Tarixning noma’lum sahifalari” to‘plamining 12-kitobi taqdimoti

2025-yil 3-oktabr kuni Toshkent shahar “Bilim” axborot-kutubxona markazida Vazirlar Mahkamasi huzuridagi Qatag‘on qurbonlari xotirasi muzeyi, Chilonzor tuman oqila ayollar harakati a’zolari hamda O‘zbekiston Davlat jahon tillar universiteti hamkorligida “Tarixning noma’lum sahifalari" to‘plami 12-kitobining taqdimoti bo‘lib o‘tdi.

Taqdimotni “Bilim” AKM direktori H. Karimova ochib berdi. So‘ngra Qatag‘on qurbonlari xotirasi muzeyi direktorining ilmiy ishlar bo‘yicha o‘rinbosari M. Zikrullayev kirish so‘zi bilan davom ettirdi.

Tadbir davomida kitob haqida Muzey ilmiy xodimi, tarix fanlari bo‘yicha falsafa doktori B. Irzayev, hamda muzey katta ilmiy xodimi, tarix fanlari bo‘yicha falsafa doktori M. Darmonova batafsil ma’lumot berdi.

Tadbir yakunida mehmonlar tomonidan “Bilim” AKMga ushbu kitobning bir nechta nusxasi sovg‘a qilindi. Shuningdek, “Bilim” AKM rahbariyati tomonidan Muzey rahbariyatiga tashakkurnoma taqdim etildi.

2025-yil 3-oktabr kuni Toshkent shahar "Bilim" axborot-kutubxona markazida O'zbekiston Davlat jahon tillar universiteti bilan hamkorlikda "Ma'rifatli yosh-barkamol kelajak" nomli tadbir bo'lib o'tdi.

Tadbirda "Bilim" AKM direktori H.Karimova:

- Ma’rifat degani bu shunchaki bilim emas — bu inson qalbining nuridir. Ma’rifat bu – yurakka yo‘l topgan, ongni uyg‘otgan, fikrni poklagan, jamiyatni yuksaltirgan eng buyuk kuchdir. Ma’rifatli yosh esa – Vatan kelajagini yelkalarida ko‘tara oladigan barkamol avloddir, Aziz yoshlik vakillari!
Unutmang: siz ilmli bo‘lsangiz, yurtimiz kuchli bo‘ladi. Siz tarbiyali bo‘lsangiz, jamiyatimiz sog‘lom bo‘ladi. Siz or-nomusli bo‘lsangiz, Vatanimiz obro‘li bo‘ladi. Shunday ekan, o‘qishdan, izlanishdan, ustozlardan saboq olishdan, milliy qadriyatlarni asrab-avaylashdan charchamang!

degan mazmunli fikrlari talaba yoshlar ilm olishlari uchun yana bir turtki bo'ldi. Tadbir so'nggida talabalar kutubxona fondi bo'ylab ekskursiya qilishdi va kutubxonaga a'zo bo'lishdi.

#Kutubxona_OAV_nigohida

Хуррамова, Х. Ахборот-кутубхона фаолиятида каталоглаштиришнинг самарадорлиги / Х. Хуррамова, К. Бабаева // Образование наука и жизни. – 2025. – № 66-3. – Б. 346-350.

Ijtimoiy tarmoqlarda sahifalarimizga obuna bo'ling!
👇🏻👇🏻
Facebook | Instagram | Telegram | YouTube | Web sayti | Twitter| Bilim Audio | Manzilimiz

“Yo‘l-yo‘lakay kitob o‘qiymiz”

O‘zbekiston Respublikasida yoshlar va keng jamoatchilik orasida kitobxonlik madaniyatini yuksaltirish maqsadida “Yo‘l-yo‘lakay kitob o‘qiymiz” loyihasining navbatdagi soni 2025-yil 7-oktabr kuni Toshkent shahar "Bilim" axborot-kutubxona markazi mutaxassislari tomonidan amalga oshirildi.

Loyiha doirasida Toshkent shahridagi jamoat joylari, bekatlar, istirohat bog‘lari hamda ko‘chalar bo‘ylab aholiga adabiyotlar targ‘ib qilindi. Ushbu loyiha orqali aholida kitob o‘qishga bo‘lgan mehr va intilish kuchaytirilib, ma’naviy-ma’rifiy savodxonlikni oshirishga alohida e’tibor qaratilmoqda.

Ijtimoiy tarmoqlarda sahifalarimizga obuna bo'ling!
👇🏻👇🏻
Facebook | Instagram | Telegram | YouTube | Web sayti | Twitter| Bilim Audio | Manzilimiz

2025-yil 8-oktabr kuni Toshkent shahar "Bilim" axborot-kutubxona markazida O‘zbekiston davlat san’at va madaniyat instituti axborot-kutubxona yo‘nalishida tahsil olayotgan talabalar uchun kasbiy ko‘nikmalarini rivojlantirish, kutubxona faoliyati bilan bevosita tanishtirish maqsadida kutubxonaning asosiy bo‘limlariga ekskursiya tashkil etildi.


Ekskursiya davomida talabalar kutubxona fondining shakllantirilishi, adabiyotlarni tanlash, xarid qilish, buyurtma berish va hisobga olish jarayonlari, adabiyotlarni tizimlashtirish, UDK va BBK ko‘rsatkichlari asosida katalog yaratish, shuningdek, elektron kataloglar bilan ishlash amaliyoti, foydalanuvchilarga bibliografik ma’lumotlar taqdim etish, ilmiy izlanishlarda yo‘l-yo‘riq ko‘rsatish, zamonaviy axborot texnologiyalari, elektron kutubxona resurslari, raqamli ma’lumotlar ba'zalari va foydalanuvchilarga ko‘rsatiladigan interaktiv xizmatlar haqida, foydalanuvchilar bilan ishlash etikasi va madaniyati yuzasidan amaliy ko‘rsatmalar berildi.