وإنت ماشي .. ممكن تضرب ركبتك بـ حفة باب
ح تتوجع .. وتسأل حالك :
ليش يا ربي , شو عملت ؟
وإنت بالامتحان .. ممكن ترسب و توقف كتير قصص ع رسوبك
وتسأل حالك :
ليش يا ربي , شو عملت ؟
وإنت عشقان .. ممكن تنخان
تهمل عيشتك و أصدقائك وتتغير مع الكل
وما بتعرف تنسى وجعك
ليش يا ربي , شو عملت ؟
ممكن كتير قصص صغيرة .. تسأل حالك فيها
أو تسأل ربك فيها .. ليش ؟!
أنا إنسان منيح .. ليش هيك عم تعمل معي !!
بس في إشيا تانية صغيرة .. منسية !!
في مرة .. أكلت فيها .. و تشردقت بلقمة كتير صغيرة
اختنقت .. وما عاد عرف حدا يساعدك
ببساطة .. و فجأة
انبلعت اللقمة .. و بـ شفة مي , مشي الحال
ما سألت حالك ليش ؟
في مرة .. كنت نايم .. و الدورة الدموية عندك تعطلت
و كان بقيانلك .. ثواني .. و تتوفى
بيقوم الدماغ .. بيخترعلك حلم حقيقي
وهو عبارة عن إنك رح توقع ع الأرض
لـ يفيقك .. و تفيق
ويرجع كلشي بيشتغل لتعيش
ما سألت حالك ليش ؟
في مرة .. كنت بالسيارة , و لولا لطف الله
لـ قلبت فيك مية قلبة
ما سألت حالك ليش ؟
في مرة حدا من عيلتك دخل المشفى .. بكيت عليه
بس رجع منيح .. و تحسّن
ما سألت حالك ليش ؟
في كتير أوقات .. بياخد منك الله إشيا .. وبيعوضك بالأحسن
بس السؤال .. بعمرو ما كان :
ليش ربك عم يعمل معك هيك
السؤال هو :
إنت شو عامل لـ ربك , لحتى ما يعمل معك هيك !!
الحمدلله ع كلشي .. ✨🖤
#𝓶𝓪𝓵𝓪𝓴