*إنَّ اللَّه وِترٌ يُحِبُّ الْوتْر ، فأَوْتِرُوا ، يَا أَهْلَ الْقُرْآنِ* .

‏⁧ 🌹 *🌹الوتر🌹* 🌹

‏
‏وين المجال وحاضري مثل امسي
‏مابه جديد وفرحتي معدومه
‏
‏كني غريب ومن زماني منسي
‏صبري يطول وسكته مزحومه
‏
‏اكثر سؤال اجاوبه مع نفسي
‏يبعد مداه وصيغته مفهومه
‏
‏لوم الوحيد اللي سهر مايمسي
‏من مستريح وماشكا من يومه
‏
‏ليت الظروف المستبده ترسي
‏تعلن خضوع وتنسحب مهزومه
‏
‏⁧ #شطر_طرالي

‏
‏خارج نطاق التغطيه مالي مع العالم حضور
‏لاتنشد اللي مبتعد عن صدته واسبابها
‏
‏بعض الغياب ارتاح له واضح ولايجرح شعور
‏غربه ولا ليلة حضور اموازيه لـ اغيابها
‏
‏ماهزني وصل ولقا في مجمله نقطة عبور
‏تحصيل حاصل مافرق سيرته واحسابها
‏
‏⁧ #شطر_طرالي

اتمنى منكم متابعة القناه☝️
تحمل عبارات جميله وصور وخواطر رااائعه
مع الشكر 🌹🌹✋

‏صاحي وليلي ليل والحظ نايم
‏ضاري على طول الليال وعسمها
‏اثني على الغايب واشد العزايم
‏لين اكتفت نفسي وخلت عشمها
‏ماعاد به غيبه ولابه غنايم
‏امثال محدوده وطايح سهمها
‏الا على النايم تزيد التهايم
‏كلمه وذاق امرارها من كتمها
‏صايم قصر حظه عن افطار صايم
‏ماعيّن القسمه من اللي قسمها

‏⁧ #شطر_طرالي

‏شرهاتنا مثل الجمال المحاميل
‏نقودها للي رفيع ٍ مقامه
‏:
‏ما يلحق المشروه خدش الرياجيل
‏اللي يلومه .. يستحق الملامه
‏:
‏دم الرّدي ماهوب محتاج تحليل
‏في نظرة عيونه تشوف الرخامه
‏:
‏لو المشالح تجعل اللاش حلحيل
‏أهديت له بشت وعقال وعمامه