الحمدلله...

هناك سِرٌّ عجيبٌ في تسليم الأمور لله بعد نفاد كلّ المحاولات، في التَّسليم لله انتقال تامّ من العجز المفرط إلى كمال القدرة، ومن منتهى اليأس إلى وجوب الحقيقة، ومن خوف القلوب إلى رضا الأقدار.

الصبر مفتاح الفرج
الجنة تنتظر الصابرين🩷

شوفي حبيبتي… الصبر مو بس إنو نتحمّل الصبر هو إيمان إنو رب العالمين دا يرسملنا طريق أحسن حتى لو احنا ما ندري بيه مرات نسعى ونتعب ونطمح وشي ما يتحقق نظل نزعل ونكول ليش؟ بس بالحقيقة هذا مو خسارة هذا معنى إنو الله يريد النا شي أعظم وأحسن يمكن مو هسه يمكن بوقت ثاني.

المؤمن لازم يظل قوي يظل مرفوع راسه، يعرف إنو الخير كله بيد رب العالمين
وإنتي من تصبرين وتبقين مؤمنه، راح تشوفين إنو ربج يعوضج بأشياء ما چنتي تتخيليها.

فخلّيچ واثقه وخلّيچ تسعين، لا تيأسين ....إذا الطريق انسد، الله راح يفتح غيره، وإذا حلم ما صار، الله راح ينطيچ حلم أجمل.
المهم تبقىين مؤمنة وتبقين واثقة إنو رب العالمين يختارلچ الأحسن دايمًا
#علويه_بسم_الله_الحسني .

حياتنا نعمة من الله ✨
مو كل يوم يجي مثل الثاني، بس كل يوم بيه فرصة جديدة نشكر الله ونفرح باللي عدنا. 🌿💫
خلّي قلبك عامر بالرضا والشكر، لأن النِعَم تزيد بالشكر.

الحمد لله الذي بنعمته تتم الصالحات 🤲💖
اليوم أرفع راسي بكل فخر وأقول: بعد تعب سنين طويلة، صبر، وسهر، وصلت لهاللحظة اللي حلمت بيها.. تخرجت من جامعة النجف الحوزوية وصرت رسمياً خريجة حوزة 🥹✨.
النجاح مو بس ورقة أو شهادة، النجاح هو قصة جهد وعزيمة ودعاء، ورضا الله وبركة محمد وآل محمد عليهم السلام 💫.

أهدي هالفرحة لوالديّ الغاليين، ولأهل البيت الأطهار، ولـكل شخص ساندني بكلمة، بدعوة، أو بابتسامة. ❤️
والي جاي أحلى إن شاء الله، لأن الطريق بعده طويل والطموح أكبر، واثقة بالله أنه ما يخذلني أبداً 🌸🌿

هاي غرفتي وترتيباتي من سكني الجامعي بالغربة🌸💗
يمكن تكون بسيطة بس أني شايفتها عالمي الصغير اللي يخليني أرتاح وأتحمس كل يوم وابدي يومي بكل حب ونشاط
أني مؤمنة إن الغرفة المرتبة والمليانة تفاصيل نحبها تنطينا طاقة حلوة وتشجعنا نكمل دراستنا ونحقق أحلامنا ✨ مهما كانت بسيطة انتو تخلوها حلوة بلمساتكم
كل وحدة بينا تگدر تخلي مكانها جنة صغيرة حتى لو بأشياء بسيطة المهم تحطي لمستچ الخاصة وتسوين زاوية تذكرچ دايمًا إنتي گدها وگد طموحاتچ 💪💖. رتبي يومچ ، وابتسمي.. واللي يجي من الله كله خير 🌹.

النشاط اليومي مثل نسوي الأكلات، ترتيب البيت حتى الحركات الصغيرة بالبيت أو العمل لما ترتبط بذكر الله تصير أخف وأجمل. كأنها ما هي مجرد شغل عادي، بل عبادة وذكر.

تگدرين تخلين لنفسچ ورد بسيط:
مثلاً تبدأ بالصلاة على النبي ﷺ.
اوتستفتح الاستغفار (ولو 100 مرة).
اوتشتغلين بأعمالج اليومية وأنتي ترددين الأذكار بهدوء❤️

يا بنات.. خلو حياتكم كلها ترتيب وبركة 🩷
مو كلشي بالحياة دروس موبايل طلعات أو سوالف. ترى أجمل شي نعيشه هو لما نكون سبب راحة لأهلنا وخاصة أمنا. الأم اللي تعبت علينا وسهرت أقل رد جميل الها إنو نوگف وياها ونساعدها بالبيت هنيالكم انتو بوسط اهلكم اغتنموا كل لحظة وياهم

▪️ رتبي غرفتچ قبل لا تطلعين.. حسّي إنچ سويتي إنجاز.
▪️ ساعدي أمچ بالطبخ حتى لو شي بسيط.. سوي زلاطة غسل مواعين نظفي خضرة ....
▪️ نظفي بيتكم مع أخواتچ وضحكوا وانتو تشتغلون او اقروا صلوات .. وبهيج شي تخلوه مكان يفرح القلب.

لا تفكرين الشغل بالبيت عيب أو مضيعة وقت بالعكس هو عبادة إذا نويتي بيه برّ بأمچ وخدمة لأهلچ
الله يكتبلچ بيه أجر چبير ويدخل الراحة لقلبچ

أنتي لما تساعدين أمچ تتعلمين مسؤولية، وتكبرين بعين نفسچ وبعين الناس.. والأهم تكبرين برضا الله. 🌸
خلوا شعاركم:
بيتنا جنتنا.. وأمنا ملكتنا.. وخدمتهم عبادتنا

#علويه_بسم_الله_الحسني

لكل ام

“من جلس بعد الفجر يذكر الله، أشرقت عليه أنوار الرزق والبركة.”
قال تعالى:

“فَسَبِّحْ بِحَمْدِ رَبِّكَ قَبْلَ طُلُوعِ الشَّمْسِ وَقَبْلَ غُرُوبِهَا”

📖 (سورة طه: 130)