لآجاتك الحكمه من لسان شايب
خذها وسكر بالحشآ دونهآ آلبآب

مرت به الدنيآ وشاف العجايب
وجمع بقلبه من تجاريبهآ كتاب

سج القدم ف الارض والرزق مكتـوب
تصيبك ، اقــدارك لـــو اقفيت عنها

ومادام تلبـس مـن هنـا العافيه ثوب
النفس عــن درب الملذات ،،،، صنها

طبع النفوس العظيمه لو تضايقها
تلقى لهم في سنام العز ماريّه
.
حتى ولو القدر لـ الموت سايقها
يتصنّعون السعاده والرفاهيّه

بعض العرب ودك تحطه بمخباك
وتظهر خشيمه كل ساعة وتحبـه

وبعض العرب ودك تلخه بمسحاك
وترجع عليه .. وكل ساعة تلخه

دام الزمن ياصاحبي يمشي سريـع
وش لي بتـفـتيش الصدورالخافـيه

ويش الذي فينا بذالدنيا يضيع
غـير المبادئ . والضمايـر طافيه

‏اوهام راحت تجيب اوهام
‏والمنتظر خايبٍ سده
‏
‏غلطان من صدق الاحلام
‏لو كان حلمه على قده
‏
‏كنت احسب اليوم غير العام
‏واثره تعدى على حده
‏
‏فينا تزهل وشال الزام
‏جاير ولاحدن كسب وده
‏
‏كنه يقول الوعد قدام
‏ان كان فيكم علي شده
‏
‏وشـ عاد تخفين يالايام
‏جيتي على الناس منهده
‏
‏⁧ #شطر_طرالي

‏الجار جار ولا عن الجار مذخور
ولا خير في جارٍ قصر حق جاره

الجار حقه عند الأجواد مشهور
طيب الكلام وحشمته واعتباره

الجار جار ومكرم الجار ماجور
بالدين والدنيا كسبها تجاره

الجار حقه عند الاسلام منشور
واوصى عليه المصطفى باختياره