خطة بنت تعبانه بس تحب الدين:
وقت الليل هو كنزچ:
من تكملين شغلچ وتهدأين حتى لو نص ساعة قبل النوم اسمعي مقطع ديني صوتي – مثل محاضرة قصيرة أو شرح حديث.
ممكن تحطينه سماعات وتسمعين وانتي ترتاحين.

خلي كتابچ الديني يم مخدتچ:
كتاب بسيط – مثل الرسالة العملية للشباب أو قصص عن أهل البيت – تقرين صفحة وحدة يوميًا قبل النوم، حتى لو تعبانة، صفحة وحدة تكفي وتبارك وقتچ.

بالشغل، خلّي ذكر الله حاضر:
وأنتِ تغسلين أو تكنسين أو تطبخين، كولي بصوت خفيف:
“يا علي، يا الله، صلّ على محمد وآل محمد”
هاي تبني روحچ، وتقوي صلتچ بالله حتى وأنت مشغولة.

يوم الجمعة خليه الج:
اختاري ساعة، قبل أو بعد الغسل، اقري بيها فد دعاء، أو شوفي فدودرس بسيط، حتى لو كل أسبوع درس واحد، المهم الثبات.

تذكري:
• “العلم القليل مع الإخلاص خير من علم كثير بلا روح.”
• وتعبج اليوم، الله راح يجازيج بيه أضعاف، ويمكن يفتح الج باب علم عجيب ما متوقعته

12:00🩷

- الرساله ؛ انا بنت كبيرة عمري بالثلاثين
تقدم لي زوج اخلاق وتربية والحمدلله ولكن متزوج ولديه اولاد بس من شاف أخلاقي وطيبتي بقى ملزم الى يتزوجني. الصراحة اني عجبتني اخلاقه التزامة شكد مروا عليه بس مو مثل صفاته

هسه بقى يجي يطلب بقت على موافقتي..

نصيحة إذا ممكن؟

30 جبيرة!؟؟
يمعودة بعدج بعز شبابج هاي احلا عمر ثلاثينيه🥹

أول شي أحب أگول لج:
مو عيب ولا غلط إن يجي شخص متزوج ويطلبج بالحلال والإسلام ما حرم التعدد بس شنو العيب بزوجته!؟ ليش عافها وشافج باجر عكبة تجي احلا منج وحيروح الها هم وتكونين مثل الاولى الحكمة كلّها تكون بالقرار: هل هو يناسبچ فعلًا؟ وهل راح تعيشين كرامة وراحة؟

الأسئلة اللي لازم تجاوبينها مع نفسچ بصراحة:
1. هل أني كادرة أتحمّل شراكة الحياة ويا مرأة ثانية؟
مهما گال راح أعدِل” تبقين إنتِ زوجة ثانية، أكو مناسبات ما راح يكون يمچ وأكو أيام راح تروحينها بروحچ.
2. هل راح أعيش بسلام؟ لو تبدي المشاكل والمقارنات والغيرة؟
3. هل هو ناوي يعدل فعلًا؟
مو كلام عاطفي، فعليًا: بيت؟ مصاريف؟ وقت؟ مشاعر؟ عدل تام؟
4. أهلي شنو موقفهم؟ والمجتمع شراح يكون تأثيره؟
إنتِ كبيرة وعاقلة، بس نظرة المجتمع مؤثرة أحيانًا، فلازم تاخذينها بحسابچ

- الرساله ؛ اسلام عليكم علوية وحدة من اقاربنة والله ممسويتلهة شي وﻧحبهة ونساعدهم اتنمرت علية وستزغرتني لان اني مرتدية العباية وابنهة معجب بية ولمن طلب يزوج اتصرفت وياي تصرفات تقهر والله تباوعلي بشمئزاز وتصغير لان عود ابنهة من الصفات الجان رايدهة بالبنية لابسة عباية وخافت ايكلهة اخطبيهة عود وعناد بية خطبتلة غريبة والله موبراسي ولا ادري بي ايحب البنية اللي لابسة عباية من اذكر تصرفاتهة حيل انقهر وكول حسبنا الله ونعم الوكيل هل حرام علية لو لا لان مو مال اعاديهة وتصرف مثل تصرفاتهة اكبر مني عيب بس من اذكر المواقف اتحسب

أولاً: لا مو حرام تتحسبين
التحسّب على الظالم مو حرام
“حسبنا الله ونعم الوكيل” مو دعاء انتقام هو تفويض لله، يعني:
“يا رب، شفت اللي صار، شفت قلبي شلون انقهر، وشفت الظلم، وأني مو مال أذي، فإنت تولّى أمري.

الله سبحانه نفسه قال:
“وَسَيَعْلَمُ الَّذِينَ ظَلَمُوا أَيَّ مُنقَلَبٍ يَنقَلِبُونَ”
يعني عادي جدًا تدعين بهذا الدعاء وتتوسلين إلى الله وهو أعدل العادلين، ويعرف حقچ من باطلهم

ثانيًا: هي ما صغّرتچ هي كشفت مستواها
لمن شخص يستهزأ بالعفّة والعباية هذا مو انتقاد لشخصچ هذا سوء تربية وجهل لتنقهرين

- الرساله ؛ استاذة برائيج مو وزارة التربية جاي تصعب الامور على طلاب الصفوف المنتهية يعني هسه الدول بقيه شوف عدهم نجاحات أكثر منه رغم سكانهم اقل.عدنه يشدون عليهم من كل الجهات من النجاح من تعيين من دراسات عليا عود هاي رصانة أنه اشوفه برأي جاي يصعبون طريق على طلاب رغم الحياة حلوة والنجاح سهل لليجتهد بس هسه حتى يجتهد يحس بضياع جهده يعني خطيه هاي طلاب تدرس حتى تامن مستقبله شنو ذنبه متلكه تعيين.

بالفعل مو بس بالمناهج حتى بالتصحيح بالأسئلة بالتعيينات، بالدراسات… كلها تشدد وضغط!
طلاب السادس بدل ما يركزون على العلم، ينضغطون نفسياً لأن سؤال واحد يمكن يضيع سنة كاملة.
الخريجين يقرون ويتعبون ويطلعون بمعدلات عالية… بس الوظائف محدودة أو تطلب محسوبيات.
الدراسات العليا صارت حلم بعيد للبعض لأن حتى الطموح صار مربوط بالمكانة والعلاقات والدرجات التعجيزية وهذا حالي لجئت لدوله غريبه حتى احقق حلمي وعفت اهلي

يعني، الطالب العراقي حالياً مثل المجاهد يقاتل مو بس بالتعب والدراسة… يقاتل نظام مو ماشي عدل

“رصانة التعليم” مو معناها تعقيد الطلاب!
الرصانة لازم تعني:
• تطوير المناهج بأسلوب مبسّط ومفهوم.
• إعطاء فرصة للكل يتعلم، مو بس المتفوقين.
• دعم الطالب المجتهد
مو إحباطه.


بس للأسف، اللي يصير حالياً هو:
• تعقيد بالأسئلة.
• تقليل نسب النجاح.
• قوانين دراسة وتعيين صارت شبه مستحيلة

إنتِ شكد راقية من گلتي
الحياة حلوة والنجاح سهل للي يجتهد”
بس الحقيقة هالجهد صار يضيع بهالمنظومة.
وهذا ظلم… لأن الطالب إذا ما حس إن تعبه إله قيمة راح يملّ ويحبط ويمكن يترك كلشي

بس إنتِ أقوى من الظلم وأذكى من أي قرار ظالم.
الله شايف تعبچ ومينسى دمعة نزلت من عيونچ لأنج بس تريدين تفرحين أهلج وتحققين حلمچ.
حتى لو ماكو عدالة تامة بالدنيا… عدالة رب العالمين ما تخيب.

لا تقارنين نفسچ بطلاب غير دول إنتِ بظل ظروف أصعب ومع هذا صامدة ومجتهدة.
هذا مو شي عادي هذا بطووووولة.

إذا تعبتي، ارتاحي… بس لا توگفين.
إذا ضاج صدرچ ابچي… بس بعد البچي امسحي دموعچ وكولي اني ما أتنازل عن مستقبلي حتى لو الدنيا كلّها ضدي.

https://www.instagram.com/reel/DKRuyEboxp-/?igsh=MTdlZmo4aGxmZzdheA==

تفاعلوا حبيباتي 🥹❤️
تفاعلكم يساعدنا بمساعدة الأيتام

الرد بصوتي داخل الفديو❤️

رَدُّ العَلَوِيَّةِ:

تَظُنُّنِي أُنثى كَكُلِّ نِسائِكُمْ
تَهْفُو لِراسِلِها وَتُغْرِيها الدُّمَى؟!

وَتَأتي تُرامي بِالحِجارِ كَأَنَّنِي
بابٌ لِدارِ اللهِ تُرْجَمُ بِالْعَمَى؟!

يا مَنْ رَمَيْتَ رَسائِلًا دُونَ الحَيَا

إنّا بَنتُ الطُّهْرِ نَسْلُ مُحَمَّدٍ
وَبِنُورِ أَجْدادِ الرِّسالَةِ نُحْتمي

لَوْ كُنْتَ تَطْلُبُنِي بِحُكْمِ شَرِيعَةٍ
طُرُقَ الْحَلالِ لَها الشَّرِيعَةُ تُرْسِمَا

لَكِنْ أَتَيْتَ عَلَى الجِدارِ كَخائِفٍ
تَدْعُو بِكَلِماتٍ كَأَنَّكَ مُغْرِمَا

تَبْكِي وَتَدْعُونِي بِأَنِّي عِلَّةٌ
وَالْعِلَّةُ الأُولَى: مِنَ الدِّينِ انْفَصَمَا

إِنْ كُنْتَ تَعْشَقُنِي بِحَقِّ مَحَبَّةٍ
فَاخْطُبْ، وَسُقْ دَرْبَ الْحَلالِ مُكَرَّمَا
إِنِّي ابْنَةُ الزَّهْرَاءِ مِيزَتْنِي السَّنَا
وَالدِّينُ يَحْرُسُنِي وَيَرْفَعُني مَقْدِمَا
#علويه_بسم_الله_الحسني