Алвидо, Рамазон!

АДИБЛАР СЎЗЛАГАНДА...
Ўн иккинчи сон

Бобораҳим Машраб

Ким санинг борингда беҳад эрди эҳсону савоб,
Эмди хуш кет, то келунча бўлди аҳволим хароб,
Ким сани эъзоз этар, жаннат эгаси беҳисоб,
Хатм қилдим арзими, валлоҳу аълам бис-савоб,
Машрабингдин рози бўл, эй яхши меҳмон, алвидо!

Шеърни Ёрқинжон Фозилжон роҳимаҳуллоҳ ўқиган.

Ғоя муаллифи: Барно Саидраҳмон

https://youtu.be/UUI3EYaH8MU
#adiblar
@BintuSodiq

Ҳайитгача ҳатм қилишга улгуролмадим…

САВОЛ: Ассалому алайкум. Ҳайит айёми муборак бўлсин. Рамазон ойида Қуръон ҳатм қилишни ният қилиб, савобидан умидвор бўлган ҳолатда астойдил ҳаракат қилиб ўқиб кeлаётган эдим, лeкин ҳатм қилишга улгура олмадим. Чунки ҳали тeз ўқий олмайман ва орада узрли сабабга кўра узилиш бўлган эди. Рамазон ойида 28 пора ўқидим. Нима қилсам экан? Шу ҳақда фикрингизни билмоқчи эдим.

ЖАВОБ: Ва алайкум ассалом. Қуръон хатмини охирига етказиб қўяверинг. Рамазон кунлари хатмни тугата олмаган бўлсангиз ҳам, шу улуғ кунларда Қуръон тиловат қилганингиз учун савоб олаверасиз. Рамазон ойига улгурмаган бўлсангиз ҳам, хатм учун ваъда қилинган ажр-савоблардан баҳраманд бўласиз. Кейинги йилларда Рамазон ойи ичида тўлиқ хатм қилиш бахти насиб қилсин. Омин!
Валлоҳу аълам.

Одинахон Муҳаммад Содиқ.
«Билимсизликнинг шифоси – савол» китоби, 3-жуз.

#Савол_жавоб
Савол бериш учун: savollar.muslimaat.uz

@BintuSodiq

Рамазоннинг охирги кечаcида турибмиз

Азизлар, Рамазоннинг охирги кечаcида турибмиз. Қулоғингизга “Рамазон тугади, энди ибодатларга бу қадар шўнғима”, деб шивирлаётган овозга қулоқ тутманг. Бу шайтоннинг овозидир. Ибодатларда сусткашлик қилманг. Зеро, амаллар хотимасига кўра қабул бўлади.

Ибн Ражаб роҳимаҳуллоҳ айтади: "Рамазон рўзаси тугаганидан сўнг яна (кейинги ойларда нафл) рўзага қайтиш, одатланиш (у кишининг) Рамазон рўзаси қабул бўлганининг аломатидир. Аллоҳ таоло банданинг амалини қабул қилса, ундан кейин ҳам ушбу солиҳ амални бажаришга муваффақ этиб қўяди".

Шаввол ойида, ундан кейинги ойларда ҳам бизга суннат бўлиб қолган нафл рўзаларни тутиб, ажру савобларимизни кўпайтиришга, Аллоҳга қурбат ҳосил қилишга ҳаракат қилайлик.
Зеро, Аллоҳга ибодат, бандалик асло тўхтамайди, якун топмайди...

@BintuSodiq

Кўпчилик ишонган, меҳр қўйган, бирор нимани умид қилган кишисидан жафо кўрса, маҳзун бўлади, тушкунликка тушади, изтироб чекади. Шундай ҳолатга дуч келган одам ўша кишига қарата: “Сен ҳам, сенинг қалбинг ҳам Аллоҳнинг мулкидир, Сен ва сенинг кўнглинг Роббимнинг қўлидадир”, десин. Билсинки, Аллоҳ унга улуғ имкониятни берибди. У ҳам бўлса “истиғно”дир. Катталаримизнинг дуоси бор: Ўзингдан ўзгага муҳтож қилмагин”, деган.

@BintuSodiq

Рамазон ҳайитингиз муборак бўлсин!

Қалбимизга шодлик, кўзимизга нур, дастурхонларга барака, оиламизга тинчлик неъматларини олиб келувчи Рамазон ҳайити хайрларга васила бўлсин!

@BintuSodiq

Рамазон ҳайити муборак бўлсин!

تقبل الله منا و منكم، عيد مبارك علينا و عليكم!

Тақоббалаллоҳу миннаа ва минкум, ъийд мубаарок ъалайнаа ва ъалайкум!

Аллоҳ сизу биздан қабул айласин, Ийд сизу бизга муборак бўлсин!

@BintuSodiq