‏
‏الظروف معانده والصبر عيّا يفيد
‏والحياه اللي تجمل فقدنا لونها
‏
‏تحضر الضيقه وتكبر ونعزفها قصيد
‏الوهم من خلفها والشقا من دونها
‏
‏دارت الايام فينا ولا منها جديد
‏غير تاريخٍ قلب مافرق مضمونها
‏
‏ندعي في راحة البال والراحه بعيد
‏نعكس الصوره عن اهل الحسد وظنونها
‏
‏⁧ #شطر_طرالي

‏
‏تغيب لكن معي ذكراك ماغابت
‏صوره على البال تاخذني معالمها
‏
‏اسامرك طيف وحروف الوله شابت
‏ماغيرت حال بشعورٍ يلازمها
‏
‏راحت على ماش لاسرت ولاجابت
‏ماشاغلت بال من همّش مظالمها
‏
‏ارد الاشواق لكن عنك ماتابت
‏حديتها مير تتبع من يخاصمها
‏
‏⁧ #شطر_طرالي

ياشين بعض الناس يازين فرقاه
ماني على فرقاه خاسر مراجل

عرف المصالح والمجامل مانرضاه
عساه يقفي ... عــاجلٍ غير آجل

أحدن على ربعه شجرته مظله
‏وأحدن على ربعه سموم ولواهيب
‏ٰ
‏وأحدن وجوده بس بلشه وعله
‏وأحدن وجوده يبري الجرح ويطيب

‏لا توصي الطيّب على ماقف الطيب
اللي على كبار المواقف تعود

ولا تخاوي اللي ما يعرف المواجيب
يمشي معك وأن صمّل العلم عود”

‏لو كانت الأرزاق بيدين مخلوق
ماشفت منها مايسدك ويغنيك

لا كنها تقسم من المعتلي فوق
هو الذي لاشحوا الناس يعطيك

اسمع كلامٍ صح والعلم موثوق
اللي خلقك من العدم مايخليك

ولاتقول ان كل مطرود ملحوق
ابذل سبب والله على الخير يهديك

‎سعود_عايد_العلوي_الحربي