaxassislari tomonidan ''Kitobxon onalar kuni'' munosabati bilan Nizomiy nomidagi O’zbekiston Milliy pedagogika universitetining Maktabgacha va boshlang’ich ta’lim fakulteti talabalari va Ustozlari bilan davra suhbati bo'lib o'tdi.

Tadbir boshida Fotih Dumanning Men-Bas qil ey nafs kitobining tadqimoti o'tkazilib, asar haqida talabalarga to'liq ma'lumot berib o'tildi va turli xil savol javoblar bo'lib o'tdi.
Shuningdek, talabalarga kutubxona mutaxassislari tomonidan turli yo‘nalishlardagi badiiy, ilmiy-ommabop, ensiklopedik va talabalar uchun mo‘ljallangan adabiyotlar bilan yaqindan tanishtirildi.

Bu kabi ma’rifiy loyihalar kitobxonlikni targ‘ib qilish, ona mehrini ulug‘lash va yosh avlodni milliy qadriyatlarga hurmat ruhida tarbiyalashga xizmat qilmoqda.

Ijtimoiy tarmoqlarda sahifalarimizga obuna bo'ling!
👇🏻👇🏻
Facebook | Instagram | Telegram | YouTube | Web sayti | Twitter| Bilim Audio | Manzilimiz

2025-yil 24-sentabr kuni Toshkent shahar ''Bilim'' axborot-kutubxona markazi mutaxassislari tomonidan buyuk dramaturg va noshir Mahmudxo'ja Behbudiy tavalludining 150-yilligi munosabati bilan ''Buyuk alloma'' mavzusida O'zbekiston davlat jahon tillari Universitetining Xalqaro Jurnalistika fakulteti talabalari bilan davra suhbati va adabiyotlar ko'rgazmasi bo'lib o'tdi.

Tadbir davomida kutubxona mutaxassislari tomonidan tayyorlangan videorolik namoyishi va Mahmudxo'ja Behbudiyning hayoti va ijodi haqida talabalar bilan viktorina savollari o'tkazildi. Tadbir so'nggida viktorinada faol ishtirok etgan talabalarga Toshkent shahar ''Bilim''axborot-kutubxona markazi tomonidan esdalik sovg'alar topshirildi.

Tadbir juda keng doirada qiziqarli va mazmunli o'tdi. Tadbirdan maqsad yosh avlodga Jadidlarimiz haqida ma'lumotlar berib o'tish, ularni vatanparvarlik ruhida tarbiyalashga xizmat qishidir.

Huquqiy savodxonlik-davr talabi

2025-yil 24-sentabr kuni Toshkent shahar “Bilim” axborot-kutubxona markazi mutaxassislari tomonidan "Huquqiy savodxonlik-davr talabi" nomli kitoblar ko‘rgazmasi tashkil etildi.

Ko‘rgazmada xalqimizning huquqiy ongini va huquqiy madaniyatini yuksaltirishda muhim o‘rin tutadigan, zamon talablariga mos zamonaviy huquqiy adabiyotlar, qonun hujjatlari to‘plamlari, sharhlar, izohli lug‘atlar hamda yuridik sohaga oid ilmiy-uslubiy qo‘llanmalar namoyish etildi.

Mazkur ko‘rgazmaning asosiy maqsadi-fuqarolarning huquqiy bilimlarini chuqurlashtirish, qonun ustuvorligi tamoyillarini targ‘ib etish, jamiyatda huquqiy madaniyatni shakllantirishga xizmat qiladigan adabiyotlarni keng kitobxonlar ommasiga tanitish va targ‘ib qilishdan iboratdir.

Huquqiy adabiyotlar nafaqat yuridik sohaga qiziquvchilar, balki har bir fuqaroga kerakli bilim manbai bo‘lib xizmat qiladi. Huquqiy tafakkur, qonunga hurmat va yurtga sadoqat tuyg‘ularini shakllantirishda bu kabi manbalar bebaho ibrat maktabidir.