https://www.instagram.com/reel/DKC4rMutnBj/?igsh=MXM4ZGZ5Nm85ZHVueg==


اطفالي روحوا علقوا الهم

أقامت مؤسسة الأتقياء لرعاية الأيتام احتفالًا بهيجًا بمناسبة نجاح أبنائنا الأعزاء، حيث عمّت الفرحة وجوههم النقية، وتزيّن اليوم بأنشطة ثقافية ودينية وأخلاقية قدّمتها لجنة الثقافة والإعلام، تضمنت محاضرة مؤثرة وألعابًا فكرية تفاعلية، أسعدت الحضور وزرعت البهجة في قلوب الأطفال.

وقد حرصت مديرة لجنة الثقافة والإعلام (المهندسه بسم الله عبد الجبار)
على أن تكون هذه الفرحة متكاملة، فكانت حاضرة بروحها ومحبتها وتفاعلها مع الأيتام في كل لحظة من الحفل، مشاركةً إياهم اللعب والفرح والعطاء.

تخلل الحفل توزيع الهدايا والجوائز، إلى جانب وليمة طعام ومبالغ مالية تشجيعية لأحبتنا الصغار، في أجواء يسودها الحنان والرعاية الصادقة.

نشر هذا الفيديو تم بموافقة وطلب من أولياء أمور الأطفال، تقديرًا للحظاتهم الجميلة ورغبةً منهم في توثيق فرحتهم ومشاركتها مع من كان سببًا فيها.

نتقدم بخالص الشكر والامتنان لكل من ساهم وتبرّع وسعى لإدخال السرور على قلوب هؤلاء الأطفال، ونخص بالذكر راعي المؤسسة ومسؤولها الرئيسي السيد ضياء الموسوي، لدعمه المتواصل وحرصه الكبير على إسعاد الأيتام ورعايتهم.

نسأل الله أن يجعل ذلك في ميزان حسنات الجميع، ويبارك بكل قلب محب لا ينسى اليتيم من خيره وحنانه

مشاعر،....

الزواج مو بس مشاركة حياة، هو بناء لأسرة، ولبنة لمجتمع مؤمن. من توجيهات أهل البيت عليهم السلام، نعرف أن الأساس في اختيار الزوج هو الدين والأخلاق.

🕊️ قال رسول الله ﷺ:
“إذا جاءكم من ترضون دينه وخُلقه فزوّجوه، إلا تفعلوا تكن فتنة في الأرض وفساد كبير.”
📘 (الترمذي)

✔️ مقاييس الاختيار الأساسية:
1. الدين: هل هو ملتزم بفرائضه؟ يصلّي؟ يصوم؟ يتقي الله في أفعاله؟
2. الأخلاق: كيف يعامل أهله؟ هل عنده رحمة واحترام؟ شلون يتعامل ويا الناس؟
3. الصدق والوضوح: شريك العمر لازم يكون واضح بنواياه وصادق بكلامه.
4. الغيرة المحمودة: يغار عليكِ غيرة شريفة مو تسلط ولا شك.

🔮 الإمام الصادق عليه السلام يقول:
“من خُلقه سيء عذّب نفسه وأهله.”
فلا تغرّج بالشكل أو المال.. لأن اللي ما عنده خلق، رح يتعبچ ويكسر قلبچ مع الأيام.

🕊️ اختاري شريكچ بعين القلب والعقل.. وخلّي استخارة رب العالمين دليلتچ.

💍 الزواج نعمة.. فاختاريه بمن يُقرّبچ من
الله، مو من يُبعدچ عنه
#علوية_بسم_الله_الحسني

الزواج مو فوز ولا مسابقة منو تفوز قبل!
الزواج مسؤولية، وأمانة، وبيت تبنينه ويا شخص لازم يستحقچ.

👰‍♀️ مو غلط تتأخرين بالزواج إذا بعد ما لگيتي الشخص المناسب،
الغلط إن تستعجلين وترتبطين بواحد ما يعرف قيمة المرأة، ولا يخاف الله.

🕊️ اختاري رجل:
• يخاف الله بيچ قبل لا يحبچ.
• إذا عصّب، ما يهينچ.
• إذا غضب، ما يكسر خاطرچ.
• إذا فرح، يفرح وياچ، مو وحده.

🚪 واذا شفتي بيه تهاون بالصلاة، أو لسانه طويل، أو شايف روحه،
غضّي النظر، لأن هذا ما يگدر يكون راعي بيت، ولا أب لأولادچ.

💭 تذكّري:
“اللي ما يحترم ربّه.. شلون تتوقعين يحترمج؟”

فد يوم، راح تشكرين نفسچ لأنج صبرتي، وتريثتي، واخترتي بعقلچ وقلبچ وإيمانچ.

وآخر شي نگوله: يا رب ارزق كل بنية بزوج صالح، ستر وسند وراحة قلب❤️

خطة بنت تعبانه بس تحب الدين:
وقت الليل هو كنزچ:
من تكملين شغلچ وتهدأين حتى لو نص ساعة قبل النوم اسمعي مقطع ديني صوتي – مثل محاضرة قصيرة أو شرح حديث.
ممكن تحطينه سماعات وتسمعين وانتي ترتاحين.

خلي كتابچ الديني يم مخدتچ:
كتاب بسيط – مثل الرسالة العملية للشباب أو قصص عن أهل البيت – تقرين صفحة وحدة يوميًا قبل النوم، حتى لو تعبانة، صفحة وحدة تكفي وتبارك وقتچ.

بالشغل، خلّي ذكر الله حاضر:
وأنتِ تغسلين أو تكنسين أو تطبخين، كولي بصوت خفيف:
“يا علي، يا الله، صلّ على محمد وآل محمد”
هاي تبني روحچ، وتقوي صلتچ بالله حتى وأنت مشغولة.

يوم الجمعة خليه الج:
اختاري ساعة، قبل أو بعد الغسل، اقري بيها فد دعاء، أو شوفي فدودرس بسيط، حتى لو كل أسبوع درس واحد، المهم الثبات.

تذكري:
• “العلم القليل مع الإخلاص خير من علم كثير بلا روح.”
• وتعبج اليوم، الله راح يجازيج بيه أضعاف، ويمكن يفتح الج باب علم عجيب ما متوقعته

12:00🩷

- الرساله ؛ انا بنت كبيرة عمري بالثلاثين
تقدم لي زوج اخلاق وتربية والحمدلله ولكن متزوج ولديه اولاد بس من شاف أخلاقي وطيبتي بقى ملزم الى يتزوجني. الصراحة اني عجبتني اخلاقه التزامة شكد مروا عليه بس مو مثل صفاته

هسه بقى يجي يطلب بقت على موافقتي..

نصيحة إذا ممكن؟

30 جبيرة!؟؟
يمعودة بعدج بعز شبابج هاي احلا عمر ثلاثينيه🥹

أول شي أحب أگول لج:
مو عيب ولا غلط إن يجي شخص متزوج ويطلبج بالحلال والإسلام ما حرم التعدد بس شنو العيب بزوجته!؟ ليش عافها وشافج باجر عكبة تجي احلا منج وحيروح الها هم وتكونين مثل الاولى الحكمة كلّها تكون بالقرار: هل هو يناسبچ فعلًا؟ وهل راح تعيشين كرامة وراحة؟

الأسئلة اللي لازم تجاوبينها مع نفسچ بصراحة:
1. هل أني كادرة أتحمّل شراكة الحياة ويا مرأة ثانية؟
مهما گال راح أعدِل” تبقين إنتِ زوجة ثانية، أكو مناسبات ما راح يكون يمچ وأكو أيام راح تروحينها بروحچ.
2. هل راح أعيش بسلام؟ لو تبدي المشاكل والمقارنات والغيرة؟
3. هل هو ناوي يعدل فعلًا؟
مو كلام عاطفي، فعليًا: بيت؟ مصاريف؟ وقت؟ مشاعر؟ عدل تام؟
4. أهلي شنو موقفهم؟ والمجتمع شراح يكون تأثيره؟
إنتِ كبيرة وعاقلة، بس نظرة المجتمع مؤثرة أحيانًا، فلازم تاخذينها بحسابچ

- الرساله ؛ اسلام عليكم علوية وحدة من اقاربنة والله ممسويتلهة شي وﻧحبهة ونساعدهم اتنمرت علية وستزغرتني لان اني مرتدية العباية وابنهة معجب بية ولمن طلب يزوج اتصرفت وياي تصرفات تقهر والله تباوعلي بشمئزاز وتصغير لان عود ابنهة من الصفات الجان رايدهة بالبنية لابسة عباية وخافت ايكلهة اخطبيهة عود وعناد بية خطبتلة غريبة والله موبراسي ولا ادري بي ايحب البنية اللي لابسة عباية من اذكر تصرفاتهة حيل انقهر وكول حسبنا الله ونعم الوكيل هل حرام علية لو لا لان مو مال اعاديهة وتصرف مثل تصرفاتهة اكبر مني عيب بس من اذكر المواقف اتحسب

أولاً: لا مو حرام تتحسبين
التحسّب على الظالم مو حرام
“حسبنا الله ونعم الوكيل” مو دعاء انتقام هو تفويض لله، يعني:
“يا رب، شفت اللي صار، شفت قلبي شلون انقهر، وشفت الظلم، وأني مو مال أذي، فإنت تولّى أمري.

الله سبحانه نفسه قال:
“وَسَيَعْلَمُ الَّذِينَ ظَلَمُوا أَيَّ مُنقَلَبٍ يَنقَلِبُونَ”
يعني عادي جدًا تدعين بهذا الدعاء وتتوسلين إلى الله وهو أعدل العادلين، ويعرف حقچ من باطلهم

ثانيًا: هي ما صغّرتچ هي كشفت مستواها
لمن شخص يستهزأ بالعفّة والعباية هذا مو انتقاد لشخصچ هذا سوء تربية وجهل لتنقهرين

- الرساله ؛ استاذة برائيج مو وزارة التربية جاي تصعب الامور على طلاب الصفوف المنتهية يعني هسه الدول بقيه شوف عدهم نجاحات أكثر منه رغم سكانهم اقل.عدنه يشدون عليهم من كل الجهات من النجاح من تعيين من دراسات عليا عود هاي رصانة أنه اشوفه برأي جاي يصعبون طريق على طلاب رغم الحياة حلوة والنجاح سهل لليجتهد بس هسه حتى يجتهد يحس بضياع جهده يعني خطيه هاي طلاب تدرس حتى تامن مستقبله شنو ذنبه متلكه تعيين.