‏ابحث عن النسيان ماشفت نسيان
‏كني من النسيان منفي ومنسي
‏اكثف جهودي على قدرالامكان
‏لازادحمل الضيق عاونت نفسي
‏اعطي امل للنفس في بعض الاحيان
‏ون طال مردودالامل صارعكسي
‏احزان مخفيهاورى صورة انسان
‏لويبتسم يومي تغربلت بمسي
‏الحال نفس الحال صيغه وعنوان
‏والليل من خاواه وشلون يمسي

‏⁧ #شطر_طرالي

اللهم صل وسلم على نبينا محمد🌹🌹

‏اليا لقيت الولد يدحم جنوب الدهاه
وان مسته عوج بقعا مالحقه رخوه

سلم على الشايب الي يندبه من صباه
يافلان علق طلي يافلان صب قهوه

‏يالله من فضلك تسوق التباشير
وتعطي يدينً مسرفه بالعطايا
:
اللي لها في موقف الضيق تيسير
ما ترتجي مدحً وتبغى ثنايا
:
ما تلّحق المدّه بمنّه وتصوير
تبغى عوضها يوم كشف الخطايا

‏اليا لقيت اللي بـعـيد(ن) هـقاويه
‏خـاوه و خلّـوا (قـمّة المجد وجهه)
‏
‏و اليا لقيت اللّاش حذْرى تخاويه
‏و اللي جـرى مابينك و بيـنه انهه
‏
‏إن كان تَدْرى سمعتك و المشاريه
‏مرافقك بـعض الرجـاجيل شـرهه
‏

‏الكريم اللّي على الطايلة يرقى سنود
كنّ ربّي في علوم المراجل سلّطه

ودّه إنّه كل يومين يذبح له قعود
والطراقي ما يدلوّن غير مقلّطه"

‏عندي مشاعر صوبكم من مده
‏لكن عجزت افصح واعبر عنها

‏ان قلتها خايف تقابل صده
‏ون شلتها صدري تضايق منها

‏وشـ حيلتي فيها وهي ممتده
‏تزيد واحساس الغلا ساكنها

‏ماعاد في قلبٍ تولع شده
‏يصبر ولاله حيلةٍ يتقنها

‏⁧ #شطر_طرالي

‏الصبر حكمه والامل يطرد الياس
والجد والاخلاص قيمة وشيمه

والعز هيبة والشرف يرفع الرأس
والكذب سلعة مالها أي قيمه

والبيت مايبنى على غير مقياس
لابد توضع لة قواعد سليمه

خذلك من الدنيا تجارب مع الناس
واسلك دروب اهل العقول الحكيمه