რუსთაველის გამზირი უწყვეტი პროტესტის 323-ე დღეს.

ვიდეო: MO SE.

ვოლოდიმირ ზელენსკი უკვე ვაშინგტონშია და პირველი განცხადება გააკეთა.

“უკვე ვხედავთ, რომ მოსკოვი აჩქარებს დიალოგის განახლებას, როგორც კი ტომაჰავკების გადაცემის შესახებ ინფორმაციას გაიგეს. მე უკვე ვაშინგტონში ვარ.

დღეს მაქვს შეხვედრები თავდაცვის კომპანიების წარმომადგენლებთან – მძლავრი ამერიკული იარაღის მწარმოებლებთან, რომლებსაც ნამდვილად შეუძლიათ ჩვენი დაცვის გაძლიერება. კერძოდ, განვიხილავთ საჰაერო თავდაცვის სისტემების დამატებით მიწოდებას. დღეს ასევე შევხვდები ამერიკული ენერგეტიკული კომპანიების წარმომადგენლებს. ახლა, როდესაც რუსეთი ტერორზე დებს ფსონს, ჩვენი ენერგეტიკული სექტორის წინააღმდეგ და ყოველდღიურ დარტყმებს ახორციელებს, ჩვენ ვმუშაობთ უკრაინის მდგრადობის უზრუნველსაყოფად.

ხვალ დაგეგმილია პრეზიდენტ ტრამპთან შეხვედრა და ჩვენ მოველით, რომ ტერორისა და ომის შეკავების ის იმპულსი, რომელმაც წარმატებას მიაღწია ახლო აღმოსავლეთში, დაგვეხმარება რუსეთის ომის დასრულებაში უკრაინის წინააღმდეგ. პუტინი, რა თქმა უნდა, არ არის უფრო მამაცი, ვიდრე ჰამასი ან ნებისმიერი სხვა ტერორისტი. ძალის და სამართლიანობის ენა გარდაუვლად იმუშავებს რუსეთის წინააღმდეგაც.

მშვიდობისა და სანდოდ გარანტირებული უსაფრთხოების გარდა, სხვა ალტერნატივა არ უნდა არსებობდეს და გადამწყვეტი მნიშვნელობა აქვს, რომ ხალხი რუსული დარტყმებისა და თავდასხმებისგან რაც შეიძლება სწრაფად დავიცვათ. მადლობას ვუხდი ყველას, ვინც გვეხმარება”.

ტრამპი: “ჩვენ ახლახან გვქონდა საუბარი პუტინთან. ვფიქრობ, ეს ძალიან კარგი სატელეფონო კომუნიკაცია იყო”.

ზაპოროჟიეს ოლქში ლიკვიდირებულია რუსი "ვაენკორი" ივან ზუევი.

ის იყო რუსეთის სახელმწიფო საინფორმაციო სააგენტო РИА Новости-ს პროპაგანდისტი. ზუევი დაიღუპა უკრაინული დრონის იერიშის შედეგად.

ასევე მძიმედ დაშავდა მისი კოლეგა, იური ვოიტკევიჩი.

უკრაინის სამხედრო დაზვერვის ხელმძღვანელმა, კირილო ბუდანოვმა განაცხადა, რომ რუსეთის ნავთობგადამამუშავებელ ქარხნებზე განხორციელებული დარტყმების მნიშვნელოვანი ნაწილი უკრაინული იარაღით ჩატარდა — ქვეყნის შიდა საბრძოლო მასალების წარმოების წყალობით.

"ჩვენ ძირითადად ჩვენი რესურსებით ვმოქმედებთ — ამ ოპერაციების 99% ჩვენი საშუალებებით ხორციელდება.“ - თქვა ბუდანოვმა.

"ჩვენ გვჭირდება Tomahawk-ები ამერიკის შეერთებული შტატებისთვის, ჩვენ ბევრი Tomahawk გვაქვს, მაგრამ ისინი გვჭირდება ჩვენი ქვეყნისთვის, ვერ დავკარგავთ, ის ძალიან ძლიერი, ზუსტი და კარგი იარაღია, მაგრამ ისინი ჩვენც გვჭირდება. ამიტომაც, არ ვიცი, რისი გაკეთება შეგვიძლია ამასთან დაკავშირებით..." | ასე უპასუხა აშშ-ის პრეზიდენტმა, დონალდ ტრამპმა, თეთრ სახლში გამართულ პრესკონფერენციაზე ჟურნალისტის შეკითხვას, ესაუბრა თუ არა უკრაინის პრეზიდენტს, ვოლოდიმირ ზელენსკის, უკრაინისთვის Tomahawk-ების გადაცემასთან დაკავშირებით

დღესვე, მან პუტინთან სატელეფონო საუბარი შეაჯამა და კიდევ ერთხელ თქვა, რომ ის "კარგი და პროდუქტიული" იყო. ტრამპი ვარაუდობს, რომ ბუდაპეშტში პუტინთან შეხვედრა 2 კვირის განმავლობაში გაიმართება:

"მე ვფიქრობ, რომ [პუტინთნ] შეხვედრა დაახლოებით 2 კვირის განმავლობაში გაიმართება, მალევე. მარკო რუბიო აპირებს, შეხვდეს ლავროვს, ისინი მალევე შეხვდებიან... შესაძლოა, მათ უკვე დათქვეს შეხვედრის დრო და ადგილი იმიტომ, რომ მათ ერთმანეთთან კომუნიკაცია ჰქონდათ. ვფიქრობ, რომ ეს იყო ძალიან კარგი სატელეფონო ზარი [პუტინთან], ძალიან პროდუქტიული, მაგრამ მე შევხვდები პრეზიდენტ პუტინს და ჩვენ გადაწყვეტილებას მივიღებთ. ხვალ მე შეხვედრა მაქვს პრეზიდენტ ზელენსკისთან და მას მოვუყვები ამ სატელეფონო საუბრის შესახებ. ჩვენ გვაქვს პრობლემა, მათ ერთმანეთის არ ესმით. ამის გამო, ზოგჯერ ძალიან რთულია, რომ შეხვედრები შედგეს. და, შესაძლოა, ჩვენ გავაკეთოთ რაღაც განცალკევებით, ცალ-ცალკე, მაგრამ თანაბარ პირობებში. ანუ, შევხვდეთ, დაველაპარაკოთ მხარეებს. ამ ორს მართლაც საშინელი ურთიერთობა აქვს. ჩვენ შევხვდებით უნგრეთში, მასპინძელი ვიქტორ ორბანი იქნება... იცით, რომ ეს ომი ჩვენს ქვეყანაზე გავლენას საერთოდ არ ახდენს, ჩვენ არ ვკარგავთ ადამიანებს, ჩვენ არ ვკარგავთ ამერიკელებს, ისინი კარგავენ რუსებს და უკრაინელებს, უმეტესად ჯარისკაცებს. იმედი გვაქვს, ამას შევაჩერებთ. ჩემი ურთიერთობის გამო პრეზიდენტ პუტინთან, ვფიქრობდი, რომ ეს ძალიან სწრაფად მოხდებოდა. ჩვენ უკვე 8 ომი დავასრულეთ და ამ ციფრს 9-მდე გავზრდით"... | თქვა ტრამპმა და დაამატა, რომ მოლაპარაკებებში მისი წარმომადგენელი, სტივ უიტკოფიც იქნება ჩართული.

პარალელურად, უკრაინის პრეზიდენტი, ვოლოდიმირ ზელენსკი, ვაშინგტონში ჩაფრინდა. ის ტრამპს თეთრ სახლში ხვალ შეხვდება. შეხვედრაზე განსახილველ საკითხებს შორის სწორედ Tomahawk-ების უკრაინისთვის გადაცემა იქნება

ტრამპი:
მე ვუთხარი პუტინს: "ხომ არ იქნები წინააღმდეგი თუ რამდენიმე ათას “ტომაჰავკს“ შენს ოპონენტებს გადავცემ?
ეს იდეა მას არ მოეწონა.

ჟურნალისტი:
ცდილობდა თუ არა პუტინი ხელი შეეშალა თქვენთვის, რომ უკრაინისთვის „ტომაჰავკები“ არ მიგეყიდათ?

ტრამპი:
რასაკვირველია, აბა თქვენ როგორ ფიქრობთ? ხომ არ იტყოდა: "გთხოვ, გაყიდე ეს ტომაჰავკები, ძალიან ვაფასებ ამას"?

ტრამპი ამბობს, რომ რუსეთზე ახალი სანქციების დაწესების წინააღმდეგი არ არის, თუმცა ახლა შესაძლოა ამისი დრო არ იყოს.

მან პუტინთან საუბარი პროდუქტიულად მიიჩნია და აღნიშნა, რომ ეს შესაძლოა მშვიდობისკენ წინგადადგმული ნაბიჯი იყოს.

დონალდ ტრამპის ეროვნული უსაფრთხოების ყოფილ მრჩეველს [პირველი ვადის დროს], ჯონ ბოლტონს მერილენდის ფედერალურმა ნაფიცმა მსაჯულებმა ბრალი წაუყენეს.
ბოლტონს ეროვნული თავდაცვის ინფორმაციის გაცემაზე რვა მუხლითა და ეროვნული თავდაცვის ინფორმაციის შენახვაზე ათი მუხლით ედება ბრალი.
სასამართლო ჩანაწერების თანახმად, გასულ თვეში გასაჯაროებულმა სასამართლო დოკუმენტებმა გამოააშკარავა, რომ ბოლტონი გასაიდუმლოებულ მასალასთან არასწორი მოპყრობის გამო ფედერალური გამოძიების ქვეშ იყო აყვანილი.
ბრალდების თანახმად, ბოლტონმა ეროვნული უსაფრთხოების თანამდებობაზე ყოფნის დროს, "ეროვნული უსაფრთხოების მრჩევლის რანგში ყოველდღიური საქმიანობის შესახებ ათასზე მეტი გვერდი – მათ შორის, ეროვნული თავდაცვის შესახებ ინფორმაცია, რომელიც კლასიფიცირებული იყო უმაღლესი საიდუმლო", გაუზიარა ორ არაუფლებამოსილ პირს, რომლებიც მისი ნათესავები იყვნენ.
22 აგვისტოს FBI-მ ბოლტონის სახლი და ვაშინგტონში მისი ოფისი გაჩხრიკა.
ბოლტონის ადვოკატს კომენტარი ჯერჯერობით არ გაუკეთებია.

ტრამპმა განაცხადა, რომ უკრაინის გამო მესამე მსოფლიო ომი არ დაიწყება.

"ვფიქრობ, ალასკამ მართლაც მოამზადა ნიადაგი. და ეს არც ისე დიდი ხნის წინ მოხდა, მაგრამ სწორედ მან შექმნა საფუძველი. უნდა გაიგოთ — მე ამ სიტუაციაში აღმოვჩნდი, მაგრამ მე ეს ომი არ დამიწყია. ეს ბაიდენის საქმეა. როცა მოვედი, სრული ქაოსი დამხვდა. ეს ყველაფერი მესამე მსოფლიო ომამდე შეიძლებოდა მისულიყო. მაგრამ ასე არ მოხდება,“ — განაცხადა აშშ-ის პრეზიდენტმა.

მარიამ მეყანწიშვილი
სიმონ მახარაძე
დავით ღურცკაია
დავით გიუნაშვილი
გიორგი ტალახაძე

ახალი პოლიტპატიმრები

უკრაინის გენშტაბი ოფიციალურ განცხადებას ავრცელებს:

"გვაქვს დადებითი სიგნალები სამხედრო დახმარების ახალი პაკეტების გადმოცემაზე მოკავშირეთა მიერ, კერძოდ აქტიურად განიხილება Tomahawk-ის ტიპის ფრთოსანი რაკეტების და სხვა თანამედროვე სისტემების გადმოცემა."

ტრამპისა და პუტინის მეორე სამიტი შეიძლება უკრაინისთვის „ცივი შხაპი“ აღმოჩნდეს — Bloomberg

ალასკაზე გამართული წარუმატებელი შეხვედრის შემდეგ, ტრამპი ისევ აპირებს პუტინთან მოლაპარაკებას — ამჯერად ბუდაპეშტში. ოფიციალურად — „უკრაინაში მშვიდობის მისაღწევად“, თუმცა ექსპერტების შეფასებით, კრემლი უბრალოდ დროის მოგებას ცდილობს, სანამ შეერთებული შტატები იარაღის მიწოდებასა და ახალ სანქციებს აჭიანურებს.

უნგრეთი, სადაც შეხვედრა უნდა გაიმართოს, ცნობილია თავისი პრორუსული პოზიციებით. ორბანმა უკვე უწოდა სამიტს „მშვიდობის მისია“.

საფრანგეთში უფლებადამცველთა პროექტის Gulagu.net-ის დამფუძნებლის, ვლადიმერ ოსეჩკინის , მკვლელობა აღკვეთეს. ეჭვმიტანილები დაკავებული არიან, მათ შორის — სამი დაღესტნელია.Le Figaro-ს და Le Parisien-ის ცნობით, 4 პირი ეჭვმიტანილია “ვლადიმირ პუტინის ოპონენტის” მკვლელობის მომზადებაში. დაკავებები ქვეყნის სამხრეთ-დასავლეთით, ქალაქ ბიარიცში განხორციელდა. ერთ-ეერთ, ეჭვმიტანილს ტელეფონში ოსეჩკინოს სახლის ფოტოები უპოვეს.
Le Figaro წერს, რომ თავდასხმა ბოლო მომენტში აღკვეთეს.

რუსეთმა უკრაინაზე დრონებით იერიში მიიტანა. აფეთქებებია კრივი-რიჰში. თავდასხმამ მიმდებარე ტერიტორიებზე ხანძარი გამოიწვია. დაზიანებულია სამოქალაქო ინფრასტრუქტურა. დაშავებულების შესახებ ინფორმაცია ჯერჯერობით არ გავრცელებულა.

ანდრიი სიბიგა ტრამპის და პუტინის სატელეფონო საუბარს ეხმაურება:

"ტრამპის და პუტინის საუბარი აჩვენებს, რომ Tomahawk-ების საკითხის განხილვამაც კი უკვე აიძულა პუტინი, ამერიკასთან დიალოგის რეჟიმში დაბრუნებულიყო.

რუსებს აღარ გააჩნიათ სტრატეგიული ინიციატივა და ერთადერთი ინსტრუმენტი, რომელიც მათ აქვთ არის ჩვენი ენერგოსისტემის ტერორი. იმის იმედი, რომ ზამთარი მათ სასარგებლოდ იმუშავებს.

ზუსტად ამიტომაა ასე მნიშვნელოვანი გადამწყვეტი მოქმედებები. ეს იმის გარანტიაა, რომ პუტინს აღარ დარჩება ილუზია და იძულებული გახდება ომი შეწყვიტოს. საკმარის ძალას ევროპაში მშვიდობის მოტანა შეუძლია, როგორც ეს ახლო აღმოსავლეთში მოხდა."

🔴 გორელი პედაგოგები კვალიფიკაციის ასამაღლებლად რუსეთში წავიდნენ. 2-კვირიანი ტრენინგები სანკტ-პეტერბურგის უნივერსიტეტში გაიარეს | ინფორმაციას „ქართლის ამბები“ ავრცელებს

🔴 ,,პროგრამის ფარგლებში დავესწარით ლექციებს, მასტერ კლასებს პრაქტიკული დავალებებით, გავეცანით თანამედროვე ტექნოლოგიებს (ხელოვნური ინტელექტი, სლენგები), მათ შორის ლინგვოდიდაქტიკურ თამაშებს და მოკლემეტრაჟიანი ფილმების ანალიზს.

144 საათიან სასწავლო კურსს თან ახლდა კულტურული პროგრამა: თეატრი, მუზეუმები, სასახლეები, ერმიტაჟი, ფაბერჟეს მუზეუმი, გემით გასეირნება და ხიდების გახსნას და სხვა უამრავი ისტორიული, თუ კულტურული ღირშესანიშნაობა. დიდი მადლობა ჩემს უსაყვარლესს ლექტორს, პროგრამის ხელმძღვანელს და უფროსს მეგობარს...

უპირობოდ მიხარია და მიველასმები ყველა იმ ადამიანის მონდომებას, შრომას და წარმატებას, ვინც მუდმივ განვითარების პროცესშია და ცდილობს იყოს თავისი საქმის პროფესიონალი. მადლობას ვუხდი იმ ადამიანებს ვისაც ჩემი წარმატება გაუხარდა“ — წერს გორის მერვე საჯარო სკოლის პედაგოგი

“ტომაჰავკების“ მუქარამ პუტინი დააჩქარა, — FT.

ექსპერტები აღნიშნავენ, რომ „ტომაჰავკის“ რაკეტები, სავარაუდოდ, ბრძოლის ველზე სიტუაციას ვერ შეცვლის: აშშ-ს შეზღუდული მარაგი აქვს და ხმელეთზე განლაგებული რაკეტების გამშვები სისტემების დეფიციტი აქვს.

მიუხედავად ამისა, თუ ტრამპი ნატოს მოკავშირეებს კიევისთვის მათი შეძენის უფლებას მისცემს, ეს მოსკოვის მხრიდან უკრაინისადმი მზარდი მხარდაჭერის მკაფიო სიგნალი