❓Тарвия куни ҳақида нималарни биласиз?

🔸 Тарвия — Зулҳижжанинг 8-куни.
🔸 Бу кунда ҳожилар Маккадан Минога чиқадилар.
🔸 Тарвия дейилишига сабаб, ўша куни ҳожилар Замзам сувидан қониб-қониб ичишларидир.
🔸 Тарвия тафаккур маъносини ҳам билдиради.
🔸 Зулҳижжанинг саккизинчи кечасида Иброҳим (алайҳиссалом) тушларида ўғиллари Исмоилни (алайҳиссалом) қурбонлик қилаётганларини кўрадилар ва бу туш шайтонийми ёки раҳмоний, дея ўша кунни тафаккур билан, ўйчан ҳолда ўтказадилар. Шунга кўра, бу кун Тарвия (тафаккур) дейилади.
🔸 Арафа кечаси "Сенга буюрилган нарсани адо эт!" амри берилгач, бу тушнинг раҳмоний эканини англаб етадилар. Шунинг учун ҳам мазкур кун "Арафа" (билмоқ) деб аталди. Бу 9-Зулҳижжа бўлиб, бошқа кунларга Арафа дейилмайди.
🔸 Aрафа кунининг бомдод намозидан бошлаб ҳайитнинг тўртинчи куни аср намозигача, яъни 23 вақт намоз мобайнида ҳар бир фарз намоздан кейин ташриқ такбирини айтиш вожиб амаллардан ҳисобланади. Ташриқ такбири ушбудир:

Аллоҳу акбар! Аллоҳу акбар! Ла илаҳа иллаллоҳу валлоҳу акбар! Аллоҳу акбар ва лиллаҳил ҳамд!

Арафа куни ҳақида кўпроқ билимга эга бўлишни истасангиз, каналимизни кузатишда давом этинг!

❗️Эслатиб ўтамиз, 4 июнь зулҳижжа ойининг 8 куни, яъни тарвия куни.

Манба: Ўзбекистон мусулмонлари идораси

@BintuSodiq

Устоз Одинахон Муҳаммад Содиқ ходималарига Қурбон ҳайити муносабати билан ҳадялар улашдилар.

@BintuSodiq

Жобир розияллоҳу анҳудан ривоят қилинади:
«Набий соллаллоҳу алайҳи васаллам Арафа куни бомдод намозидан бошлаб, охирги ташриқ кунининг аср намозигача такбир айтар эдилар» (Байҳақий ривояти).

Такбири ташриқ лафзлари:
اللَّهُ أَكْبَرُ اللَّهُ أَكْبَرُ لَا إلَهَ إلَّا اللَّهُ وَاَللَّهُ أَكْبَرُ اللَّهُ أَكْبَرُ وَلِلَّهِ الْحَمْدُ.
«Аллоҳу акбар, Аллоҳу акбар, лаа илааҳа иллаллоҳу валлоҳу акбар, Аллоҳу акбар ва лиллааҳил ҳамд» ("Баҳрур-роиқ").

Маъноси: «Аллоҳ буюкдир, Аллоҳ буюкдир. Аллоҳдан ўзга илоҳ йўқ. Аллоҳ буюкдир, Аллоҳ буюкдир, ҳамд Аллоҳга хосдир.

🔸Такбири ташриқ арафа куни, яъни 5 июнь бомдод намозидан бошлаб Ҳайитнинг тўртинчи куни, яъни 9 июнь аср намозига қадар айтилади:

✨  5 июнь — 5 маҳал
✨  6 июнь — 5 маҳал
✨  7 июнь — 5 маҳал
✨  8 июнь — 5 маҳал
✨  9 июнь — 3 маҳал

❕Жами 23 маҳал намозда Такбири ташриқни бир маротаба айтиш вожиб амал саналади. Аёллар такбири ташриқни махфий айтадилар. Намозга кечикиб қўшилган киши ҳам намозини тўлиқ қилгандан кейин такбири ташриқни айтади.

@BintuSodiq

🌙 Бугун жаннат яқин бўлади! Бандаларга жаннат энг яқин бўладиган, дўзах энг узоқ бўладиган кун арафа кунидир.

✨Арафа кунингиз муборак бўлсин!

@BintuSodiq

🌙 Арафа куни қилиш тавсия этиладиган амаллар

🔸Арафа куни рўза тутиш
Абу Қатода розияллоҳу анҳудан ривоят қилинади:
"Набий соллаллоҳу алайҳи васаллам: "Арафа кунининг рўзаси икки йилга каффоратдир: ундан олдинги ва ундан кейинги йилга...", дедилар".
Шунингдек, ушбу мазмундаги ҳадиси шариф ҳам бор: "Арафани ҳурмат қилинг! Зеро, у Аллоҳ қадрлайдиган кундир".

🔸Арафа куни кечаси, яъни ҳайит кунига ўтар кечасини зикру тасбеҳ ва дуо-ю истиғфор билан бедор ўтказиш мустаҳаб.
Расулуллоҳ соллаллоҳу алайҳи васаллам: "Ким Рамазон ва Қурбон ҳайитларининг кечасини бедор ўтказса, қалблар ўладиган (яъни, Аллоҳнинг зикридан ғофил бўладиган ва қотиб қоладиган) кунда унинг қалби ўлмайди", деганлар.

🔸 Кўп дуо қилиш
Расулуллоҳ соллаллоҳу алайҳи васаллам айтадилар: "Энг афзал дуо Арафа кунидаги дуодир".
Термизий ривояти.
Ўзимиз, оиламиз, ота-онамиз, уммат учун дуо қилиш; гуноҳлардан кечирим сўраш; Аллоҳдан ҳидоят, барака, саломатлик сўраш энг яхши амаллардан биридир.

🔸Зикр ва тасбеҳларни кўпайтириш
Таҳлил: Лаа илаҳа иллаллоҳ
Такбир: Аллоҳу акбар
Таҳмид: Алҳамдулиллаҳ
Истиғфор: Астағфируллоҳ

🔶 Қуръон тиловати
Зулҳижжанинг 9-кунида Қуръон ўқиш, тафаккур қилиш ва маънолар устида ўйлаш қалбни поклайди, Аллоҳга яқинлаштиради.

🔶 Ота-онани хурсанд қилиш, узр сўраш
Арафа куни кечирим сўраш, ярашиш, юракларни юмшатиш учун энг қулай кун.

Манба: Islomuz, Muslimuz

@BintuSodiq

24. Инсоннинг ақлини муҳофаза қилиш

Шайх Муҳаммад Содиқ Муҳаммад Юсуф роҳимаҳуллоҳ

#Мукаммал_саодат_йўли

Ўзбекистон Республикаси Дин ишлари бўйича қўмитанинг 2012 йил 17 майдаги 1136-рақамли хулосаси асосида тайёрланган.

@BintuSodiq