😊Фаолиятингизда ўтказиладиган текширувлар ҳақида олдиндан маълумот олмоқчимисиз?

👍 Бизнес-омбудсман тадбиркорлар фаолиятида ўтказиладиган текширувларни мувофиқлаштириш чораларини кўриб бормоқда.

Ўтган 9 ой давомида назорат қилувчи органлар томонидан 117 304 та текширув ўтказилган. Текширувлар қонунийлиги юзасидан ўтказилган мониторинг доирасида аниқланган қонунбузилиш ҳолатлари бўйича 860 нафар мансабдор шахсга нисбатан маъмурий баённома расмийлаштирилган.

👍 Тадбиркорлар ўзига тегишли текширувлар ҳақидаги маълумотларни қуйидаги икки усулда билиб олишлари мумкин:

👍 Telegram орқали: @tekshiruvinfo_bot га СТИР рақамини юборинг.

👍 СМС орқали: 4064 қисқа рақамига "ИНН" сўзини ёзиб, бўш катак қолдириб, СТИР рақамингизни юборинг.

Website|Telegram|Instagram|Facebook|X|Youtube

🔈 Тадбиркорлар диққатига!

Амалдаги қонунчиликка кўра, нодавлат таълим муассасалари ҚҚС ва фойда солиғи тўловчиси ҳисобланмайди.

Бироқ Фарғона вилоятида аниқланган ҳолатга кўра нодавлат таълим муассасаси нодавлат-нотижорат ташкилоти сифатида рўйхатдан ўтган. Бунинг оқибатида, у автоматик равишда ҚҚС ва фойда солиғи тўловчисига айланиб қолган. Корхоналар ва ташкилотларнинг ягона давлат регистри маълумотлар базасида тегишли таснифлагичларга ўзгартиришлар киритиш орқали тадбиркорнинг масаласи ижобий ҳал этилди.

Mаълумотлар базасида ўрганилган таҳлил натижаларига кўра, мактабгача ва умумий ўрта таълим фаолияти билан шуғулланувчи 1800 дан ортиқ тадбиркорлик субъектларининг таснифларида шу каби номувофиқликлар мавжудлиги аниқланди. Бу эса, уларнинг ҳам босқичма-босқич ҚҚС ва фойда солиғи тўловчисига айланиши ва қўшимча солиқ юкламаси вужудга келишига сабаб бўлади. Бизнес-омбудсман девони ушбу масалани бартараф этиш бўйича тегишли чораларни кўрмоқда.

👍 Ҳурматли тадбиркорлар, фаолиятингизда шу каби муаммога дуч келсангиз, Бизнес-омбудсман девони томонидан ташкил этилган Телеграм гуруҳи ёки 1100 қисқа рақами орқали мурожаат қилишингиз мумкин.

Website|Telegram|Instagram|Facebook|X|Youtube

👍 Солиққа оид низолар бўйича эксперт кенгаши ташкил этилади

Ҳукумат қарори (672-сон, 24.10.2025 й.) билан “Ўзбекистон Республикаси Савдо-саноат палатаси ҳузуридаги Солиққа оид низолар бўйича эксперт кенгаши тўғрисида”ги низом тасдиқланди.

Кенгашнинг асосий вазифалари:

тадбиркорлик субъектлари ва солиқ органлари ўртасида юзага келган солиққа оид низоларни кўриб чиқиш ҳамда улар юзасидан хулосалар бериш;

солиқ қонунчилигига оид норматив-ҳуқуқий ҳужжатлар ва уларнинг қўлланишини ўрганиш, шунингдек, ҳуқуқни қўллаш амалиёти сифатини ошириш бўйича таклифлар ишлаб чиқиш;

солиққа оид низоларни кўриб чиқишда бизнес ҳамжамияти, давлат органлари ва ташкилотлари ҳамда илмий ташкилотлар билан ўзаро ҳамкорлик ўрнатиш.

👍 Бизнес-омбусдман девони ҳам Солиққа оид низолар бўйича эксперт кенгаши таркибида бўлиб, тадбиркорларнинг ҳуқуқлари ва қонуний манфаатларини ҳимоя қилишда бевосита иштирок этади.

Website|Telegram|Instagram|Facebook|X|Youtube