🌸✨ بما إنو اليوم جمعة… خليه يكون يوم التغيير، يوم الترتيب، ويوم الراحة النفسية ✨🌸

يا بنات، گوموا من هسه، حضّروا نفسكم، غسّلوا وجوهكم، خلوكم نشيطات… لأن الجمعة مو بس يوم راحة، هو يوم طاقة وروحانية ✨

ابدأن من غرفتكم:
🔹 طلّعوا الهذوم، شوفوا شنو محتاج تتصفّط، وشنو ممكن تنطوه أو تتبرعون بيه
🔹 رتّبوا الدولاب من جديد،ة حتلاحظون شكد المكان صار مرتب ونظيف
🔹 نظّفوا الزوايا، غيروا ترتيب السرير، عطّروا المكان حتى تتجدد الطاقة 🌿

وإنتو تشتغلون؟
📿 شغّلوا قرآن… خلو صوت القرآن يملأ المكان، ويهدّي القلب، ويكون شريككم بالشغل.
بالحركة بركة، وبالقرآن طمأنينة، وبهذا الجمع بينهم راح تحسون براحة مو طبيعية 🤍

🏡 البيت المرتب مو بس يريح العين، ينعكس على نفسيتچ على مزاجچ، وحتى على عبادتچ.
ليش نعيش بفوضى واحنا نگدر نخلي المكان حولنا يعبر عن هدوئنا وذوقنا؟!
ترتيب المكان هو ترتيب داخلي… هو حب للذات واحترام للنفس ✨

لا تنتظرين أحد يشجعچ، انتي التغيير، وانتي القوة، وانتي گادره تخلين هاليوم غير ❤
#علويه_بسم_الله_الحسني

امي مسافرة وبابا طالع وقررت اسوي حملة تنظيف على البيت🫠
بنات ما اوصف الكم الهدوء من تشتغلين وحدج ومشغله قصيدة لو قران

وامي ماكو ومتكلي نضفي منا وسوي هاي وحطي هاي🤣

بنات ضروري من تزوجون تحاولون تعزلون وحدكم مو مال ننضف وفوك راسنا ناس كل شويه مطلعين النا شي ولله من تزوجون وتعيشون الاستقرار وحدكم فد شي بيرفكت🫠


اريد ارجع لشقتي الصغيرونه بطهران😔هناك من صدوك حيااااااة استقرار🫣

- الرساله ؛ امي مسافرة وبابا طالع وقررت اسوي حملة تنظيف على البيت🫠
بنات ما اوصف الكم الهدوء من تشتغلين وحدج ومشغله قصيدة لو قران

وامي ماكو ومتكلي نضفي منا وسوي هاي وحطي هاي🤣

بنات ضروري من تزوجون تحاولون تعزلون وحدكم مو مال ننضف وفوك راسنا ناس كل شويه مطلعين النا شي ولله من تزوجون وتعيشون الاستقرار وحدكم فد شي بيرفكت🫠


اريد ارجع لشقتي الصغيرونه بطهران😔هناك من صدوك حيااااااة استقرار🫣


الحمدلله مو بس انا افكر هيج 😂🥲

صراحة مهم جداً الاستقرار اذا الولد عنده امكانيه يعزل
ف الافضل يعزل

- الرساله ؛ عمري إذا كل بنية تزوج وبيت لوحدها هنا أغلب العوائل ماعدهم فلوس يدبرون بيت الوحدها خلي بنية تستقر وية عيالها وتعتبرهم مثل أهلها وبعدين من شوف حالة زوجها زين ومستقرة تكدر تفتح بيت الوحدها

دنحچي ع الي يكدرون وهذا حقها الشرعي تكون مستقله وحدها
مبيها شي تزوج ويا عيال

بس الافضل ولله والي تفتهم تقنع زوجها يعزل حمامها وكذلك مطبخها
شويه استقرار افضل

واذا مكدرو من بدايه ف بالسنوات القادمه يدبروها يا ربي

الله يريدچ تعيشين حياة إلها معنى…
يريدچ تكونين إنسانة واعية، تعرفين شنو هدفج، شنو رسالتج، مو بس تمشين ورا الناس أو تضعين بمقارنات.
فكري إسألي نفسچ: شنو أنا أسوي؟ شنو أريد أوصل؟ شنو الأثر الي راح أتركه؟

ترى آني وإنتي كلنا تحت عين الله… مو سدى، أبد مو سدى ....

لاستاذة بسم الله اذا تعرفني ماخذه رسمتها محتوى تجي تموتني 🤣

ألاستاذة الجميله بسم الله الحسني 🤎.

فدوة🥺🥺

عبالي الغربة خلصت وبعد ما ارجع لطهران بس الحمدلله راح ارجع بكل حب بس فارگت قطعة من گلبي من جديد امي وابويه راح اشتاق الهم اتمنى التقي بيهم من جديد اقرب وقت 🥹

الانتحار مو حل، ولا راح يكون يوم من الأيام طريق للخلاص. 💔
الإنسان من يمر بظروف صعبة أو أوجاع نفسية قوية، ممكن يوصل لمرحلة يفكر بيها يترك الحياة… بس خلّونا نوگف ونفكر: إحنا ليش نسمح لفكرة مؤذية تسرق من عدنا كل أحلامنا وأمانينا ومستقبلنا؟

إحنا بنات نحب الحياة ونحب نشوف نفسنا عايشين حياة تليق بينا. 🌸
حياة نضحك بيها، نحقق طموحاتنا، نكبر بيها ونخلي بصمتنا. يمكن الطريق مو سهل، ويمكن نمرّ بمطبات وتعب وخذلان، بس يبقى الأمل هو الشي الوحيد اللي يخلينا نستمر ونكمل.

الانتحار ما يوگف الألم… بالعكس، يخلّي وجع أكبر وجرح للي يحبونا. وإحنا ما نرضى نكسر قلوب أهلنا وأصدقائنا.
خلي إيماننا بنفسنا وبقدرتنا يكون أقوى من أي وجع، وخلي عندنا يقين إن بعد كل عتمة، أكو نور. 🌅

إحنا أقوى مما نتخيل… ومستحيل نخلي فكرة الانتحار تاخذ من عدنا حقنا بالحياة