.

قناتهم شكد حلوة :,) 🧡

Anatomy of A Smile
الإبتسامة البشرية يتحكم بيها سستمين:
الأول هو النظام الحركي motor system، مرات يسموه pyramidal system. هو اللي يخليك تحرك عضلاتك بإرادتك من راسك لرجلك. إذا تريد تبتسم من باب المجاملة، أو تكول "cheese" كدام الكاميرا، فهذا النظام هو اللي رح يشتغل ويحرّك عضلات شفايفك¹ ويخليك تبتسم إبتسامة مصطنعة، يسموها مرات pyramidal smile.

النظام الثاني هو النظام المسؤول عن العواطف limbic system. هذا خارج عن إرادتك الواعية وهو اللي يخليك تضحك بشكل لا-إرادي تجاه نكتة أو تبتسم لما تشوف شخص عزيز، وابتسامته حقيقية وغير مصطنعة، لأنه ما يحرك عضلات شفايفك وحدها، يحرك عضلات عيونك هم² ويخليهن "يبتسمن." إبتسامته يسموها Duchenne smile على إسم طبيب فرنسي هو أول من حدّد العضلات اللي تميز الإبتسامة المصطنعة عن الحقيقية.

المصابين بجلطة بالدماغ غالبًا عدهم مشكلة بالنظام الحركي، بالنتيجة من تكله "ابتسم" ما رح يكدر يبتسم بشكل صحيح ورح تصير ابتسامته عوجة بجهة وحدة من وجهه. بينما لما تسولفله نكتة تضحك، رح تشوفه يضحك وابتسامته طبيعية، هالشي لأن جهاز العواطف عنده بعده يشتغل طبيعي.
بالمقابل أكو عدد قليل من المصابين بالجلطة يعطل عدهم النظام الثاني، فتلكاه يبتسم إبتسامة مصطنعة عادية، بس ميكدر يبتسم إستجابةً للمشاعر.


¹عضلة الـ zygomaticus major.
²عضلة الـ orbicularis oculi بالإضافة للفوك.

هذا مُصاب بجلطة دماغية، من كالوله ابتسم (الصورة عاليسار) ابتسامته جانت بيها مشكلة. بينما من ضحكوه، كام يضحك بشكل طبيعي (الصورة عاليمين)

Mollusks are actually so freaking cool man

ذاك اليوم مدري شنو شفت معلومة على صائد الحشرات هذا بس نسيت انزلها ونسيتها هسة هم

لحظة تذكرت

النبتة بوقت الإزهار ازهارها تكون مرتفعة وبعيدة جدًا عن اوراقها، حتى الحشرات الملقحة الي تجي متكون فريسة الها وتتعرقل عملية التلقيح

✨ evolution ✨

شوفوا هذا هم مقال لطيف قريته قبل كم يوم وردت اترجمه بس ماعندي وقت :,) بس هو باختصار انه اكو نوع من النباتات ازهاره تطلق روائح تشبه رائحة جثث النمل الميت حتى يجذب الذباب الي يتغذى على هذا النمل، بالتالي يساهم بتلقيح الازهار
https://phys.org/news/2025-09-documented-case-mimicking-ants-pollinators.html

اكو هواي سوالف حلوة همين دا ادرسها بالتصنيف واريد احجي عنها بس الوقت ياخي

- الرساله ؛ Hey go you know anything scientifically about why sometimes I’ll find ants in the boiler water?

صديقتي قبل فترة همين شوفتني نفس الشيء، بحثت عنها هواي بس ماكو اي معلومة مؤكدة بس يعني it's most likely because :
يا اما جايين على المي، او معادن واملاح، او الجهاز دافئ وهم جايين على الدفو، او النمل الي قبله لمن يجون يتركون روائحهم (الفرمونات) فيبقى يجي بعدها نمل لنفس المكان هذا

This is so hauntingly beautiful

.