‏
‏وشـ نسوي بالظروف اللي تحكم فينا
‏كل امانينا تعوّد بامرها ممنوعه
‏
‏عاندتنا ون خذت تجحد ولاتعطينا
‏مالنا حيله وكلمتنا مهي مسموعه
‏
‏حاضر الايام غرباله غلب ماضينا
‏زاد كيله والفرص من حظنا منزوعه
‏
‏كل مافينا من اهوال الزمن مكفينا
‏نبتسم ونفوسنا من حملها موجوعه
‏
‏⁧ #شطر_طرالي

‏
‏انا كذا وضعي ليا ضاقت النفس
‏اقابل الوحده واجنب عن الناس
‏
‏لاترجي البسمه ورى خاطرٍ عمس
‏قدّر ظروف اللي شكا ضيق الانفاس
‏
‏ماعرف ازيف واقعي واظهر العكس
‏تكشف ملامح نظرتي سطوة الياس
‏
‏عطتني الدنيا من احوالها درس
‏والدرس عمر البعد ماطمن الراس
‏
‏⁧ #شطر_طرالي

‏يالله ونا طالبك في ساعة الجمعه
المغفره و العفو والاجر والتوبه

والخير والرزق والتوفيق والسمعه
والرحمه الي بوسط اللوح مكتوبه

دعواتنا للهدى والخير مجتمعه
والشر يا رب تبعدنا عن دروبه

العمر لوطال مثل النور والشمعه
يقضي مع الوقت والاعمار محسوبه

‏العرب تحتاج والطيّب يسد اللزوم

ومن قضا لناس حاجة قضا الله حاجته